漢堡王 (已結業)

近來愛上吃burger,試左whopper set加洋葱圈..味道真的很不錯...比較起M記同MOS burger..漢堡扒更有汁..醬汁也不錯..番茄同生菜也很新鮮~~份量也很足^^可是洋葱圈比較失色..只吃到脆味..沒有洋葱味..可讚的是地方很舒適..很光猛..坐得很舒服...很休閒...而服務也很不錯..而那女公關也很美麗動人..令我胃口也大增呢...哈哈..說笑^^總括來說~~我一定會再幫襯的~~

Lunch time去Burger King買左個餐外賣，對上一次食已經係佢地撤走之前，已經唔係好記得個味，淨係記得好似唔差，今朝番工經過見到醒起公司附近有間Burger King。買左個蘑菇芝士漢堡餐，good~個堡正，飽正，蘑菇汁正，芝士正，肉汁正~But薯條普普通通咁啦，汽水當然又係普普通通咁啦...有下次，莫非下次要淨買堡？咁會唔會唔抵呢？係店入面見到d相，個煙肉漢堡賣相好似唔錯，但會唔會好肥膩呢？因為係買外賣，d環境乾淨分純粹匆匆一瞥既印象，味道因為d薯條汽水而無得到最高分。

知道尖沙咀開咗Burger King，第一時間試下，心諗終於唔駛等到搭飛機先有得食。呢間Burger King環境都唔錯，夠大，好舒適。睇埋個menu，同機場嗰間有d唔同，冇我最喜愛嘅Double Whooper with bacon & cheese，已經有d唔開心，是但叫個whooper試下啦！一攞個包，輕飄飄，唔夠份量喎！味道亦唔夠機場嗰間咁好。都係要等到下次搭飛機先去機場食。

知道BURGER KING的漢堡包向來被受稱頌，既然在尖咀開分店，便試一試由於不餓，只散叫了一個磨菇芝士漢堡拿上手，很熱很熱，感覺很好打開紙，那芝士已經與包結合，感覺更好吃下去，磨菇的味道不太突出，那塊漢堡也只是不過不失，不過由於夠熱，整體味道也不錯不過，包並不大，$17算是試一試吧

於太空館看過電影節的一套電影，便與友來到這裡晚餐。戲後的一餐，在我眼裡，也是醉翁之意不在酒。但也姑且寫寫這個食評。英國的Burger King 吃過好幾次，在香港吃今次反而是第一次。與朋友Share 一號(whooper)和十一號餐(girlled chicken)，加兩大洋要了洋蔥圈，Size 是英國的三分一左右，至於飽的Size 就跟英國無異。套餐由廿幾到四十幾，比較英國最平也要折合約八十港元一個餐，同一質素，在香港吃Burger King 簡直是物超所值。另外，購票後還要輪候約七分鐘才有吃的，這個快餐一點也不快，需改善一下。

試過幾次，始終覺得鱈魚堡真係冇得彈，特別是包，有少少麥糠鋪面，好好味，加上魚柳雖然好雪魚，但切得厚薄適中，不過像其他魚柳包那樣，又乾又柴，當然薯條不好味仍是burger king 的一大敗筆。

19/3(三) 6pm是次造訪Burger King,人腳為兩位同學,始因選了Burger King為咱們project的題目.實地考察當然少不了.橫越維港到BK,已是傍晚時份.踏入門口那刻手持DC拍過不停,店員得悉我們的來意後,亦表現得相當友善.視察過後,找了吃的才從長計議.留前鬥後獨要了Cod Fish Burger $14.麵包厚度及柔軟度甚高;夾中的魚柳肉厚香脆,魚味重;配以半溶芝士及份量其多的爽脆生菜,自家白醬汁份量恰好,味道溫和.令人樂道的美味魚堡!

掃街之行最後一站是Burger King，我生平第一次食，好感動，點了鱈魚扒堡餐($26)，跟雀檸及薯條這裡包的質素比麥當勞的好一些，較多配料，size 剛好，但薯條比較普通，下次要加兩蚊要洋荵圈，雀檸就非常失敗，好像加了水似的，味道超淡!要encore 哦!

其實喺佢撤離香港之前我真係未食過架,嗰時食漢堡飽只係識得去Mcdonald;幾年前同屋企人去韓國旅行,bf再三叮囑去到嗰邊一定要試吓Burger King,我當時問佢…乜Burger King好巴閉架咩?bf話公幹時喺嗰邊試過,覺得比香港既好味,牛肉juicy啲咁話,就係咁…我第一次食Burger King係喺韓國既,當時都只係覺得一般,話返俾bf聽佢話冇理由喎…之後雖然佢回歸咗,但由於開喺赤臘角同山頂,唔係咁方便,所以冇再食過…14/3晚同bf去鼎泰豐之前行經呢度見到有個Burger King既牌,開頭仲以為係幫機場同山頂嗰2間賣廣告,點知唔覺意俾我見到樓上真係有間舖喺度,就同bf講好下次會嚟食,之後因為鼎泰豐太多人,攞咗飛之後知道要等好耐,所以嚟醫吓個五臟廟先…地方都幾濶落,叫咗個double Whopper餐,比Whopper餐貴$9,個餐除咗一個double Whopper外,仲有一個細薯條同一杯中汽水,又唔係要食到好飽,應該都夠架喇!兩個人你一啖我一啖,食食吓自己喺度諗…今次好似好食過上次喺韓國嗰陣喎,係咪因為轉左食板燒雞腿飽之後好耐冇食過漢堡飽,對啲久圍咗既漢堡特別有好感呢

補回上上上週的食評:在保險公司被人疲勞轟炸完,又未夠鐘去柴灣,於是黎消磨下時間。其實想食薯條,叫多個魚柳包。薯條:第一條已似曾相識... 原來是麥記貨色。仲唔夠人地咁熱。兩包黑椒都救唔番。上次應在機場食過,咁快唔記得。魚柳包:再次引證,無心叫的反而更好食。魚肉一梳梳,咬落很結實,新鮮和捨得下材料。唔記得有冇生菜。沙律醬普通。當時不算餓,但咬一口,幸福感覺依然洋溢。又有似曾相識的感覺... 是丹麥餅店的魚柳包... 論味道, 是麥記filet的勁敵。反而擔心佢捱唔住。海港城對面, d租咁貴。閑日夜晚七八點, 入座率不夠一半。

今日夜晚同女朋友食,叫左個雙層漢堡排煙肉漢堡+蘑菇漢堡set,我再加左個朱古力雪糕批首先講返個飽,入面塊牛肉真係幾正!烤得幾好!不過對比機場或者山頂果間好似細份左d.之後試埋我女朋友個蘑菇飽,食左一啖,都ok,不過對比以前哈迪斯果個蘑菇芝堡,都係差d,攪到我即刻好掛住哈迪斯......薯條:M記質素,機場d正好多!朱古力批:如果唔係底果塊餅太甜,依個批會好正...搵次再黎試下佢其他飽先...

今晚同女友第一次試下這一間Burger.希望越大, 失望越大!!!首先叫個一號whopper餐$37女友叫了二號whopper cheese餐$41. 但後來發覺叫一號餐加cheese都係加兩大元. 叫了2餐又被騙了$2.之後再叫了洋圈, 及雞條4條.1. 地方及環境GOOD!2. 等取食物時間2分鐘Good!3. Whopper 個包夠熱. 但牛肉有D Dry. 及不上Triple O咁多汁. >_<4. 薯條, 不是新鮮炸出, 因為已經半林的著條. 由不夠Salt. 原全唔殉味. >_<5. 洋圈重差, 係100%林哂. 點解出品會咁差??? >_<6. 雞條好細條, 味道只是一半. 但BBQ汁幾好. >_<

叫個華堡餐個華堡保持到水準, 蔬菜新鮮, 但個薯條就差過機場, 唔夠脆口, 服務雖然大堂有兩個公關幫手招呼, 但個收銀比機場差, 唔會主動問客人, 需唔需要加芝士煙肉, 跟餐飲品選擇少, 幸好環境唔錯, 坐位多, 係廁所不在鋪內, 要行落地庫, 唔方便

新開個時,食過一次,麻麻地,買咗要等成15-20分鐘先有得攞,收銀又唔熟,仲有2個女仔係度介紹包餐,派餐牌. 不過可能廚房太慢,個個係度等攞包,包括我在內. 食落個飽一般,個apple pie好難食.點知上星期,再黎試,收銀快咗,出餐快咗. 我叫個mushroom burger再加塊魚柳都係加6蚊(係另一間,加塊芝士都成6蚊定10蚊). 以為係一細塊,返到黎個包真係有塊好厚既魚柳,仲好好味. 同同事食到好開心,以後都會多d黎. 仲有係好多位,容易搵位.

薯條好差......之前機場burger king d fries明明唔係咁.而家burger king同m記d fries無乜分別mushroom burger 幾好onion rings 都okbut落單唔清楚俾少一包onion rings我