Burger Kitchen (已結業)

呢間位係大埔都算高質，食個好幾次都滿意今次出post介紹下呀。 位置在大中果邊， 大中依家開始冇咩特色野了， 大埔人真係越來越少好野食可以食茶餐廳開又一間又一間， 一間又一間小店消失。我支持小店， 六日來都要排隊。 但我都願意去支持這樣的小店。呢度係半自助，沒有收加一。Menu 好多野選擇。有唔同既burger 又有甜品 又有pasta 最愛德州雞漢堡， 個醬真係好好食。 次次去我都會食。 咖啡好好滑好飲， 拉花好靚。 服務員好忙 但都好細心加油💪希望你們可以努力

因為朋友話有張野有野送，就黎左食佢。點知佢冇比我地。我地掛住傾計。食飽走左先記得佢冇比我地個送既野。當時全店得三張台。所以唔會係太忙唔記得。我地三個人。都叫同一個漢堡。但係。都要照影相。佢都幾好食。但薯條偏鹹。同埋佢個漢堡太大個。好難一口由頭咬到尾。如果可以係兩個細既就更好！有粉。所以冇特別。但都要有心整多個粉比你。士多啤梨沙冰好似溝香精咁。唔好話佢唔好味但飲得出佢唔係新鮮野。之後值得一讚嘅係個梳打，佢個梳打係用罐裝梳打水；而且佢會比番個罐你。

我由新開張就開始幫襯，一排無去就突然覺得服務差左好多。一入到去無麥人就安裝排我地坐張4人枱，轉頭開始多人，有名侍應突然拎起我d食物就放去隔離二人枱，我地呆左，佢先話要我地轉枱，轉唔係問題，但可否先講一聲？。。食食下突然聽到音樂聲，跟住就聽到有位侍應同隔離枱講你地夠鐘要走，我望一望先果張枱，人地岩岩食完口d野食都未食完就叫人埋單。。。仲有我地去果時係夜晚，可能加上果晚天氣比較熱，店舖入面好多長腳蚊，我個朋友比蚊咬左3粒，食完就立即埋單走人。。。

Latte咖啡夠滑， 春卷，雞翼都唔錯， 晏晝跟餐沙律夠多菜同埋湯好足磨菇料。藍莓奶昔有d似藥水味，包有點干，如果人多果時，走廊有點逼，打卡影相放fb, ig優惠95折唔太顯眼

今日黎大埔一日遊，特意黎依間食burger既小店。佢位置吾近市中心，要行過去大埔安慈路八號花園先會見到依間小店。當日係公眾假期，我去到既時候，門口已經有幾group人等緊，不過店舖比較細同窄，坐位都比較迫，所以我都等左大約20分鐘先入坐。如果趕時間的話就吾建議繁忙時段黎食喇。入到去，店員會比個menu你，不過我係等既時候已經諗好，咁就可以慳返時間即刻落單。依度嘅漢堡包有十幾款可以揀，我揀左大啡菇芝士牛肉漢堡($65)， 漢堡非常大份同足料，配菜都好多，分別有沙津菜、蕃茄、洋蔥等，多層口感好豐富，漢堡中間夾左一塊大啡菇，咬落好juice仲一d都吾乾，塊牛肉扒都好嫩口，每層之間既芝士醬亦好惹味，整體個麵包好鬆脆。如果嫌淨係食漢堡太dry，仲可以加$20轉薯條加飲品套餐添！

Burger大家食得多，但唔知大家有無食過軟殻蟹漢堡呢？🤩我地叫左炸軟殻蟹漢堡$78🦀(入面有炸軟殻蟹、沙律菜、他他醬，蕃茄)同埋大隻佬漢堡$68🍔(入面有牛肉、煙肉、流心蛋、沙律菜、蕃茄、芝士、紅菜頭、洋蔥)，兩個burger都跟左A餐要薯條🍟同飲品🥤雖然佢個size唔係特別大份但就超級足料👍🏻 軟殻蟹炸得好脆，加上大量醬汁勁開胃，好味到覺得唔係幾夠食😂大隻佬漢堡就真係好大隻，多料到好難一口咬曬成個包🤣飲品我地就叫左凍美綠(+$14)同埋藍絲絨(+$19)，美綠加左cream好好飲，溶左冰都唔會覺得淡，而藍絲絨其實係海藻蛋白，入面加左薑同椰奶個味幾特別，拉花同顏色都好靚但係無加色素係純天然架💙總括而言係幾高質可以再戰，價錢仲平過係港島食好多！

早排好想食burger, 所以搵下附近有無啲好食嘅burger專門店, 發現呢間鋪頭喺openrice都幾多好評, 亦因為咁專程黎試下。當日下晝兩點幾, 門外有零星幾群人等緊位, 等咗大概15分鐘先有位。一入到去發現間餐廳比較細, 枱與枱之間喺距離非常近, 基本上出入都要用緊餐嘅人借過少少先入到, 所以如果重視用餐環境嘅人就要再考到下。我叫咗一個set, 經典牛肉漢堡配薯條, 仲有餐飲附送, 總共58蚊。個漢堡都幾有厚度, 絕對唔能夠一啖咬哂佢嘅每一層, 所以佢亦都配埋餐刀俾你, 可以切開再放入口。雖然食burger最正宗都係用手攞起再一啖咬落去, 但包住漢堡嘅紙太油, 好容易會揸唔實。除咗牛肉之外, 個包有唔少配料, 例如芝士、蕃茄、洋蔥同生菜。塊牛肉煎得幾好, 咬落去仲有好多肉汁咇出黎, 無過熟嘅情況出現。蕃茄同生菜喺呢個包發揮到中和油膩嘅作用, 所以唔算太油, 可以接受。不過蕃茄同牛肉咇出黎嘅汁會令到面包有濕透而變軟嘅情況出現, 呢點用餐嘅人要注意下。薯條幾好食, 用新鮮薯仔切出黎, 唔係m記嗰款, 而且份量算多, 食完個包後有機會食唔哂。整體黎講野食都ok, 但用餐環境實在唔理

試咗依間小店，店舖環境比較窄，座得比較迫，位置比較少。而且都幾多人食，所以要等10-20座位。.首先。叫咗個經典牛肉漢堡$49，加多$20。配咗薯條🍟同餐飲。個餐飲係搽茶奶昔。另一個叫咗菠蘿烤雞漢堡$52，加多$20。配咗沙律🥗同餐飲。個餐飲係川寧薄荷香草。.首先，塊烤雞好大塊，而且好多汁。菠蘿🍍都唔會太酸，隻醬汁同沙律菜丶蕃茄好夾。咬落去好fresh。而麵包🥯比較軟身，唔會太過硬囗。👍🏻.另外，經典牛肉漢堡，配料比較多，有牛肉丶沙律菜丶蕃茄丶酸瓜丶芝士同洋蔥。塊牛肉真係幾有份量🥩🍴。而且配上香濃嘅芝士同洋蔥，令牛肉變得更多汁。而酸瓜酸酸地，好開胃。.薯條🍟比較粗身同大條，而且炸得好脆口。沙律🥗菜就普通無咩特別。.餐飲方面：川寧薄荷香草🌿，係一個茶包，飲落去比較淡，味道唔太出。而抹茶奶昔就比較甜。🍵

今日行過見好似小店自家經營就入去試下喇。店員都好細心推介有set lunch。入到去有小店既風味。好舒適之後叫左個磨菇洋蔥牛肉漢堡餐。😋味道吾錯。價錢合理。但薯條就吾太夠熱不過都吾算油。反而洋蔥圈就吾錯。吾太油。仲試埋佢個經典牛肉漢堡。不過冇影相😫😫😫太餓了。下次會再黎試下個意粉同甜品😍

約左個朋友係大埔食，佢知我中意食牛又中意食burger，於是提議食呢間burger kitchen小店通常都搵到好野食舖頭唔算好大，只得幾張枱。朋友叫左個意粉，我就聽佢介紹叫左一個大啡菇芝士漢堡個包好大架，兩隻手都拎唔曬，食到我有d狼狽岩岩整起出嚟暖笠笠，牛肉好厚好味道，有芝士有生菜正呀！Dinner time揀飲品要好謹慎，好怕飲完會訓唔著，而且我平時都唔飲咖啡的。但見熱飲可以有公仔拉花，點都要飲返杯，揀左朱古力。維尼圖案超級得意，令我好滿足

身為大埔友，一直save左呢間小店終於今日得閒可以去試試平日既午餐時間～一去到唔洗等盒--有Lunch Menu $5x-$6x之前在網上見到唔少人推介黎食漢堡所以就叫左兩個burger!跟餐可以選擇沙律或者西湯食完個沙律都少少飽-經典牛肉漢堡連薯條 $58果然好夠份量好大個 芝士永遠都係牛肉既好朋友不過略嫌呢個包既牛未夠juicy--跟住落黎 燈燈燈登！就係會令人想再Encore既菠蘿烤雞漢堡連薯條 $62好食啊！燒菠蘿燒到果汁爆發出黎一啖係食唔哂咁多層架好食啊菠蘿同雞扒都好厚好夠肉地完美既配搭--跟餐有熱飲 想要自定拉花圖案既咖啡都只係加$10下次黎一定要再食菠蘿烤雞漢堡仲想試埋軟殼蟹漢堡加油啊 小店！

住係大埔半年從來冇乜去揾好嘢食，今日突然想食漢堡就揾下有冇，俾我發現呢間小店。入到去環境尚算舒服，我同老公分别點了菠蘿烤雞漢堡同大隻佬漢堡。嚟到時賣相都唔錯，食落原來有驚喜！兩個漢堡都好juicy, 配料新鮮，醬汁好味，啲薯條新鮮炸起，夠熱又夠脆！我同老公完全冇expect過有間咁好食嘅漢堡，價錢又公道，一定會再去！

山長水遠入黎太和試你間burger，坐底左竟然話淨番3個burgers - 星期六8.30pm到咋喎大佬 仲要俾隔離張枱2個人揀食咩先因為佢地早我地入黎 (如果佢地一直唔落單我地味唔洗叫，叫野就梗係落單計架啦，又唔係排隊外賣)。咁味姐係叫我地2個人走，黎得呢道預左食burger啦玩野咩

去開大埔，朋友介紹去呢間餐廳，主打漢堡、有Lunch Set，可以選擇餐湯或沙律，可按自己喜好選擇，仲有飲品，最後同朋友選擇咗呢兩款經典牛肉漢堡配薯條 $58個包好軟，漢堡好JUICY，仲有我好喜歡嘅青瓜，配合埋芝士同沙律菜，好滿足波羅烤雞堡配薯條 $62好喜歡食烤波羅，一見到個餐牌，立即可以決定食，波羅同雞係好朋友，好配合，有波羅嘅雞特別嫩滑每個餐都有薯條，仲要係我最愛嘅粗薯條，可惜我有幾聲咳，食唔到，店員好細心，幫我把薯條換成沙律至於個餐飲，我就叫了熱檸茶，朋友就加咗$10改 Cappuccino，仲可以選擇自己喜愛嘅圖案，最後選擇咗叮噹，估唔到大埔都有一間咁有心嘅餐廳

在大埔踩完單車，到了朋友推介的burger kitchen, 有名的應該是burger, 但就是想吃意粉巴馬火腿煙三文魚白汁意粉：意粉煮到剛好，有彈性，煙三文魚和白汁十分配合，略嫌煙三文魚少了一點，巴馬火腿份量足，但反而味道不算突出，但整體味道不錯蒜腸煙肉卡邦尼意粉：就如一般卡邦尼，建議可以試下其他跟餐蒜蓉包，即焗，十分香脆，讚水牛城雞翼：香辣，不會太酸，雞皮香脆，推介飲品叫了熱情果花茶，不會太甜，很香熱情果味。總結：店內的burger看來也不錯，不過如果想吃意粉，也是水準之作，不過店內位置不多，坐得較逼，而且要搭枱。