影片
更多
2010-05-13
37 浏览
之前因電腦 ge 問題, 所以遲左上黎寫食評,點知一黎到, 見到近排好多人彈,而佢地用餐 ge 日期, 都係同我差不多,但................好老實, 真係唔係好似 d 人所講 ge 咁錯囉!!我地一行五人仲不知食得幾咁開心, 今次我地第一次幫親, 幫媽媽慶生, 食個半鐘, 我地覺得好夠, 佢地 d 野都黎得好快, 唔洗等好耐,仲快到張枱根本放唔到, (佢地 d 枱唔係好大張)佢地亦都好聰明, 走黎問我地, 好唔好 cut 左廚房未出 ge 單, 轉頭再點過!!!因為佢怕廚房出得太快, 而我地又食唔切, 跟住又食唔哂, 咁就會浪費哂 d 食物,我個人覺得佢呢個做法唔錯, 因為好多人都會眼濶肚窄!!但我知今時今日 ge 香港人, 好多都唔會 buy 呢個做法, 個心仲會諗: 做咩呀? 點左 你就送黎啦, 唔想比野我地食呀, 你地點做生意嫁?!!?咁當然, 佢地唔係一定要你咁做, 你可以 say no, 之不過係人地一個提議, 唔好到時如果食唔哂, 人地要收你錢, 你又話人地點樣做生意囉!!!放題我都食過好多間, 但就第一次食到呢間咁大方, 甜蝦刺身係會比 d 類似牡丹蝦
點知一黎到, 見到近排好多人彈,
而佢地用餐 ge 日期, 都係同我差不多,
但................好老實, 真係唔係好似 d 人所講 ge 咁錯囉!!
我地一行五人仲不知食得幾咁開心,
今次我地第一次幫親, 幫媽媽慶生,
食個半鐘, 我地覺得好夠, 佢地 d 野都黎得好快, 唔洗等好耐,
仲快到張枱根本放唔到, (佢地 d 枱唔係好大張)
佢地亦都好聰明, 走黎問我地, 好唔好 cut 左廚房未出 ge 單, 轉頭再點過!!!
因為佢怕廚房出得太快, 而我地又食唔切, 跟住又食唔哂, 咁就會浪費哂 d 食物,
我個人覺得佢呢個做法唔錯, 因為好多人都會眼濶肚窄!!
但我知今時今日 ge 香港人, 好多都唔會 buy 呢個做法,
個心仲會諗: 做咩呀? 點左 你就送黎啦, 唔想比野我地食呀, 你地點做生意嫁?!!?
咁當然, 佢地唔係一定要你咁做, 你可以 say no, 之不過係人地一個提議, 唔好到時如果食唔哂, 人地要收你錢, 你又話人地點樣做生意囉!!!
放題我都食過好多間, 但就第一次食到呢間咁大方, 甜蝦刺身係會比 d 類似牡丹蝦 ge 甜蝦 (我唔知佢叫咩蝦, 但就同我平時食開 ge 唔同) , 姐係唔同平時係 "圓六" 食開果 d 甜蝦,
我地五個人, 成張刺身紙, 每款刺身都寫 10 , 但大家可以睇下 d 相, d 蝦點止 10 件!! 而且唔洗等好耐, 佢地就送 d 刺身黎, 讚!!
由於我唔係 d 乜野食家, 對食又無乜特別挑剔, 我只係知 d 刺身無渣, 唔濕, (有 d 唔靚 ge, 會好濕) 我地五個人都覺得 ok!!
同場加影:
因為我地係同媽媽慶生, 應該係爸爸訂枱時同人地講左, 所以佢地整左個壽司蛋糕比我地,
雖然唔係 d 乜野特別野, 只係一大舊飯面頭鋪 d 三文魚, 再插支 "立足" , 但我地覺得好夠盛意, 因為我地真係估唔到佢地係會熄左餐廳 d 燈, 然後唱住生日歌咁拎個蛋糕出黎比我媽媽, 呢下野真係估佢唔到, 人地做放題嫁咋!! 同埋真係無諗過佢會熄燈, 攪到其他枱 d 人都望哂過黎, 又同我媽媽講生日快樂, 真係多謝哂果晚同我地一齊係漁屋食 ge 客人!!
至於職員 d 服務態度, 我亦唔覺有咩問題, 仲覺得唔錯添, 事關我地成枱都係飲柑桔檸檬, 次次叫親都五杯, 有一次就有個姐姐成支柑桔拎過黎, 逐杯同我地 "針",
再叫下一次 ge 時候, 呢次係男仔, 佢打算收走我地 d 杯, 咁我咪同佢講, "咦, 點解你唔拎支柑桔過黎同我地 "針" 呀, 又方便, 又唔洗咁多杯, 又慳返幾支飲管........................
跟住佢同我地講話公司無指引話可以咁做 !! 咁我咪話: 咁呀, 好啦, 你收啦, 你照出返五杯柑桔比我啦...................... 咁個男仔咪去落單啦, 點知轉頭都唔知有無一分鐘, 果個男仔又走返過黎, 同我講: 唔好意思, 我今日係第二日返工, 可能有好多野都未熟, 如果我有咩做錯咗, 希望你地唔好介意.......................
我當堂覺得好唔好意思囉, 因為佢又無做錯野, 我只係提議佢咁做, 可能公司真係唔贊成咁樣同個客添飲, 亦有可能之前果個女仔偷雞咁做, 但 anyways, 我只係想有野飲, 但就估唔到呢個男仔會返黎同我道歉, 所以我都即刻同個男仔講返: 唔緊要, 無所謂, 你做得好好..........
希望唔好令佢以為自己做錯野啦!!!
至於仲會唔會再去, 應該都會,
但不過由於佢係荃灣, 真係要特登入去食囉!!
张贴
