滿滿丼 (已結業)

📍滿滿丼 (旺角)呢間餐廳嘅日式便當🍱靚到不得了。可以堂食，亦可以外賣。加$16有小食有飲品。✨原條鰻魚丼$59 +$16轉套餐🔶棒棒炸雞翼 +$4鰻魚厚肉肥美，香甜冇泥味。棒棒炸雞翼即係單骨雞翼，味道似CP雞翼，辣辣地幾惹味。✨牛肉丼 $36 +$16轉套餐🔶唐揚炸魷魚 +$4牛肉都係用醬油、味醂調味，係記憶中嘅吉仔牛丼味道。炸魷魚香脆鮮味，感覺上比起雞翼抵食。✨豬軟骨扇貝丼 $46 +$16轉套餐🔶原隻海蝦豬軟骨炆得軟腍入味，充滿醬油甜味。扇貝肉煎得香口。原隻海蝦彈牙鮮甜。📍滿滿丼 (旺角)旺角通菜街1M-1T號華發大廈地下D號舖