潮丸 (已結業)

牛腩河都可以說是代表香港地道食物之一，但店舖內的裝飾，好似cafe一樣，給人感覺不只是食牛腩河，而是牛腩河真的跟上潮流選擇了招牌牛三鮮河，有崩沙腩，牛肚，牛根，聽聞湯汁係用十小時以上淆出黎，飲落有鮮味，唔似普通牛河湯汁，有味精成份，食完會涸喉，需要飲水，而且崩沙腩係比普通牛腩貴幾倍，用料上都用心然後再叫左個炸雲吞王，平時係酒樓食開的，都係一團麵粉，食左一舊都唔想再食，但依間的炸雲吞，除左內含原隻蝦之外，最重要的是炸得好好，炸皮我要形容的話，就好似食薄薯片，一咬落去，咔咔聲，無粉味，有驚喜

牛腩牛什雲吞麵是香港特色食物之一，由從前的十玩一碗到現在數十元不等。一碗出色的麵不只湯底，更重要的是所有食材的配搭。有別於其他粉麵店舖，這裏的配搭更具彈性，選了喜歡的餸後可配撈麵、飯或湯麵。每張枱上除了紅醋和魚露外，各放了三瓶椒醬以作自助調味。經過遂一試味後，辣勁不論燈籠椒醬或辣椒油都不能小看。而這次則點了崩沙牛腩麵，小食選了是日油菜和一杯凍鴛鴦。上菜速度相當快，點單後幾兩分鐘左右所有食物都到齊。牛腩麵在木盤上整齊地擺放，有點像日式丼飯的感覺，就連紙巾也細心地摺角，誠意滿分。牛腩半肥瘦，入口既腍亦入味，相當可口。惟一是湯底未能為牛腩麵提升更高的層次，整體算中上質素。反而最令我印象深刻的是凍鴛鴦，那紅茶與咖啡上的配搭，不但完美地配合，每口喝下時更有微微朱古力的回香，暫時是最好喝的凍鴦。如果追求高質素的牛腩麵店而言，這家可算是牛腩麵中的名牌，值得一試

小小嘅食店，裝修簡約，其實似台式小飯店風格，不過其實係一間潮式粉麵店。店舖嘅橫枱上都有辣椒油，另外有兩種辣椒醬，分別係紅燈籠椒和黃燈籠椒。確實係幾辣嘅雲吞炸到脆撲撲，入面嘅係用新鮮蝦做材料，非常香口😍雖然係新派粉麵店，但係佢嘅崩沙腩亦不失傳統味道，分量亦十足👍🏻滷水方面，呢個四寶撈麵嘅麵質亦好彈口，不過滷水豬腸，豆腐，腩肉就其實好一般。招牌滷水雜燴嘅味道其實都差不多，只係配上了豬手。滷水方面嘅水準係好普通🙄

自己係半個潮州人，自然對潮州嘅美食有額外嘅感覺。特別係每一次食到懷念嘅味道嘅時候，個感覺真係非常之開心。因為尖沙咀呢都唔會搵到傳統嘅風味，但係畢竟想食牛河，所以就入咗去試一試，但係估唔到佢有幾正宗。佢除咗會有牛雜之外仲會有豬什，所以我今次就食咗比較特別嘅豬什，入邊會有豬腩肉，豬札肉同豬肉丸。湯底清甜，加上芹菜香菜同埋冬菜，傳統的潮州風味。呢一疊牛爽邊係好突出嘅一個食物，佢主要係牛比較爽脆嘅位置，亦有牛小腸的脂肪感。最重要係佢個汁唔好見佢個顏色好似好濃就會鹹，拒調製到剛剛好，濃郁嘅牛香，醬汁香，如果可以撈埋個飯一齊食個話就非常之好。

之前都有經過過呢間尖沙咀既麵店，裝潢都幾整潔，感覺光猛舒服！佢地仲可以畫係餐牌度點餐，支持環保啊！又唔洗用口嗌，驚尷尬既人岩晒！本身糾結緊食魚蛋粉定牛腩粉，最後都揀左不太常見既崩沙腩河，再加油菜。呢度油菜唔算平，但一個人食都幾大碟既，健康之選！佢地既配菜除左有冬菜、蔥等等，仲有芽菜！係比較少見既！湯底唔會太濃味過咸，河粉都幾滑，側邊仲有多款辣椒醬任君選擇，特別既有黃椒，都有辣度但就添了一份甜度！整體覺得呢間店空間感都夠，食得比較舒服，但相對價錢就比較貴啦！

經過這裡許多次，總以為是西餐呢！新款的潮式茶餐廳，只是看裝修已經覺得很潮，一個人的晚餐，思前顧後，還得不想吃太多，就吃個河粉吧！潮到自己以為自己在吃日本菜，還是很欣賞店主為店面做了不一樣的裝修，簡單，充滿時尚感。醬料也很特別喔！蘿蔔的清淡是一絲油膩也找不到的，只有甜味，非常好吃。牛肉丸河粉，超級好吃的牛肉丸，彈牙，有牛肉的香味，湯底清甜，河粉好滑。值得嘗試。熱檸茶：檸檬有4片，而且很新鮮呢，還能看到綠黃色的表面，酸酸甜甜的，不加糖就更加健康啦！

之前經過呢一間餐廳，看外表睇佢嘅裝修同埋顏色，以為係一間好fancy 嘅cafe，但係睇清楚個名，叫做潮丸，原來係食潮州粉麵嘅食店，咁佢呢個造型又真係幾潮喎。點餐都幾方便，自己畫落張紙，自家雲吞同埋特級牛丸，我都覺得幾吸引，貪心的我不能取捨其一，於是就用加餸來解決！我仲加埋紫菜添！大大隻雲吞，好滿足！蝦肉都幾firm 令雲吞幾有口感，而且餡料的調味適中，唔會太咸又唔會冇咩味。牛丸一上菜就比身旁的同事强搶了一粒，即係本身有五大粒啊！ 口感好實淨得來幾彈牙，。一粒牛丸食落原來可以咁滋味，咀嚼間整個口腔都充滿着牛丸的香味，好神奇。食食下留意到醬汁都幾冇特色，除了常出現的辣椒油，仲有紅燈籠椒黃燈籠椒，多個choice.滷水拼盤好大碟，好多餸，味道好好，而且樣樣都炆到好林好入味。估佢唔到杯檸菜幾好，用鋁杯咁講究令到杯嘢保持冷凍！而且菜幾香濃檸檬幾fresh，茶餐廳都冇咁好飲！

去過兩次, 一次下午茶時間, 一次夜晚兩次都唔多人兩次都好食但兩次都服務差...食物 - 食個牛丸 好味!! 推介!真心墨魚丸 普通, 魚皮餃 幾好, 牛筋都好味我有少少潔癖嘅 地方好乾淨碗碟筷子都乾淨 好放心唔洗好似茶樓咁自己再洗但兩次都服務差...兩次嗰個戴眼鏡男侍應都係服務差比錯嘢，唔識講唔好意思 叫你等等都無句啊都唔要求佢面帶笑容， 但起碼都同我講聲等等, or 整返俾你比錯野之後， 個戴眼鏡男同後生女侍應只係互相一人一句 '錯咗?我點知啊' 只係個收銀嘅阿叔同另一個男有禮貌同親切啲其實新店嘢食好味之外都要令過客人食得開心擺到明係想做高級嘅麵店點解又會keep咗傳統啊伯侍應嗰種服務態度呢?希望我下次去嘅時候佢哋嘅服務態度會改進

We tried beef instead of meat ball here though their main food is meat ball. There were different sauces, we like the traditional spicy sauce, not only spicy but smell good. The bell pepper sauce was a bit sweet, it was fresh but not our piece of cake.The beef was tender enough.

招牌牛腩飯加上濃濃既牛腩汁，實在太好食啦，一定要去食一食，簡單既飯同牛腩既配搭，刺激住你既視覺，而且牛腩好有口感又多汁，又唔會太肥滷水拼盆呢個小食有我最鐘意食既薄片腩肉，而且全部都整到入哂味，豬手正常焗既話先好食，但係呢間店整到有不一樣的水準，好食不再話下，而且味道好濃，肉質鮮嫩。仲有蛋都超入味，流心會更好牛三鮮 生面蔥花湯底鮮甜，無懈可擊，加上蔥花同埋牛三鮮（牛肚、牛筋、崩沙腩）三類既肉連埋個湯底發揮出鮮甜濃㴟既味道，保證帶心你不一樣既驚喜，實在太好食，而且生面爽口彈牙，配合埋牛三鮮同埋個湯連埋蔥花簡直係色香味俱全。炸雲吞王 唔會太油同埋太肥膩，咬落淡淡肉，而且脆扑扑，又係你既不二之選，炸雲吞一食落去鮮蝦既香味撲鼻，而且好好食。雲吞王 淨食 冬菜蔥花芽菜好好食，個水準實在太高加埋冬菜超級開胃，加埋蔥花令成個面都好食，個人認為個湯雖然無牛三鮮既味咁濃，但係如果你係清淡派既話不妨試一試呢個，會帶比你不一樣既驚喜是日油菜超級新鮮既菜類，如果食完炸雲吞，不妨食埋呢個會更健康，而且加埋蠔油太過天衣無縫

招牌的牛腩飯，肥瘦相間的牛腩被牛肉的汁薄薄鋪上一層，油光滑亮的樣子讓人食慾大振。瀘水拼盤是豐盛的組合，包括滷蛋、滷乾、豬腩肉和豬手。個人比較喜歡腩肉，因為偏肥而不膩，香味濃郁得讓人驚喜。滷乾和滷蛋是滷味拼盤的絕佳小夥伴，解除肉味的膩和比較清淡爽口。牛三鮮的組合包括牛筋、牛腩和崩沙腩。崩沙腩因為比較少試所以個人比較喜歡試試新的東西。牛筋牛腩被濃郁的湯汁浸著，吃的時後和著湯汁一起更加好吃。蔥花生麵的清淡有助解除肉味膩感，也是飽肚小助手。炸雲吞王炸得好香口，而且唔會太油，鮮蝦加埋博博嘅雲吞皮一齊炸，個口感實在太特別了。如果可以有機會再一碟咁就好啦，而且它不會太肥膩，又帶出雲吞的香和鮮蝦的鮮甜。雲吞王 淨食 冬菜蔥花芽菜雲吞和一定要，要先食冬菜因為會比較可口和開胃，加埋佢嗰個好特別嘅湯底令人不禁連湯都飲埋，甚至乎會想叫多份黎食，如果份量可以再大一點就好了。當炸雲吞變成了雲吞麵的時候又會有不一樣的口感層次，這種層次帶給我美味覺的刺激和令我味覺感到超驚喜是日油菜是日油菜讓我想起我媽媽在家裏炒菜的時候，不知道為何感覺它是鮮甜的象徵，而且配埋呢一個既蠔油，又會令到你覺得好正，而且塞極鮮甜加上蠔油汁簡直

今日一個人係尖沙咀做完嘢本身諗住求其食小小野點知行過見到有間餐廳個名幾特別餐牌價錢又唔係好貴所以決定入去試吓餐牌選擇唔算好多見到隔離枱叫咗份滷水集會飯好似好正咁所以我都決定試吓呢度個碗飯侍應服務態度好環境又乾淨招牌滷水集會飯＄60份量都幾大啱啱好夠我一個人食晒佢哋嘅滷水汁同出邊有少少唔同唔會好似出邊嗰啲咁一味淨係得個鹹字返到屋企見到報道原來佢哋最出名係佢哋嘅潮州粉麵下次可以再嚟呢度試吓呢度嘅潮州粉麵同小食

跟據統計資料，香港人食豬肉比牛肉多許多，可能是因為牛肉價錢稍高、或者是牛肉烹調需要一些技巧的原因，牛肉要生嫩不嚡及無羶味方成，但若然做得好，味道確實比豬肉優勝。一般人吃牛不在扒房就是粉麵店，今日我到這間叫潮丸的潮州粉麵店，吸引我的就是招牌牛三鮮，雖然小店也有供應秘製豬三鮮及潮州魚三鮮的選擇，而且價錢相同$48，我亦不作他想。小店裝潢簡約，現代仿古風格，仿磚牆、木桌、小圓摺椅子，一張長木桌在中央。桌上放上調味料，黃燈籠椒及紅燈籠椒醬最特色，兩款辣椒油及麻油。過膠餐牌一物兩用，可以直接在上面畫剔點菜，有心思的環保方案。我的下午茶餐，牛三鮮、崩沙牛爽邊及香滑鴛鴦。自家牛三鮮包括崩沙腩、牛筋及牛肚。湯清味醇厚，濃郁牛肉香，真材實料久熬而成。牛筋非常腍嫩入味，牛肚柔韌有嚼頭，但崩沙腩並非件件好，有些略過瘦令口感失分，河粉順滑味香。試試三款辣醬，大家不相伯仲，若要比較，似乎黃燈籠椒的辣度最高。崩沙牛爽邊好奇點選，原來爽邊並不爽口，是一片頗韌的皮，皮下脂肪亦高，雖然調味豐富頗滋味，口感又韌又肥非我杯茶，自己點錯了。香滑鴛鴦名副其實，亦香亦滑，已經加了奶，不用再加糖。不失為一頓滿意的下午茶，位於尖沙嘴

潮州麵食對我嚟講, 非常之重要,  因為輕食唔會太飽過分飽, 算係不錯嘅選擇! 今日路過金馬倫道, 本來想食甜品, 但附近有一間潮州麵店, 見唔少人食, 就入去啦,  點餐牌自已手填, 仲可以循環再用,  我點咗自家牛三鮮, 裏面有崩沙腩, 牛筋同埋牛肚, 另外再叫咗個炸魚蛋, 仲配埋話梅柚子雪碧特飲餐廳裝修都幾新潮, 有別於一般嘅潮式粉麵店, 好快就送野食黎,  牛雜嘅份量都唔少,  先試一試 金錢肚,  咬落去爽口彈牙,  牛筋有肉味之餘入口即溶, 啲骨膠原真係十分之邪惡! 另外就係崩沙腩, 咬口同埋味道恰到好處,  食完唔會黐牙,  生麵就比較掛湯, 彈牙, 蛋香濃, 再點一點餐廳黃椒燈籠嘅醬汁, 零捨不同,  少少辣多多趣另外在係值得推介就係炸魚丸,  令人懷念一個菜式, 我以前細細個成日食炸魚蛋,  咬落去外脆內彈牙, 令人回味無窮而話梅特飲, 第一次飲, 飲落去非常之特別, 話梅味再加上柚子醬既加持, 鮮甜可口

放工到尖沙咀辦點事、就在附近晚餐。假期過後想吃得清淡簡單、就乾脆去吃碗麵吧。潮丸屬新式粉麵店、格局乾淨明亮、座位舒適唔迫。自家牛三鮮米線$55 以木製托盤送上、整潔利落。牛筋軟淋、崩沙腩幾爽有咬口。辣椒醬也有三款、第一次見以紅燈籠椒和黃燈籠椒制作辣椒醬、想不到它辣度夠、是不錯的新嘗試。話明是潮丸、當然要一試它的馳名牛丸王、手打牛丸彈牙爽滑、驚喜是牛肉味十分出👍🏻感受到用牛肉打成的丸子。招牌滷水拼盤 $75 有豬手、豆腐、鹵蛋、大腸等、鹵水味可再濃一些。喝杯熱柚子蜜$16暖暖胃、唔太甜剛好。