漁屋日本料理 (荃新天地2) (已結業)

聽朋友提起這間放題甚為出名，這天放假特意前來一試。位於荃新天地的這個舖位比較少，座位不多，但坐滿客人，一看便知道受歡迎程度了吧。建議有興趣一試的朋友事先訂位比較好，因為等待入座途中也看見蠻多路過的人有意一試但沒有座位。跟其他放題店一樣，選擇蠻多的，刺身，壽司，沙律，熱食，天婦羅應有盡有，而且亦有生果和甜品，更附送雪條一枝，非常貼心。店家也蠻有心思的，即使我們只有兩個人，叫的刺身份量不多，亦有刻意擺盤，令客人會心微笑。刺身質素很好，以放題店來說我認為質素算高級，三文魚油脂分佈平均，油甘魚味道鮮甜，希靈魚咸味適中，花螺亦非常新鮮，帶子夠厚實，口感十足。壽司類質素亦很好，可以一試這裡的漁屋壽司，雖然辣椒醬味亦蠻辣的，但有不同魚生配搭，口感不錯。我最喜愛的是焦糖玉子壽司，甜甜的玉子配上烤成片狀的焦糖，增添甜味之餘也不會太膩，少女至愛。熟食方面，鹽燒三文魚骨腩份量十足，不過我認為略為油膩，差一點咸味，雖然魚味本身很充足，不過因為太油的關係，吃完之後已經飽了一大半，如果比較多人一起吃會比較好。另外這個牛仔骨，肉質彈牙，調味適中，加上芝麻作小配料，一碟有三件，份量也可，可以說是不錯的選擇。我最愛的糖

唉不嬲都係漁屋忠實粉絲，有咩慶祝活動都會去漁屋，但最近又加咗價，食物質素又差咗，真係有啲失望。刺身嗰啲都okay嘅，三文魚甜蝦帶子都係吾錯，尤其係有頭甜蝦！火炙同特色壽司都吾錯，最中意食花之戀，全部都細細件，但都有啲濟。啲熟食就真係差咗好多，牛肉鍋份量大減，菜又爛，味又吾夠，燒物又乾⋯⋯係時候要另覓新放題啦。

第一次試漁屋，覺得幾好食，就黎寫下對佢個睇法。老實講二百幾蚊呢個價會令我對漁屋個要求高左。不過都沒令我失望。首先佢個款式我覺得都好多 無論係刺身，熟食定係壽司，我想都係一餐內食唔完再講下食物好唔好食 刺身明顯好抵食，佢每一塊刺身大舊同幾厚身，食落口都有個口感係到尤其三文魚真係好鮮甜，食完成個口都有油香 我地叫左幾碟都好似唔夠。甜蝦大條之餘 , 又幾鮮味 螺肉細粒,沒特別另外佢個壽司都幾好食，好似火炙壽司咁，上面個種燒味真係幾好味，味道濃度又岩岩好。而飯底方面 帶點酸味 亦有點微溫 幾有水準可能係食左太多壽司同刺身 熟食就食少左啦。但係有d都OK,好似係魚乾咁同炸蠔其中炸蠔Size算大啦 幾肥美 炸粉適中, 火侯剛好 , 外面好脆內軟 - 正雖然人都幾多 但佢地落單都好算快，所以我覺得漁係唔錯，值試多次。

Lunch set 選擇多而價錢也不太貴，但其實無咩服務，無斟茶，但都要加一的。1. 板燒牛肉拉麵 $53 ~ 心想應該唔會是肥牛掛……怎料仍是肥牛。賣相討好，卷得好靚，而且牛肉燒得好惹味，蒜也很香。可惜湯底似出前一丁豬骨味，再加上唔香的麻油，差!2. 羊架烏冬 ~ 烏冬屬扁身，朋友話OK，但我食了一件羊架，不單只無羊咩，過熟到鞋及韌。

九點後不是太多選擇。屋企人生日所以打算一家大細一齊去漁屋放題開心下，但早三日book閒日都full哂，最快要九點半先得，咁無辦法啦，照等。基本上兩間分店都好爆，我地七點幾到想食早啲都walk in等唔到，咁好彩一早都有book到，唔緊要啦，點知九點半入去食，已經有好多樣無哂，例如花螺，炸壕呢啲必食既放題食材，之後如果想叫普通大甜蝦要每人再加10蚊先有得食，其實本身決定加，但覺得閒日都可以呢樣又無個樣又無覺得麻麻就無叫，我地成家都食得好小，十點三叫甜品已經無哂紅豆雪糕同四方果。但野食總括而言都唔係少選擇，味道一般，價錢問題二百蚊一個唔太值，環境係唔好，係超級超級逼，唯一安慰係員工效率高同nice. 最後送上名牌雪糕批作結，再番黎幫襯機會不大。

是日與友人到荃灣逛街，大家都想食好啲見到呢間漁屋有放題時候早又不用等位，時間食兩個鐘為限，逐入內點之。點了的菜等得久而且有啲食物還失單從無出現，三文魚算新鮮唯連魚皮上有點差勁，炸芋頭年糕味道唔錯有很濃郁的芋頭味，清酒煮蜆，蜆肉無了一半。牛油焗蠔，全無蠔味又細但整體尚算合格，唯上菜時間耐。

今日專登同好友出街，提起想食日式放題，我地即日訂位。晚上6:00是比較便宜的，但full了，所以6:30無所謂啦，這是最貴的時段，位位$178加一 。我們坐了在出面哦，是很多枱也是坐出面嫁朋友已食過, 覺得它的三文魚新鮮，我覺得都不錯啦。第一碟上來刺身擺得好靚好花心思，即刻胃口大開，刺身好新鮮，仲無限量任食，有貴價帶子，鮑魚片，甜蝦，燒物熱呼呼上來好好味，最抵死個牛油粟米，用鐵板上，見到D牛油仲粟米粒上溶緊，好過隱，全程服務好好、環境企理干浄，抵贊，有食放題會第一時間去Sasimi： 我們一坐底就點了好多，三文魚，甜蛋，帶子，炸物：又係一開始就點了 天婦羅蝦，天婦羅蕃薯，大塊豬排 ，墨魚餅，飲品：任飲，好多罐裝汽水。煮物：一見清酒煮蜆，一定要試！好清，食得出酒味，基本材料是滿分的。雖然我吃過更好味的，但很喜歡這裡的酒味夠重！其他：其實吃了很多很多，所以雖然要付它的最高消費$178 + 10%，因為是假期又是晚市時段）但個人覺得翻到本。看看我們寫的單，只有2人，究竟我們能全都吃光光嗎？＜這是我自己也有回想的。所以我覺得可以體諒。刺身很新鮮,三文魚厚切,但系唔夠肥,甜蝦,鮑片,帶子都好好,

來到荃灣，主要是為了看電影，電影在夜晚七點鐘開始，時間尷尬，打算五點半左右去荃新天地食泰國菜，但去到才知晚市六點開始。前算後算，時間不夠，在附近食了茶餐，看完戲才食晚飯。由荃灣嘉禾走出來，已經九點半，時間來講都夜了，惰性也開始滋生，在這裡隨意找一間食就得了，最後選擇了漁屋，因為步程近之餘，食評的正面評價也較多。小弟好少食放題，但今晚前後食了三輪，食物好多選擇，最喜歡的是火灸壽司。 首先到步的溏心蛋，叫了兩件小試，用筷子夾不到的，流心蛋黃好滑又好味。 刺身叫多叫少，都會擺得好精緻。放題紙上的差不多全部都試過，三文魚、北寄貝、帶子、鮑魚片、希靈魚、凍螺、玻璃蝦，每一款都好新鮮，魚類的刺身亦厚切 想不到自己會叫這多軍艦壽司來食，來得食放題的，同食自助餐的原理一樣，不貴不食，粥粉麵飯乃是兵家大忌，但見到餐紙上，又不叫不快，尤其是火灸壽司，芝士香味十足，食過後是有encore的沖動，但已比小姐炸我型叫那麼多壽司，唯有收手。食了一輪冷盤後，就開始試熱食。來一客地獄鐵板辣炒蜆，上碟雖然好多粒，但是味道太咸太辣了，食了不夠兩粒就要飲茶，兩個人食了不夠十粒，或者叫清酒煮蜆會好食點。另一輪試了兩款的

有朋友生日，諗住去食日本放題，上網見都幾好評，就揀左呢間。預早幾日book定枱，所以一去到就可以食。野食種類算多，唔會漏單，而且都黎得幾快，三文魚同蝦都幾新鮮，另外d天婦羅炸蠔個d都幾好食，出面好脆，入面鬆軟。但係我就覺得壽司唔係太新鮮，好似整定咁，飯唔係好實。最好笑係當我地都差唔多食飽，突然間熄晒燈，話有咩抽獎，跟著抽到一碟蝦。價錢唔係話好貴，下次可以再黎。

我有一位好朋友, 她將會生日，而她很喜歡吃日本菜, 我之前都吃過荃新天地那一間, 覺得都很好食. 有很多不同種類的選擇, 於是便決定訂檯食放題.我訂了7:00PM, 我們7:00PM到了取位子, 但是要等到7:20PM才給座位. 於等位子的時候, 看見店子裡面的座位密密麻麻, 有點迫 . 幸好最後我們被安排坐房間入面的二人檯，原來在入面還有一間房，房間是在廚房對面，所以上菜會快些 . 不過我覺得檯太細了，如果同一時間上四, 五碟菜根本沒有空位放置!  不過order紙是用不同顏色的紙去分類别的，非常清晰, 例如刺身用粉紅色紙，燒物用黃色紙等等! 我們訂的order基本上都很快送上，只是漏了兩,三張單子，都算是滿意的.而我們是限食兩小時，時間到了服務員便馬上要求付款，不可以多留一陣子!總括來說, 這食店的食物質素，價錢，服務都滿意. 可以再來光臨！

久違的寫食評。值得我動筆的最大原因, 係連續放4日假, 得閒, 有時間…嘿嘿。返來囉！因為同darling的職業很不同, 我們很久來見一次面。今次難得她想放題, 我們又回來漁屋了, 而且是我比較喜歡的分店: 荃灣City Walk。喜歡, 因為它的裝潢較有日本居酒屋的FEEL.這天是星期六，入座時間訂了18:15，在六時半前入座的話價錢是$188+10% = $207每位。可以食2小時。可以選擇的食物真的很多很多, 我們決定一切由刺身開始, 唔夠就食到夠, 不夠喉之前不叫其他食物。食放題最怕人家漏單, 首先我們先入一張刺身紙。他不是漏單, 是做好了沒有人拿出來, 直至我們催了, 就立刻上桌。不得不佩服漁屋, 雖然說是放題, 感覺食客會毫無忌憚地不斷落單, 廚房會很忙很忙, 但出品都有排列過, 有裝飾, 看起來好像每個單品是續碟計錢的感覺, 一點也不馬虎. 讚!因為darling顧著玩TAB, 第一輪的刺身都給我吃清光, 所以第二輪刺身是她的。我要進攻其他美食了。溫泉蛋: 效果不錯, 做到裡面沒有熟透的感覺。但有個小意外, 我們落單時是要兩隻, 上桌時只有一隻, 只好問問侍應, 「一隻蛋

今晚又去左我地既至愛放題，黎到荃灣荃新天地的漁屋啦！先黎新鮮的剌身，佢地用好大派場去擺設我地點的剌身，唔只我地既枱係咁，張張枱都係咁樣，食得好開心呀！食完剌身，就食D壽司，同火焰壽司，特別係澳洲和牛黑椒燒、左口魚邊和風燒、火焰蟹棒芝士燒，新口味，新嘗試，唔錯！之後就點左爐端燒食，最值得推介係佢地既長串燒，一串大大條，有蝦、魚旦、帆立貝、加D配菜 (青椒同蕃茄仔)，吃落去好夠入味之餘，一啖一啖的海鮮湧入口腔裡面；燒日本河豚魚乾夠特別，香噴噴的燒味。相比起之前第一次黎的時候，無論食物既品種同款式都多左了選擇，都帶給我地有新的驚喜。如果細心D睇落去，會發現天婦羅方面，有D蔬菜的天婦羅，但佢地有南瓜、番薯、茄子、青椒的選擇，但全部都係用左有機的，一黎聽落去感覺好好，二黎梗係唔執輸吃多幾塊。仲有就係一口炸豆腐、紫心香芋年糕，都係吃完返尋味。就咁，我地唔放過試唔同的野食，之後，每個人都吃到個肚 “滿載而歸”埋單嚕。

       這間漁屋在荃灣都算出名，所以來試一下，8點來到就坐下，不用等，但是一坐下就感覺地方好小。    第一來的是清酒煮蜆，熱熱的，有好清香清酒味，不錯，接著是金菇牛肉卷，好入味。刺身到了，不過就有點失望，分量減半了，還切得很碎，之後再叫的時候就很生氣了，我把放題紙提得高高的，整整5分鐘，一直沒人理我，最後我叫一聲才有人過來，我叫她倒茶，我不知道她聽不懂還是聽不到，根本沒理我，臺面上的碟又沒人收，我看當時都不算很忙。刺身第2碟來的都是一樣，我朋友說偷得太利害了，火焰壽司還可以。熟食OK,炸蟹棒好脆，年糕好吃，最特別是長串燒，拿起來吃好像很誇張，因為真的很長，炒蜆真的很好吃，我們叫了又叫，應該叫了5~6次，吃放題就是這樣好。到走的時候我看到單上面還收我加1服務費，當時我真想問一下你憑什麼收我服務費，你有服務給我嗎？整體上食物算OK。。

Meow男朋友Piggy前一日致電預訂9:30pm, 去到眼見全場滿座, 等左陣執好枱先可以入座.刺身帶子, 三文魚, 八爪魚, 吞拿魚, 新鮮好味甜蝦, 鮑片, 不過不失紅"魚立"魚, 好重雪味玻璃蝦, 可以唔叫炸物上枱時勁靚, 忍唔住要幫佢影張相喜愛炸南瓜既Meow, 緊係覺得炸南瓜好好味啦蝦天婦羅, 無咩味同個炸醬重手左蟹棒天婦羅岩岩相反, 勁得炸帶子, 炸魚手指,加埋個醬好味道芝士年糕係Piggy既至愛, 佢話勁好味喎壽司只係試左2件鰻魚同海膽墨魚, 不過不失啦鐵皮炒蜆, Meow同Piggy都不好辣, Meow就覺得不過不失, 但Piggy話好ok喎清酒煮蜆, 上枱時暖笠笠, 食到唔停得, Meow就比較欣賞D個啦另外仲食左漁屋長串燒, 雞軟骨同多春魚都尚算正常成晚Meow覺得最好食係燒羊架, 火喉岩岩好, 唔會靭仲好juicyMeow算係細食之人, 一共食左3件, 自己都估唔到甜品方面Piggy叫左雪糕, 啫喱同迷你豆腐花Meow有咳在身, 無試最愛既雪糕佢係杯裝雪糕, 四方啫喱同百福豆腐花綠色好稀, 紫色藥水味, 最好味係個豆腐花9:30pm後入座, 每位$158再加一成

位於荃灣商場內的這間日式餐廳位置雖然不大明顯, 但往往門外也有很多人等位, 大部份食客會光顧食放題, 因每位也不須 $200, 真係幾抵食, 但放題以外, 我更喜歡他們的午市套餐, 真係好多選擇, 而且價錢合理 (可以話抵食潻), 每份套餐已十分豐富, 也包飲品, 另order 每份套餐也可另加 $10 order 那特價食品, 那些特價食品也絕不馬虎, 質數也不錯的當食完套餐再加$10自選的特價食品其實已經很飽很飽, 雖然佢地可以無限再加$10 repeat order那特惠食品, 但已經吃不下了, 好似食放題咁飽, 但價錢平均也不須$100/位, 真係又抵食又好味, 仍會繼續支持佢地, 加油, keep 住食物質數吧!