滿滿食堂

营业中

休息中

​特別推介：石燒雞扒​雞扒嫩滑多汁又厚肉，煎到塊皮金黃色兼脆脆地​好正😋​有d失望既係牛扒同豬好快韌​追加的日本廣島蠔不錯 好有蠔味 幾抵！​​自助的沙律吧款式都算多，醬料又多&特別，仲有足料既椰子雞湯！唔使飲味精麵豉湯🤪 ​電視仲要播緊喱騷😆👍​​ps.除左石燒之外，仲有蛋包飯，定食丼，石鍋料理，壽司卷，烏冬等等👍款式多多​​

今日午餐試新餐廳，不講服務。餐廳經理？最基本對人既態度係差，食肆及工作環境不安全。檯與檯空間太少，送到既食物掉在地上，侍應只是將塊扒踢埋一邊，石塊差點跌落客人身上及地板油淋淋

呢間餐廳，坐落喺中環商業區，佢個位置係行過都唔係好覺眼因為要落地庫去到望落呢間野似係主打食石燒牛扒所以我地就各自都叫咗鐵板牛呢個講唔出係牛既咩部位，上到枱，我第一時間鏟一鏟舊肉，因為有少少痴底食呢啲真係要同時間競賽，尤其是如果你唔係好鍾意食太熟嘅牛嘅話，咁可能要上枱嘅時候就快快脆脆切開佢啱你嘅熟度就擺開，如果唔係就太熟佢嘅牛味唔算濃，質地都唔算特別好，份量都唔算多，但如果係整體來講，我會覺得呢間餐廳好抵食。首先係無論係湯，沙律，定係飯都係任添，自己出去盛你要既份量，飯佢係用日本米，湯嘅話我嗰日去係椰子蘿蔔煲豬骨，甜甜地都唔錯沙律bar例牌都有啲菜，粟米，青瓜絲，芝麻醬，柚子醬，千島醬俾你配搭，佢另外仲有青口同中華沙津，仲有溫泉蛋，不過溫泉蛋嘅份量就唔係好多，好快冇另外for你點牛肉既醬都有幾款，我記得既就有:黑松露蒜蓉，生蒜，刺身豉油，辣味增，燒汁，芝士醬我哋另外仲叫咗個漢堡扒，我果日食既配搭係漢堡扒點芝士醬，招牌牛扒我就點燒汁或者係我另外發現到超好食嘅方法，就係點溫泉蛋嘅蛋黃，真係好味，有機會你哋可以試吓如果淨係睇舊肉，就真係唔係話好抵，但如果佢提供咁多唔同嘅選擇食物嘅話，我哋覺得都

上週五跟先生收工遲，九點多在中環覓食，去了幾家餐廳吃閉門羹，疫情期間大家收工早，可以理解。結果經過這家店，看門口menu好像新式日本菜，很有興趣試一下。進去之後落order，先生叫佐牛柳但卻賣晒，想再看看，侍應說last order。匆匆選了第二樣。第一次來沒人告訴我們salad、湯等要自助。坐了一陣自己發現，於是去自助bar取salad，幸好幸好我第一round取了三四碟，結果第二次想refill，他們已經收晒！！！可以收之前知會一聲嗎？明明知道我們剛坐下，如果我不是留心到自助，怕是沒有salad吃了！！先生慢吞吞取佐一碗湯，我說要不取兩碗，我怕他們收嘢，結果先生不以為意，因為在他看來餐廳一定會提前告知的，畢竟我們來的 遲！而且那是我們餐食其中一part！結果人家急匆匆收湯收飯，我衝過去取飯，對方說我們已經要收工了！我的套餐包白飯及湯，你們不應該預留給我嗎？！這麼急收工就不要做我這單生意了！我花了套餐錢卻沒有兌付！我寧願吃閉門羹也不接受這種服務！先生去交涉也無用！這什麼餐廳？什麼服務？！疫情期間好心幫襯，這麼不缺生意嗎？？？見到有評論話希望這間餐廳快快執笠。我不會講如此極端的話，但也

雖然係地庫店，但入到店內好光猛都好整潔! 第一印象對環境已經好好👏之後點餐揀左石燒西冷安格斯牛扒仲有驚喜🥰 $78就可以試到日式既石燒牛扒，仲要係定食，跟野飲又有小食(泡菜)，牛扒黎到只有5成熟，跟個人喜好既生熟程度，再係石板試燒~ 呢個價錢對牛扒黎講都叫不過不失，有牛味有少少根，但勝在抵食又抵玩~仲要係中環食飯~ 咦? 🤔咁味仲抵過連鎖快餐店大X樂同大X活?? 中環番工既我已將佢列入lunch的好餐廳名單~另外，仲帶一個抵讚既地方就係佢有個自助bar~ 都係跟個人喜好，自己喜歡既調味料～

依家疫情諗住一個人去食，去到明明有二人枱，但帶位哥哥要我同一個陌生人打對坐，我話呢邊有吉枱喎，佢話呢邊唔開㗎... 間嘢要d客人（仲要今日都多客㗎）逼埋一處食石上燒. 我立即決定離開唔喺呢間嘢度食啦！

今日2:30到餐廳午餐，叫了香辣烏冬及燒五花腩，咬了一口五花腩，發現是凍的，於是通知服務員....結果兩分鐘後送回我已咬了一口的五花腩⋯⋯相信微波爐加熱，已沒有了燒肉的味道，肉質變硬，油脂失去。下次叫叮五花腩吧！再來的烏冬，油佔了三份一，拿出來有半碟，請看圖⋯⋯最差劣的是，有一班不知是客還是員工，在我後面的枱大模廝樣吸煙，可能是老闆吧，知道這是犯法嗎？！想吸食二手煙，去就好了⋯⋯沒有下一次！！！

喺中環嘅滿滿食堂 開咗唔係好耐 都係同事介紹我先知💕呢度地方好大 主打係石燒牛🐂另外有自助形式嘅飯和湯可refill 亦有不同醬料可選擇我叫咗佢嘅招牌牛扒 朋友要西冷 一上枱已經好香好香好香 原本牛味已經好夠 加埋有我最愛嘅生蒜同黑松露蒜蓉落去燒 錦上添花 同事真係無介紹錯 好好味另外飯同湯都係自助無限refill 而且價錢仲好抵tim 呢間一定要翻啅💓

開張嘅時候已經想試，不過次次經過都咁多人，所以都打消左念頭。今日經過見人唔多就去試試啦。入座嘅時候俾我感覺d服務幾好，侍應快手快腳幫你落單，可能因為中環lunch hour始終都比較多人，唔快手都會俾客人嫌棄。温泉蛋鹽燒牛脷丼－一上枱都有少少失望，因為d牛脷又細塊而且量少。食落味道不過不失，好彩有隻溫泉蛋可撈飯，如果唔係我都未必可以食哂碗飯。值得一提係佢送果個椰子湯，飲落味精味唔太重而且都飲到椰子味。喺中環食一過lunch$66(未加一).....算啦，都唔可以要求d咩。

為咗12:30前結賬有85折專登前來試吓，我由坐位行到去counter 剛剛12:30死都唔比85折，話已經遲咗！一定必須是12:30之前，激死人！個經理係我見過最無賴，又無禮貌，態度極之惡劣，你的食店會好快執笠，有個咁嘅經理！幫襯你二百幾元食個午餐，我唔會為幾十元同你嘈，不過一定會叫身邊所有人不幫襯，食物方面不特別，醬汁非常普通，豬扒、牛扒無鮮味，拉麵湯底同普通出前一丁拉麵一樣味道、餃子成舊是炸，又油又肥、特式飮品非常一般可以，價錢不是十分平，可以既話唔駛幫襯，亦會叫哂中環區公司附近既同事唔會來食！

中環區呢個價錢食牛肉超級抵，食物質素同價錢喜出望外， 沙律湯白飯任食仲要有飲品， 特飲半價飲杯台式飲品都抵返， 服務員清一色係小鮮肉，服務態度殷勤，沙律前部嘅炸蝦片好味， 其中發現炸蝦片經常得返好少主動問侍應，人佢哋即刻再炸，即叫即炸，甚至直接端上桌上，服務態度十分良好 蝦沙律 好食， 其中椰子豬骨湯好快已經畀食客數清，換上粟米羹味道亦不錯，價錢相宜食物款式很多，牛肉嘅質素很錯， 有機會去中環可重複再吃，大胃王絕對抵食

呢間滿滿食堂喺中環中心地帶，位置非常方便，開咗幾個月，以前經過見到要排隊，所以冇入去。 今日見到唔使排隊，等我試吓先，享受下一個人的寧靜午餐。個餐牌選擇好豐富，我都睇咗一陣，心多多先決定叫「海鹽燒鯖魚定食🐟」😆，$68，沒有加一，喺中環嚟講，價錢都算幾貼地。賣相、份量、味道都唔錯，不過要讚嘅居然係佢個椰子雞湯，好香濃嘅椰子味，唔係味精水，幾好飲😆。裝修走日本風格🇯🇵，侍應都好年青，服務唔錯，而且有個侍應見到我喺度玩緊電話，仲走過嚟話我知：呢度有Wi-Fi架。做咗中環上班族好耐啦，午飯時間，搵間平、靚、正嘅餐廳食飯，真係唔易，下次會再嚟，試埋佢其他菜式🍱。

平時返工食lunch黎黎去去都係公司附近個幾間食肆食到都悶悶地今日有朋友介紹左呢間滿滿食堂咁我地就一齊去嘗試下新野啦一落到去 就見到門口有提供啲紙袋比客人放口罩 十分貼心！因為係lunch時間，都幾多人，等左一陣就有枱安排比我地一坐低就研究下menu ，種類都好多，因為未食過，同朋友都研究左一陣先做到決定最後決定要個招牌蛋包飯首先個蛋有兩款選擇，黑松茸鮮菌滑蛋同招牌滑蛋之後仲有四款醬汁揀：原味燒汁，咖哩，蕃茄醬汁同芝士汁最後揀埋個主食就ok野飲要另外加錢，我見幾多人都有叫到個珍珠奶茶 都幾大杯既 不過我就無叫到我叫左個 黑松茸鮮菌滑蛋加芝士汁配招牌香草單骨炸雞翼落完單好快就上菜，個蛋包飯無咩味 可以我揀錯醬汁雞翼炸得幾好整體都可以下次會試下其他汁～

屋企人推薦既「滿滿食堂」！今日放工就一齊去試下佢地既石燒牛扒💕呢間舖要落地庫一層!所以好容易就經過左！店舖好寬敞，尤其肺炎期間，更加無咩人！睇一睇個餐牌，中環區來講，係好抵食！👍🏾.呢度既調味料沙律吧(有生菜、蕃茄仔、粟米)白飯同埋餐湯都係自己拎的，好方便👍🏾我地叫左三款牛扒同一款羊鞍！上枱嘅時候，店員會派圍裙，因為石燒牛扒剛開始好多油，好彈! 而且舊石好熱，要小心唔好掂到。牛扒上枱既時候，大概3-4成熟，放係熱石上面，客人可以自己控制生熟度！ .滿滿石燒牛扒$78 (200g)食落幾重牛味，比肉眼平$60😍脂肪比較少，所以上枱個陣都無甘彈！個人中意食牛嘅原味，所以唔加調味料，已經好好食😋.羊鞍 $98 (250g)上枱既時候已經聞到羊味😂 而且好多油爆曬出黎! 味道都唔錯，但比較肥！.安格斯西冷 (200g)$78有牛肉味，肉質有嚼口！.美國頂級肉眼 (200g) $138 肉眼好大塊，油脂好多！但個人認為滿滿石燒牛扒性價比更高更好食！.(+ $28 追加日本廣島蠔三隻)朋友鍾意食蠔，所以追加左3隻日本廣島蠔落石到燒。我就冇食到了! .(+$18日本原隻磯燒鮑魚)我怕肚痛，所以都係

中環新開日本菜, 之前經過幾次見價錢OK款式亦算多所以打算一試。餐廳應該是主打鐵板燒牛肉, 一步入餐廳已經聞到濃濃的油煙味。午飯時間人多難免要搭枱, 但枱與枱間的距離太近, 變相兩邊都十分有壓迫感, 在這段抗疫的時間尤其敏感, 剛好旁邊的食客點了鐵板牛扒, 我們用餐期間都要盡量坐遠以免被油/汁濺到。我們點了溫泉蛋番茄湯烏冬配鯰魚 ($56) 和黑蒜油豚骨湯烏冬配豬軟骨 ($65), 烏冬口感不錯, 份量不算多但軟硬度適中,。番茄湯裡面有不少茄蓉, 屬於比較濃味的番茄湯, 鯰魚有兩塊, 大概是過度醃製以致太咸, 黑蒜油豚骨湯則略為太油。以餐廳的價位來說, 食物質素和環境雖然算不上十分好, 但也可以接受。