滿滿食堂

营业中

休息中

呢間滿滿食堂喺中環中心地帶，位置非常方便，開咗幾個月，以前經過見到要排隊，所以冇入去。 今日見到唔使排隊，等我試吓先，享受下一個人的寧靜午餐。個餐牌選擇好豐富，我都睇咗一陣，心多多先決定叫「海鹽燒鯖魚定食🐟」😆，$68，沒有加一，喺中環嚟講，價錢都算幾貼地。賣相、份量、味道都唔錯，不過要讚嘅居然係佢個椰子雞湯，好香濃嘅椰子味，唔係味精水，幾好飲😆。裝修走日本風格🇯🇵，侍應都好年青，服務唔錯，而且有個侍應見到我喺度玩緊電話，仲走過嚟話我知：呢度有Wi-Fi架。做咗中環上班族好耐啦，午飯時間，搵間平、靚、正嘅餐廳食飯，真係唔易，下次會再嚟，試埋佢其他菜式🍱。