漢記潮州粉麵茶餐廳 (已結業)

在一個比較平靜的十一月, 聽收音機的主持的介紹想來這裡很久了,雖說是賣牛腩為主但也很多茶記的下午茶餐,一場來到二話不說,我跟太座點了牛腩麵同金錢肚河, 亦因為聽收音機主持的提議:不用叫什麼特別貴的級數只叫最普通的牛腩就可以了,果然無介紹錯, 第一啖已經感覺到很多"牛的呼喚",因為清湯內的牛味已經說明了點解這裡要收26蚊一碗,而隔離舖就平兩蚊,當然牛腩/金錢肚都沒有令人失望,而另一樣在這裡發現比其他店做得好的,就係”炸魚皮”很簿身而且不油膩亦不腥,雖然自己不是魚皮粉絲,但做得好是應該嘉許的, 希望下次再來也是同樣的水準!

我行過禧利街，必定經過漢記，從來都未幫襯。反正唔知食咩，不如試吓啦！買咗：雲吞河 (走蔥) $20 外賣 + $1雲吞與河粉分開上，一兜係雲吞湯連 5 粒雲吞；另一兜係河粉浸住牛腩湯。 雲吞皮薄餡多，蝦夠爽身，可惜蝦腸未能完全清除，尚有少許，食起嚟斯斯沙沙，雲吞餡仲有少許豬肉及比目魚粒，好惹味，雲吞湯係味精湯，因為欠缺蝦嘅鮮甜味。 至於河粉浸住牛腩湯，已經夠味；份量亦夠多！河粉本身質感算滑，好過文輝貨色。不過，食到最尾河粉比較碎同埋變咗一嚿嚿！另外，有幾條芥蘭。

今日同公司女同事一齊lunch , 本來想試一間係賣無味精無添加的飯店吃的..但去到原來裝修無位坐 , 又唔想買外賣帶番公司吃 , 所以揀了這間茶餐廳 , 入去前已經覺得怪怪地..點解隔離果間要排隊...但這間不用排隊仲可以有位剩....膽大大走入去...之後睇下佢個餐牌…完全唔理解點解會叫茶餐廳 , 係我理解茶餐廳係有中式,西式的野食揀的,但無囉…失敗1 佢地最出名的坑腩和爽腩又話一早買哂..出名的野竟然lunch已經賣哂?????? 我地唯有揀其他野啦!! 我叫左個四寶麵,同事叫了牛腩麵…碗麵細到呢!!!!但價錢又收到咁貴!!!四寶麵我覺得同d普通粉麵舖相比之下..粉麵舖仲好過佢囉..同事個牛腩就ok啦,都幾好味,不過份量太少太少!!! 失敗2總恬 : 應該無下次 !

午餐唔知食咩好，又遲o左出o黎食，就同同事來這裡碰了個運氣這個蛋牛飯，不太行。牛是有點味及咬口，但似乎是味精重了一點點蛋也很實，較偏愛滑蛋只是奇怪食完後無新蛇x 般口乾

月前吃過生記的清湯腩,是次到同區另一間"漢記",因為門口貼著大張的爽腩海報,便吸引了我入內.此店早上賣的又是例牌早餐,有爽腩當然吃爽腩,無理由在牛腩店,食完個煎蛋腸仔加沙爹牛早餐,回去便給予一個劣評咁荒謬?爽腩配伊麵,湯底有牛味的鮮,結尾略淡.不能同九記相比.爽腩不錯,邊位煙齦帶彈牙感.肉質軟稔鬆化.伊麵底乾爽而柔韌.質感剛好.當然整題水準同九記比就差一點,但也是可以一吃之級別呢.

呢度環境一般，但都算乾淨。我耍牛腩麵($25)，而朋友就耍牛腩飯($33)。賣相普通，但一食落口就有點驚喜，牛腩又稔又香，味道很不錯。麵質不算很爽，但都合格嘅，朋友都很欣賞呢度嘅牛腩，有下次。

十一月二日(星期一)同老公仔去上環吃漢記,search過見到清湯腩不錯!一於試試暫時吃過好的有大利,華姐和九記時間比較早,不用等位,老公仔想吃的硼砂腩都已經售罄了唯有叫爽腩米線,我就要了清湯腩米湯底很香....未吃已經文到了清湯腩都已經好吃!牛腩很稔,老公的那碗都不錯有下次有下次!加飲品後每人大約三十多元!

28-10-2009路過呢度幾次都排長龍, 是日見有位, 又試試呢度的清湯腩.阿姐話「爽腩今日無喇喎」, 唯有叫坑腩伊 ($33)... 湯底清澈, 少油無 MSG, 飲落味道牛味一般, 較淡較單調, 都怪九記 (http://www.openrice.com/restaurant/commentdetail.htm?commentid=1886744) 及華姐 (http://www.openrice.com/restaurant/commentdetail.htm?commentid=160136) 做得太好了, 不過比起大利的 salt solution (http://www.openrice.com/restaurant/commentdetail.htm?commentid=170386), 又好 d; 餐牌介紹坑腩係「牛胸前 8 支骨的腩肉」, 又話「牛味較濃」, 但我覺得食落牛味一般咋喎; 瘦肉幾鬆化, 連筋膜位又軟腍豐腴, 都幾好食; 伊麵就淥得爽口, 不錯.環境就乾淨企理, 阿姐又幾有禮貌, 價錢唔貴食物又 ok, 難怪受歡迎的.下次試試丸類及河粉.

多次路經這間餐廳，相比其他餐廳之下，這食肆lunch時間門外等位的人可算是少之有少...還以為其食物很不濟，不過當日想吃牛腩，便到此一試。點了食物後，等了好一會兒，於是眼望望，店鋪阿姐見狀便跟我說聲「正在整」，服務可算是不題吧。牛腩墨丸麵 : 牛腩和墨丸都不錯。很怕吃到韌牛腩，但這間的牛腩實在做得不錯，淋身，亦可見細紋，牛腩的份量也不少。 至於墨丸，易咬且香口，大大粒，也很不俗。可是我不喜歡其湯底，有點咸且有點簡水味，麵亦可再多一點，如果湯底好些便完美了。蔥沒有直倒湯中，可算細心，是另一個值得加分的地方。

叫左個坑腩河﹐31蚊﹐係貴D﹐無所謂﹐點知得一兩舊係坑腩﹐其他都係普通牛腩﹐真係好興﹐話明係坑腩河﹐你又收貴幾蚊﹐點都要比翻8成坑腩﹐真係好離普。D坑腩就OK﹐湯都OK﹐但D牛腩就好唔得﹐D河粉唔夠滑﹐唔會再去

星期六本想到生記食早餐，但因太多人的關係，最後到了漢記。點了一客豬扒蛋公仔麵餐。$20無餐包，豬扒只有1/4塊，份量少咗D。「公仔麵」係下價貨，味道麻麻(都係加$2轉出前一丁穩陣)。反而湯底唔錯，唔係一般公仔麵味精湯，清清地，OK。

2008-11-05終於都試埋呢間牛腩$31-$32 (好似係)，爽腩飯，連埋一個麵湯個湯ok 例，即係味精，有無都罷爽腩不爽，基本上我食唔出佢有咩咁特別。覺得比九記及生記都差一截，亦只比街邊貨色好少少但份量食得飽o既，因為係跟飯，而且三間之中應該得佢可以跟飯似乎無需要o黎多次

今日同同事去漢記食lunch~ 膽粗粗咁試下叫成日沽清的爽腩, 出乎意料之外, 仲有最後兩碗!!! 當然係先食為敬啦~ 事前同事話跟普通的牛腩米冇太大的分別, 令我對呢碗$31的爽腩米亦冇太大的期望~ 但一放入口, 始知錯了~~爽腩放入口之後, 極有口感, 再細味一下... 牛油由牛筋滲出來~ 只係呢一口, 已經令我回味了~ 食過九記的咖哩牛腩撈粗, 亦未能讓我食指大動, 但因為呢一口爽腩, 令我有encore的衝動... 下次, 我一定會再續前緣的!!

星期六不用上班的早上拿着打斷了線的球拍去祥記穿線，路過禧利街口的漢記，因為開張以來也没有幫襯過，便行入去試一試食物水準，清晨没有牛腩供應，只有一些典型的港式早餐供應，我要了平日上班日較少吃的餐腸公仔麵及一杯茶走(即是用煉奶)。 現今百物騰貴很多店鋪都加價縮料，這裹也不例外，一片圓形的午餐肉被切成兩半，厚度大概只是二、三毫米那樣薄，碗內的腸仔只有一條； 可能漢記是同用煲牛腩的湯作麵湯底，不用那些味精湯包，所以味道較清食完唔會感到非常口渴。 奶茶用一隻高身杯裝着，有茶香味及較一般的大杯一點。 店內在正門旁新安裝了一臺液晶體電視播放京奧賽事，看來這都是附近食肆在奧運期間招徠客人的指定武器。

在上環區工作十多年，區內的牛腩麵檔都差不多給我吃勻，要選幾家好的也不難...隨手拈來名氣較大的有九記、生記...再來有陳成記 ( 可惜已結業 )...然後是桃園....但近年來名牌牛腩麵家水準下跌..但價錢就不斷上升.....以前一想起吃牛腩或有人問我那裡的牛腩好吃，想也不用想就說九記...但現在我自己也幫襯別家了....同樣的都是吃牛腩麵，名牌店有的是客，沒有的是服務，錢是花了有時還得要受氣就算了吧...話說回來要是服務不好，品質依然第一的話，我也是樂意光顧的.....可是當我光顧了漢記之後，我就再也沒有到九記了...講品質現時的九記會有所參差，以前我經常點的半肥腩伊大失水準，半肥腩的定義也靜靜的改寫了..一半全肥膏加一半極瘦的就是半肥腩的新定義，以前爽滑的伊麵就變成硬紙條般...生意太多沒辦法了...可能以前鐘愛九記，有點責之深吧....不再說它的不是好了...講老實漢記的湯底一定不及九記，但味道也不是別家可以勝得他，就是兩樣不同味道吧...而牛腩本身卻拍得住名牌店了...負責斬牛腩的是老闆本人，老闆會經常察看牛腩的受火情度十分專注..就是這份專注令我常來光顧，現在我點的多數是半肥