漢發麵家 (大南街)

营业中

休息中

深水埗真係愈來愈多美食，今日專登黎食豬膶面。由深水埗地鐵站慢慢行，開著導航，行了大約10 分鐘。一直都非常愛豬膶，豬膶粥啦、豬膶腸粉啦通通都愛。中午時段等位人數都多，我等了15 分鐘就入座了。不用考慮，就緊係食豬膶面。豬膶厚切，真係用心做既一碗面，豬膶彈牙，又唔會過熟又沒有血水。湯底好好飲，飲左一半湯都沒有口乾。配公仔面真係好好食，食完先減肥啦飲杯凍檸茶確係爽下次再試其他小食，一個人食一碗豬膶面已經好飽啦。

適逢假期，聽聞大南街開左好多特色小店，一於去一探究竟🥰。而早午餐就揀左深水埗出名既漢發麵家，位於深水埗大南街，係深水埗地鐵站A2出口步行約7分鐘。一黎到，都有幾個人排隊了。一直期待好耐既豬潤米粉，今日終於可以試到啦，有7、8塊豬潤，塊塊都係厚切，係我食過咁多豬潤麵中最高質，一啲都唔腥，肉質鮮美多汁，加上米粉勁吸味，加埋湯一齊飲，超惹味！另外，朋友點左豬扒雙蛋炒飯，不過不失啦，但係為左豬潤米粉，一定會再幫襯！

講到豬潤麵，深水埗嘅話最多人去一定係維記同漢發。今次去漢發食，無可否認佢哋嘅肥厚豬潤外層爽脆內裹粉嫩，唔鯹之餘仲食到濃厚嘅鮮味！係真心正嘅！但個人好鐘意維記個薑汁湯底（雖然有人話佢哋個湯似洗衣機水）。有種細個嗰時呀媽㷛嗰D豬潤水嘅感覺。所以個人覺得兩間各有各好，好睇各人各自口味。如果有一間食店可以有漢發嘅豬潤加維記嘅湯底就perfect嘞！

漢發麵家已經聽聞很久，今次帶埋男朋友專登過海去深水埗試一試。男朋友不嬲都對豬潤無乜特別喜好，但我就係豬潤殺手，一向都鍾意食，所以對食店做豬潤嘅要求就特別高。我就點咗一個豬潤牛肉麵，男朋友就心大心細咁點咗同我一樣，我哋再加一個硯芥鯪魚球做小食。麵一到，我就急不及待咁咬塊豬潤一啖，好食！無得頂！豬潤厚切，但從外到內都好鮮嫩，食落口度仲有肉汁，但不會有血未熟，呢塊豬潤真係我食過最好食，連男朋友不好豬潤都讚不絕口。其他如牛肉、出前一丁麵與鯪魚球只係正常，無乜評語。但為咗佢塊豬潤，將來一定會再嚟！

漢發既豬潤拼餐肉出前一丁真係無得輸!!豬潤既大細同餐肉一樣咁大! 真係好誇張!咬落去啖啖肉, 又爽口 不得了 真係要推介豬潤, 但係LUNCH TIME既時間都要等一陣先有位入, 同埋都有少少迫下次會試下叫雞脾黎食, 因為見到隔離有人叫左 望落好大隻 下次黎先試!

以前食親豬膶麵親只係識去黃金附近果間 而家黎左呢間 我會比較鍾意呢度 叫位好有系統 唔洗等好耐就有位 而且伙記好有禮貌 好講下我地叫左咩先 一個五香肉丁餐肉麵 豬膶煎蛋麵 兩份炸雞翼 坐低左第一時間黎既係杯奶茶 🥤睇距裝修好港式大排檔風格 飲落杯茶同風格同出一切 個茶既味道就係阿爸年代茶檔味道 睇返餐牌上面有幅舊鋪既相果然好有歷史 跟住兩個面黎喇 五香肉丁味濃烈 睇相都 image到果陣香味 配煎香既午餐肉 麵係爽既 正～到我今次黎既目標 豬膶麵出場 厚厚豬膶 爽脆口感 豬膶湯有酒香又帶薑既味道 真係會叫我再幫襯 另外朋友叫既炸雞翼 有南乳五香粉同酒香 一樣鬆脆野未 其實買返去比老豆送酒實話正食完 周邊仲有好多展覽小店 文清cafe 大家有機會就去試下

聞名不如見面；食物質素中上，服務和環境質素不良。今下午叫司機從山頂專程駕車去 漢發麵店試吓湯面，又加點了飲品和双蛋，價不貴，只需$84。 （時間：5:10）我食了第一口麵即刻見兩位服務員已經開始搞衛生，女一，勞力地抹一張又一張餐枱，女二，也非常之勞力地 掃地，我忍無可忍離坐，拿出一張「紅衫魚」給櫃台結帳。 據服務員表示；她們每天如事，請各位留意！

今日與老婆在近中午時，到漢發麵家用餐。之前兩次來時，因太多人客而無缘光顧，今次來到立刻可以入座，自然滿心歡喜，即時order食物，食物有：豬膶麵、雲吞麵、凍檸茶及炸雲吞。在吃這個豬膶麵時，非常期待美味無比，但吃過後便知道之前看過的好評，都只是言過其實，全碗麵只有豬膶較為可取，其餘也只是乏善足陳。以上四樣的收費為$140，完全絕對不值這個價錢，而且吃過這餐的兩、三小時後，我兩夫婦仍覺喉部非常不適，全因這麵家的湯底有非常重的味精，所以我日後也不會光顧這店。

漢發麵家-深水埗呢間老字號既冰室，估唔到又幾好食，唔怪之得咁多人排隊啦！大家可以去食下，懷念下香港既味道😊 以前附近係搵布料，鈕扣既地方，而家變左食街同香梘，皮革既工作坊，仲有不同既coffee shop😆，同呢間冰室。包括呢間由排檔變成餐廳既漢發😆鯪魚球唔食鯪魚球既我，都覺得非常好食，唔腥又有肉汁，入面仲有蔥花，配埋醬汁真係一流既配搭。炸雲吞雲吞好新鮮，蝦肉爽口彈牙，炸到皮卜卜脆，配埋Wasabi 沙律醬，食起上嚟真係一d都唔乾！真係想食多幾粒😄豬手麵不得不提豬手麵，南乳既味道，完完全全入哂豬手入面，香軟又淋，生麵爽滑，湯都好好飲呀😂 搞到我好想叫多個剩豬手🤣鴛鴦紅豆冰估唔到呢度有鴛鴦紅豆冰，紅豆唔太甜仲好軟熟，完全冇生骨感覺，甜度剛好，淡淡咖啡香味同紅豆非常夾！炸雞翼雞翼炸到岩岩好，熱辣辣，好脆肉質好軟多汁好正既生炸雞翼☺️#炸鯪魚球 #炸雲吞#豬手麵#鴛鴦紅豆冰

几次都是假期路过，店都没有开门营业。这次是周末上午，抵达时店外已经有几十人等候。拿了筹后还需等候15分钟，需在门静待叫号码。如果是下雨天，真的会有点狼狈。店是有点名气，玻璃门外贴满了老板与名人拍的照片。等待期间，顺便看看餐牌。终于可以入座了，马上点了一碗猪润出前一丁，看到附近几桌都是点同一样的东西。一会儿主角已经进场了，里面共有5块厚切猪润，比一般茶餐厅的薄吃更有口感，但有两1块过熟，吃时感觉有点老。猪润已经下了绍酒辟腥，如果再加点薑丝效果会更更好。今天有点饱，没试他们的西多的士，听说水准很不错，只能等下一次。

向來都很喜歡去不同麵店光顧，但從未光顧漢發，趁早出門決定周六上午來試試。看餐牌，和我光顧的其他深水埗區出色平民麵店及食店比較明顯貴頗多，這個價格這個定位在深水埗區偏貴。點了幾樣經典食品，是父親那代傳落的雲吞麵。整體偏鹹，雲吞缺乏鮮味，蔥花過多，麵硬但不夠彈牙。鯪魚球可以，但沒驚喜。西多士等了近一個小時才上，確實好食，麵包非常軟，有蛋香，讃！但要等一個小時，還是失望。沒選豬扒及豬膶。如果這不是遠近馳名的漢發，期望落差應該沒這麼大

今日在漢發買碗豬潤麵分湯返屋企食。門口妹妹好有禮貌，外賣大約等咗十幾分鐘就有。門外亦開始有人等位。漢發我大約食過4-5次，每次都食豬潤麵（覺得好食過另一間豬潤名店，因為厚切），亦有試過佢嘅西多士（好好食，今次因為外賣冇食），同炸雲吞（一般，以佢價錢不會encore)今次係第一次買外賣，唔知係咪因為外賣嘅關係，今次同現場食嘅味道真係差好遠。豬潤麵分湯，一碗係豬潤同埋湯，另一碗就係出前一丁，仲有丁麵麻油一包。自己組合返如下圖：返到屋企個湯仲係熱嘅，豬膶有四大件厚切，不過今日啲豬膶有筋，4 件入面3件都有，咬唔開，而且外賣返嚟比較鞋，冇現場咁好食。總結：食就現場食，不要買外賣。

食物質素不是特別出色豬膶係唔錯食落好脆但個面就唔係好特別但整體係唔錯西多士食唔出好食 反而覺得有d失望花生味唔重 出面有層類型麵粉禁嘅野落去炸感覺好原嘅一層粉但服務不太好明明係我扲位先扲完張飛比其他人搶左職員無出聲 我以為佢會比我入座先到入座竟然係比搶飛個個人入先扲飛居然係搶飛搶到就可以入先根本不需要排隊禁第日又洗咩扲飛 去搶人個d就得我心諗香港而家連文化都同中國一樣？向店內職員反映職員明知有錯居然一句道歉都沒有未食已經一肚氣真係唔會番轉頭都唔會推薦比其他人

很有驚喜既豬潤麵豬潤超肥美同厚豬扒好厚好入味豬潤同豬扒份量都好多自製辣椒油好正 有水準既紅豆冰梳乎厘質地既煉奶西多士唯一不好就係 杯奶水吾夠煉奶味最重要係有超班既服務態度相比平時d吾休做既餐廳 淨係識呼呼喝喝閒日去 4點幾去食 要排隊等15分鐘但相當好既質素 我覺得好值

今日去考筆試，難得去到深水埗，去搵吓同事講呢間麵店從外表看起來都知道有好多報導我同事推介豬手，豬扒，炸雲吞，西多士心多多既我咩都想食店員話豬手唔可以拼豬扒，咁佢就推薦我分開一份豬扒叫啦，我本身仲想叫炸雲吞，店員好禮貌咁同我講唔夠可以再叫，份量應該適合啦豬手好淋肉都夠滑食落一陣陣南乳味，好入味好食😋豬扒係即炸，感覺唔太油膩，內面係淋身，容易咬，比一般豬扒厚身，但未算好多汁，大眾化口味我走果時未到午飯時間，已經有人排緊隊啦！