潤記粥麵茶餐廳 (已結業)

送貨到渣華道，入潤記蛇一陣。記得很久很久以前在舊舖食過，而新舖就從未光顧。知道潤記出名是雲吞麵，當然之選叫雲吞麵 $18。一碗有五粒雲吞，睇落唔錯，正想用筷子將麵撥靚影相之際，赫然見到一條頭髮，立刻叫店內小廝來，著他看看，他見到後，立刻將整碗扔掉，問我要甚麼，我改叫牛腩河。牛腩河賣相甚佳，有幾條嫩綠的菜心，牛腩很瘦、我不喜歡太瘦，啖啖肉，怕黐牙，牛筋則淋得來帶有點韌，非常滿意，河粉是幼幼的，吃落有些少彈性，不會一夾即斷，湯底很濃，有很香的麻油味，吃後也不覺口渴。一間食肆有小暇疵，在所難免，但懂得面對和處理是非常重要，最怕有些拿走有問題的食品，入廚房繞一圈又拿出來給別檯。