滿滿食堂

营业中

休息中

夜晚去中環食飯，2個人食咗幾樣野。燒肉汁牛肉漢堡包外型的骰，塊牛肉漢堡咬落去仲有汁，味道一流。旁邊既酸瓜雖然唔起眼，但咬落酸酸哋，之後甘甜，有驚喜！芝士蛋包飯既蛋抄得香滑，但吾唔會鬆散，好有蛋香，嗰咖哩汁辣度岩岩好，白汁海鮮炸物嗰炸金針菇外脆內軟，啱我地口味。跟餐加特飲有半價，我地揀左雲頂四季春茗同鮮果水果茶，甜度適中。石燒燒之料理我哋揀咗美國牛柳, 200g牛柳兩嗰人食都夠。我哋一邊切，一邊用鐵板烤熟牛柳，生熟程度啱啱好，入口嫩滑多汁。醬汁可以喺自助區取，但我哋吾記得去拎😅，如果加埋個醬汁真喺一流！呢個餐包埋白飯同沙律，食完好滿足。

餐廳推介石燒肉，今日初試佢地的石燒牛（100g)+雞扒，$76包沙律同白飯，唔包飲品但無加一，價錢相當合理。兩塊肉本身冇落調味，出面可以提供唔同的調味醬料俾客人，由最基本海鹽、黑椒碎、英式芥末以至辣味噌、煙薰鹽都有，選擇頗多。上枱時石板非常夠熱，牛肉係medium rare，入面靠石板熱力慢慢煎熟，肉質軟身無筋，唔覺有落鬆肉粉，肉味一般但帶點兒肉汁，配基本調味已經好好食。連皮雞扒全熟得嚟唔會overcooked，經石板上煎香變得金黃帶點脆口，口感唔錯。我唔食雞皮，將成塊切開請同事食，佢表示高度讚揚😋沙律係普通日式麻醬撈椰菜粟米粒，冇特別。整體而言質素唔錯，感覺良好，會再去幫襯試其他野。

半自助模式的餐廳, 價錢親民, 環境寬敞。晚市餐牌主要有石鍋肉料理及手卷供選擇。點完主食之後, 可以到自助沙律吧選擇沙律, 他們亦有一個自助醬汁枱。自助沙律吧有沙律菜、粟米、蕃茄、青瓜絲、紅蘿蔔絲等等, 沙律醬汁還有我最喜愛的日式芝麻醬, 用來沾生菜吃, 好味, 令人開胃的~//滿滿花の手卷系列 - 雪白の卷//卷物裡面有泡菜和青瓜, 旁邊會配上帶子刺身。卷物味道清新, 帶子刺身厚厚的, 幾新鮮。//滿滿花の手卷系列 - 鰻魚先生//是我會推介的手卷! 用上墨魚汁壽司飯, 卷物裡面有鰻魚、青瓜絲、蟹籽, 幾惹味的。鰻魚肉質嫩, 旁邊亦附上少量泡菜, 微辛辣的泡菜令人開胃。鮮果消脂蘋果果醋 - 微酸甜, 裡面還有鮮水果。

是日黎到位於中環皇后大道中的「滿滿食堂」吃午飯，餐廳主打最近日本大熱的石燒牛扒。店舖簡約寬敞，感覺舒適假日也有午市定食套餐，價錢由五十幾蚊起，中環區來講算係經濟實惠調味料、沙律吧、白飯及餐湯都是顧客自助的，非常方便滿滿石燒牛扒+超嫩石燒雞扒原件牛扒同雞扒上枱時都係大約七成熟，放在熱騰騰的熱石上面～客人可以自行切割成不同大小，生熟程度都係由自己控制！雞扒連皮一齊燒香，夠哂肥美，肉質嫩滑，入口juicy！牛扒有100g，牛肉味都幾香濃，質素不錯海鹽燒鯰魚柳定食定食套餐仲會包含前菜及炸物，前菜有芝士帆立貝，口感嫩滑～炸物有天婦羅菇，好香脆，滿有菇菌香！鯰魚柳則有兩件，魚肉鮮嫩甜美，頗新鮮的！適合搭配白飯一齊食滿滿花卷色彩豐富嘅材料分別有鰻魚、芥末八爪魚、青瓜及甜蛋，餡料同米飯嘅比例平均，都幾足料呢！味道同口感都好豐富，好好味呀牛蒡紅棗茶去脂解油膩，無糖又健康

週末又去到中環搵食，貪佢少人啲，最愛避開人潮，所以未晚上六點已經到達吃晚飯。餐廳位於地庫，行條樓梯落到去見到環境好大，裝修得幾年青。我哋兩個人坐喺一個闊落嘅卡位卡位，上面有啲cushion墊，好舒適。我哋揀咗一個鰻魚定食，同埋一個帶子刺身卷，同一個oppa卷，即係芥末八爪魚泡菜卷，還有芝士甜薯餅，裏面嘅芝士係流心㗎。 呢度有自助沙律吧，可以自己畢沙律，白飯同湯都係任裝。今晚嘅湯係椰子蔬菜湯，我覺得好清甜，忍唔住飲咗幾碗。定食嘅鰻魚係全條嘅，冇骨又燒得夠香，定食重包一個芝士焗帶子同埋兩件蔬菜天婦羅。我幾鍾意個oppa卷, 辣辣地幾開胃。有自助沙律吧真係包保一定夠飽肚，而且令到呢一餐更加營養均衡，好健康。

中環行過發現有間唔起眼嘅餐廳竟然有石燒牛扒食😮要落地庫一層，行過時要留意下，咪就好易經過左唔知道🤣有迷你沙律吧，有生菜、蕃茄仔、粟米之類。款式唔多，不過正常食果幾樣都有，醬汁有3種，胡麻醬、醋等等另外仲有自助區去拎飯同味噌湯牛肉眼$138真係成舊石上，舊石好熱要小心唔好掂到。做到鐵板效果，雖然厚但肉質都淋。石燒牛扒$78外形上冇咩分別，食落比較重牛味，比肉眼平成$50，呢個質素算對得起價錢。朋友鍾意食蠔，追加左3隻$28，落埋石燒到燒，佢話都ok架。我就冇食到了滿滿花卷$38材料幾豐富，啖啖都有鰻魚、蛋等等烏卒卒$32我係烏卒卒卷fans,味道都ok,而且價錢比人地平，黎到當解下癮ok la炸單骨雞翼$26好香脆，幾香。單骨食落更方便軟彀蟹咖哩鍋$82一個鍋真心唔貴，蟹都幾多，咖哩帶少少椰香鮑魚麻辣雞鍋$84雞件幾香，仲帶一隻鮑魚喺面👏🏻四季春水果茶（少甜） 加$14下次應該叫微甜，茶清新，水果有西瓜、橙、檸檬等等，都好大杯夠一餐飲

今日我就去左中環等朋友放工，順便就一齊食埋晚飯，我同朋友都好鍾意食牛扒，所以就選擇左去滿滿食堂到食，依間餐廳都係朋友放午飯，經過個時發現，因為餐廳係地庫關係，好容易錯過左都唔知餐廳有自助沙律吧，調味料區，同可以任裝白飯同湯，所以係到食，一定夠飽黎到一定要叫石板燒肉，我就叫左頂級牛肉眼$138，追加左廣島蠔3隻$28(超抵)石板黎到已經好香，仲不斷燒緊，我就放埋蠔上去燒，好快就食得，蠔食落鮮甜，多汁，而且又大隻，燒完都唔會話縮得太小，牛肉眼肉質嫩滑，仲好有牛肉味滿滿花卷$38食落似韓式飯卷，有鰻魚(冇骨)，芥辣八爪魚(微辣)，加上青瓜，唔洗醬料，味道都已經夠鮑魚麻辣雞煲$84鮑魚彈牙，雞肉好入味椒鹽串蝦(4串)$32可以連蝦殼一齊食，好香脆，蝦肉結實珍珠綠茶珍珠有嚼口，綠茶唔會太甜水果茶味道清新

難得有一日在中環早收工，六點多就在中環覓食，行過熟悉的街道，映入眼簾的卻是一間陌生的餐廳。滿滿食堂，光聽名字其實覺得有點日系風格，餐廳設在地下一樓，價錢也不算便宜。上網看了一看發覺食評並不多，思考了一會就決定膽粗粗試一試新餐廳。下樓梯後發覺餐廳其實頗大，估計可以容納超過100人，在餐廳中間有個自助salad bar，開放式厨房旁邊是任裝的白飯和湯，可能太早，餐廳裏除了我只有另外一桌客人。我看了看餐牌，發覺除了有最近很流行的熱石板扒餐，還有其他比較少見的選擇，例如下一頁是中菜，再下一頁卻是手卷，在門外有看到火鍋系列，但餐牌上卻欠奉。最後點了84大洋的鮑魚麻辣鷄鍋。上來後熱辣辣，麻辣香氣四溢，出乎意料的竟然真的有一隻鮑魚坐在煲裏，雖然不大隻但絕對驚喜。所謂鷄鍋其實是一塊鷄扒/鷄柳斬件加醬炒的菜式。鷄肉甚爲嫩滑但當然沒什麽鷄味，所幸的是醬汁真的炮製得不錯，微微的辣加上麻辣的香，配上白飯是絕配。可惜鷄肉份量並不多，這個價錢來説有點美中不足。因爲點了一杯珍珠奶茶（11大洋）所以沒有額外再喝湯，珍珠奶茶居然不能走糖，最多只可以微甜，這裏要扣分，還好上來不算太甜也不難喝，要知道在餐廳喝到不難喝的珍珠

潮流興食日式石燒牛， 同事介紹中環新開日式料理有得食，材料優質價錢實惠，急不及待今晚放工一齊去試下!餐廳 位於地牢位置，環境十分寬敞有卡座。裝修行日式木系風格 ，光鮮整潔！食物主打 石燒牛、鍋物、壽司和台式飲料，種類幾多元化。我哋嚟嘅目的就係石燒牛！睇下餐牌 由70至138蚊都有，包白飯、餐湯和沙律，自助形式，呢個真係驚喜價！喺香港都好難搵到！滿滿石燒牛扒 78用上招牌的名字，相信質素應該不錯。牛扒估計是牛柳部位，脂肪較少，肉質鮮甜嫩滑多汁。牛肉上石板前巳灑薄鹽調味，亦可自行加胡椒、鹽和調味醬料！個人喜歡食牛嘅原味，不用額外醬料，巳十分滋味！安格斯西冷 78西冷厚切， 材料優質肥美肉厚，在石燒板上煎煮，油脂豐盛溢出，焦香撲鼻，牛味較濃郁，肉質煙韌有嚼口！ 在沙律吧 拿了冬菇用上牛脂燒，冬菇吸收了牛脂精華，加添香口細滑，別有風味！日本廣島蠔 28點餐追加廣島蠔，擺盤精緻吸引，用上乾冰墊底，營造煙霧瀰漫感覺！廣島蠔鮮甜爽口肥美，用石燒烤煮不用調味，蠔味巳很突出!雲頂珍珠奶茶 12珍珠q彈爽口，奶茶清淡甜度適中，減膩消滯!椰子雞湯不得不提椰子雞湯，真材實料 有椰子、雞腳、花膠，濃郁青甜滋潤

早排和朋友到了中環吃晚飯，這次去了地庫的這間日本料理，據說是上年年尾開的，餐牌價格非常合理我們首先叫了一個石燒美國頂級牛肉眼（200g) $138上枱嘅時候店員會比手套和圍裙，主要是因為石燒牛肉剛開始是會有一些有彈起，這個也是很貼心😚牛肉的部份肉質不錯，生熟剛好，另外除了牛扒也有其他肉類選擇🤩另外我們也再家$28換了日本廣島蠔三隻，放上石燒很快便熟了，很大隻🤪另外價錢是包了任食沙律吧、餐湯及飯，大食嘅你哋絕對能夠滿足你哋嘅願望_鮑魚麻辣雞鍋 $84雖然說是麻辣但是不是很辣的，十分香口，滿滿的雞件很嫩滑，很入味，另外加上鮑魚也很有咬口，這個配飯真的一流😋_滿滿花卷 $38這裏也有不少壽司卷選擇，很多的賣相也很不錯椒鹽串蝦（4串） $32這個很酥脆，蝦肉彈牙，和朋友一起分享吃最合適_另外跟餐也可以配上不同台式特飲，我們便選了鮮果烏龍水果茶和珍珠奶茶，可選擇甜度和冰量，味道也是很不錯的，下次有機會會和朋友再來

朋友約星期五晚係中環食日本嘢，心諗更係啲又貴又精緻（即係細蝶）嘅日本餐廳啦，呢諗洗一直至到門口都仲係咁諗，點知入到去發現個裝修同個名一樣，設計成飯堂，不過係日式飯堂，唔係拘謹果一種，非常舒服嘅感覺，可能因為星期五夜晚，人唔多！不過最驚嚇都係打開餐牌嘅時候，個價錢平過好多連鎖茶餐廳，主要都係一啲日式食品，不過唔係最正宗嗰啲，心諗收咁平會唔會伏呢，$76有石燒牛扒，仲有200g，心諗算了，主要都係同朋友吹水，朋友到咗，佢話呢間野平日中午係排晒大隊，冇可能食得到，所以至約夜晚，我心諗咁誇張，仲半信半疑，咁就唔理啦聽咗就算，就有得朋友點嘢食啦！點知嘢食嚟到，賣相以咁嘅價錢來講就已經贏曬，跟住食下啦，絕對冇求求其其，雖然唔係一啲好矜貴嘅食材，但絕對唔係茶餐廳嗰啲質素，最緊要仲係你睇得出整食物唔係求求其，係用心製作！七十幾蚊牛扒嘅質素絕對比一啲港式鐵板餐嘅牛扒高！其他食物，日式鮑魚，炸雞翼，咖喱都有一定質素，絕對唔係整定嗰啲你叫就拎出嚟俾你！餐廳食堂設計，仲有白飯任裝，免費沙律！我先知點解中午會排晒隊，因為佢絕對比附近嘅翠x同太X超值！最後想講講店內員工眼見都係後生仔，而且態度一流，唔係茶餐廳啲阿

又係接收工食好西既時候🤤沙律 湯同飯係自助 相比其他 呢間既沙律屬高質 醬都有3款選擇 湯係椰子湯🥳 吾係求其沖既麵豉湯 而且仲有一個角落放左點肉既醬 環境又乾淨 讚！ 🔥250g羊鞍 $98 (+ $28追加法國鵝肝)被說服到食羊鞍 2大舊 上枱已經聞到羊羶味🤤油份爆曬出黎 放埋個生鵝肝上去 已經覺得重左幾磅😂😂 羊鞍好厚肉 吾需要額外調味已經好好食😋 鵝肝煎到2面金黃 咬落去仲好嫩🤤🤤🤤🔥200g 美國頂級肉眼 $138 (+ $28 追加日本廣島蠔)肉眼好大塊亦極重牛味 不過切開左既肉記得儘快上碟 吾係就老左曬晒...廣島蠔有3隻 放上熱石煎完仲好鮮味 啲汁仲俾👦🏽拎曬黎撈飯😂😂🔥霸道之卷 $38實質係軟殼蟹卷 一碟7舊 軟殼蟹好香脆😋 而且卷物黎講算大隻🤭

最近公司樓下新開左間餐廳🤩，就咁睇餐牌已經好吸引(*ơᴗơ)又唔貴行左條樓梯落去，地方都幾大，設計係日式🍱，坐得都好舒服⸜(*ˊᵕˋ* )⸝又乾淨‬叫左佢地個招牌蕃茄牛肉湯通粉，蕃茄味夠濃🍅，牛肉都算多，唔會咬唔開而且都幾有牛肉味🐃跟餐有個台式脆酥原來係奶油豬，岩岩焗起，好脆而且上面有啲甜甜哋既奶油🧈😈好邪惡(*ฅ́˘ฅ̀*)♡滑蛋都好濃蛋味🥚😍而且佢有台式飲品可以半價加配，十幾蚊就有珍珠奶茶飲又大杯，其他凍飲都係加3蚊🧊真係好抵食員工服務態度都好好，會主動帶位，落單都唔會扮見你唔到🤣呢間餐廳有牛扒食，而且都唔貴，間中都有人叫，所以入去都會有陣燒牛肉香味🥩，搞到我都好想試呀😆總之而家呢到已經變左我的食堂了🤤

見開左幾日， 又睇過佢餐牌放左出尼， 價錢都ok . 就相約同事去試試估唔到味道又唔錯👍🏻黑蒜油豚骨叉燒烏冬跟天婦羅炸餃子👍🏻大大隻餃子， 仲要有5隻， 濃湯， 正💋好食推介鮮菌滑蛋包飯配海鹽燒鯰魚柳+ 蕃茄牛腩蕃牛味道就一般，但兩件大大隻既諗魚柳，味道唔差， 而且只係$72，就可以食到三樣野， 係中環區都算可接收啦。 只可惜暫時只收現金同埋無餐飲😅， 希望快d 有不同既支付方式啦⋯⋯

餐廳岩岩新開，中環黎講價錢唔貴我覺得中環好需要多d 呢個價位的餐廳。。。呢度有齊早午晚餐下午茶，食物偏向日式星期日的早上一個人都冇，都正常既，唔係返工日子order 左兩個早餐1)沙嗲牛麵+沙律+蒜茸包+菊花蜜沙嗲牛麵食多兩啖就開始覺得咸，但沙嗲汁好食過同區的翠X, 沙律d 菜好fresh, 蒜茸包的蒜茸再多d 就好啦～2) 黑松茸鮮菌炒蛋+奶油脆豬+豬柳漢堡+檸檬蜜炒蛋正！濃厚松茸同菇味， 脆豬正正常常， 豬柳漢堡同老麥個塊一樣