潮味苑

营业中

休息中

朋友成日都話特登黎食潮味苑，住係呢區咁耐，自己反而無食過，今日咁岩要去鴨寮街，順便黎試下！見到門口掛住既打冷野已經覺得好正！食潮州野一定要叫滷水拼盤，好似都係$128，但超大碟，3-4人食都夠！！有齊生腸墨魚鵝腸豆腐等等～生腸好爽脆～因為滷水拼盤無鵝片，所以另外叫左個鵝片飯，鵝肉好滑唔肥，又大碟，抵食又好好食！另外仲有粉麵既選攝擇，牛雜都好正又淋又入味，已經好飽試唔到蠔仔粥，下次想試埋先！佢既魚皮都係必食架可以一試！

潮州菜一直是個人最愛菜式之一，最近知道深水埗區內，有一間出名的潮州菜，當然要試過真偽。店內的明檔，有很多不同類型的潮州小食，令人眼花撩亂，垂涎欲滴。店內裝修簡約，極具街坊小菜的風味。滷水鵝件$108，滷水味道適中，鵝件份量都算多，鵝肉味道香甜，配上潮式蒜香醋，味道更佳，又不會覺得肥膩。烏頭$128，選用了元朗養殖場的烏頭， 魚的黃油在魚皮表面，肉質香甜，是急凍的烏頭無可媲美的。點些普寧豆瓣醬，味道更佳。蠔仔粥$52，蠔仔份量十足，尺寸頗大，還有些方魚干和土魷絲，令到味道層次更加豐富。

次次經過都人山人海😂啲朋友都話出名平靚正🔅今次排左一陣就到我地入去食啦😇岩岩先坐低聽到好多人都叫鵝片飯‼️同埋好多客人黎買外賣🈵完全唔受疫情影響😌.🐮清湯牛腩河 $30依個年代30蚊仲可以食到牛腩河😱真係無幾多間餐廳做到😂本身都覺得30蚊唔會比到啲咩質素既上黎😐上到黎嘩❗️左一聲真係平民美食呀😇料好多，牛腩仲要好淋🤩緊直係平民美食😍啲牛腩仲要係入味唔老，真係唔錯🤩仲要肥瘦岩岩好.🦆鵝片飯 $68人人都叫鵝片飯，我點可以錯過呢🤪啲鵝片切🔪到好薄🤩仲要隻鵝少少🤏肥多多肉😇完全係片皮鴨不過轉左用潮洲做法😊再配埋秘制汁，送飯簡直係一流☺️.🦪煎蠔餅 $78啲蠔仔🦪多到嘩左聲😂啲蠔仔仲多過啲麵粉🤪岩晒我依啲中意食蠔既人🥰蠔餅配魚露，唔可以點太多😂如果唔係會蓋過佢嘅鮮味❗️

好耐冇去過打冷，有friend介紹呢間幾抵食，一於收工過嚟試吓啦選擇都幾多，價錢實惠，堂食同埋外賣都好抵。我哋兩個人嗌左四碟嘢，眼闊肚窄先來一碗豬肚湯，都幾多料的，一碗份量已經好多，夠兩個人！打冷必食炸蠔餅大大碟，蠔仔大隻肥美！點少少魚露食，好味仲有必食嘅鵝片！！！滷得幾入味，鵝肉甘香，肉質細嫩，而且肥膏唔多，可以連皮食 好邪惡！主食叫咗糖醋麵，呢樣野都唔係間間打冷舖有得食！糖醋麵做得好香脆，一人兩件已經好飽打包返屋企焗熱都仲好好食！呢度啲嘢食都幾好，下次試吓買外賣返屋企加餸

和朋友平常喜歡到處尋找地道美食, 今晚來到了深水埗區, 來到這一間很受區內街坊歡迎的潮味苑, 晚飯時間可能需要等位。蠔仔粥$52本人是蠔仔粥愛好者, 去食潮州菜總是愛選蠔仔粥, 粥仔大大粒又飽滿, 滿有鮮味, 加上豬肉、蝦乾等材料, 熬出鮮甜湯汁之餘, 令這個蠔仔粥口感亦相當豐富, 而且份量不少, 很抵食。韭菜豬紅$52因為想吃點菜就叫了這個, 想不到豬紅有驚喜, 入口爽滑, 而且入味, 是有味道的豬紅, 豬紅比例較多, 韭菜較少, 美中不足是有點油膩。煎蠔餅$78店裡有煎蠔餅和炸蠔餅選擇, 擇了煎的沒那麼熱氣, 入口很有蛋香, 煎得剛好, 不會太焦, 蠔仔也是大大粒, 滿口蠔鮮味, 好像食蠔pizza一樣, 一流。滷水拼盤(小)$128滷水拼盤有鵝腸、蛋、紅腸、豆腐、墨魚、豬頸肉、豬腸、腎、肝、珊瑚蚌等，種類繁多，滿豐富和吸引的，滷的味道剛好不太鹹，點上專屬的醬汁更滋味。如果多人可以叫大拼盤，有滷水鵝更開心。品質一流的潮州美食小店，難怪明星都去光顧，既抵食又好食，我也會回來吃呢。

最近疫情慢慢受控，確診數字下降，終於餐廳開放晚市堂食。今晚相約朋友到深水埗近西九龍中心的潮味苑，因為朋友最喜歡貼地又受街坊歡迎的小店，這間餐廳就最合適了。 食打冷，基本上都是為了蠔仔粥、滷水、韭菜豬紅和蠔餅這4款名物，朋友不想吃煎炸食物，所以今次沒有點蠔餅。 蠔仔粥可以選一碗或一鍋，兩個人其實有點尷尬，二碗又唔夠喉，一鍋又太多，但最尾還是覺得一鍋更划算。這鍋粥非常足料，用料非常豐富，有肥美鮮甜的蠔仔，還有肉碎、香芹、方魚和香蔥，美味鮮甜，連湯把整鍋粥食清光，一滴不剩。滷水鵝片另一樣打冷必食就是鵝片，鵝片色澤光亮，鵝肉肉質幼嫩，香而甘甜，另外墊底的豆腐芽菜盡吸滷水和鵝油的精華，非常入味。韭菜豬紅韮菜新鮮脆綠，豬紅質地爽滑又滑，味道惹味帶點辣，完全沒有腥味，而且份量又多。這打冷三寶全都用料十足，肥美鮮甜，非常抵食。

之前見有人推介呢間深水埗潮州菜，食正宗打冷同小菜，有滷水、蠔餅、九肚魚等等依家仲有特價外賣，都幾抵食，得閒買返一兩個餸返屋企食，又唔洗煮🤣.滷水鵝片飯 $68鵝片飯係其中一個餐廳推介，色澤幾靚，塊塊都大大片啖啖肉，鵝味濃郁，唔會好肥，仲有芽菜、花生墊底，店員比左好多飯我🙈而且仲配有碗湯，非常飽.滷水豬手、豬耳、豆腐 $61叫左三款滷水，份量比想像中多，豬手骨膠原好重，而且滷得好入味，皮爽肉滑，帶點咸香，豬耳相當厚切，質感爽口，相當好味😋反而豆腐就唔太夠味，不過都幾滑

📍潮味苑 (深水埗)深水埗長沙灣道254-258號亞洲大廈地下A舖禁哂堂食唯有嗌外賣翻屋企加餸啦！今次試#潮味苑 既鴨舌同豬手👅豬手份量都好多下 肉質軟硬適中👍🏻而鴨舌都唔錯架~滷鴨舌十分入味！ 正啊

實力保證老牌潮州店一個飯$48 （豬手飯、五花腩），好有潮州香味，醬汁好正宗，好有潮味的味！五花腩同豬手份量都好多。.而且又有荳芽、豆腐在飯盒底，豐富份量足呢。又有例湯送，湯份面有白蘿蔔，飽足！.見到門口掛住燒鵝、其他滷水食物，全部都好靚下次都想試。.環境方面中午沒有開放堂食，不過看起上來就比較逼夾。

餐廳：潮味苑 (深水埗)地址：深水埗長沙灣道254-258號亞洲大廈地下A舖每個人都會有犯錯、犯罪的時候，但當別人語重心長地勸勉你，或希望你回轉時，你會否願意謙卑接受，拐彎走回正路？求神幫助我們不要偏離祂的真理，當有身邊人提醒我們時，虛心、誠心地聆聽並改變，對神來說是一件喜悅的事。求神也給我們勇氣和愛心，用祂合意的言語和行為去幫助身邊迷失的人，使他們回轉歸向神由細到大我都好鍾意食蠔仔粥🦪，前排出開深水埗，去咗呢區都算出名嘅潮味苑食返呢個由細到大嘅潮州名粥，佢地有一碗同一碢揀，我一個人食緊係叫一碗啦鎮店蠔仔粥 $52本身見到價錢中規中矩，但原來碗粥黎到我先知係物有所值😍，成碗粥超足料，有接近20粒蠔仔🦪，而且有大量嘅肉碎、柴魚乾、魷魚絲🦑、芫茜蔥等，粥底係潮州粥底，每一啖都充滿海鮮同蠔香😋，對於鍾愛蠔仔粥嘅我黎講簡直就係滿足🥰每日經文：我的弟兄們，你們中間若有失迷真道的，有人使他回轉，這人該知道：叫一個罪人從迷路上轉回便是救一個靈魂不死，並且遮蓋許多的罪。——‭‭雅各書‬ ‭5:19-20‬

唔知大家鍾唔鍾意食潮州菜呢？🤔 呢間潮州菜館就貼哂好多傳媒或者電視台嘅採訪，水準真係好之餘，都幾抵食喎。⁣⁣⁣😂⁣⁣⁣招牌炸蠔餅（$78）［好味度：8.5/10］⁣⁣⁣⁣⁣⁣⁣⁣呢碟蠔餅上枱嗰陣時，真係畀佢嘅份量嚇一嚇。😯 竟然有足足三大塊蠔餅。🤤 蠔餅新鮮炸出嚟，真係好香口。🤪 再加上呢入面都足料，入面啖啖蠔仔。😌 再加上啱啱好嘅蛋漿，外脆內軟，配埋蠔肉鮮嫩多汁，確係好正。⁣⁣⁣😍⁣⁣⁣滷水鵝片（$118）［好味度：7/10］⁣⁣⁣⁣⁣⁣⁣⁣另一樣打冷必食嘅就係鵝片嘞。😬 鵝片嘅色澤好靚，鵝味濃郁，塊塊都大大片，而且啖啖肉，好正。👍🏻 而且⁣鵝片下面嘅豆腐都好入味。⁣⁣😉⁣⁣⁣反沙芋（$98）［好味度：7.5/10］⁣⁣⁣⁣⁣⁣⁣⁣潮州菜另一樣考功夫嘅菜式，就係呢個反沙芋嘞。😝 而呢個芋頭都真係確六面完全有糖包裹住。👌🏻 而且都好大份，好有外脆內軟嘅口感。⁣⁣😆

疫情嚴重，日日食外賣，今日到食潮州菜。店舖位於長沙灣道近政府合署馬路口。入去嗌外賣見佢地做到冇停手，好多網上外賣平台單。.🔸鵝髀飯($98)分數: (7.8/10)好入味，超多肉，肉夠嫩，皮薄附著少許脂肪，連埋一齊食超正。配有兩大舊白蘿蔔，好腍。.🔸牛腩飯($48)分數: (6.6/10)味道不過不失，肉唔韌，點埋佢哋自製辣椒油係唔錯。又係跟埋兩大舊白蘿蔔。.🔸韭菜豬血($52)分數: (6.8/10)極多豬紅，一啲腥味都冇，仲幾煙韌，韭菜好爽，可以再煮腍啲。.🔸飯湯嗌一個飯就會送一個飯湯，飲落有啲胡椒味，鹹味，唔係太知係落左咩。

一向很喜歡吃潮州食品，這間食店已經不是第一次光顧了，上一次已經覺得 食品不錯，而且位置也很方便，今天在和家人來到這裏，品嚐了不少的潮州食品，這裏的服務絕對是殷勤，而且店員都很有禮貌。鹵水鵝拼鵝腸拼墨魚片。鹵水拼盤尚算大碟，先食鵝片，好有口感又唔韌，真的一啲唔黐牙 ，再食墨魚片，薄薄一片，非常爽脆，鵝腸冇腥臭味，各款都好淋滑，食落唔覺太多味精調味料。椒鹽九肚魚椒鹽九肚魚沾上薄薄嘅脆漿，色澤金黃，咬一口香脆軟滑又唔油膩，吃到停不了，更勝一般酒樓。豆醬通菜這碟通菜都幾大碟，炒得青綠，配少少豆醬洽當， 鑊氣十足兼少油，美味好吃。蠔仔粥蠔仔粥大大碗，二人份量，飯粒軟滑，加上蠔仔大大粒，配上肉碎，方魚，香蔥，少許芹菜碎，味道啱啱好。

潮味苑深水埗長沙灣道254-258號亞洲大廈地下A舖今日收工又去搵好嘢食 突然之間好想食打冷 但出名嘅打冷舖喺天后同北角 喺九龍返工嘅我費事過海 所以就去咗深水埗試呢一間打冷舖 喺門口已經見到有各式樣嘅滷水放喺櫥窗旁邊 未食就已經覺得好吸引 舖頭內嘅位唔算好多 的確有少少迫 但係我覺得咁樣先地道 店員非常之殷勤 友善 而且有禮貌 好快就已經帶咗我入座 今餐一共嗌左四樣嘢第一樣係蠔仔粥 因為得兩個人食 所以只係嗌一碗 佢另外仲有一鍋揀 本身以為一碗好少 只係夠一個人食 點知原來係用出面食湯河嗰種大碗店員一拎到上枱就見到碗粥好足料 入邊仲有好多隻蠔仔 而且非常之新鮮同飽滿 一啲腥味都冇 碗粥既香料又多 又鮮味 真係好正 個粥底食得出加咗好多料去煲 鍾意食蠔仔粥嘅一定要試吓第二樣係諗都冇諗到咁好食嘅欖菜肉鬆四季豆，個味道啱啱好 唔會好鹹又唔會好油 估唔到打冷舖嘅上海菜式都可以整到咁出色第三樣係打冷舖嘅主打滷水拼盤 因為得兩個人食 所以就帶咗個小拼 但係唔好以為份量好少 一拎到上枱我同朋友都嚇親 因為真係好大碟 而且種類非常之豐富 每一樣款式都唔係得一兩舊 小拼盤入邊有鵝腸 紅腸 豆腐 花生

收工經過深水埗嘅時候，見到呢間潮味苑有唔少人買外賣加餸，店外已經見到唔少潮式鹵味，睇落都幾吸引，而且門口更有陣陣嘅香味傳出，反正到晚飯時間，就同埋朋友一齊入去打個靚冷。店內地方唔算好大，只係街坊小店，不過都有唔少捧場客。 見到唔少人都有叫墨魚、鹵水鵝、鵝腸之類既鹵味，一於都叫個鹵水細併，墨魚同鵝腸爽口彈牙，豬頸肉質結實香口，鹵水汁都幾入味，食得出用左唔少香料，都幾香。打冷又點可以唔食蠔餅？呢個蠔餅一上檯已經忍唔到口，係咁食食食！大大塊嘅好餅十足Pizza咁，足足有四大層，大份過坊間唔少店舖，蠔仔大隻又鮮甜，炸得脆卜卜，好鬼香口，雖然熱氣，不過真係必食！唔係間間打冷都有得食嘅潮州炒麵線，足料得嚟，好有屋企嘅味道，食落香口，朋友食左好幾碗！金不換炒薄殼米，聽講唔係成日有，係當造先有，咁啱今日有貨，咁好彩先食到，我就未食過薄殼，所以對於我嚟講都幾新奇，味道介乎於蜆仔同迷你青口之間，鮮甜惹味，同金不換好夾，非常特別。兩個人食咗三百零蚊，但食物嘅份量起碼有三四人份，味道又唔錯，性價比好高，下次嗌多啲朋友一齊share先得，真係飽到捧住個肚走。