Burger Kitchen (已結業)

復活節的假日出遊大埔，去到那兒吃到那兒是我們的宗旨。路經一間名為漢堡廚房的美式餐廳，享用意粉午餐。餐牌上漢堡的選擇很多，意粉的種類亦不少。溫泉蛋蕃茄肉醬意粉是第一個驚喜，蕃茄肉醬味道調和得很好，肉醬不太肥，沒有硬粒，茄味鮮濃；而且多到泛濫在意粉之間，每條意粉都沾滿肉醬。加上溫泉蛋更是神來之筆，增添蛋香及嫩滑度。蒜腸煙肉卡邦尼意粉是第二個驚喜，蒜腸、煙肉、意粉是食得出的分明，恰如其分的各自表態；卻又同時間的互相輝影，一口集齊所有，滿足之極！有時候隨處發掘，都會有喜出望外的發現。

其實我好鐘意食 burger 但係要係香港搵一間好食既 唔多 ～ 以前睇介紹既都試過 每次唔係包太淋 就係牛肉太 mushy 今日去行新娘潭 坐緊巴士入去既時候已經經過 Burger Kitchen .. 到行完出黎我就建議試下佢一睇個 menu 我就覺得同觀塘一間我好鐘意既 My Burger好似 ( 但係我對上一次去有少少失望 overcooked 無嗮味 我聽到係廚師走左 )我地叫左個 classic burger w/ wings + fish & chips 一擺上黎 我就覺得同My Burger真係好似我以為係廚師另開左一間 因為係同我第一次係 My Burger 食既味道一樣 ！！！扒係佢地自己 season 過 肉汁好夠 最重要pickles 好好食 ！！！Fish & Chips 既 tartar sauce 都好好味不過我唔知佢地係買現做定係自己整我問佢地要左檸檬 我覺得Fish & chips 一定要配有檸檬汁 （不過佢比既係3片檸檬 😅😅）我心諗唔通無左 my burger 又比我搵到間Burger Kitchen咁開心 ?!?!比完錢 （兩個

作為「無飯」夫婦，晚晚都要諗食乜真係好傷腦筋。今晚諗左成粒鐘，終於諗到試吓一間未食過嘅西餐廳，點知行到嗰條街，發現咗一間從來唔為意嘅餐廳。睇個店名，就知道專門食漢堡包。原來除咗招牌既漢堡包，仲有意粉，全日早餐、英式炸魚薯條。飲品有好多好多選擇，我覺得最特別係鮮奶特飲，啱晒夜晚嗰餐唔想飲奶茶咖啡既人，而且有8款好特別既口味。不過我揀咗支啤酒，5款酒精類飲品，我揀咗Corona。平時飲開加青檸，依間餐廳就用檸檬。講返主食，我同老公都叫咗漢堡包加薯條。大啡菇芝士牛肉漢堡，肉質鮮美而且多汁，個包有烘過所以好鬆脆。另一個係德州煙燻牛肉漢堡，有些少辣，好好味。薯條係厚切而即叫即炸，一咬開個心勁熱。薯條配茄汁係絕配，我一個人點左三碟茄汁。依間餐廳唔收加一服務費，而且憑今次單據，下次惠顧可以換取素春卷2條或以優惠價$20換取小食拼盤一份。就算無優惠，我下次都會試埋其他食物。

一心想吃漢堡，便趁著假期來試試這小店出品如何。店面不大，但座位都尚算有足夠空間，不太焗促，加上牆上掛了很多漢堡的小圖畫，有種悠閒的感覺。兩個人看了餐牌，不設加一價格亦十分合理，所以決定點一個漢堡set和一個pasta set。炸魚漢堡($49)，加配薯條及飲品($20)炸魚漢堡以紙套著放在木盤上，店員亦有附上刀叉，只是漢堡還是用手拿著吃比較美味。炸魚是英式炸魚薯條的那種炸魚，表皮沒有很厚而且很脆，裡面的魚肉依然保持濕潤，配上沙律菜、蕃茄和他他醬剛好平衡了炸魚的輕油膩。套餐加配的薯條是個人偏好有肉的粗直薯條薯條新鮮熱騰騰，咬下去，表面薄脆、裡面軟淋，很香薯仔味的正合我口味。裝滿了一個小鐵筒，看似很少但吃起來卻比起快餐店的還要多。至於飲品點了熱柚子茶，在吃完煎炸食物後有助消膩，是不錯的。蒜腸煙肉卡邦尼意粉($60)配蒜茸包/沙律及飲品這次選擇了配沙律，是在沙律菜和蕃茄上淋了胡麻醬。至於意粉表面平平無奇，先吃了蒜腸，並沒有很濃的蒜味，像是普通的脆皮腸，但沾在蒜腸上的汁卻很creamy。意粉煮得剛好沒有overcooked，每條平均沾上的sauce令意粉帶有濃濃的忌廉香，混上蒜腸和煙肉這些簡單

大埔漢堡小店，性格比高，但鋪頭細，所以比較迫，兩人枱都需要搭枱。漢堡選擇算多，我揀咗個classic款-經典牛肉漢堡，再追加煙肉。牛肉juicy，芝士香濃，唯一係會食到成手汁，有D狼狽，份量足夠薯條新鮮炸起，唔算油，好味套餐有嘢飲，但飲手調咖啡要加錢，我揀咗Cappuccino，又係水準不過不失。總結：性價比高，食物質素都高，如果求食好漢堡會推介，但鋪細比較迫，如果當cafe坐，hea就唔係好地方。

這間位於大埔的小店，我每星期也來光顧，分別在於一次還是兩次而已，原因很簡單，這裡的漢堡和意粉各有千秋，一天吃漢堡，另一天吃意粉，剛剛好！星期五是我公司的Junk Food Day，這天我們都會大塊兒到這店吃漢堡，以慰藉我們一星期所付出的辛勞。午餐牌上的選擇不繁多但足夠，主要分為兩大類：漢堡和意粉。我最愛的當然是它的主打：經典牛肉漢堡飽，每個星期不吃過它，總覺得欠缺了什麼似的！漢堡扒是自家製的，大概有五、六安士重，非常夠份量，而且煎得恰到好處，外有肉香，內裡肉汁滿盈；另外再配上車打芝士、蕃茄片、洋蔥條(生或熟)和上等生菜塊，絕對是色、香、味俱全！不得不稱讃廚師老闆的細心，連麵飽也是嚴選過的，烘得外脆內軟，非一般坊間的普通貨色；酸瓜是選食指般長、特別爽脆的貨色。隨午餐奉送的，除飲品外，還有足料的西式餐湯（或芝麻醬雜菜沙拉）和即叫即炸的薯條，我敢大膽説這個 Gourmet Burger 午餐是物超所值！另外，也不要錯過這小店的意粉，意粉煮得軟硬適中(Al Dente)，每碟都是大廚老闆親自操刀，實屬佳品！我最欣賞是大廚老闆自創的中西合璧：XO醬海鮮炒意粉，XO醬是自家製的，香辣有序，海鮮有高

The lunch menu value was incredible. Burger, soup, drink, and fries for under 60 HKD! This family-run business was cozy and friendly. Would definitely return again. The lunch menu had about seven choices on it including burgers and pasta dishes.

want something different then the regular visit to Sw** cafe, so try try this for dinner. they serves pretty tasty chunky burgers. good burger options with beef, chicken, seafood. pasta and risotto also avaliable, but not nearly as nice. sweet potatoes fries were good, as was the bbq wings. will return when feeling fat fat. noted they also do a full english breakfast....may have to try that if i wake up early enough.

今日特登同朋友入黎食盡大埔美食，食完小食逛左陣，黎到呢間漢堡小店。店內大約只有18個座位，裝潢簡約樸素。下午5點半黎到，都大半滿座喎餐牌入面都幾多款式選擇，漢堡包、意粉、All-day breakfast、小食、特飲都有，因為食完呢餐過多陣仲要繼續試大埔美食，所以我地只係以試菜形式叫左1份漢堡包餐加個特飲share漢堡包轉套餐加$22，有1杯普通熱飲同2隻水牛城辣雞翼。餐飲我地揀左柚子茶，非常普通地就咁用熱水加柚子蜜糖漿。但特飲凍雪糕咖啡（$38），觀感幾好喎，攪攪下，見竟然有2球雲呢拿雪糕！飲落又好勁奶味，都幾足料，我喜歡呀等候食物期間，見店員將1大盤碎牛肉，用模具整成1個個牛肉餅用黎做漢堡，原來係自家製牛肉餅，幾新鮮咁喎主角漢堡黎啦，我地點左經典牛肉漢堡（$49），新鮮出爐夠哂熱辣辣，牛肉咬口唔錯，唔會好似有啲漢堡店將啲牛肉餅溝好多粉，不過牛味略嫌唔夠濃雞翼味道ok。總體感覺不差，但食物味道無多大驚喜，而性價比亦非高，不過一試無妨

好少特登走入大埔食野呢一間小店真的要大大力推介😍💕Lunch Set 比較多burger/意粉選擇🍝Tea Set就比較似茶餐廳類型😆因為朋友們不吃牛肉～所以未試到招牌經典牛肉漢堡🙌🏻以下係散叫再+錢跟餐😎1️⃣ 松露素磨菇漢堡 $49 +$20(飲品+薯條)呢個係我最期待的😍個包好鬆軟 唔係硬綁綁那種👍🏻 食落好足料 再多d黑松露醬就好啦🤤薯條係粗身嗰種，即叫即炸😋另外3個係lunch set😎2️⃣ 煙三文魚漢堡 $56🍔煙三文魚好新鮮 朋友幾鍾意呢款😛幾fresh不膩3️⃣ 蒜油蜆肉意粉 $58🍝呢個好重蒜味😋 唔會乾 好濃郁4️⃣ 南瓜雞肉黃金炒飯 $59🐔份量好大碟👏🏻 不過略嚴乾左少少😉 欣賞佢足料既!-跟餐仲有沙律🥗 包熱飲，我地全部轉哂奶昔類(原價$38-40/杯)，跟餐半價💕呢間小店好有誠意😚店員姨姨好nice好有耐性介紹餐牌😆 仲會問我地食物好唔好味，有冇野要改善等等；如果你地喺市區開就好，價錢真係好合理👍🏻一定會再來的🤤

新開張時嚟過食，覺得唔錯，今次再同朋友嚟！星期日一點嚟到，細細間嘅舖仔已經坐滿曬人，要等位。等咗十分鐘左右，我哋三個人，店員安排我哋坐四人枱，如果再有人入就要轉返細枱。我哋三個都叫咗炸魚漢堡，全部都加咗錢跟餐，兩個果茶，一個latte. 漢堡vnd大份，食完都已經幾飽。魚柳炸得幾好，唔會乾！跟餐嘅薯條份量都唔係太少，啱啱好，我同朋友都好鐘意佢嘅薯條食物真係好唔錯，不過食完burger,同朋友一路食埋薯條飲嘢嘅時候，店員不時都會拎起我哋裝薯條嘅桶，嚟睇我哋食完未，一食完就即刻拎走，再自動幫我哋埋單。都好明白舖仔細所以要快啲空返啲枱出嚟。所以如果想坐耐啲同朋友傾下計就要另覓地方喇!

至從兩個月前發現這間小鋪，進去試了他們的蒜香蜆肉意粉後，便愛上這間小店了！！之後每星期也會來一次，burger 、各款意粉、炸魚薯條也一一試過，我與太太每次都很滿意食物質素！但少少意見，只得水牛城雞亦太濃味了，可以加一兩款其他口味雞亦便更好了！

原來大埔都有burger 專門店因為個人好中意食burger所以特登去試下呢d地區小店店內坐位唔多坐到20個人左右星期六lunch hour黎到都要等2-3張枱.Order左兩個burger 先講軟殻蟹burger 一黎到見到咁大隻軟殻蟹都幾surprised食落好熱辣辣似岩岩炸好咁軟殻蟹好juicy 唔乾身咬落啖啖蟹肉好好味👍🏼👍🏼.另外一個係香辣煙肉牛肉burger坊間好多burger嘅煙肉都煎到乾爭爭但呢塊煙肉係似自家煮嘅feel煙肉煎完都係香口軟身另外牛肉都好香炭燒未咬落多汁唔漏可以改善嘅係辣味唔夠出.加$20有粗薯同野飲粗薯超級新鮮一上枱係辣口嘅脆口 誠意加分👍🏼👍🏼

之前第一次意外發現有新既漢堡店開張，所以就膽粗粗同朋友仔去試下，漢堡有驚喜，真係熱騰騰，個汁同啲涵好足料，記住一定要即刻食，凍左就麻麻地架啦。洋蔥圈同岀面食既唔同，本人鍾意食呢間新鮮炸岀黎既多啲。沙律就冇咩特別，正常沙律一個。

星期日，好想嘆咖啡啊本身諗住去錦田試all day, 點知揾唔到又無位泊，搞到轉場入左一啲都唔熟路既大埔，不過呢啲區域，all day都係得幾間睇黎好快試哂open rice見到呢間多好評又近近地，就佢啦！叫左農夫all day $83, 泡沫咖啡+$10一落黎，睇到個公仔已經開心哂，係我中意既迷你兵我老公都無我禁好氣好夠咖啡味，但唔苦澀，正農夫all day, 普通材料但整得好食，其中一條腸仔直頭啲芝士流出黎禁啊，老公大愛另一份漢堡扒+蛋多士 $3x，+$10朱古力咖啡呢檔用啲咖啡豆真係好岩我地口味，好易入口，好好飲，呢個好濃朱古力味，老公喜歡不過呢份食物就差啲啦，件扒係好有肉味，不過乾左啲，完全係比份all day 比下去要讚就係芝麻沙律醬夠濃，唔會溝到浠哂不過好多地方既all day咖啡都係唔洗加錢既，但係呢間只係跟檸茶，檸水個啲唔洗加錢，連普通既既磨咖啡都要+$10就真係差少少環境方面，地方有啲狹窄，抽氣系統差啲啲，老公食左一個鐘都無就嗌走，佢話覺得食完個人有啲油林林禁，我覺得少少啦不過食物，野飲係ok既