潤記粥麵茶餐廳 (已結業)

今次可以食埋佢個雞粥了~我叫了鮑片粥+粽餐, 個粽最美中不足之處是有花生; 至於個雞粥, 我揾到六塊鮑片! 好味呀~~~~個粥煲得非常"棉", 水準非常高 我對呢間食肆o食評寫到呢度為止喇~thanks for waching~

最近連續兩晚到這間餐廳吃，下述兩次經歷。第一次叫粥，食粥可以特價叫一碟菜（特價$8，原價$12），這兒的粥有及第粥、艇仔粥、豬潤粥、雞粥、牛肉魚片粥、鮑片雞粥等，價錢分幾種（$19、$21、$23、$29），鮑片雞粥最貴$29。但卻沒有我也喜歡食的豬紅粥，這是一個遺憾。我平平地叫了一碗$21粥，料很足，由面吃到底都有料吃，粥飯是稀及軟綿綿，粥本身有點味但不重，但我未能分辨有沒有落味精（但我相信有），粥的味道整體我覺得不錯。食粥時有小插曲，當我食剩20%粥時，我發覺面上有一隻死蚊，不知道是剛飛進而死還是一早就有，我見到第一時間一大匙舀走粥和料，沒有深究，但感覺上不是一開始就有。之後也不理這樣多，繼續食完剩下的粥。來茶餐廳吃有什麼衛生可言，這些事就算真的發生，也見怪不怪。這次我會給笑臉（4.3/5分）。第二次叫餸，梅菜蒸鯇魚（$35），跟白飯一碗及湯或飲品（涷飲要加$2），這碟餸廚房好像是即點即蒸，因大概等了30分鐘（憑感覺不準確）才出來。蒸出來的魚看來很不錯，但吃落就不好吃，主要原因相信是死魚，並不新鮮，所以吃不出鮮味。蒸的餸技巧低，主要依靠食物本身的鮮味，廚師蒸的功夫沒有問題，但只要材

我又去試第二樣野喇, 今次叫了一客豬手麵(見圖)嘩~好大舊豬手呢; 好淋又入味(入口即溶o個隻)水準極高(p.s.: 我是一個對動物手手腳腳十分麻麻o地的人)下次會試一次鮑魚雞粥~留意

我又去咗幫襯佢~今次試食了其他大大都讚的雲吞麵 (見相)有5 粒雲吞, 雖然唔算大粒, 但好好味, 從前我唔太鍾意食雲吞麵, 因為我怕咗 d 唔新鮮o既蝦o既"異味", 但今次可以放心食喇~ (可能加上湯底有少少辣)麵亦沒有我會遇到的皂水味而不需要落醋 正 (又 "park" 了兩啖湯~)再下次, 我一定會食埋佢的招牌豬手~

返學前想食 d 野, 但又不想吃 KFC 之流, 惟有幫襯吓呢家麵店 (好近我間學校)坐低就問吓有乜好食: 叫麵餐囉~於是 ORDER 咗個牛腩米 + 凍咖啡餐噢~碗麵O既賣相好得 - 半碗係牛腩! 而D 米粉又入味之餘不會 "淋 PAT PAT"; 牛腩水準很高最神奇的是: 我食哂碗麵也不太覺口渴, 重 "PARK" 多兩啖"湯"添~敬請留意小弟下回試食潤記的其他菜式喇~

呢擋野我週不時黎食下午茶 , 幾抵食同唔差 ga ,干炒牛河今曰個色就淺左D , 但獲氣同美係夠 , 連凍飲銀両二十七 ,佢個雲吞麵湯底夠味 ga , 但係要小心 , 必須先食麵 , 後食吞 ,因為佢隻生麵比較快淋 , 可能麵身問題 ,如果轉個隻銀絲麵就正 , 就可以先食吞 , 後食麵 , 最後飲湯 .

潤記d粥係好正, 及第粥,豬膶粥,雞粥.滑牛粥都好正, d料好新鮮, 粥底軟綿綿, 稠度剛剛好, 最正既粥係鮑魚雞粥, 都係$3x一大碗, 有成5-6塊鮑片, d雞又滑又入味.雖然鋪頭係迫人d, 又唔係坐得好舒服, 不過食過碗靚粥之後, 都會心郁郁下次再去食過. 潤記除左粥正之外, 我lunch都有食過佢地個蒸魚餐, 魭魚啦, 黃花魚啦, 烏頭魚啦, 次次都大大條, 仲祗過自己買番屋企整, 連湯或茶啡, 一大碟白飯都係$3x頭, 真係好祗. 下午茶d炒粉麵飯好足料, 夠鑊氣, 又唔會炒到太油膩, 大碟夾祗食, 次次拎黎都係熱辣辣. 忍唔住口又食晒成碟囉.至於佢d潮洲粉麵就唔夠以上d野咁正咯.

人就係咁架喇, 明知山有虎, 偏向虎山行, 點解?? 因為懶得行. 經過上次個餐之後, 本來打算唔再去架喇. 就係一個懶字累事.11點幾仲有早餐, 我叫左個雪菜肉絲麵+餐肉煎旦. bb要咕嚕肉飯.雪菜肉絲麵: ok, 肉絲條條都厚切餐肉: 一早巳煎定, 凍晒不特止邊邊硬晒好難食, 同埋好薄煎旦: 一講少句"太陽旦" , 咁就幫你煎到口咁樣樣.咕嚕肉飯: 呢個真係好攪笑, order前巳問清問楚個伙計係唔係用排骨架, 佢up晒頭 講"係", 點知一食, 原來只是用豬肉, 個汁又過酸, 最後我個碗麵比左佢食, 而我就食佢個飯.

天寒地凍晨早得個12-3度, 都費事行咁遠, 就走入去食, 反正知道佢口碑不俗.叫左個白粥,油炸鬼, 生菜, 水餃魚旦河.個白粥其實係佢地d什麼及底弼啊牛肉粥個粥或唔加料..bb一邊食一邊讚好食好食, 食完後口渴都不得了. 油炸鬼知一定出面買架喇, 雖不是熱辣辣,仲脆口, 呢個反而唔錯.生菜幾好, 好爽香甜水餃魚旦河: 魚旦彈牙, 好食! 水餃也不過不失. 加多兩杯熱飲$76.

送貨到渣華道，入潤記蛇一陣。記得很久很久以前在舊舖食過，而新舖就從未光顧。知道潤記出名是雲吞麵，當然之選叫雲吞麵 $18。一碗有五粒雲吞，睇落唔錯，正想用筷子將麵撥靚影相之際，赫然見到一條頭髮，立刻叫店內小廝來，著他看看，他見到後，立刻將整碗扔掉，問我要甚麼，我改叫牛腩河。牛腩河賣相甚佳，有幾條嫩綠的菜心，牛腩很瘦、我不喜歡太瘦，啖啖肉，怕黐牙，牛筋則淋得來帶有點韌，非常滿意，河粉是幼幼的，吃落有些少彈性，不會一夾即斷，湯底很濃，有很香的麻油味，吃後也不覺口渴。一間食肆有小暇疵，在所難免，但懂得面對和處理是非常重要，最怕有些拿走有問題的食品，入廚房繞一圈又拿出來給別檯。

今日心血來潮去試下潤記,我叫左碗雙拼牛筋豬手面($25),男朋友叫左葡國雞飯($34),無野飲,有D小貴,但係真係好好味呀!牛筋豬手面:唔算大碗,但係極足料,上碟個陣只係見到豬手同牛筋,完全覆蓋晒成個面,睇已經極滿足!豬手:好滑,又唔肥,雖然得2件,但係已經好夠,少吃多滋味呀!牛筋:煲得好淋,入晒味,正!湯底:一定要讚!見到覺得好黑,比一般茶餐廳0既湯底深色,飲一啖,好夠牛味!唔係味精湯,真係似牛腩熬出黎0既湯,我飲到見底,正!男朋友0既葡國雞飯都OK,葡汁味夠,即焗出0黎,蛋炒飯底唔太油,幾香,雞就少D,整體上黎講唔錯不過所有食物都唔包野飲,要+7(熱)/+9(凍),有D唔抵,不過真係好好味,完全值呢個價!伙計都好爽快,我見menu得牛腩無牛筋,問伙計有無牛筋,佢即刻話"有",唔會話"幫你問下"之後唔見左人,有典型茶餐廳的醒目服務,值得一讚!

認識"潤記" 是十多年前的事, 那時是前度男友帶我去的! 當年"潤記"在北角村那邊, 鋪頭較細, 印象中主要賣粥及雲吞麵! 十年人事幾番新, 北角村拆了, 他們搬了, 我亦分手了.... 今天他們賣的多元化了! 我亦已經結婚了!十多年沒光顧, 直至前兩年搬返北角, 四圍搵食才知道潤記的新址在此, 我最愛依然是他們的弼品! 很棉很滑, 幾十年如一保持水準! 而豬膶粥係最好味的! 老公都話係北角No.1, 這裡選擇多了, 有時晚飯兩人會叫些小菜, 價錢經濟合理! 星期六日亦是下午茶的好地方, 我們會一直支持的!

睇到有關這裏食評的相片，望上去那個牛根及豬手色澤濃厚，相當的對辦。忽然想起從前的陳南記，有點掛念，於是在跟太座吃晚飯之前，預先來幫胃部做些warm-up只是普通茶記格局。人不多，很容易就找到個位置坐下。叫了個豬手河之後，才猛然醒起可以來個牛根豬手雙併，那就可以一次過滿足兩個願望嘞現在回想起來，真覺得有點笨...河粉端來，先喝口湯，味道尚濃，絕不温温吞吞；豬手真箇是明符其實的豬手，滿滿地一大件，有皮又有大件骨可啃。全碗雖只得兩件，但已舖滿了一整個碗，連下面的河粉也看不見了。皮充滿膠質而且做得彈牙，吃上去雖然沒有陳南記的膠口及濃稠，但都已經是相當不俗了。論水準，可是跟同區的佳記無分軒輊...豬手雖好，河粉亦出奇地不俗 --- 起碼不會淥得太淰，仍可一條條夾起食，絕不像外面坊間吃到的那些"糊仔粉"，想起就倒胃...確實是有點水平的豬手河，下次來真要試試牛腩及及第粥了....

唔好誤會, 佢哋11點先有粉麵食, 但係我就係11點先食早餐個啲人.今日又身痕想式食佢啲麵, 今次貪心啲, 食薑蔥牛腩撈麵, 牛腩分開上.咁就good啦, 因為食倒薑蔥撈麵, 食完啲薑蔥又變牛腩撈 薑蔥撈香噴噴, 麵爽又彈, 差啲唔記得留番啲比牛腩,其實係筋腩, 啲腩紋到稔一稔, 一啲都唔蚩牙, 啲根亦係, 煙韌彈牙, 味道濃濃, 比同區佳記更濃厚, 又無咁勁老薑花椒八角味, good! 係油咗啲, 好采分開上, 唔係實肥幾磅. 記住要飲啖湯呀, 好飲過啲鬼佬bouillabasse

自從陳南記冇咗, 我覺得一直未有第二間可以做豬手做到接近既水準. 尋日試過潤記, 豬手算唔錯, 拍得住深水埗長發, 夠味而有肉但唔太肥, 有屋企feel, 但雲飩就未有留下講得咁正. 普通d. ps: 好多人食小菜.陳南記你去咗邊~???