漢發麵家 (大南街)

营业中

休息中

兩點零鐘黎到 唔洗等位 入去就有得坐搭枱坐不過都好闊落叫咗豬潤蛋公仔麵（$29）同蝦子雲吞撈（$40）厚切豬潤正到爆呀 煮得啱啱好 唔會熟到鞋哂有啲人好鍾意薑味嘅清香湯底 但呢度D湯底係無薑味嘅 啱晒我呢D唔好薑嘅人！蝦子麵D麵夠晒彈牙 好多蝦子 加埋啲蠔油 好好味 

見呢度咁多食評讚豬潤好食,專誠嚟試。食完極之失望,豬潤係厚切大塊,但完全無鮮甜味,湯底亦好一般,同維記比仍差一大截,喜愛食豬潤朋友唔需要專誠嚟試,又信錯一次開飯

說想去漢發很久了, 總是難找機會, 星期日不營業, 平時又收6點 (現改了收5點半), 終於今天放假, 可以睡到飽才出發去吃, 反正我們想逛深水埗, 買新一代的自拍神棍, 正好順路了。下午三點來到, 見到有人等位, 我們大概等了5-10分鐘才能進場。說真的, 我覺得店家還蠻寸的, 豬潤、牛肉、豬手等不能與雲吞水餃等拼在一起, 豬手撈麵又不能用蝦子撈, 是不能啊, 並不是貴點就行, 怎麼會這樣的?茶走$13見人叫茶走, 又試試看, 茶走是奶茶+煉奶, 奶茶味很香, 不會澀, 多了煉奶的香甜更加討好了。芥蘭$14芥蘭灼得很淋易咬又仍保持著翠綠不黃, 究竟是不是落了很多油之故? 但又不覺太油, 只是有少許光令, 而且這芥蘭很有菜味, 好好吃啊, 在哪裡買的呢?豬潤麵$24豬潤是軟淋的, 不爽脆, 沒怪味, 件數幾多, 算抵食。今次要粗麵, 較有咬口, 湯底重酒味。水餃撈麵$32水餃有四隻, 皮薄餡料實在, 有蝦、木耳、冬菇、豬肉等, 各種料比例恰當, 混在一起豐富而好吃。撈麵的汁看似是蠔油, 卻沒蠔油的咸, 撈勻了後有點黏黏的像豬油, 咸度剛好, 牛先生吃到有很重梘水味, 個人覺得可以接受,

這天來到深水渉食午餐，去到一段時間無來的「漢發麵家」。 來到這店當然是它們的招牌食物，就叫了豬潤麵、魚蛋河粉和雞蛋三文治。 豬潤麵($24)剛剛去了捐血，給自己一個藉口去食一些「補血」的食物，不過這店的豬潤麵真是出名，炒好微漲的豬潤仍然能保持到水準，食落外表有微微的脆口而入面綿綿的感覺令人感覺良好，下面當然是配上即食麵是最佳的拍檔，但食落就好像味精下重了手，食完十分之口渴，唯一的敗筆。 魚蛋河粉($24)雖然不是自家造的魚蛋和魚片但食落仍然十分之彈牙，沒有死實的感覺，魚味也很鮮美。下面的河粉幼幼的十分滑身，但缺點也是個湯底，味精感太重，扣了一些的分數。 雞蛋三文治($8)雞蛋十分之滑身，蛋味不太濃，但竟是這餐中沒有味精感的食物。本人以前十分喜歡這食店，但食完這一餐令人十分之口渴，回家之後也有身體發熱這一些食了味精的反應，看來店子要改善這一個缺點，不然下一次的光臨可能遙遙無期。味精感太重的一餐，感覺不太好的「漢發麵家」。

這天專程帶家姊人氣blogger張C9再去一次漢發，直話直說，今次光顧是頗令人失望的...我點的餃子薑蔥蝦子撈麵，可能是太多蝦子的關係，鹹到飛起，而麵條也太糊不夠爽身，猶幸餃子尚算不錯。雖然碟撈麵鹹到我好失望，但孖寶公公和張C9點的柱侯牛腩麵和豬膶腸仔都ok嘅:最後還是覺得他的辣椒油最好!

平時食豬膶麵，我會去福榮街維記，食完可以帶孖寶行吓玩具街；今次則陪了孖寶公公和婆婆專程去同樣位於深水埗，在大南街的漢發。舖面乾淨企理，璧畫色彩鮮豔，這類麵檔茶餐廳而言，漢發算好肯執靚個門面，都好吖，顧客可以坐得舒舒服服，食嘢嘅心情都好啲!我點了招牌豬膶牛肉出前一丁麵，豬膶真的夠哂大塊和厚切，成塊鵝肝咁，咬下去很滑，但湯底明顯唔夠維記清香，公仔麵亦煮得過稔。婆婆點的水餃味道不錯，但不及公公點的鮑汁鳳爪撈麵，是當日亮點。鮑汁鳳爪夠哂入味夠哂腍，撈麵亦有水準；最後想提吓他們的自家製辣椒油，炒得夠香辣，好!

上星期見到朋友喺面書p左張餐肉豬膶麵既相, 好似好好味咁, 我問佢喺邊,佢話係在深水埗既漢發. 禁啱去開嗰度做嘢, 就同個同事去試試先. 大約2時左右,都幾多人吓, 但等了10分就有位了. 店內裝修唔錯,裝修好特別,又係牆畫舊香港. 看看餐牌,價錢都算平。我點了個豬膶餐肉出錢一丁,餐肉另上, 同事點了豬手撈麵, 牛腩河, 豬扒腸仔出錢一丁和炒牛肉煎蛋面. d豬膶幾厚, 好爽口,冇乜筋, d湯就欠缺左薑味(維X 既湯香d,好味d)和豬膶還未出味, D餐肉得非常脆口, 很小見廚師禁用心去煎(吃的時候, 我好感動, 普通到唔可以再普通既午餐肉竟然可以做到令人如此難忘, 實在難得) .至於我同事個豬手撈麵, 豬手好入味好淋, 這店一點也不吝嗇豬手汁, 麵條索了又香又唔肥 既豬手汁十分惹味. 炒牛肉煎蛋面, 牛肉味不濃, 牛肉表面有些少微焦, 炒得好. , 牛腩夠淋和冇渣, 河粉厚薄適中. 豬扒冇乾淨淨幾唔錯.老闆娘好nice, 我地order 時講明豬手和麵都要腍, 老闆娘都一一滿足我地既要求. 下次一定會再來.

早前在社交網頁上看到朋友上載了漢發這碗豬膶一丁，決心前往一試。今天中午一時到達，店內已有滿滿的食客，幸好跟家人一行三人，等了數分鐘便獲安排位置，點好食物後才發現，店外已大排長龍了。為豬膶一丁而來，當然不能錯過這道招牌菜，一丁的軟硬程度剛好，至於豬膶，個人認為在飪煮的時間上可再精準一些，今天吃到的豬膶，沒想像中的嫩滑，但味道十分不錯。家人分別點了薑蔥蝦子撈麵及鮑汁鳳爪撈麵，鳳爪在飪煮前相信曾走油，不論賣相及味道都跟坊間的鮑汁鳳爪有所分別，很香口，可惜沒拍照片。店內牆上看到炸雲吞配芥末醬的推介，點了一份，雲吞炸得很鬆脆，餡料十足，至於芥末醬，只是令炸雲吞增添多一層味道，換上其他醬汁也可。總括來說，如喜歡吃豬膶麵的朋友，還是值得專程前往一試。

最近有朋友話深水埗有間好吃的豬潤麵，最初又以為是x記，再睇下佢影碗麵張相，完全不像，再細問一下，原來是這間名叫漢發的麵店。我想起有一次我也在這買過雲吞米外賣，那次吃的時候，已覺味道不錯，有舊式味道，沒想到原來是有名的大排檔轉開店舖。今日再試朋友話好吃的潤牛麵，果然好吃。喜歡厚切豬潤的朋友有福了。豬潤煮得剛好，不鞋口，咬落軟身有口感，好吃。鮮牛肉不韌，也不錯。最讚是有生菜3大棵，正。

開工開到3点半，去到深水埗漢發，猪潤冇哂求其叫左餐蛋紅腸麵，D麵煮得剛剛好，吾硬吾淋，彈牙感觉，紅腸及餐肉煎得好香，餐肉算厚切，湯夠熱，湯味調到剛好，食得出係用心煮的。凍咖啡亦夠香濃，不過冰多左D

過去6-7年由於工作關係自己經常去深水埗, 而好友之一的少婦A亦同樣地經常去深水埗那幾條面料街, 而這店則打從她還是在石峽尾街街邊的大排檔已經過她鋪面無数咁多次, 但那時感覺是大排檔都收咁嘅價位好似唔多抵, 一直沒有幫襯過, 而自已一直反而只會去基隆街口那一檔茶檔,因為那茶檔的奶茶做得夠熱又有茶味,取價公道, 直至去年少婦A話食過呢度嘅雲吞, 佢話好好食,就趁一個天色陰暗的日子不想去哪兒的情況下帶太座來了這裡, 雖然是公眾假期但客人還是很多, 就試一個”雲吞麵”&”豬膶麵”雲吞麵的麵是爽身,枧水味所餘無幾, 雲吞傳統尺寸, 蝦肉是切粒粒的不是蝦膠伴豬肉那種亦不是全是一隻隻蝦那種, 有咬口有鮮蝦味但又不會過多,豬膶麵的麵是出前一丁, 厚切豬膶片要掌握剛剛好的出水時間至剛剛熟, 靠的是”工多藝熟”,看照片似還在出血但實情是剛止了血, 雖則這裏不是靠賣相食糊但這麵的賣相也不致很差, 因為有另一間賣這碗豬膶麵賣到開晒巷的同區老字號-“維記”, 那間的豬膶麵賣相其實幾不堪下, 跟麵一同上來的湯根本上是剛才滾過豬膶的水, 整碗湯都浮滿灰灰色的糜物, 可能有客人認為那是精華所在, 但其實除了那些浮遊

一個人的午餐 去那都不用等位 正！去食馳名潤牛面，面是出前一丁麻油味~ 煮得火喉剛好合我味道~送上來陣陣麻油香 ~ 豬潤 厚 大塊 爽口 但應該是發到爽的~如果你愛沙潤 他就未必適合你~因為已經沒有豬潤原先的味道，當然腥臭味都沒有。只會吃到出前一丁麻油味 哈哈~ 牛肉不過不失 但不少分量~

今日星期六, 從網上得知此店。記憶中我是不吃豬潤的, 因為很多時煮得太老不好吃, 而且很難煮得好味, 不過有次係維X食過一次後就愛上了豬潤, 連打邊爐也會叫潤吃。但已是六年前的事了, 現在維X得咸, 而且豬潤很薄無咬口, 所以我都沒有再光顧了。有天係此網發現漢發, 也是賣類似的東西, 仲大部份人都說比前者好, 所以決定放假來拜訪下。三點多到達無咩人, 由於一人關係, 也可以很多選擇的位置, 當然我也還是叫同一類食物以作比較, 那就是餐肉豬潤麵(呢度得出錢一X), 無其他牌子的公仔麵選擇。大概七分鐘啦, 麵來了, 首先見到D餐肉係面, 看來煎得很脆口, 豬潤呢就很厚, 大約五件左右吧。好第一口咬啖豬潤, 嘩~~~~ 勁彈口, 可能就是厚的口感, 仲有一定係沒有煮過頭才會這樣, 當然感覺件野好嫩口, 一流 ! 我已想以後都不能返轉頭了 ~ 至於公仔麵呢, 反而過淋, 不過食到有麻油味, 湯頭就OK, 無維X的湯清, 比較混濁, 但我也喝了七八口。連凍咖啡埋單$42, 都可以啦 ! 下次決定再來食過, 整體偏好, 最重要不用等位 !補充, 裝修好特別, 又係係牆畫舊香港 !

漢發名字很熟悉,經常聽到深水埗的朋友咁樣介紹,有人形容豬膶面的代表是維記, 但其實真正識食的要試試漢發。有日lunch跟同事專程搭的士去試試這間食店,常聽人講要排長龍,但可能我地lunch時間較早,故去到唔洗等位,店內裝修不錯,看看餐牌,價錢都算平。由於我地一行6人,叫左個店主推介淨豬手 $55, 初時都覺得有d貴,嚟到發現好大碟,仲有菜底,賣相都唔錯, 試過之後,真係太美味喇, 好少食到咁入味ge豬手,好淋,食完之後覺得$55蚊物有所值!!同事叫餐蛋面,普通ge食物,不過餐肉煎得好香好脆,而且面少少硬,食落啱啱好,唔錯唔錯。我食ge豬膶面,終於明白點解有人唔鐘意漢發喇,因為鐘意淋膶會揀維記囉...而我呢,比10個like呀!!!佢同維記好唔同,超厚切,仲有好多塊,都只係$22蚊, 真係抵到爛! 仲要係我最愛ge爽膶,有機會嚟一定要試,高度推介!同事點的炒牛蛋面,評語係炒牛好香,都係面上時少少硬,食落就啱啱好。見好多枱到有人點西多,我地人多又試下啦, 糖膠西多食得多,煉奶都係第1次,食過之後.......超級好食呀!!!!!肥死都抵呀!!煉奶出奇地夾, 最值得讚賞係成塊西多炸到好鬆軟,

朋友推介來食的！！叫我來吃真好味道的豬潤！其實都幾難揾！因為我對那邊道路街道都係唔多識路！條街間間都係布行！揾到我頭都暈！我一定要找到的！終於找到了！看看牆壁上的推介！樣樣都想試囉！但一個人點可以叫得咁多呢！首選凍奶茶！豬潤豬排公仔面！好厚大的豬潤！好似好久都未出街吃過一啲都唔渣！豬排唔會乾淨淨！面質好爽！好味的午餐來的！巧屎！