潮州合成甜品

营业中

休息中

朋友介紹之下嗰度呢間合成糖水有幾咁好食，見到幫襯嘅人都幾多，水準應該有返咁上下，就諗住食個糖水先走。等左5分鐘到就可以入去。一人一個唔使爭冰花蓮子雪耳清心丸，冰花蓮子雪耳，腐竹百合上台先發覺四本野嘅顏色差唔多我食嘅係腐竹百合食落甜甜地但唔覺得火候好夠，只係似落咗冰糖嘅糖水。腐竹睇相都可以見到一塊塊完整無缺唔係煲到爛晒/半爛既狀態。百合食落唔甜而且仲要有啲係爛爛地，食左一半就冇再食。報紙介紹多羅羅，不過完全唔好食。佢賣嘅係廣告，報紙介紹，人流量多而非食物質素好，而且食糖水來講佢都算幾貴。唔會再黎！

合成糖水呢間老字號又細食到大，由我細細個幾歲嘅時候已經跟住媽媽，拖住我隻手仔帶我來呢個呢度食佢哋嘅清心丸，到到我大個過左之後，輪到我夜晚帶着清心丸糖水返屋企俾媽媽食，一粒一粒晶瑩通透嘅清心丸，清甜嘅蓮子百合糖水，每一碗糖水每一個故事，陪着香港人你同我長大嘅一間老店今日約咗認識10多年嘅老朋友，黎返呢間糖水店，蓮子百合清心丸糖水，蓮子百合嘅清香，甜絲絲嘅糖水，仲有我嘅最愛煙煙Unun晶凝通透嘅潮州清心丸，完美無瑕配合，味道依然，全香港最好食嘅清心丸糖水，識食一定係食熱既， 已經係晚上11點仍然係座無虛席，有時食得太多好西，反璞歸真，食返啲美味又平凡樸實嘅中國傳統無花巧，單純嘅味道，未嘗唔係一件好事？朋友就點左紅豆沙一碗綠豆邊馬蹄沙清心丸，綠豆邊唔係度度都可以食得到，綠豆邊係類似端午節種裏便嘅綠豆咁，去咗殻，放入湯水裏面煮，傳統又好味地道嘅潮州糖水，一間陪着獅子山下你同我成長嘅出色中式糖水老店！

早前有斷食同學來港一遊，為了一盡地主之誼，平時不應酬的我都出席飯局，我地一行八人去了九龍城新三德打邊爐，打完邊爐已經半飽，某位神級港女同學意猶未盡，不停說服各位轉場，並死推街口老店潮州合成甜品 ，因為那裡有清心丸云云。不久之前，我曾寫過另一篇文關於這間舊式甜品舖，其實自己就麻麻，亦覺得那清心丸被吹捧得太厲害了吧，可能我對沒煮過，溝埋一碟的車仔甜品沒什興趣。看一下我們八人叫了什麼吧！上枱後我懷疑其他人全中了湯丸毒？怎麼可能八個人有30多顆湯丸的。我仲記得姐姐問要不要加擂沙湯丸有人答要！擂沙湯丸同湯丸是同類，沒常識嗎。我沒有點湯丸，樂得清閒睇人食湯丸。綠豆邊蓮子清心丸加薏米走奶 （冷）清心丸出面少見所以點，並不因為太好吃必點，口感煙韌QQ的，有點涼喉感，蓮子是整碗甜品中最可取的，因為沒有煮都淋晒，而且粒粒圓渾渾的沒一粒有苦味。整體調味不太甜，熱食與冷吃只是加了冰塊，都是車仔麵的執藥方式。綠豆邊煮得不太溶，留有咬口我喜歡，但如果喜歡淋身的，這裡該不是你杯茶。30幾粒湯丸，怎會吃得完尾聲時我也分了一顆， 皮不算薄身，餡也算多，淡黄色的薑湯味淡，只屬一般貨色吧！注意，點甜品加的湯丸是一客四顆，並

去九龍城食完晚飯，通常都會食埋個糖水先會心足，今晚亦唔例外。食中式糖水潤一潤佢，黎得合成食，一定要食有蓮子既野!!因為真係好好食!叫左4碗，蓮子腐竹蛋、蓮子腐竹雪耳、蓮子薏米百合、紅蓮燉雪蛤。一如以往蓮子依然無得彈，蛋好滑好大隻，腐竹冇咩特別，雪耳都係爽口既，雪蛤都Ok，薏米同百合冇咩特別。不過其中一位朋友個碗就得兩粒蓮子係入面，仲要係唔完整既狀態，可能係佢唔好彩掛

星期六下午無嘢做, 一個人走左去九龍城買泰國嘢, 買完後突然想食甜品, 即時諗起合成糖水。以前我係附近返工成日去呢間糖水店食嘢架, 好懷念以前糖水當LUNCH的日子!  入到去, 還是和以前一樣, 一齊也是舊舊的, 但又很乾淨, 感覺很舒服。也許時間還早, 今天只有我一個包場!叫左一碗我最愛的緑豆邊清心丸, 大大碗的, 淡淡的甜味, 加上很有咬口的清心丸, 還有淋淋的開邊緑豆, 正! 食左半碗, 已經開始飽, 因為佢D料真係好足, D開邊緑足多到好似成碗飯咁!  反而我最愛的清心丸份量較少... 下次要加多份清心丸先!

間懷舊潮式糖水舖, 好多時去九龍城食晚飯時都經過, 但就一次都未去過! 今次係友人既帶領下入去食糖水, 對於潮式糖水無咩概念, 友人就推介我先食呢碗綠豆邊清心丸($35)作為入門之選! 有冷熱選擇, 我食熱, 食落粒粒綠豆邊(即去皮綠豆), 加上有嚼勁既清心丸, 甜度適中, 份量都幾足, 一個人食晒都幾飽, 估唔到潮式糖水都唔錯, 下次可以再試第二樣!

消夜食糖水是常識吧，九龍城合成應是不錯的選擇。在門口等了数分鐘便可入座。睇見個餐牌，立即 O 咀，咁多款點揀，好在有個資深員工，你講想吃咩糖水，佢就立即提供糖水编號供你參考，這員工年紀不少，年约六十多歲，記性真了得，比個like佢。潮州冰花紅綠豆西米百合，這裏百合，蓮子是出名鬆化的。紅 ，綠豆都好林。椰汁蓮子黑糯米，真材實料。我吃了蓮子雪耳百合。雪耳好爽，蓮子百合不用多講了。這店每碗糖水都有相當充足的材料，不會糖水多多，餡料少少。這些傳統糖水仍屹立不倒，真有一套真功夫

家鄉蓮子綠荳邊($31)九龍城既潮式糖水店，多數入去都係食呢一款🤓。綠荳邊即係冇左外皮既綠豆，食落口感細緻好多，每落都係一壓就會變粉，但又粒粒分明，配埋好甜既蓮子同糖水，成個人即刻暖曬。料比水多，食完都幾飽架。

馬蹄沙係香港真係好難揾到 整得好既馬蹄沙就更難揾到！佢真係將馬蹄切得好細粒 有口感之餘又可以做到沙既感覺 材料份量亦好足 啖啖都有蛋花同馬蹄~ 甜度亦適中~另外 蓮子都非常好食！十分鬆化 一咬就係口化開！香且完全唔會苦 不愧係佢地既招牌！黎呢到一定一定要食有蓮子既甜品清心丸其實係潮州甜品 係一舊舊冇乜味既透明既糕 煙煙韌韌咁 都幾得意架 依家好少地方可以食到 配埋凍既糖水食既時候 感覺會特別清爽 所以叫做清心丸~佢既份量都幾多架 食完都飽唒佢一部份既綠荳煮到好溶 成為少少起沙既綠荳沙 佢屬於比較水狀 但係都係有濃郁既荳香 另外又有一d係未溶唒既 綠荳可以俾我地咬下有d口感 不單只綠荳 仲有幾粒超鬆化蓮子 真係一碗好好食既高水準中式糖水

冰花蓮子雪耳清心丸味道清甜而不膩，加入花奶，更加香滑令人難以抗拒!雪耳十分晶瑩剔透，入口爽口!雪耳索左糖水既味，更加可口!初時以為清心丸會係圓滖滾的似湯圓，原來清心丸反而似涼粉，呈方形狀，咬落煙韌~成碗糖水配料十分豐富，令人好滿足!!

平時食西式甜品就食得多，食潮式糖水都係第一次!一間小小既潮式糖水店選擇一d都唔少，糖水既款式多到令人花多眼亂難以決定!!最後男友幫我orderk左腐竹意米清心丸!腐竹糖水一向我既最愛，無諗過腐竹可以加意米、清心丸混成糖水!清心丸對於我黎講十分新奇，因為從來都未聽過食過!!清心丸原本似透明既啫喱，咬落煙煙韌韌，非常有嚼口!腐竹份量算多，而且唔會煮到好爛好碎，增加了口感!成整碗糖水味道清甜，唔會太甜膩。想不到中式糖水都可以咁好食。

呢間其實食左好多次 都覺得唔錯 佢好野簡 鍾意點配搭都得 仲要好好食 中式糖水我覺得佢贏晒 點知琴日都中左伏 琴日叫左個新野就係圖中呢碗以為好似蕃薯糖水既糖水 點知黎到一望點解個蕃薯係白色既 好古怪 再望一望 佢應冇比錯 咁可我唔識野 就再試下啦 佢呢隻蕃薯好似淮山既口感 爽口 好脆 同埋好痴林林 佢營養太豐富 口感完全唔係我諗個回事 雖然其他配料都好好食 百合好大塊 好厚身 蓮子都好林 唔會有苦澀味 個芝麻湯圓好多芝麻 好香 湯圓大大粒 好彈牙 不過因為個湯水係結撻撻 同埋好似甜左小小 食個個感覺好古怪 好核凸 最慘係想放棄既時候 個姐姐比張單黎 一望呢碗野成69蚊 貴到我嚇左一跳 點都要食埋佢 真係灰爆 可能我唔識欣賞啦😭😭😭 見佢平時價錢都係3 4十蚊 冇留意到呢碗咁特色既貴咁多😫😫😫同埋我琴日可能太早黎 夜晚十一點到 好多人 d人講野係要大叫 我仲要坐左樓上 又逼 又嘈 嘈到隻耳仔好痛 好辛苦 平時要搭台都好似正常好多咁 真係驚鬼左 以後唔過12點都唔黎😔

九龍城, 泰菜館多之餘, 有關潮洲的食品店也很齊全, 在九龍城, 除了可以找到潮式打冷店, 糕餅店及雜貨店, 可以買到很多新奇的潮州小吃, 例如粿, 蝦棗, 蟹棗, 魚飯, 獅蚶等. 亦有難得一見的潮式糖水店.打開餐牌, 發覺潮式糖水的款式跟一般糖水鋪大相逕庭, 見到平時難得一見的清心丸糖水, 當然要連點兩碗才行!冰花蓮子雪耳清心丸 ($30)糖水“冰底”是用冰糖淆製而成, 味道清甜而不膩.店員姐姐問我們加不加花奶, 我認為一定要加, 加完之後, 化身成跟台式牛奶冰一樣, 好吃得很!蓮子一向給我的印象是苦澀的, 但合成糖水的蓮子是清甜的, 不會令人抗拒! 事關每粒蓮子都經過精心挑選, 粒粒圓渾飽滿, 加上特別的烹調工序, 繼而做出鬆化又甜美的效果. 雪耳朵朵雪白而爽口, 清心丸爽口又略帶煙韌, 很好吃!吃完這碗糖水, 真的令人有飽足又清潤的感覺.冰花腐竹雪耳清心丸 ($31)跟前一款糖水差不多, 這款多了腐竹, 腐竹好軟綿綿, 且富有豆香, 胃口小的女生可以點一碗來代替一餐呢!

潮州妹最愛的糖水, 這裡食總想起一個人...而門口那個建築總覺得好似回到汕頭老城一般, 真的很有風味! menu 難得見到 " 潮州綠豆邊" , "清心丸" , "馬碲沙" , "蓮子" 這些組合, 真的是識食的潮州人才會很欣賞蓮子雪耳清心丸 不會太甜的糖水, 很清甜, 蓮子質素很高, 咬下時有點粉, 入口帶蓮子本身的香甜清心丸比汕頭的更大粒, 而且彈牙爽口! 很喜歡這個糖水呢 潮州喳咋跟香港的傳統喳咋很不同, 有綠豆, 西米, 紅豆, 蓮子, 百合...這個組合跟平時香港食開大大粒喳咋的口感很不一樣, 口感比較細膩, 是另一種層次怪不得年初三還是門庭若市, 老字號的潮州魅力果然很高! 

位於九龍城的合成，有好多年歷史。每晚甜品時間總有外賣堂食人龍。合成出名蓮子好鬆化，微甜的我好喜歡!仲有私心推介的清心丸和杮餅，呢兩個唔係好多地方有得食。熱辣辣的糖水base, 好清潤，冬天食完成個身會好暖。加上潤肺的杮餅，爽口的清心丸（呢個我每次都會叫），真係好暖胃。加上又不是太甜，啱哂咩年紀的人。而男朋友就點了右邊的，黑糯米配雪糕。個雪糕好creamy好重牛奶味，雖然只係普通的雲尼拿味，但食落去種感覺係雪糕車的硬版，好有舊時的感覺。加埋落個熱熱地的黑糯米度，溶的時間比較快，不過都好特別。