滿江紅 (已結業)

今晚"預祝母親節聚會"(丈母娘)後.大小魔怪和眾小妖(表妹們)到time square 青春無限,拍照.最後各自回家,大魔怪提議到這裡食麻辣魚蛋.她吃了一粒,便跑到7/11買汽水,我吃了餘下幾粒,夠麻,但不算誇張.日後會進店試HK$22.-(add10%後)的擔擔面.外賣還有其他小吃,如鳳爪,豬耳等,但有些用兩計價???

一行五人坐低...餐x都未睇哂..就已經有幾個人黎問飲咩茶..煩死...岩岩落完order..就有人黎話埋單..佢見到我地咁o咀既樣..就知自己攪錯左..點知佢唔好意思都無句就咁走左...叫左個水煮雞...但似水煮雞骨多d..之後由於個所謂水煮雞太spicy..得我媽一個食..所以叫佢打包..點知佢打包完返黎一野彭係張台到就掉頭走..可想而知有幾有禮貌.最後返到home諗諗下先發覺收多左錢..都唔知係咪又拎左near台果d俾我地收.一句講哂...無下次..

見到外表, 以為間店係銅鑼灣開, 點都有番一定水準..可惜,食完都幾失望我上星期六中午, 諗著人少D, 去試食呢間四川野,點菜前問侍應該點D乜, 佢就介紹食水煮魚,擔擔面及炒青荀, 兩個人點了湯飽, 擔擔面, 水煮牛肉, 炒青荀.. 因為得兩個女仔食, 我落單前都問多句會唔會太多, 侍應話差不多, 但最後除左湯飽食晒外, 全部剩晒湯飽及擔擔面- OK, 不過不失水煮牛肉- 外觀與正宗水煮牛肉差不多, 但不夠香.. 頗為失望炒青荀- 第一次上來時, 因為太咸, 要退番重新整過, 不錯選擇人數少最好別選這家店, 侍應對菜的分量多少不夠老實,浪費食物

我冇入過去食野，因實在唔敢。因為我食過佢門口的魚蛋，好辣呀！佢用D四川辣椒煮，加埋麻辣，真係飲兩樽水都唔掂。係我咁大個人食過最辣魚蛋，好過引。不過，入去食就唔會了，怕第二日變豬咀。

我上個星期五晚二個人去左，我地叫左個水煮牛肉、南瓜排骨、小籠飽同蟹粉豆腐，水煮牛肉如果食得辣可以叫佢再加辣，感覺好刺激，好麻；南瓜排骨略嫌煮得太耐；小籠飽比起佢那個蟹粉小籠飽好好多，而蟹粉豆腐口感好好，蟹粉加埋豆腐一齊食果種味道好特別。

星期一同朋友去，只剩一張被人訂左八点半的枱，問介唔介意，我們ok，於是不用訂枱有的食。叫茶就每人十蚊，兩人就叫左壺八寶茶，好飲，越飲越甜，尤其在食左好多辣野之後。叫左擔擔麵、酸辣苕粉、夫妻肺片、宮保雞丁、紅油抄手(附一碗雞湯)、醪糟丸子、一隻特价啤酒。買單260蚊，兩個人不算便宜，因為未叫貴價菜。擔擔麵湯好味，但麵不够韌。苕粉不錯，不知是綠豆粉定係蕃薯粉整的。抄手麻麻地，但雞湯不錯。夫妻肺片同宮保雞丁一致推介，好食！夫妻肺片又麻又辣，好似在四川食的；宮保雞丁，麻辣甜酸兼備，朋友只覺好味，竟食唔出醋味，好笑。不知是否為迎合香港口味，丸子湯內有姜味，四川是不落姜的，相對的，酒釀的味道就被蓋過了，不够香甜。樓下有辣魚蛋同牛肚賣，好食，忍不住買返屋企俾家人試吓。仲有真正四川出品的特產，不經香港代理再包裝的，可以一試。同樓下工作人員聊天才知道，尖沙咀的滿江紅同這一間不是一個，這間先開，正準備告尖沙咀果間侵權。

上個禮拜無訂檯去到食閉門羹,今次學精book定先.book左禮拜一夜晚七點, 七點正行緊上樓,reception已經打黎問會唔會到,唔通真係expect D客要早到?(P.S.book位時聲明之前係會留檯十分鐘既)兩個人坐低叫左擔擔麵,螞蟻上樹,蛋黃南瓜,口水雞擔擔麵份量頗小,以呢個價錢黎講叫做合理啦, 反正太大碗又食唔晒,而且好食既話再叫都ok. 味道有點偏咸,唔夠辣,麵都算爽口螞蟻上樹就麻麻啦,無咩特色,蛋黃南瓜就幾得意,好香口,不過食得多都幾滯, 口水雞比我想像中大碟,雞肉滑,但都係唔夠香辣順便一提呢度d凍飲如檸檬茶等好大杯,兩個人飲都夠,另外order一支忌廉竟然等左好耐都無,先後亦催左3位waitress+1經理先有

食物同深圳那些麻辣火鍋店差不多,但如果食得好少少, 平均要300 蚊一位.貴唔緊要, 但服務態度真係近年罕見地差.近幾個月, 不少大陸來香港開店的舖頭,有譚魚頭,張生記, 但從未見過咁衰.我地點完菜後, 有人想加一味菜, 揮手叫人,叫了成分鐘後, 終於有人黎, 仲要好不耐煩話:「你有野要叫, 就一次過點埋佢, 唔好叫完又叫.」有朋友未睇餐牌, 問侍應呢有冇海鮮, 侍應話: 餐牌有就有, 餐牌無就無.好奇問問佢地d 野有幾辣, 佢話:「都係咁啦.」下? 即係點呀? ? 「執」了一聲, 然後望住天花------- 唔答.最頂癮係, 隔離台的人唔知為乜, 有個阿叔經理首先叫那個侍應行開d, 個客乘勢鬧多幾句,經理轉頭「哦」了一聲, 即刻走了開去.in conclusion, 呢間舖頭, 真係唔似做生意.好神奇.

先旨聲明，我或者就係果D唔醒的香港人，食川菜我識得分麻與辣，又或者有幾辣，係咁多。唯獨是不怕辣，朋友又說呢度D野幾辣，所以就來試試。同兩個朋友來幫襯，京滬菜吃得不少，但川菜是不多吃。平日晚上呢度都唔少人，訂左位都要等一陣至坐得低。呢度裝修佈置都唔錯，以木為主，幾有格調。叫了擔擔麵、麻辣鴨舌併牛腱、夫婦肺片、水煮魚云同辣子雞。擔擔麵唔夠辣，反而覺得有D甜甜地。早知叫?地加辣，個人覺得份量足夠。其實擔擔麵同雲吞麵一樣，係味道行先，份量都是細細碗的，可能香港人食慣權記及沾仔記會覺得呢度唔抵食都唔定；夫婦肺片幾入味，唔算太辣，肺片煮得軟熟，幾好；水煮魚云麻辣味足，魚云明顯給麻辣料撈過，夠味同幾辣，舖面的魚云較辣，沉底果D反而無咁辣，好味；辣子雞舖滿辣椒乾，賣相壯觀且嚇人，係咁多味菜最辣的一味，炸過的雞塊亦幾辣，唔食得辣唔好叫呢味。覺得侍應的態度都幾好，完全無黑口黑面咁嚴重，可能係下晝同夜晚係兩班人卦；食物碟頭幾大，水煮魚同辣子雞都擺了半張檯，個人覺得是OK。當然如單看冷盤、麵等會覺得細細碟都唔定。如有機會找多幾個人會試試這裡的麻辣火鍋的。連埋三支啤酒，埋單四百幾，唔平，但想吃麻辣的可以一試.

今日經過呢度，發現真係有麻辣魚蛋賣，買了一串，係幾辣亦有麻的感覺。魚蛋質地係唔夠彈牙，可能是在兜麻辣汁中浸左好耐的原故。6蚊一串，一試無妨。

上次食完麻辣魚蛋後一直想正式幫襯一下“滿江紅”..今晚於是專程前往一試。今晚星期一晚﹐居然要等位﹐有點令我意外。負責帶位的女侍應黑口黑面﹐唔知咩事。。。同朋友二人坐低﹐餐牌簡陋得很﹐感覺比一般茶餐廳仲要低級。先叫了普洱茶﹐茶錢係$10位的﹐個名就幾好聽﹐但飲落並不特別好﹐只可以話唔差﹐相信係跟普通茶樓一樣級數貨色。$10 位﹐略貴。(而且唔會主動添滾水﹐叫沖水又扮聽唔到﹐吹漲)點了4樣﹕擔擔麵﹐紅油抄手﹐蒜泥白肉﹐紅燒牛腩。原本仲想要多一籠小籠包﹐但竟然係午市賣“普通小籠包”﹐夜晚只賣“蟹粉小籠包”﹐真係怪。仲要最少要4隻﹐衡量未必食得晒之下﹐放棄了。擔擔麵跟紅油抄手上檯時令我覺得意外。因為真係好細碗。我敢話﹐如果呢個SIZE的擔擔麵﹐我起碼可以食五碗!!好唔好味﹖擔擔麵OK啦﹐但油多左少少。紅油抄手就更加多油﹐但係又無乜味。失敗作品。紅燒牛腩味道唔錯﹐但肉質有D略硬同韌。其實係牛腩拼牛筋﹐好彩。如果淨係牛腩我諗我地會食唔晒了﹐費事咬甩隻牙﹐哈哈。蒜泥白肉賣相及味道都跟詠黎園的差不多﹐所以大可以作一比較。肉質各有好壞﹐但論味道同分量就詠黎園勝出。埋單連加一$200幾﹐真係唔算平囉﹐但又

滿江紅我未有機會正式坐低幫襯過﹐但今日經過銅鑼灣分店﹐見到門口有麻辣魚蛋賣﹐$6一串。勁辣魚蛋食得多﹐麻辣魚蛋又真係比較少。魚蛋的質地較“散”﹐唔夠實唔夠彈﹐但係食落都幾“過引”﹐食的時候加埋旁邊小碟中的辣醬就更加惹味更有挑戰性。so..唔食辣的朋友﹐我建議你地唔好試了。如果魚蛋質地可以更彈牙更實的話﹐就係一流的街頭小食了。但鋪頭不妨考慮用一個小小的紙兜盛載魚蛋吧。現在該檔口位附近的地面已經辣汁痕跡處處﹐有礙市容呢。

星期日下午兩點幾，見呢度坐得幾舒服，兩個人已經俾個大卡位我地坐，就嚮度開飯啦~叫o左一碗$20擔擔麵，$20滿江紅小湯飽(5隻)，$48蒜泥白肉，$28洛神花茶，連加一茶錢$139，唔算好平；不過碗擔擔麵上檯果陣真係嚇o左一跳，超級大碗，size係翡翠o既2倍，詠藜園o既3倍，仲要平過晒人地，總算抵食。講番個擔擔麵，麵身尚算不俗，不過湯底味道幾辣，唔食得辣o既最好走辣油。小湯飽其實即係小籠包，皮薄多汁又夠熱，唔錯。蒜泥白肉居然有D煙韌o既感覺，都幾奇怪。洛神花茶味道有D似酸梅湯，不過又係勁大杯，真係飲到成肚水~~總括o黎講o野食係辣到麻果隻，如果怕辣怕油o既呢度就唔多適合喇。除擔擔麵夠晒大碗之外，當天所見，隔籬檯個水煮XX都係勁大兜，都好抵食。相中就係擔擔麵同蒜泥白肉。

Openrice Editor, 灣仔莊士敦道, 柯布連道口, 開了一間新的火鍋店,有3層, 是四川口味的, 名字叫譚漁頭火鍋, 請記底, Thanks

a new restaurant, "滿江紅", providing north-eastern Chinese food opened at the old postion of the closed "KeyWest" at "Cameron" Street, TST(Don't know whether of the same group)