漢發麵家 (大南街)

营业中

休息中

揾食肥華成日都話，在香港做食店，生意唔好應該檢討自己出品質素，唔存怨天尤人，5月5日上午11：00左右呢個早市做完，午市未到嘅冷場時間，呢間人氣食店竟然要顧客在門口排隊，等店内員工安排入座，無他嘅因店内巳坐滿九成食客，係呢個時間而此店所在位置亦非大街大巷，竟然有此爆場情況出現一定出品有過人之處，才有此情況出現，可惜礙於食量所限，肥華和靚媽衹能柯打此店兩個主食，兩客炸物，及兩杯餐飲未能盡情品嚐其他人氣食品，例如西多士，論食物算係好食每樣都有A級評分，尤其碗出前一丁豬潤麵，靚媽試食完，竟然開聲話仲好食過維X個碗豬潤麵，呢次真係靚媽都話好，肥華估唔到

上兩個禮拜食過一次漢發，就成日都心思思想去食。今個weekend 就去望一望，睇下多唔多人使唔使要排好耐。見倒門口都聚集左一堆人，要等十零張台，最後都唔係等左好耐，七八個字倒就已經入得餐廳。今次叫左一人一碗豬膶麵/米，再加個西多同野飲。豬膶照舊好足料，夠厚夠淋又唔腥，好好味。次次食完都好想再去食多次。西多都好食，佢質感係好鬆軟，可以揀煉奶或者糖漿。西多$40件，茶餐廳黎講價錢都唔平，不過就有價有市。間舖6點就收，5:15 last order, 想去試既話就記住要留意啦。

深水埗有唔少出名老店，今日就去朝聖，試下一間食豬潤麵既老字號啦🥇。🐒豬潤出前一丁💰$42入面豬潤有5塊，塊塊都好厚，食落好爽口，唔係好粉個種。🐒騸牯牛腩米粉💰$56之後因為遮遮都極力推介牛腩，所以都嗌左一碗黎試，牛腩有肥有瘦，有少少似崩沙腩咁都幾滑，不過大部分都偏肥，如果送飯就可能會冇咁油膩。價錢黎講就唔算抵食架啦，因為佢所有野都要另嗌，試過一次就夠😉

「大南街」近年成為文青的天堂，特式咖啡店遍地開花，在新舊交融的氛圍下，港式文化依然是旗幟鮮明，在深水埗舊區繼續迄立不倒。來深水埗大南街探店，嚐啡以外不妨轉轉口味，呷一口港式奶茶，吃一份西多士，那是地道的香港原味道。深水埗有不少茶檔冰室麵家，漢發麵家是當中的老字號，換了地方，改了裝潢，味道依舊，情懷不變。麵食的話，名物該是是豬潤麵。至於茶餐，那當然是法蘭西多士吧！漢發的法蘭西多士($40)絕對是心機之作，圓鼓鼓的賣相，有着梳乎厘的口感，充滿蛋香軟軟綿綿的。市面出色的西多何其多，漢發西多士的風味，有着其獨特的個性，名物是當之無愧。畫龍點睛之處，在那豪邁粗礦的厚片牛油，跟黃金糖漿是絕配，比傳統的西多士更有個性。漢發的凍奶茶($19)，茶底偏濃偏澀，微甜奶味唔算濃重，屬於中高水平的港式奶茶，喜歡茶膽濃重口味的可以試試。***

深水埗多Cafe就係人都知，但同時都有好多老字號嘅小店，今次就嚟咗漢發麵家，呢度店舖不大，座位同座位之間都比較近，會俾人一種壓迫咁，不過見到有些客人同店員都會以相熟口吻打招呼及傾偈，感覺很多顧客都是熟客來的，今日由於只係想食個下午茶，而且唔太肚餓，所以就叫咗一隻炸雞脾。炸雞脾（$40）炸雞脾上菜速度都幾快，而且感覺到係新鮮滾熱辣炸起，炸雞脾既size可以話係巨型，比我既手掌還要大，而家好厚肉，相信食一隻配埋飲品都可以當飯食了，炸雞脾外皮炸到好脆，一咬開就有一陣熱氣沖上來，而裏面的肉也是熱乎乎的，仲鎖住雞肉肉汁，肉質軟滑，真心推介。難得一間小店經營左咁多年依然可以保持到水準，難怪會保留到咁多熟客。

深水埗咁多美食, 呢間野明明可以叫做係偏遠, 一D 都唔近地鐵站, 但又偏偏咁多人排隊 >.<排完一大餐之後, 即刻就叫個西多先LA 簡直餐牌都唔洗睇。 但係西多都要等幾耐, 所以梗係要食住其他野等LA, 試左個豬手麵, 豬手好入味但唔算好林果D 黎。麵質都幾爽口彈牙, 算唔錯。慢慢食完個麵之後個西多就岩岩好黎了,  睇吓幾大塊牛油 真係好邪惡。佢唔算係炸到好脆果類黎, 林林地但睇得出索夠蛋汁, 而且好香蛋味, 的確唔係到到食得到, 真係等左咁耐都抵得既。

人龍豬膶麵店漢發，大部人黎到都必叫豬膶麵，講真呢間係好食，好多時訪問港式豬膶麵對決，一定有佢份。講番佢既豬膶，厚實又滑又爽，重點係唔腥唔會有怪味，有水準。另一推介係佢既西多士，可以話係少少梳乎厘feel西多。佢哋會將蛋漿打到好似整蛋糕咁先浸麵包再炸，成個西多士脹卜卜，加埋糖醬好正。不過要一提。個個都黎食豬膶麵，其實佢既水餃麵都好高質。水餃自家製足料，大地魚湯底清甜，可以一試。店主非常著重家庭。記住逢星期日、紅日唔開門。

其實好多有名嘅豬膶麵麵幫襯過，有啲真係名過於實。食過唔同嘅豬膶之後，暫時呢間係我覺得最值得推介佢嘅豬膶唔單止又大厚，而家生熟度啱啱好，豬膶太生又唔熟，太老又鞋口，所以我真心覺得係難整得好！佢嘅湯底一樣唔錯，麵度偏爽口。至於飲品就偏貴，紅豆奶茶要三十蚊杯，但奶茶好香滑，都值得一試

今日揸車經過深水埗諗起食豬潤麵，見到碗豬潤麵，大大件嘅豬潤，➕一個鮮炸鯪魚球（蜆介醬），再配一杯冰凍紅豆冰。豬潤撈麵：豬潤湯面蜆介鯪魚球裏面係茶餐廳裝修，其實而家啲豬潤不是以前那麼好食，但係都不過不失，依然都有好多人排隊。

📸📸有人會話foodie想攞多啲曝光同高啲嘅reputation就最好用靚啲嘅相機、靚啲嘅構圖、靚啲嘅影法，甚至砌圖配色加字靚到新假期飲食男女咁就真掂喇😂😂我就暫時唔想咁做，用最土炮嘅方式帶大家去18區食好西(當然仲有一部分原因係我唔識整啦吓🤣)呢間野早幾年好似喺飲食男女定唔知果籽個YouTube Channel 度睇條片介紹過，當時正值有傳媒定唔知連登仔喺網上面話另一間好出名、曾經喺深水埗成條街都有鋪嘅豬膶麵店懷疑用洗衣粉水洗豬膶，又話啲野周圍pat又話啲人唔衛生又剩😂就算全部都係假嘅聽完都唔係好敢再去😂跟住就俾我琴日有個機會喺深水埗出現，口痕加手痕就特登openrice search返間野喺邊😂排除萬難(其實都唔係好難係打完波有啲攰)咁行左三定四個街口過去食呢個豬膶麵🤣行到鋪位見到發哥張相我相信自己應該冇嚟錯喇😄入到去唔洗諗啦豬膶麵，肚餓嗌多個蛋治烘底，唔飲野🤓然後就靜待我碗麵小小趣聞😂佢地防疫都做得幾好，對面搭枱唔識嘅話會再加一塊唔透明嘅板喺你中間，唔洗面阻阻😂結果有眼見啦😍啲豬膶多到好似入左善堂咁，塊塊又大又厚，食落口又滑又粉，又唔腥又唔臭，唔會好似其他地方食嗰啲咁，薄it i

餐廳選用偏黃的燈光 裝潢、一枱一櫈都有家的感覺🌼 而且店員服務很殷切 踏入門口的那一瞬間 已聽到數位店員的「歡迎光臨 幾位」 有點像大酒店的服務體驗🤣🤣🤣坐下來以後 店員立刻送上一杯熱騰騰的水 🫖 真的是熱的 感覺很好 不論是用來喝的/洗餐具 用上滾燙的水 我就覺得很有誠意！ 🥰 除此以外 店員還給我一張小櫈子 以便我放下隨身物品 🪑 只能說員工培訓真的做得很不錯! 員工都是一眼關七 而且非常照顧客人的需要♥️餐具都擺放在每一桌上🍴牆上有些港式地道的壁畫〰️炸豬扒🐷現炸的豬扒 厚身 彈牙 juicy 而且吃得出店家有用心在醃豬扒 吃下去的香氣很複雜 我猜應該是有五香的味道吧 也有點蒜？🤣 亂猜的 就是很好吃！招牌豬潤麵🍜豬潤很厚 爽口 一口咬下去湯汁都爆出來🤪🤪 湯底很清很好喝 是甘甜甘甜的 淡淡帶一股薑的味道👅 好好吃！吃完也不會口乾！近鏡看一下 很的很大塊！！！！！！另一招牌 西多士😻形狀很特別 非大路的正方形 是有點圓圓的 鬆泡泡的感覺 一看就知裡面不會乾 是軟綿綿 易入口的質地！面頭還有煉奶和牛油🧈 切開發現裏面還有滿滿的花生醬🥜 真的好好吃 像是香港版本的疏乎厘西多士 我前面已經

食過多次這裏的豬潤 每次都能夠保持水準 非常滿意 偏偏厚切 一咬清脆而內軟糯 醃得夠味 亦沒有絲毫腥臭味 證明用心做 亦有能力做到！一碗有五六片 童叟無欺。 女士可以同朋友share一個叫豬扒麵，一個叫豬潤麵 咁就perfect！！豬扒也是做得很好 厚切啖啖肉 唔會韌 最重要係煎得夠香而且醃得入味， 難怪亦係捧場菜之一。 記得豬扒係可以叫另上的！ 那便不用怕浸淋了失去風味！還有奶茶涼粉冰 奶茶本身已經係有水準 ，加入涼粉，估唔到味道都夾，又有得咬下幾得意， 如果涼粉大粒啲更加好！

We came on Friday for lunch thinking there would be lesser people than the weekends. Apparently this noodle place is a popular spot. We picked the pig liver instant noodles but you could also choose regular noodles or vermicelli. These thick slices of pig’s liver are very clean with an interesting texture and they didn’t taste coarse. The broth is similar to the instant noodle soup which was a bit disappointing. We also ordered the deep fried fish meatball and it was just so so.

🍴餐廳美食 搵食情報🍴💰自費分享💰深水埗既是舊區 保存住一份舊社區獨有的人情味同時近年亦隨著社區轉型 進駐不少文青小店 成為了年輕人追棒的文青蒲點 📸打卡勝地 區內街頭小食、歷史悠久的傳統餐廳定文青咖啡店應有盡有 新舊交融 魅力不衰🎈新舊交融 美食雲集🎈🎈45年老牌麵店 漢發麵家🎈💛豬潤麵💛呢度既豬潤每塊都切得厚厚一片 煮得剛剛好 口感爽口彈牙 完全唔韌 無渣之餘亦無內臟的腥味 而湯底清甜 帶有濃濃既豬潤同薑酒味 每食一口麵索晒d精華 好出色💛豬扒麵💛大大塊的豬扒 即叫即炸 新鮮熱辣 炸粉的粉漿夠薄 外皮脆卜卜 內面保持到鬆化香脆又多肉汁 唔會乾掙掙的 整體感覺唔太油膩💛法蘭西多士💛依度既西多士有別一般茶餐廳 唔係傳統四四方方的 而係圓碌碌一個面包甘 面層鋪了一份厚厚牛油配襯煉奶 好邪惡 西多士食落蛋味十分香濃 口感超級鬆軟 充滿空氣感 真係似吃梳乎厘 不會覺得太膩整體來講 環境乾淨企理 招牌豬膶麵實在做得不錯 👍🏻簡單一碗麵亦感受到店家投放左好多心機 梳乎厘口感既西多士 顛覆原有想像 令人想一試再試📌漢發麵家深水埗大南街192號#餓鬼食在深水埗#餓鬼食堂#餓鬼搵食#豬潤麵#豬扒麵#西

今日特登同幾個朋友去漢發食豬肉麵，之前食過大家都好掛住它的豬潤麵，就一大早過來食，我地食一丁都煮得幾好，麵好入味，但講到最重點的豬潤就給它的質感吓親，厚度就無變，但豬潤一d味都無，成快橡膠一樣，好怪，好似食緊一塊爽的橡膠，我d朋友同我coment一樣，覺得已經變左另外一樣野，主打食豬潤，點知原來豬潤最失色，反而奶茶同牛肉煎蛋麵水準仲keep得到，本人好少寫食評，真是頂唔順先會comment😅😅😅