漁屋日本料理 (荃新天地2) (已結業)

我事前book左6點兩位,都好準時有位坐~即刻點野食,個老闆好好,同每枱都講如果落左order過10分鐘仲未黎,就同佢地講~刺身-----好新鮮,仲厚切,又有冰墊住,又擺得好好炸物，天婦羅-----係即炸,食落口仲熱架清酒蜆-----份量ok的,唔似得有d放題得個一碗仔~仲叫左好多野食.....好似炸蠔,羊架,多春魚,牛油帶子等.........真係食到好飽好滿足......咁既價錢,好抵架~~~可以encore~唯一係環境比較迫左d..........但得個半鐘食,都唔得閒慢慢enjoy喇~~~p.s掛住食冇影相

繼上次食唔成五月花，同呀媽提起，於是一家人上星期bk定枱食放題=]bk左6點15分，早左15分鐘到，同6點o個批一齊入,,仲有卡位坐，不斷點野,,,哈哈哈,,,刺身點幾多到幾正，正呀﹗三文魚刺身幾新鮮，甜蝦真係好味不過其他都係麻麻,,最敗筆係佢搵d冰墊底，一放得耐就溶，搞到d 刺身水汪汪特登叫左海膽壽司，不過明顯唔新鮮d 熟食反而唔錯,,,燒羊架好味,,冇膻味天婦羅穩陣，不過軟殼蟹天婦羅細隻左d,,炸蠔好鮮，又唔睡，一口一啖，正﹗其他熟食都係穩陣之選一開始同細佬叫左一人一客蟹子沙律，點知差唔多最後先來,,,呆左﹗好大碗蟹子沙律呀幾好味=]最後食左兩碟燒魚翅乾，勁似腳皮呀哈哈哈..不過辣辣地幾惹味﹗每人159蚊免加一，但服務就加零一,,,加水收碟都好快﹗會有下一次

因為上次黎到冇三文魚食的關係，因此專程再黎呢到食過~今次黎到當然試下佢d 三文魚的食物，但係係我入去之前佢話d 三文魚腩沽清!!!我係book左6點個場!!沽清??但佢之前話係有三文魚供應的,,,食物上菜速度滿意!老闆說如10分鐘見食物未上，樓面要留意同追單!食物味道滿意，但冇之前咁好食，以148價錢，叫合理!一口牛，牛油帶子、花之戀、三文魚鰭、火焰壽司好食!服務態度都叫好，不過我覺得他們為上做更多生意以忽略了食飯享受的感覺!刺身的款式比之前少左，吞拿魚唔好食!海膽味怪金菇肥牛冇以前咁好食lu~(係d野食都冇以前咁好食)坐位較迫雖然限時一小時，不過都夠時間食，因為佢上菜速度都叫快，不過都係試唔到三文魚腩，，

我一向有參考這裡的食評去撰定想去開歺的地方一向都○Ｋ準好像上次參考後去吉Ｘ都非常○Ｋ現在長話短說星期日訂了九點半準時去到頭兩張啊打到＋點都未到追單後侍應生話慢魚賣晒所以沒有這壽Ｃ吃（即係一件都未食過就賣哂﹞跟住刺身到全部都唔身鮮及勁雪味又其最基本的三文魚他們是採用最差個隻橙色味三文魚來貨價三百蚊唔使6 ＫＧ個隻（如果有水準的方提一般用九百蚊以上的跟住我都不再啊打三文魚而啊打立魚了!!!點知他們又說無（即係食完三件後再叫就無.......我想其他出錯的地方都唔需要多介紹了抱括甜品又忘記得不停錯單這些九點半後都要158可以入口的有牛肉粒及蜆肉如果各下覺得付這價錢去食吓牛肉粒及蜆肉都○Ｋ嘅話就要去試吓啦還有天富羅炸到...不過我最欣賞就係這裡的樓面他們還接受在這裡工作....快揾工吧

o係openrice見到咁多好評，諗住lunch去試下啦，點知，真係要將間野black list先講服務frankly speaker，差到無倫，我去到時都係得幾個人等緊位，我行埋去reception 拎飛，好耐都無人出黎....... (間野好細架咋，我100% sure所有樓面既職員都見到我地)到有人出黎，就咁問我地幾多位，俾張飛我就走左啦，我想問多少少野都無機會最恐怖係飛張....... 俾飛我o個個女仔，o岩o岩執完檯，佢o個種執完，係仲拎住幾隻碟行去reception，對手好油咁..........俾張飛仔我.........我但願只係油，無口水........佢真係一放低碟就寫飛俾我，完全無抹過手......跟住，差唔多到我地時，佢就叫我地揀定野食，我都理解既，唔想我地走左去。但係......佢淨係叫我自己睇(佢店外post 左D餐牌出黎)，但係我o係佢reception旁個放左好幾set menu個tray發現，其實仲有多兩個lunch menu，係無post到出黎架........ 我問佢呢兩個係唔係都係lunch架，佢有D唔耐煩咁話係，之後就企o係我隔離，拎住紙筆係咁

今日要上黎幫間餐廳平反一下....本人認為價錢絕對超值!!!!-由於朋友遲約關係所以今日下午先打去問....阿一應該係老細?佢好有耐性慢慢同我解釋返分咩時段....仲提醒今晚已經full左....佢話walk in就先到先得咁.....-同朋友諗住博下去到....咁岩有人取消....我地即刻可以拎到7:30位....!!!-7:30由於上一座客未走....接待位女仔叫我地寫住紙仔點食物先....話一坐就可以有野食...!!-7:45終於入座....果然一分鐘已經有野飲....兩分鐘已經有野食....五分鐘已經黎到成桌野食....!!-食物上得快...收野收得快....地方算清潔同舒服....唔算太迫....-估唔到有花之戀食....款式好多....揀到心大心細..-食物以呢個價錢我認為合理...炸物同燒物俾個good!!!燒鰻魚encore兩次呢!!!!-待應服務絕對冇問題.....接待仲好好笑容....同我地傾兩句....!!1:30入面食得好滿足!!!!!有機會一定再encore!!!!

最喜歡星期日可以同屋企人食個悠閒lunch，傾下計hea下...媽媽最喜歡日本野，經常要求我們帶她去吃美味的日本野，於是便去試試呢間餐廳。看過食評後，見到好評多過劣評，反正在家附近，所以便決定一試。一坐下來，便看見桌上有一張大大的紙寫著 - 加$10 任食三文魚。原來餐廳正在做特別優惠，凡點了定食一客+$10便可享用此優惠，對我這個三文魚怪來說真的很吸引，怎能抵擋得了呢? 我點了日式咖哩雞排飯，味道還不錯，但是如果味道再濃一點便比較好，還是把是餐quota留著來吃三文魚吧! XD媽媽愛吃壽司，於是便點了個壽司定食給她，壽司賣相還不錯，也頗為新鮮。每個定食再附加麵鼓湯及沙律，價值只不過是$5x，真的好抵呢!至於加$10 的任食三文魚，不算是很新鮮三文魚但以這個價錢來說也真的可以，要求總不能太高呢! 結果共點了20件三文魚，哈哈，已回本了! 加$10 任食三文魚作招徠的反應應該不錯，看見很多食客因在門外看見此優惠而進來試試吧!

男友話出面好少放題有海膽食就黎試下一黎到，個老闆好著重個服務同團隊成班人就超大聲個歡迎光臨飲品選擇有汽水，柑桔，啤酒刺身有三文魚同雪花三文魚腩我建議叫三文魚刺身好Ｄ雪花三文魚腩都只係肥一dd刺身ok, 不過佢地應該加Ｄ蘿蔔絲係底會好多因為好多水出黎Ｄ火炙壽司幾靚下，不過塊芝士就麻麻地卷物個樣麻麻地，好似係切頭切尾既部份終於試到呢個海膽一食落口係有陣臭味。。。。。。。。。。。刺身壽司味道一般不過熱食好好多一口牛柳，天婦羅，芝士年糕呢d都好好味

之前因電腦 ge 問題, 所以遲左上黎寫食評,點知一黎到, 見到近排好多人彈,而佢地用餐 ge 日期, 都係同我差不多,但................好老實, 真係唔係好似 d 人所講 ge 咁錯囉!!我地一行五人仲不知食得幾咁開心, 今次我地第一次幫親, 幫媽媽慶生, 食個半鐘, 我地覺得好夠, 佢地 d 野都黎得好快, 唔洗等好耐,仲快到張枱根本放唔到, (佢地 d 枱唔係好大張)佢地亦都好聰明, 走黎問我地, 好唔好 cut 左廚房未出 ge 單, 轉頭再點過!!!因為佢怕廚房出得太快, 而我地又食唔切, 跟住又食唔哂, 咁就會浪費哂 d 食物,我個人覺得佢呢個做法唔錯, 因為好多人都會眼濶肚窄!!但我知今時今日 ge 香港人, 好多都唔會 buy 呢個做法, 個心仲會諗: 做咩呀? 點左 你就送黎啦, 唔想比野我地食呀, 你地點做生意嫁?!!?咁當然, 佢地唔係一定要你咁做, 你可以 say no, 之不過係人地一個提議, 唔好到時如果食唔哂, 人地要收你錢, 你又話人地點樣做生意囉!!!放題我都食過好多間, 但就第一次食到呢間咁大方, 甜蝦刺身係會比 d 類似牡丹蝦

上星期於OPENRICE 看荃灣有關放題的店舖, 發現了這間漁屋, 當時的食評還不錯, 所以就決定生日到此一嚐, 致電去預約時, 服務員也很有禮貌啊, 在之後的數天也有再看看新的食評, 發覺愈來愈差, 所以有點兒擔心尼....當晚七時四十五分到達, 已經有很多人, 看到WALK IN 的人最快也要等到十點才有位, 原來地方並不大, 所以最好預約吧!! 我跟男朋友一坐下就立刻落單, 之前看到食評, 很多人說有漏單和等了很久的問題, 但我們沒有, 食物來得十分快, 還差點不夠位置放, 服務員的態度也不錯!! 必試的食物: 清酒煮蜆.. 味道不錯! 牛肉粒.. 我覺得是最好吃的, 十分香口, 而家也看到很多人點了!另外魷魚, 牛丸, 炸蠔, 炸蝦天婦羅, 三文魚腩, 八爪魚也值得一試~但刺身相比起其他地方的放題有點失色, 最失望是玉子手卷, 不建議大家吃!!還有蟹棒壽司, 玉子壽司也是很一般!特別一提: 芝士年糕雖然好吃, 但落了兩次單, 催了兩次才有一小舊, 是否數量供不應求? 希望可以改善!! 總括而已: 不過不失, 也可以一試~~~

老友話呢間野既放題好掂，一於去試下！一行六人加一個2歲小朋友食宵夜放題，好似係九點鐘入坐... 入坐後有個女待應要求BB出去度高，如果高過100cm就要比小童價錢，好彩BB差少少先夠100cm，唔駛錢~ 當晚叫左好多野食，整體黎講都叫OK，而佢既刺身就真係十分正，除左一般既魚類刺身外，仲有北寄貝，赤貝，連生蝦都有兩款，新鮮之餘，份量亦十足，叫幾多黎幾多！！另外，一定要提下佢地個清酒煮蜆，我比十個正佢！酒咪唔太濃，所以唔會蓋過蜆既鮮味！！正正正！最後我地狂食左十幾份，結果個女廚師出黎話唔好意思，所有蜆已經比我地食晒... 順帶一題，佢呢度既幾個哥哥仔待應同老闆都好有禮貌，一時有行埋黎吹下水，有講有笑，very nice!我會再黎的！

第一次食係因為係openrice見到咁多好評，選擇又多先去試下一試之下，覺得真係唔錯喎～至少呢個價錢係物有所值！但5月5日去食第二次，都只不過係隔幾星期咋，已經令我好失望....第一 : 打電話去訂位時，個女仔好無禮貌，話佢個度有好多人訂位，又呢樣個樣，言下之意好似唔想做我地生意咁（因為我係訂兩位）。個日我係訂左6點既,但遲左放工,唯有打去個度同佢講要遲3個字到,點知佢勁大反應話 : 下!!唔係下麻!我地呢度好多人待位架喎!我只好講唔好意思,我盡快啦,點知!!我同男朋友6點08分去到個度,佢先岩岩安排緊入座.第二 : 我唔知係咪因為平日同星期六日有分別,我第一次去刺身有好多選擇.有好好味既一口芝士,但第二次去刺身少左,無左一口芝士,仲有少量選擇無左,如果佢地係因為做起左個勢就cut少d食物既話,我會更加失望..點知下次再去既話會唔會連帶子都無埋架/__\第三 : 上菜速度超慢!!!!!!基本上90分鐘內同一款食物唔可能encore,(除左剌身)..如果你想食既野咁岩無其他客人點既話..你可能到埋單都無得食..因為佢地係儲單!想食壽司呀??要等到最尾囉..基本上大部份時間都係等佢上菜..

呢間野我大大話話食左5-6次...越食越差...越食越唔開心...之前服務態度都叫OK...叫佢留三文魚腩都冇托手踭...點知而家叫佢留三文魚腩..一時又話一條魚有幾多魚腩..一時又話火山影響(都過左咁耐啦)...咁又唔見以前係咁...唔通真係而家多左人食...就大支野左咩...仲有呀...而家少左V 型蟹棒壽司呀..之前都係見佢有呢樣野先黎食架姐..而家冇埋...咁唔駛再去啦...出菜方面比以前慢左好多...d帶子刺身食落去係好冰架(牙都痺埋)...之前仲諗住搵到間正野啦...仲介紹埋好多朋友去食...而家唔去食不得止呀..仲要同番我d朋友講番添呀..

本身見到openrice甘多好評..諗住一試結果就是失望好cheap囉.嗌2件芝士年糕...就係一件開半諗住味道ok,,嗌多d食下,點知,原來4件係1個年糕開4份.甘同2件有咩分別呢?真係5知8件既話佢點開8件比我睇啦..食得5happy真係咩都假.相比同區另一間放題,金x, 同樣既價錢.但就有5同既享受呢間野上菜勁慢之餘..經常漏單..唉..始終係新開的..冇乜保證...我相信5係本人既問題..因為不斷見到有食客投訴..

一行5大小由帶位姐姐帶到座位先同我個2歲女講, 你跟我出去度高, 我話我個女唔會自己跟你出去的, 你應該帶我地入去之前幫她度, 跟住我同個女出去度, 剛剛100CM, 佢地話要收小童費用. 我話她著住鞋, 她應該沒有100CM, 佢地攞把尺話佢地度高個位係好準是100CM的. 此餐廳不是做生意的, 我地最後無係度食飯, 好唔好食我唔知, 不過攪到客人唔開心, 食左都背脊骨落!