漁獲浜燒

营业中

休息中

Disappointing service. Cabbage Salad sneaked in to meal coz we didn’t see tiny small print on menu stating you had to decline not to pay at start. Staff unresponsive.

lunch坐低等老公，自己叫咗兩隻西班牙蠔食先，感覺完全唔似即開，裙邊完全唔識郁，連dd少少都冇。有反映過，不過佢話係即開你都冇計。之後帶咗個1680嘅二人前同刺身。身體很誠實，食完兩隻蠔兩個鐘頭之內屙咗兩次，之後夜晚黑亦都痾，剩係得我屙，你話啲號唔係出事，真係搵鬼信。成餐飯整體意見係浜燒正常，同以往一樣，只要唔好叫刺身類食品就好。其實生意越難做，係咪要更注重出品。依家餐飲業有幾旺，有眼都知。 $2000 食個lunch,食到肚痾，你話我仲應唔應該再去

一日之計在於晚，辛苦返嚟都係想食返餐好少少，呢間要嚟慶祝生日都係唔錯嘅選擇，價錢實惠 cp 高，整咗個餐廳推介嘅活龍蝦活貝浜燒盛合，當中有龍蝦刺身 x 龍蝦甲羅燒，食得出真係好新鮮，甲羅燒都釀得好好食，膏味濃郁，另外仲有包浜燒大蜆大貝等等，飲埋啲殼上面湯都係重點 🤤另外食咗個特製黑松露炙燒平目魚邊沙律 $138，好似有 7-8 塊咁上下嘅燒平目魚，其實好似即係燒左口魚，超鍾意食，出邊兩舊燒左口魚壽司都 40 50，仲有黑松露 + 開胃酸汁沙律，仲有至愛嘅牛油果，呢個正 🤤最出色係香煎蒜片厚切牛舌 $108，呢個物超所值，有 6 大舊，睇圖都知厚一厚，入到我至愛嘅牛舌排行榜 top 幾系列，厚得係又爽又淋，好軟嫩，調味亦豐富，點埋碟上嘅汁，又上咗天堂 😇漁獲浜燒銅鑼灣軒尼詩道 525 號澳門逸園中心 18 樓#窮豬銅鑼灣 #窮豬日式 #窮豬推介

都很久沒來這店了，過往來都主打浜燒，今次就點了個「漁獲極盛二人前」$1680 兩位，如果喜歡飲清酒加$200 就有一枝300ml先上每位一份「特製黑松露炙燒平目魚邊沙律」，多款新鮮沙律菜在底，而面上平目魚經火炙過令漁油迫出更美味，還有黑松露醬層加香味「手握壽司八貫」有肥美三文魚、清爽甘甜油甘魚、鮮嫩爽脆池魚王，另外還有最愛北海道牡丹蝦，口感富彈性又鮮甜另外牡丹蝦個蝦頭拿了去炸，香口酥脆到可以整個吃下，送清酒一流主菜有兩款，「雜錦天婦羅」炸到金黃色，炸漿酥脆食落不油膩，我都喜歡食香口食物，這個做得不錯另一款主菜「燒A5和牛扒」，和牛5成熟左右，吃落肉質細膩嫩腍，肉香都夠之餘再滲入燒過的牛脂，讚啊餐以外點了個燒油金魚頭，這個爸爸羽最喜歡，燒得外面頗香口，但裡面魚肉位還滑嫩，同樣送酒之選最後一款是食事，我揀選了鍋物，「漁獲海鮮鍋配稻庭烏冬」，鍋內有廣島蠔、大蝦、魷魚及北寄貝，底層有雜菜及豆腐，一滾起就可放烏冬，湯底非常鮮甜一餐飯結尾當然要有甜品「椰子雪糕」及「柚子亞葩」前者濃香椰子偏香甜，後者清新酸咪咪

📌 漁獲浜燒 - 銅鑼灣軒尼詩道525號澳門逸園中心18樓🗓(15/4) 星期六 ⏰ 下午1點左右 💈特式：終於都放假了，今日同另一半嚟食呢間網上評價超高嘅日式浜燒店，Openrice好評過千，應該有返咁上下水準，我預早係Openrice訂位就會享有午市時間7折優惠。🥩🍔🌭🌮🥗🥯🥘🍲🍝🍣🥟🍤🍱食物：因為另一半想食龍蝦刺身，睇完menu如果散叫要成$700蚊，但見到佢有個漁獲極盛盒二人前，入面除左有龍蝦刺身之外仲有好多其他野食，好似抵好多，而家等我同大家講下🎌味道先。漁獲極盛盒二人前 - 呢個套餐都包括左唔少野食，7折完都只係$1176，認真抵食。特製黑松露炙燒平目魚邊沙律 - 個沙律黑松露味好出好香，仲有d平目魚炙燒過好香魚油味，肉質亦變得好柔軟，配埋d新鮮嘅沙律菜，一絕，好味道。手握壽司 - 分別有三文魚/池魚王/油甘魚/北海道牡丹蝦各二件，三文魚就普普通通；池魚王肉厚鮮味，食到少少甜味；油甘魚油脂豐富；北海道牡丹蝦好大隻又鮮甜，kr埋上面有少少黑魚子，好正。主菜 - 主菜分別有兩個三選一嘅選擇：什錦天婦羅/味噌蟹甲羅燒/白鱔浜燒(三選一）活龍蝦浜燒/龍蝦刺身甲羅燒兩食/燒A

年底出花紅, 相約同事今晚食餐好! 記得之前食過銅鑼灣樓上舖「漁獲浜燒」, 亦都介紹過舊同事幫襯過, 個個食完都讚口不絕, 今晚一於帶同事去食返餐。餐廳面積不大, 地方企理。主打海鮮浜燒、刺身等等…高檔食材。【特製黑松露炙燒平目魚邊沙律】HK$138平目魚邊被炙燒過迫出部份魚油, 表面魚油更顯魚質又滑又林; 新鮮爽脆沙律菜、蕃茄仔, 再加咗黑松露、特製醬汁, 撈埋一齊食, 酸酸地, 而且松露味好重, 正!【漁獲浜燒盛合(活) 】HK$888包括有珍寶蝦、松葉蟹腳、鮑魚、蠔、活帆立貝 (二人份量)浜燒過程會係餐廳中央開放式煮理, 透明度高, 所有浜燒物都燒得有水準, keep到海鮮本身水份, 食到原汁原味。珍寶蝦: 超肥美, 口感極為爽口彈牙, 鮮甜味十足, 而且蝦頭仲有甘香清甜蝦膏, 正!松葉蟹腳: 蟹腳只燒成暖暖的, 可以拆出梳梳蟹肉, 蟹肉keep到鮮甜肉汁。鮑魚: 已去除內臟, 爽得黎易咬開, 食到鮑魚本身鮮甜味。蠔: 燒後依然肥美多汁, 加入少少檸檬汁, 一口咬落去口感滿足, 鮮味唔腥。活帆立貝: 分別以醬油同清酒做調味; 醬油味道偏濃郁, 鹹香帶鮮; 後者以清酒帶出帆立貝本身

漁獲浜燒係銅鑼灣有間日本🇯🇵料理提供浜燒海鮮🦞！浜燒海鮮係代表啲海鮮要係鮮活！今次食嘅係澳洲嘅龍蝦🦞，來自日本啲貝類海鮮！前菜先食左個沖繩沙律🥗，有勁多沖繩海葡萄，再加勁多魚角切，食落口好新鮮！之後就食海鮮，今次係食貝類為由，店員會問想點樣烹調，我就揀左牛油🧈同清酒🍶，2種口感非常唔同，亦都有不同啲鮮味帶出！龍蝦🦞今次係炙燒，食落口非常香口之餘亦都唔會燒得太老，亦都保留蝦膏！鮮甜美味！

漁獲風味全開🐟海鮮饕餮盛宴🦐🦞🦑這家以新鮮的海鮮和精緻的魚、海鮮、日式料理聞名。「赤鯥魚活貝浜燒盛合」HK$1668，是海鮮愛好者的必點之選！豐盛組合包括波士頓龍蝦、活帆立貝x2、活立蛤x2、活北寄貝，原價$1098，我們是因為升級了更好的魚✨🌟💫 🥗沖繩風沙律 HK$138，新鮮的蔬菜、海藻和魚生，配上特調沙拉醬，清新爽口，讓你一口接一口。🍺搭配上Sapporo啤酒 HK$48、烏龍茶割燒酎 HK$58，讓你更能感受到那份深厚的日式料理文化。🇯🇵🍻愛吃魚和海鮮的，不要錯過🐟🦐🦞🦑🥗🍺🍻🇯🇵❣️沖繩風沙律 HK$138赤鯥魚活貝浜燒盛合HK$1668Sapporo啤酒 HK$48烏龍茶割烧酎 HK$58

果一晚約好咗個朋友仔食飯嗱嗱淋系公司做完d報價走咗去銅鑼灣一間料理食個晚飯依間日本料理賣相睇得之如又好食...食物都好新鮮兼即叫即煮！！邊傾下計邊等唱嘢食...雖然上菜慢咗少少但係都等得值得嘅啲海鮮同刺身都好新鮮味美上完一鍱再一鍱停唔到口樣樣都好好味#好味 #yummyfood #delicious #seafoods#japanese #japanesefood #foodtaste #tst

超級新鮮•燒海鮮餐🦞🥰.是日中午去左食燒海鮮😍想講每一樣都勁新鮮🥹完全唔洗點醬汁，齋燒齋食都好夠味‼️.沖繩風沙律🥗好足料嘅沙律啊～有爽身嘅海葡萄，加埋刺身切條：油甘魚、三文魚、八爪魚🐙🐠仲有沖繩苦瓜～.喜之次活貝浜燒盛盒🐙🦑🦐🦞原先個餐係波士頓龍蝦🦞，以優惠價$236升級左喜之次🐟因為條喜之次係朝早新鮮由日本空運到，所以吸引左我試🤩.套餐有活帆立貝、活文蛤、活北寄貝全部都係連燒完嘅湯汁都飲埋，實在太新鮮🥹帆立貝超大隻，好甜好彈牙！活文蛤第一次食，原來係咁爽口🥰.飲品🍻呢道有唔同酒類薑汽水割燒酎🥤薑味解膩唔錯☺️乳酸味汽酒🍶我最愛yoghurt味😃

呢間居酒屋主打浜燒料理，為客人即叫即燒新鮮海鮮，店內海產由日本直送抵港。居酒屋裝潢簡約，店內設有bar枱座位同普通座位，四周掛有不少日式裝飾，增添居酒屋風味，環境氣氛一流。波士頓龍蝦活貝浜燒盛合 $1,098一共有4款海鮮，我升級左其中2款海鮮❤店員會先端上生猛既龍蝦同其他海鮮比客人睇，可以順道打打卡，才去進行料理。🔹️波士頓龍蝦升級👉活龍蝦活龍蝦兩食🤩龍蝦尾做刺身，好鮮甜，肉質爽彈。而龍蝦頭係甲羅燒，豐富既龍蝦肉同龍蝦膏一齊釀入龍蝦頭中，燒後既龍蝦膏香味撲鼻，入口甘香豐腴，用兩種唔同食法都嚐到龍蝦既鮮味。🔹️活北寄貝升級👉響螺響螺切開左細細件，好方便進食，連埋海帶一齊煮，好鮮甜爽彈，我連湯汁都飲埋😜🔹️活帆立貝 (2隻)帆立貝好大粒，店員切開左細件，食落啖啖肉，一隻揀左用清酒燒，另一隻就用牛油燒🤩清酒燒清甜突出偏清淡，而牛油燒較濃味。🔹️活文蛤 (2隻)文蛤肥大肉厚，燒完後原隻上枱，好鮮甜美味，汁都飲埋😝沖繩風沙律 $138有口感爽脆既沖繩海葡萄、沖繩苦瓜、海藻、刺身 (有三文魚、八爪魚、油甘魚)、黃椒紅椒、蕃茄仔同沙律菜等，材料新鮮又豐富，加配左微酸既柚子醋，好醒胃。巨峰梳打 $38西柚梳

平時真係好鍾意食燒海鮮，今次就book mark咗一間日式浜燒既餐廳，佢喺銅鑼灣嘅澳門逸園中心。入面係傳統日本木系裝修，座位好大好舒服。店員好有耐性去講解每一種食物，仲會拎出成個活生生既海鮮拼盤俾我哋睇，確保食物係新鮮，隻龍蝦仲識得跳添。⚜️活龍蝦和牛浜燒盛盒佢嘅盛盒係非常豐富，當中包括嘅海鮮有五款，而且每一種煮法都係唔一樣。有燒鮑魚(肉質嫩口彈牙，有淡淡的煙燻香)，燒榮螺(juicy, 有海帶，有燒酒)，清酒燒平貝(用走燒過好香)，燒和牛(肉質好嫩，油脂分布得非常好，識落唔會有好油膩嘅感覺)，龍蝦(龍蝦肉一粒粒mok 好晒,仲用埋佢嘅膏去燒，味道一流。)⚜️沖繩風沙律佢嘅沙律好特別，而且材料非常豐富。我最鍾意就係上面有海葡萄，食落好似蟹籽咁脆卜卜。除此之外佢仲有海帶，八爪魚，帶子，苦瓜，同埋唔同種類嘅魚生片，真係超豐富呀。佢嘅苦瓜係一啲都唔苦，甘甜可口。⚜️乳酸梳打呢個係我最鍾意飲嘅飲品，有氣嘅乳酸飲料好開胃。⚜️巨峰味汽酒佢嘅酒味唔係好重，似巨峰提子汽水多啲，適合飲酒初學者，或者鍾意飲汽水嘅都可以選擇。

漁獲浜燒 📍銅鑼灣軒尼詩道525號澳門逸園中心18樓Bookmark 🔖 左好耐 ～ 日式浜燒專門店今晚終於來左食💯♥️食材新鮮～🤤😋現場即叫即燒～店內裝修有日本風味🇯🇵我地坐吧枱～可以望住師傅製作刺身😆分別叫左沙律🥗刺身🍣漁獲浜燒盛合🐚浜燒盛合係有專人燒製～即叫即燒🔥✨とれとれ さしみ盛合せ 五点 $488 刺身盛合五款。吞拿魚。油甘魚。三文魚。牡丹蝦。馬糞海膽 每款魚類刺身都係厚切～啖啖肉～非常新鮮牡丹蝦～肉質爽彈～又鮮味馬糞海膽～顏色鮮艷～入口甘甜✨漁獲浜燒盛合 $898 係我最期待既菜式😍～一共有六款海鮮款款新鮮～燒之前更會比你望望～鮮味非常。珍寶大蝦。松葉蟹腳。牡蠣 。活帆立貝 ～ 有兩款口味 清酒 🍶 ～ 清甜帶點酒香牛油🧈香草🌿～非常惹味我地由鮑魚升級做響螺～。清酒煮響螺～肉質爽脆～鮮味✨特製黑松露炙燒平目魚邊沙律 $138👏🏻比目魚經過炙燒～油香更出配上牛油果、特製黑松露醬汁～沙律菜🥗食落好清新～✨飲品。Kyohime Yuzu x Plum Liqueur $75京姫 柚子x梅酒 ～ 果味好香。Fruit Flavor Sour 果味汽酒 $46揀咗西柚味～酸甜好開胃

浜燒指將海鮮在岸邊即捕即燒，餐廳有魚池，提供日本新鮮運到的不同海鮮， 龍蝦、南非飽魚等，即叫即燒。店內裝潢行木系日本風，有bar枱同普通既枱。🌟沖繩風沙律 $138呢款沙律有海草、苦瓜、沙律菜、蕃茄、刺身，用咗沙律醋調味，酸酸甜甜好開胃🌟波士頓龍蝦活貝浜燒盛合 $1098波士頓龍蝦、活帆立貝x2、活文蛤x2、活北寄貝但可以用優惠價將波士頓龍蝦升級喜之次 $1368係攞去煮之前會先成盤攞再出黎俾你影相，喜之次同帆立貝都好大隻。✨喜之次師傅會先將喜之次起咗肉，再火炙下魚皮，會以刺身方式去食。喜之次肉質細嫩，魚脂肪都好豐富，食落肥美鮮味十足。食完之後魚頭同魚骨會拎去炸，之後食晒其他燒海鮮，再食炸魚骨，都幾香口但會有少少油膩✨北寄貝燒北寄貝切開咗細件，食落比較爽同幾重酒味，啲湯汁食完北寄貝可以飲埋佢✨活文蛤文蛤燒完都原粒咁上，唔會有腥味都幾鮮✨清酒帆立貝帆立貝每隻既調味都唔同，呢隻先用清酒煮，味道較清淡，帆立貝裙邊好爽口✨牛油帆立貝我地就比較鐘意用牛油調味既燒帆立貝，味道較香，帆立貝爽實🌟蟹肉海膽炒飯 $198最後食埋個炒飯，加咗啲蟹肉去炒，飯炒到粒粒分明都幾香，表面仲有鮮甜既海膽🌟柚子梅酒

今次同好姊妹做完瑜伽去左大刷日本海鮮宴！🥰特製黑松露炙燒平目魚邊沙律$138油脂豐富嘅平目魚配上牛油果小番茄沙律菜非常健康可口，好想食多碟漁獲浜燒盛合 $718 松葉蟹腳西班牙蠔🦪大大隻珍寶大蝦新鮮靚鮑魚大大隻帆立貝配上自家製嘅海鮮醬油，燒過嘅海鮮味道非常之鮮味同多膏蔥香吞拿魚腩蓉手卷 $98紫菜爽脆配上新鮮吞拿魚腩蓉加壽司飯清甜可口味噌蟹甲羅燒配餅乾$108鮮味嘅蟹膏佈滿成個蟹殼配上餅乾脆脆，口感非常特別！飲品柚子梅子酒巨蜂梳打甜品 清新生果口味日本空運檸檬雪芭菠蘿雪芭