漢堡王 (已結業)

新店開左咁耐，我都係第一次黎。吁！可能期待太高喇，竟然係失望而回。叫左個二號餐，都唔記得個名，淨係知道係有芝士既漢堡囉！個包係大大個，又有芝麻，但係塊肉未好想像中好味，汁唔係多(其實好似係無乜)，又唔係好厚身，佢話flame-grilled，但係又唔覺同唔聲稱flame-grilled果的有好多分別；塊芝士又係普普通通；係比麥記果的多左配料同醬汁囉！薯條就唔使講，係唔得既，咁其實都唔會對佢薯條有要求就真！另外要左個士多啤梨新地，真係千其千其以後唔好再order！9蚊一個，個杯同記一樣，但係質素係比麥記差！求其整的醬係度，又唔係多，人地都話有的花生，佢連花生都無，係超級唔抵食架！我諗，其實應該試朱古力雪糕批。仲有，佢播埋果的美國音樂，成間野都好美國feel囉！不過有沙發，都幾舒服既。下次會再黎，但係唔係因為佢好味或者乜野，只係因為我想試下朱古力雪糕批…

burger kng 重出江湖，真的可喜可賀。雖不是第一時間去試，但也在27/12 一嚐重駐市區後漢堡王。男友要了小華堡加煙肉，我要了鱈魚堡，兩個包都好味，薯條就麻麻，太乾身了，又不夠香脆，可能是適逢lunch 時間，薯條大量炸定之故。另題外話，欣賞burger king 外賣全用紙袋，起碼比麥記的濫發膠袋為好，而且紙袋上擺明暗寸麥記，看來buger king 要重佔市場亦非難事。

雖然機場有四間, 山頂又有一間, 但其實尖沙咀呢間係唔同集團營運的, 故此其售賣的品種都有點出入.香港近幾年多左很多具質素的漢堡包店, 計有MOS Burger, Freshness Burger, Triple O, 同埋回歸香港的Burger King, 間間都是衝著麥當當而來, 無他, 因為真係比麥當當好吃.尖沙咀呢間Burger King除了價錢較平之外(最平套餐$26, 最貴$43)才有我在澳洲留學時最愛的煙肉堡(澳洲的Burger King的店名為Hungry Jacks), 分雙層及單層的, 雙層的餐賣$36, 單層$28, 配上照燒汁, 通常好食到數分鐘便吃完, 雖然塊肉因為烤過會乾身少少, 但由於汁多, 故此不會太覺.它的薯條是實心的, 但形狀似麥當勞的, 就係因為佢係實心的原因, 變左食落薯味十足.其他產品未試過, 故不作評論, 另外提提大家它因為是由另一間公司營運, 故不像機場/山頂分店接受信用卡的, 它們只收現金, 但咁好食, 價錢又合理的包, 一定有下次的.

"漢堡皇帝"卒之回歸嘞...絕不可以用"捲土重來"呢四個字去形容，因為若果大家近呢幾年要去遠行，上飛機之前如果唔想食嗰D勞什子飛機餐嘅話，通常都會去"漢堡皇帝"度先醫肚。尖咀新分店，正路D嚟講，應該叫"回歸市區"先啱...以前响機場食個whopper burger set，都要成四五十大洋，家陣呢度只賣三十幾。依家唔使去到airport咁遠la...水準跟機場店沒啥分別。牛肉依舊較乾身，唔夠juicy，但勝在個salad dressing夠味，可以彌補牛肉唔夠juicy嘅不足；生菜絲份量亦足，蕃茄片亦大大片...水準當然冇得同shake em' buns及triple's呢D後浪比，但始終價錢有分別，而且呢度確勾起我哋呢亭老鬼從前嘅集體回憶嘅...始終食開有感情ma...

I already ate my lunch, but i saw its new open...so I tried its apple pie...I think mc donalds is better than it...also its more expensive than mc donalds...moreover, the staff is quite nice!!!

The burgers here r really good, however the fries are slightly different to the ones from the airport branch. They do not have that extra crunchy coating on it.Anyway I tried the Hershey Pie too, and it is so gorgeous, I crave for it badly now...The fluffy chocolate and cream, and the chocolate base. Although its sweet, it not like sickly sweet.I can come here for burger and dessert now...

開張到依家吃過3次2次$37 whopper餐1次$43 煙肉+芝士whopper餐個餐連包,薯條,氣水薯條,氣水同M記既中薯條,中氣水一樣D薯條完全係同M記既一樣lo,失望而且餐無得加大個whopper 都幾大個,等於1個半至專漢堡d菜都幾多,新鮮d,唔似M記巨無霸D菜噤乾青瓜爽口D,唔似M記果D噤林蕃茄幾好,吃過M記至專漢堡既都知,佢D蕃茄凍既但whopper 就唔會lo可能因為佢成個包都比較熱,所以連d蕃茄,生菜都唔會凍冰冰塊肉幾好,唔乾,但唔算係好多汁lo同埋會見到d肉有d粉紅色,幾鮮嫩吃1個whopper都好飽$37抵唔抵就見人見智..我就覺得個餐無得加大,唔多抵..如果可以$40內加埋大就可接受lo$43 煙肉+芝士whopper餐可以話係搵笨之作個煙肉+芝士whopper同$37 whopper餐既一樣大係多左1塊芝士, 幾小塊煙肉噤就要貴$6貴d唔係問題但問題係佢d 芝士超差lo了出黎吃都吃唔到有芝士味,仲衰過超市買果d連埋包吃既話,真係有芝士= 無芝士,吃唔出分別果d煙肉有d硬身成個包噤大個,得3啖係吃到有煙肉同埋d 煙肉又係無咩味似係肉乾所以話$43 煙肉+芝士wh

尋日去左burger king並冇想像中咁好, 之前o係外國讀書都記得仲好味d~我食左個whopper with cheese and bacon..我真係唔太食到有bacon 同cheese 既味道~ 個sauce 係好普通既mayo~ 不過我partner 食果個...唔記得係咩... 不過係8 號~ 可能真係double deck 會食到佢d 肉既味... 都算唔錯... to conclude.. 佢冇triple o's 咁令人想返去再食... 我覺得mos 可能有d 仲好~

久遺了的Burger King在鬧市開舖, 對我這個漢堡飽痴來說簡直是一大快事. 不是說對面的不好, 只是下下六十幾蚊一個餐來說的確貴了點, 如今BK的Whopper餐只需三十零蚊, 想吃好的漢堡又多了一個選擇.開幕的第二天去, 印象最深刻的除了長龍外, 就要算是維持秩序的姐姐們, 個個年青貌美, 笑容可躹, 這肯定是以前的BK沒有的.套餐價錢三十幾到四十幾, 共有七至八款的選擇, 最後選了煙肉Whopper. 落order後大概等了五分鐘, 飽是熱的, 肉有點乾, 最精彩的還是醬汁及配料, 回味無窮. 跟餐的薯條與M記的貨色一樣, 不值一提.去BK除了食飽外還重拾了一份回憶, 記得上次BK全面在港撤退時自己年齡還小, 印象模糊, 如今光顧所能勾起的也不多, 但起碼記得有一樣食物是以前愛吃的--- 洋蔥圈. 不過今次時間關係, 下次一定會叫的!

在spasso遭遇超不快經歷，還好在burger king新開的TST店得到補償。　新太陽廣場店的環境舒適，有點似Freshness的cafe格局，卻只有更闊落，正是食完再hea都可以。而且，新店價錢比機場平了不少?以前明明吃個double whopper就$50多，現在餐價只是$28-$41，比老麥並不貴很多。　我們重溫了華堡，又吃了鱈魚堡、雞排堡：華堡的牛扒仍帶點嫩紅，成數明顯比機場店低，因此嫩口美味得多；份量大大個，$26單包/$37餐的價錢，真的抵食過麥記的至尊漢堡多多聲。雞排堡十分長身，亦是比麥記的麥香雞好吃很多；而鱈魚堡是最美味要讚的一味，軟包配搭香脆帶嫩的鱈魚排，滋味真是一流，是我肯定要返炒又返炒的一味。不過漢堡王的薯條真的不吸引，汽水方面可以揀雀檸抵讚，不過當日亦缺貨要被逼飲雪碧。　酷愛甜品的我，還試了雪糕筒及朱古力雪糕批(Hershey pie)。雪糕筒賣相與麥記無異，但吃來香滑得多，與富豪雪糕車有七成似，$4一個抵食啦!Hershey pie原來是現成包起的雪糕批，份量細細又超甜，$16一件就不太抵，我覺得加少少錢去買Haagen Dazs雪糕批會滿足多好多~　無論

難得burger king 0係交通方便的城中心開業,故特別慕名而來。一黎到,比我想像中多人,地方寬敞,不過略嫌沒有雙人檯,多人時難免要同人搭檯。點了一個芝士華堡餐($41)正如我老公話過,個華堡真係好似1.5 個M記至尊咁大!塊漢堡扒因為grill 過,所以比較乾身,有少少火羅味,有酸瓜、生菜及洋蔥等材料,食落真係好似M記的至尊漢堡(除了醬汁不同),不過Burger king d 用料好似新鮮少少,至少d 生菜唔會好似M記0個D 咁「霉」。薯條的份量唔多,唔會好似M記咁曬一大堆鹽同空心。可能對華堡期望過高,所以有少少失望喇!下次行過可能會試下其他款式!

北亞策略--一個好少聽過ge名,取得BK 港澳地區專營權亦因為可能未經營過快餐行業,真係第1次食等咁內ge快餐12月25號9點幾食一入去TST BK,大堂好大,坐位好闊,但係位就唔多,真係一多人少少就唔使只意有位,成個大堂得2個人收拾,個女仔一味快同求其,收左個盤就唔識抹,叫先識抹,抹完仲要有漬,佢收另一張整跌左條薯條竟然唔拎返上黎,由佢係地下,俾人感覺唔乾淨到counter買野食,真係好有問題,佢地係一個take order,幾個汁order,但係前面果個未汁完, D收銀員係唔識take 下一個law,由得客等,由排隊到買完野食係起碼等左15分鐘以上,收銀員唔take order不特只,仲要將D紙巾係咁攪,仲要放係張收銀度,D包又唔係邊樣好賣keep定多D,係咁叫客等,你話走野加野就等姐,一個普通照燒漢堡同tendergrill餐加mushroom swiss都等左5min,真係唔好叫快餐lu,之後PR叫number拎order 真係第一次見咁ge 餐成個counter勁多垃圾,特別個汽水機底,勁多垃圾同薯條個餐竟然冇得加大,真係唔得law拎完個餐,相比機場分店,真係唔識放餐,機場係

Burger King終於正式回歸.不計在機場兩間,同山頂凌霄閣店,這次是廿年前敗走香江之後,首次重臨香港市區.今次的回歸,似乎很大決心要向老麥還以顏色.區區一間連鎖快餐店,也用上一身Suit的美女公關在櫃檯招呼眾食客.起碼我在老麥,也找不到如此高質素的PR.其他人平安夜就吃"略水"大餐,小弟就向著漢堡包王鑽,外面廣東道萬人空巷,這裏反而食客不多,樂得清靜.這個平安夜,保証過得非常平安.套餐沒有Double Whopper,唯有叫個Whopper meal,再加$9加多一塊扒.如果再加多$9,是否會成為Triple Whopper?上次在山頂店吃罷真的麻麻.今次就真係好得多,飽身是土炮生命麵包,不過飽身也鬆軟.用手指篤下去也不會凹.番茄新鮮,漢堡扒充滿肉香,但有點點乾.沒有得轉洋荵圈,薯條比老麥好少少,好在不是空心貨.自此之後,Burger King再沒有距離感存在,那麼小弟對其的熱情,會否日漸褪色呢?說不定,到時又再變心,期望到Jack in the Box,Wendy,s等昔日同樣敗走香港的漢堡包店回歸.

新開張學人去趁下熱鬧,今日未夠一點去到,未爆場,一條人龍十個八個左右,4,5個Counter;等一陣就到,都幾快!職員就夠晒多,Counter 6-7人,廚房十幾人,備餐5-6 人,公關接待兩三人,連埋經理2個,幾十人做野,Counter後人頭湧湧.價錢方面,套餐$28起,貴過老麥,款色就牛豬雞魚芝士都有,不過就冇蛋.試左1號餐,$37,俾多$6多舊魚,總共$43,個飽BB仔頭咁大,拎起黎都幾重手,連埋薯條汽水,男士都應該夠飽!舊漢堡扒肉汁都幾豐富,醬汁都幾好味道.好過M記多多聲!唯一不足之處,就係效率低,我只係要個套餐咁大把,都分兩次,首先係薯條汽水,幾分鐘後先由美女公關姐姐送埋個飽黎.可能新開張關係,個個都唔熟手,一點後人龍忽然加長,情況都幾亂下!周不時見到有人追問美女姐姐幾時D野先齊,或者同美女姐姐對單.話時話,雖然亂,禮貌就非常周到!俾D時間佢啦!後記---由於個飽肉汁豐富,有紙包住都冇用,流到成手都係,想話去洗洗手,原來要落兩層去地牢,如果o係餐廳範圍加多個洗手盤俾人客洗手就冇得頂!