漢堡王 (已結業)

究竟一日之內食兩個漢堡飽會有什麼感覺呢? 等我話比大家知啦!事源:今天午餐同事們建議了食"Mc'Donald"，一向沒有太大主見的我，當然沒有問題。卻估不到今晚的晚餐也選了<burger king>，因為友人說有很多的食評都說這裡的食物不錯，我們在尖沙咀都差不多食得七七八八，諗一諗，一於就到此一試!食多一餐!上電梯後，開放式的大門口已經傳來很香的烤漢堡味了。心想:好似唔係好多人既?!地方很寬敞，很舒適的快餐店，你會感受到很乾淨，枱與枱之間是很闊落，加上很寬闊的梳化，比起mos burger 好好多....由於有好多位的關係，我們打算先買後搵位。一位有善的職員隨即遞上餐牌給我們，並介紹了一些"最受OL歡迎"的餐給我們，看看價錢，實在合理到極了。我們滿心歡喜的點了"芝士磨姑漢堡"和"bbq煙肉漢堡"。“煙肉漢堡”的bbq汁有點像mc donald的bbq sauce，很香，甜中帶酸，十分醒胃。煙肉的份量也很充足，雖是薄薄的，但也十分有口感，我個人記得有四小條。Burger king 的賣點是其漢堡，果然，一試便知龍與鳳。好野真係好野，有肉汁，又惹味，正!我地無轉到洋蔥圈，試

尖沙咀開了間burger king. 終於唔駛特地到機場或山頂才吃到.. =)這間burger king 好大, 佔了前italian tomato 同tomato book 所有地方.裝修和環境很不錯.叫了蘑菇芝士漢堡, 好香的蘑菇和容掉的cheese... 絕配.到現在還是很回味呢~

本身諗住同朋友出去tst剪頭髮....可惜髮型師甩低...攪到白行一轉...當時真係怒火中燒...要知道我荃灣去到tst要幾耐既時間....朋友就話,不如去burger king啦,食burger king係一樣好開心既事,食完就唔好唔開心喇!心想...burger king好食得過triple o's ???朋友叫左有煙肉既burger,我就叫左華堡...薯條朋友話食落好有薯味...我只係覺得一般...只係比m記的熱...應該係話熱的薯條冇可能唔好食吧!可樂...只係百事...一般貨色...主角...華堡真係唔錯,入面有大量生菜,蕃茄,洋蔥,酸瓜加上勁熱既漢堡扒同埋芝士,熱到差d連個飽都拿唔起...朋友個煙肉burger都好正,有牛肉又有芝士,類似triple o's 既bc burger店內既友誼小姐真係幾有禮貌...一行入店內就主動比餐牌我地睇...幾好!!價錢方面比triple o's平成廿蚊好多人話份量少左...咁又正常既,價錢同份量應該係成正比...不過我覺得e個size岩岩好...一個人食,唔多又唔少,唔錯呢!

食芝士華堡餐薯條汽水唔洗講，都係咁個包幾好味，好多料佢有洋蔥係香d不過好似多得滯抵食過Freshness Burger同MOS burgerkitchen個入面幾亂，所以比較慢

友人推介Burger King,今日即管走去試試~一入門口有美少女歡迎光臨~服務員都有禮貌~2號餐有芝士華堡-生菜蕃茄洋蔥酸瓜都新鮮,起碼都是室溫的,配上暖暖的芝麻包及漢堡扒,溶溶地的芝士,咬落去蔬菜有"爽爽聲",真係好好味,又好聽!唔似其他Burger店,佢地d生菜洋蔥蕃茄都係特別凍,一d都唔夾!-漢堡扒我第一眼望落去係有d失望,因為太似麥記6號餐筷扒又乾又鞋...Burger King冇令我失望,漢堡扒雖然外貌似6號餐,但內涵十分出色,扒腍有肉汁,溫度適中!薯條-麥記貨色,唔食都冇失色!汽水一杯

2月24日幫襯過,d包好多選擇,而且口味同老麥果d好大分別~今次買左個照燒漢堡,味道唔錯,牛肉都幾有牛味,洋蔥就乾左d,不過一圈一圈咁都幾特別,好過老麥剩係整洋蔥粒,照燒醬一流~薯條就差左d,同老麥果d真係冇分別~(睇完食評先知山頂同機場店都係用粗薯條,好心佢就跟果兩間分店用返粗薯條啦~)今次餐飲我揀左雀巢檸檬茶,原來唔洗加錢轉,呢方面老麥又真係冇得比~得閒o既話應該會再幫襯Burger King,不過就未必再o黎尖沙咀店喇~

去開買戲飛, 終於有籍口路過廣東道, 食食久違了的尖沙咀Burger King.首先要講服務, 一入門口, 有位制服美女主動向我遞出餐牌, 自己選了一個有煙肉果隻Burger. (冇記佢乜名)...去坐, 又係一間空間超大的Fast food, 找了一個角落, (偷情不錯). 自吔包包....食包時, 回想起昔日尖東漢堡包王, 每次坐火車, 由紅磡行出尖咀. 唔係南京牛肉麵就係Burger King....Burger King, 返尖東啦.........好懷念啊......當然..........不少得.........南京牛肉麵: (講返包包, 牛肉好正, 食得出係燒牛肉rather than grill 牛肉..老Mac, 絕對冇呢個味道.ps. 仲有一個懷念..........Wendy's : (

whopper的牛肉味無人能及！洋蔥圈非常美味!我在年初一和年初二連續去了兩次不覺厭。

只係事隔一個月，又忍唔住走黎呢度再食，今次要o左個芝士磨菇漢堡餐，原來加兩蚊可以換洋蔥圈，未試過即管試下加，個餐黎個陣竟然拎錯薯條比我..... 不過由佢只係小事，d洋蔥圈比想像中普通，下次都係食返薯條好d，不過漢堡包依然好正，m記芝士漢堡食得多，但其實咁多年黎，食普通漢堡同芝士漢堡都好唔係太大分別，主要係唔多食得出塊芝士既味，但呢度就唔同，完全感受倒芝士既香味，再加埋磨菇，又一次滿足了，都只係三十蚊姐，一定再有下次！最後仲想講講，原來呢度地方都算幾大，晚上六點幾，坐唔倒四五成人.....

之前吃過機場店，發覺Size都很大，但比Triple O's還是少一點。今次來TST店，發覺水準比麥記好一點點，意外。薯條是很幼細的貨色，食落還算脆身，沒有薯味已是意料中事。點了華堡、鱈魚堡。華堡和「至尊漢堡」差不多，但更大及有更多蔬菜，食落健康一點吧。但醬汁真是和麥記的差不多，只是那些洋蔥真的很新鮮，很惹味。鱈魚堡的魚柳炸得香脆，比麥記優勝。份量也多了一點，但醬汁又不是特別，和麥記的一樣。比麥記貴少少，質素比麥記好少少，但是，我寧願吃麥記了！因為華堡真的不值得Encore，可以至尊漢堡取替。

從來未食過保加敬，今日第一次，同女朋友叫咗兩個10號餐，個包味道都幾好，但真係細隻咗啲。薯條就冇乜特別，同全球最大既漢堡包連鎖店分別真係唔大，如果唔話你知响邊度買，你亦根本食唔出。或者係我冇睇清楚，但我睇唔到有得散買個包，剩係得套餐價。個包大隻啲就好，依家咁細，所以只係畀個OK佢。

去年在山頂食過一次，我覺得好奇怪，為何BURGER KING重返香港，會選擇山頂而不是旺區的呢？終於，尖沙咀開了分店，也刻意去捧場叫了一個餐(忘記了那款飽叫甚麼名字？)，BURGER KING以即叫即整的方式，處理得比麥記好，起碼掛隊不會有混亂吧再加上服務員遠較麥記的有效率、醒目不過，論食物質素，就有少少失望除了個飽大少少外，實在與麥記的差別不太大再加上普通的著條、汽水，就花了我$37了！

吃過兩次, 價錢比機場及山頂平了一截, 份量亦隨之而少了一截. 食物質素方面也比較差: 洋蔥圈沒有甚麼味道, 像吃炸粉圈一樣. 薯條令人很失望, 不明白為甚麼可以和機場及山頂的差這麼遠, 根本和老麥的差不多, 輪到主角: 華堡, 第一次在下午五點幾來吃, 可能人少的關係, 個飽拿上手時真的有點燙. 第二次在晚上七點幾食時, 只是感覺到個飽係熱的. 個飽d料比較少, 洋蔥及蕃茄只是薄薄的, 但仍比老麥的好得多.服務就比較特別, 好似吉野家的做法, 落order後等叫冧把, 可惜收銀員的態度不友善, 無乜禮貌, 非常機械式的對答好冷淡...環境倒是不錯, 非常寬敞, 桌椅size都比大, 坐得挺舒適.在附近想吃好一點漢堡飽還是會選擇Triple'O. 想食得平一點的話才會來這間burger king.

聽朋友前日推屆burger king既burger, 昨天忍唔住，放工特登往尖沙咀走一轉，試了mushroom swiss set，個mushroom swiss size好細，但味道好好，芝士仲係melting 狀態，薯條就認真麻麻，我覺得同m記差不多，見到隔離枱 食double whopper, 好吸引，下次一定要試試。

知道burger king 係尖沙咀開左一間, 師傅成日心思思想去食, 因為覺得呢度既漢堡係好好味, 終於尋日就專程黎試, 結果就......去到時已經好夜, 師傅已經餓到傻, 但係仍然懷住一夥好開心好期待既心情, 去到售賣部二話不說即刻叫左一個小華堡餐, 一個燒烤煙肉漢堡餐, 一個磨菇芝士漢堡同埋一個六件裝既雞棒棒!先講下d漢堡先, 所有漢堡既大細清一式一樣, 冇分別, 而就肉眼所見既份量同麥記差唔多, 感覺好似有d走樣; 再講下個小華堡先, 小華堡既份量唔算好大, 同山頂相比真係細左, 裡面有牛肉, 蕃茄, 青瓜同埋d醬汁, 個包依然好鬆軟, 牛肉好香好有牛肉味, 蕃茄好大塊好多汁, 青瓜酸酸地加埋d醬汁, 都幾好味; 燒烤煙肉漢堡既煙肉烤得好香好脆, 不過就乾少少同埋有d韌, 而漢堡又鬆又香, 加埋個燒烤汁中和番, 都幾好味; 磨菇芝士漢堡就有d磨菇加埋d磨菇汁, 磨菇爽口, 而漢堡都幾鬆好香, 可以; 雞棒棒就炸得唔算乾身, 加埋d燒烤醬都幾好味; 而薯條就唔係食開果種大薯條, 雖然都炸得好脆都叫有薯仔味, 但咬口唔一樣, 差好多, 師傅始終鍾意大條又粗身果隻多好多; 而汽水就