潮味苑

营业中

休息中

潮味苑算是老字號的潮州餐廳一碗清湯腩$30在哪裏可以找到？另外也有特價外賣，我就買了半斤豬頸肉回家斬料吃，$51口味是有潮州滷水風味，入面人很多。窗外掛住不同的燒味，滷味，很吸引呢。估計老闆也是潮州人踏實做生意，所以即使疫情期間也不失食客。

這家在舊區的地道潮州小店，其實已食過好幾次，店舖裝潢一般，坐位也有點迫。吸引我一去再去的原因，只因太掛念炸到金黃的蠔餅，真的太好吃，抗拒不了🤤。🔹潮州炸蠔餅蠔仔很新鮮而且份量十足。炸粉恰到好處，炸得金香鬆脆，非常可口，但食著不會滿口油膩。這店蠔餅可煎或炸，食過煎的也不錯，但還是炸的比較好吃。🔹滷水拼盤有大墨魚、豬大腸、生腸、豬耳、豬頸肉、紅腸、白蘿蔔、鹵蛋。尚算入味，但可以更入味😂。🔹豬手飯本想點鵝片但賣完...豬手頗入味，但燜得不夠淋。

作為一個潮州人周圍食潮州打冷基本上就係我嘅日常嗜好今次食嘅呢間潮味苑可以話係完完全全富有潮州特色仲令我有啲掛住鄉下添今次兩個人嚟食所以只係嗌左碗裝蠔仔粥份量啱啱好！入面仲幾多蠔仔架！我老公最鍾意食韭菜豬紅不過今次見到佢餐牌除咗豬紅仲有鵝紅平時街市都難買即刻點嚟試一試口感比豬紅更軟食過番尋味！另外當然唔少得滷水拼盤啦鵝腸就最蝦人整架啦佢嘅鵝腸依然爽口！仲有就係好肥好邪惡嘅五花腩～我哋嗌多咗個豆醬炒菜炒得好香口份量仲好大添呢個時候坐我對面嘅食客飲緊天地1號對眼即時發光完完全全係我喺鄉下（潮洲）嘅童年回憶啊！

辦年貨停不了， 放了工繼續在深水埗努力，晚飯時間又到，食過潮味苑，水準不俗，反正在附近，可以再去試。雖然是小店， 但招呼殷勤，除了主動介紹菜式，還幫我們把麵條剪開 餸菜牌掛在牆上， 看得清楚又可以當裝飾竟然有張滿地黃葉的畫， 視覺上好突出，中西風混合🤩🤩蠔仔粥蠔仔肉碎超多，還加了乾魷魚絲，粥底鮮甜，食到正宗味道🐮四寶麵有牛腩，牛筋，牛肚， 牛蒡， 牛味濃沃，配菜蘿蔔， 夠味又冧，超正 麵條爽口滑溜， 簡直是喜出望外😀😀烏頭魚肉厚大條，2個人都食唔哂精制黃豆醬， 簡直是絕配特別留意到有個標籤，原來是証明 產地來源， 沒有冒牌，食得安心😘😘元蹄拼鵝腸試下新的組合， 元蹄過瘦反而冇咁滑， 鵝腸好食爽口 墊底的豆腐軟綿綿，花生惹味， 大豆芽菜清甜，潮味豐富門口擺放了特製醬汁， 任君選購，買了樽好味黃豆醬回家品嚐食唔夠，還可以外賣回家 😜😜

同我個best fd食團年, 今次我地選擇左食打冷我同我best fd, 講起打冷, 就會諗起鵝片, 諗起鵝片, 我就諗起潮味苑, 我就帶左我個best fd 去啦鵝片-$118鵝片者, 無骨也! 啖啖肉, 爽呀! 食落鵝肉都仲係咁嫩口, 口感好好, 而佢既鹵水汁仲要係味道好好, 唔會一味死咸, 肉入面都好入味, 而且仲有好多塊, 抵呀!手撕雞-$98團年又點可以無雞呢? 我地就叫左手撕雞, 佢有好多蒽汁味同麻味, 令嫩滑既雞肉增添惹味, 我唔鐘意食蒽都覺得正蠔仔粥-$52蠔仔粥, 雖然係叫細, 但我地每人都分到三碗仔, 正!!! 蠔仔1D腥味都冇, 而且仲加入柴魚等等, 增加味道之餘增加口感, 我覺得蠔仔粥係黎潮味苑必叫的牛腩米-$30牛腩又係另一樣必叫的, 潮味苑實在太多必叫了! 牛腩係每舊肉嫩口有牛味再帶少少肥, 口感味道不得之了, 味道仲完全滲入米粉度, 潮味苑令平平無奇的牛腩米變得不平凡食左咁多樣必食的, 又食得勁飽, 都唔洗$300, 真係又平又抵食, 點可以叫我唔再黎呀

今天晚上又約了朋友出一起食飯兩個人都突然好想食潮州菜朋友找到了位於深水埗的這一間 — 潮味苑於是便來了這裡試一試門口已紅見到掛滿了鵝隻充滿潮州風味牆上貼上了滿滿的照片好多名人幫襯過滷水鵝片吃潮州菜當然要點鵝啦鵝片例牌 每一片大大塊點上酸汁 肉質軟綿味道十足鵝片底仲有滷水滑豆腐、芽菜和花生 好足料鎮店蠔仔粥（一碗）細蠔仔粥分量都唔少啖啖蠔仔配上魷魚乾、鹹魚粒和豬肉碎 灑上蔥花 入口味道十分香 口感亦豐富椒鹽九肚魚九肚魚外脆內軟 金黃鬆化配上香蔥炸蒜 點上汁料 很惹味

成日路過都見坐满晒人,聽人講先知原來略有名氣,係一間比較正宗的打冷見今次經過未開始多人,即克拉左朋友入去食一次先門口有好多滷水,款式好齊全咸蛋黃炸魚皮,魚皮比較厚身質地比較實一點,但都好香咸蛋黃味滷水拼盤有鵝腸,紅腸,蛋,豬腸好爽口,滷水好好味煎蠔餅好鬆化,好多蠔蛋漿唔厚,即叫即煎,好香口,超好味,牛腩河牛腩好淋,牛肉味好重,無咩肥羔,湯底好濃牛腩味,好正蠔仔粥蠔仔大大粒,而且好粒,粥底好味,份量十分多,最少2個人先食到一碗

晚餐有啲夜食，見肚餓，是旦就搵左呢間鋪食野，一入到去老板勁有禮貌，服務又好好，好少食店啲服務係勁好。射左陣碗麵黎到，啲麵夠彈牙，但可惜湯底有啲咸，但啲魚蛋同水餃都好好食。

今日同朋友去開睇電腦，睇完後突然好想食打冷，就去咗電腦商場附近呢間餐廳食潮州菜，一試之下發覺呢度啲食物真係超高質鵝片拼鵝腸：打冷就一定要食鹵水拼盤，而當中鵝片同鵝腸都係我的至愛。個拼盤中鵝片有成7-8片，份量都唔少，同埋鹵得好入味，鵝肉又唔會好老好"鞋"，非常不錯；鵝腸真心非常非常好食，好嫩滑，又夠入味，一流韭菜鵝紅：市面上一般食都係韭菜豬紅多，鵝紅比較少食到。鵝紅非常有質感、挺身，而且好大片，同食豬紅的感覺很不同。鵝紅掛到很多鹵水汁，連埋韭菜一齊食，超正蠔仔粥：我地叫咗一碗，但其實份量都唔少，我地兩個人share都夠。蠔仔很多，差唔多每一啖都食到蠔肉，而且都幾大隻，很鮮味方魚芥蘭：芥蘭炒得很香，而且本身已經好有咬口，加上有方魚吊下味，成個菜都好野味金沙蛋黃魚皮：老闆仲好好人咁請咗少少魚皮比我地食原來係呢度的名物，仲上過報紙！魚皮確實係好香脆，再加上有少少蛋黃香，好好食，難怪咁出名啦更意想不到的係，食物高質，價錢卻很親民，下次一定要再嚟食過

07 Aug. $78/pp 晚餐 是夜10點唔夠入來, 我們是唯一的兩個客人, 皆因前晚有示過威放過催淚彈, 晚上無人來都正常嘅! 店內只有兩個服務員及老闆娘, 如果我們不入來睇嚟十點都關門了, 如常叫我們喜愛的鵝件, 加個潮州炒麵線, 味道依舊的準確無誤, 即使無人來幫襯但我們還是會來因為做得手好菜總會令人想回味,事過一個多月, 中午同太座來吃下午茶, 當然這裡不會有什麼下午茶餐, 我們叫咗兩個都是牛麵,牛腩麵同牛三寶各一, 牛腩入味夠身, 三寶則牛肚還差少少未夠身, 湯底係濃牛肉湯嘅味, 麵質彈牙少梘水味, 重要係每碗有兩件白蘿蔔, 呢d咪良心小店囉! 

剛好有事要係深水埗做，發現呢間排長龍既潮菜館，咁我又排埋一份，望住外面肥美既鵝，好有光澤好吸引😍個肚餓到打鼓🥁滷水拼盤（細）：雖然係細既，但份量十足。👍🏽非常豐富，有豬腸、爽脆的鵝腸🦆、生腸、👂🏻彈牙豬耳、煙韌墨魚、焾身鹵肉、入味鹵蛋、紅腸，底下還有少許大豆芽🍃同埋花生🥜，絕對係一流的助酒小食/開胃菜🥢無臭味又洗得乾淨，值得一讚。四寶面🍜：有紫菜、魚蛋、魚皮餃、墨魚丸配埋生面，簡面吾會太重簡水味，易入口又吾會太焾，保持面條彈性，紫菜咸咸香香、又有豐富蛋白質同碘，魚蛋爽口彈牙。今次吾加醋，決定加佢地自家製辣椒🌶️油同麻辣，麻而不辣🥢一啖接一啖好快食曬椒監九肚魚脹膨膨的, 九肚魚🐟很大件, 粉槳夠薄身,，咬落去吾係食粉槳!! 再沾少少淮鹽就絕配了，好新鮮夠味，吾錯🎈總結：價錢吾貴，食物質素不錯，性價比高，會再光顧

我間中去深水埗都會幫襯呢間潮苑, 有粉麵, 有滷水菜又有小菜, 而且每樣都有水準, 一個人中午去食粉麵 / 放工約朋友叫返幾碟餸食又OK!牛腩河是必叫的牛腩半肥瘦口感最好, 太瘦容易煮到"老" 太肥又無咬口, 這個就剛剛好, 而且煮到入晒味椒監鮮魷脹膨膨的, 魷魚很大件,  粉槳夠薄身, 最重要是很新鮮, 咬一口是食魷魚而不是食粉槳!! 再沾少少淮鹽就更正!!食潮州野點可以無蠔仔粥, 要一大碗都夠2-3人分享! 蠔仔粥足料, 而且唔腥夠鮮甜, 加埋椒監鮮魷一齊食就啱晒!!最後不得不提鵝片!!!朋友讚不絕口, 又厚又入味!覺得潮味苑的滷水菜真心出色, 絕對要下次再其他!最愛是無加一!!2個人食咁多大魚大肉都係三百有找, 希望餐廳有排做>< 

不超眼茶餐廳 超高質潮州菜收工後去深水埗食晚餐，本身只打算隨便的一餐，但之後發現這家不起眼的餐廳，驚為天人！三拼滷水 ($158)鵝片要加錢！鵝腸墨魚色澤非常好，感覺食物都已經飲飽滷水汁，內臟洗得非常乾淨，無臭味。鵝腸墨魚非常爽口，正！鎮店蠔仔粥 ($52) 蠔仔粒粒飽滿，大大碗，份量夠多。配料有魚碎、肉碎、蔥花、芫茜等。每啖吃到的都是鮮甜美味，非常味美，值得推薦。淨牛腩 ($98)嘩，第一眼看落去超級大份，放滿了牛腩。牛腩清新不膩，牛味濃，而且已經燜到完全腍哂，可謂入囗即融，一啖接一啖；牛腩下邊有蘿蔔，完全吸收了上方牛腩的精華，這味菜絕對值回票價。三道菜味道超好，價錢又抵，雖然餐廳裝修毫不起眼，但吃到如此好的潮州菜，難怪人流不絕！

早幾日去長沙灣個邊做野，突然聞到好香既滷水味，望下邊度傳出黎先，見到一間掛住一隻隻肥美既鵝，隻隻都好有光澤。再望望又有一隻隻冚住鹽既烏頭，我個肚打鼓啦。望入鋪頭，明明時間尚早，先6點零，但已經好多食客，又有d 係等外賣嘅。心諗甘旺場，一定好好味，好彩同朋友兩個等一陣就有位坐。入黎之前我地都有兩目標架啦，鵝片、烏頭。雖然鋪頭人多，但老闆娘好好人，有推介，烏頭本身諗住叫熱食，但老問娘建議凍食既會比較鮮甜原味。另外再推介我地食蠔仔粥，樣樣都真心好味。凍食烏頭唔單止係所講既鮮甜原味，而且肉質嫩滑，再流出黃油，入口魚香四溢，唔點醬都好正。而嗰碗鎮店蠔仔粥，大大碗份量十足，而蠔仔粒粒飽滿粒粒鮮味。粥裹面配料亦相當豐富，有肉碎，魚仔，蔥花，莞茜等。鵝片拼生腸，鵝片肥瘦適中，滷得相當入味，啖啖肉，而生腸爽口彈牙。鐘意食咸蛋黃既我，仲買左包咸蛋黃魚皮食，魚皮脆咸蛋黃香。👍

滷水鵝片拼紅腸($108)👻鵝片份量真係好驚人，勁多而且超足料！！鵝肉肉質軟嫩，咬落啖啖肉，入口鵝味香濃，肥瘦適中，滷水汁非常入味，仲有滷水滑豆腐、芽菜、花生墊底。·韮菜豬紅($52)打冷必點菜式之一，豬紅新鮮無腥味，口感煙韌；配搭鮮嫩無渣韮菜，再加埋辣油真係無得頂🥳！·椒鹽九肚魚($98)標榜用獨門古法配方製成，即叫即炸炸至金黃色，熱辣辣之餘仲要香脆可口😋，九肚魚肉質滑嫩，椒鹽炮製非常惹味！