滿江紅 (已結業)

來過這兒兩三次，唔多鍾意佢個火鍋。反而幾欣賞佢地D小菜。水煮魚做得幾有水準。蟹皇豆腐好滑好正！干扁四季豆好細碟不過好好味。現在使用個別信用咭，有麻辣口水雞送。別以為免費的就好細碟，竟是正常size！飲品的水準就幾"飄忽"…第一次去時，個豆漿超好飲(好濃，好有豆香)。第二去時，就淡了好多。哈…唔知係咪第二次去時人多了，加多D水呢？服務就好有改善的空間，有漏單，又有個發夢的女侍應。最搞笑係，我個friend 在洗手間見到佢坐在個"塔"上同人講電話，又無關門。佢好大聲咁同人講:"今日係佢第一日上班，好辛苦唔做了，好彩返一日都有人工出....."整體來講食物質素幾好，其他就有待改善，但都會再幫襯！

最初去時, 佢地d 伙記非常串, 我見隔離台有人投訴, 部長竟然都唔理, 一直到近期, 先再次幫襯佢地. 今次服務有改善, 但食物水準始終太普通, 佢湯底及唔上寧記或小肥羊, 太慨只係一間典型深圳四川小店. 我諗都唔會再幫襯.

The portion at this restaurant is very big. The water boiled fish is very good. One complain I have is on the spicy chicken which was all bones and no meat.The service of the restaurant is also very good. The changed the plates often and kept refilling our teaWe had a very good time there .

成班朋友共六人黎左呢度食火鍋。叫左一邊麻辣一邊清場個隻湯底。野食都幾好味，羊肉好掂! 白蘿蔔無苦味無渣，唔錯。d 丸都值得一讚，好彈牙。服務亦都唔錯，會定時定後加湯，上多左野提番個侍應都無話黑面或者多野講。不過覺得價錢係唔平架，貴左少少...

原來公司都有唔少嗜辣者，所以就造就今次0既"唔辣"就奇之小小午聚。9個人，估唔到有房坐，仲有部plasma可以睇電影。因為人數唔少，所以叫左好多野食，酸辣麵、四川担担麵x2、麻醬担担麵、水煮魚肉、口水雞、干煸四季豆、紅油抄手、小湯包(即小籠包)、麻醬生菜膽、南瓜排骨蒸粉、葱油大餅。非常期待每一樣的辣，可惜，連以為最辣的水煮魚肉都只係OK辣，但都可以頂到少少個辣辣癮。相反，最辣0既係個酸辣麵同埋個四川担担麵，而且好香，好味﹗麻醬担担麵係幾款面最唔辣的，所以都係留返俾D無咁嗜辣0既同事。其實大部份菜式都做得唔錯，最驚喜係個麻醬生菜膽，因為個麻醬超香，仲有少少好似花生醬0既味道，非常好味，可以用黎點其他野食﹗南瓜排骨蒸粉同個葱油大餅係後加0既，葱 油大餅完全係中式pizza，好得意，但因為我已經好飽，所以無試﹗而個南瓜排骨蒸粉就原個南瓜上，所以連個南瓜都食埋咁滯，但原來個底係勁多油，所以剩返半個南瓜無人敢食。叫左兩杯柑桔蜜，勁大杯，一杯可以分三杯，都可以叫抵飲，而且仲係咸柑桔，合我口味﹗其中一個同事生日，8個請1個每人都只係六十幾蚊，抵﹗

朋友之中我算幾食得辣, 食麻辣火窩我通常都冇事. 但今次在滿江紅食小菜就出事...老公話想食辣子雞. 終於滿江紅的辣子雞真係好正宗, 但...聞落係臭孤味, 食落就冇事, 乾辣, 幾o肯, 叫了$10/3支純生頂住先.虎皮尖椒做得好好! 麻辣鴨舌麻麻地, 紅油抄手冇乜味道(得豉油+辣油), 最大獲個酸辣麵, 1吋紅油比d麵索哂, 我食左幾啖就唔食, 費事胃痛.到頭來都有少少胃痛, 去對面7仔買支yogurt drink, 飲完舒服哂~

喉嚨固然之要走火警，一唔小心，撞o岩我咁。廚房唔知炸咩，成間野eric kwok 咁，煙到呢，連我都咳埋一份。不過，就算本死，我都要食。因為由弟一步行入去，已經聞到，係正宗的麻辣味道。一生人必須一試的！

行過見到, 個樣好似幾辣.我唔係食得辣既人,但都好奇試左串.一串五粒,都算大粒,不過可能係浸發左.幾辣,剛剛係我接受程度既極限.味道一般啦.好彩當時帶備牛奶糖,即時解辣.

咁啱我又係尋晚上去食麻辣火鍋, 想回應下依位老友:1)貴: 同意，係度食火鍋係幾貴的，不過都無乜辦法，係香港地要食"似樣D"既麻辣火鍋都係要被人斬到一頸血，除非你番大陸食又或唔食啦。2)難食: 暫不認同，因為你未能解釋乜咁難食-我自己就覺得:-材料算唔錯噃，碟鯇魚片好新鮮不過多骨;美國牛肉d肉質幾靚(有油花又去掉脂肪)不過幾薄，其他試過既什類料都可以啦。-湯底都唔差但唔算好正；清湯果邊可以啦,反而麻辣果邊燙到我食完都唔係好辣同香。麻辣個湯係咸d但清湯可以噃-段估係唔會去飲個麻辣湯掛?去到尾我唔覺得佢係好似你話咁差，如果想食得平d可以九時後上去，人少d又平d。

我同一班朋友前兩日去滿江紅食火。它的火真的太難食，千萬不要試，簡直是「貼錢買難受」。火湯底真是鹹到不能入口，加上價錢又貴，千萬千萬不要去食!!!!!

以前去過，寫了一篇食經，在此跟大家分享。最好吃－－擔擔麵﹕醬、湯、麵分明灑上蔥花賣相佳；肉醬微辣味鮮恰到好處；麵條爽甜質感佳。細細碗夠矜貴，令人不由得不按捺住大快朵頤的欲望來細意品嚐，深怕暴殄如此天物! 其他推介－－1)麻辣什錦窩﹕稍嫌不夠麻也不夠辣，但似乎適合一般港人口味；什錦窩果然夠什錦，用料多元化夠特別，沒吃錯的話，最特別是有豬天梯（豬喉嚨）、鮮製牛肉丸及炸魚頭。2)紅油抄手﹕細細粒夠精緻、紅油色清味微辣；皮薄而爽透出內裡豬肉嫩紅；餡料新鮮味美、甜而不膩。色味俱佳!)3)紅油麻辣雞塊(涼菜)﹕味香、辣度適中、有雞味，能互相配合，開胃消悶，佳!4)鹽水雞﹕為怕辣朋友仔頭盤之選，雞鮮美，鹹度適中能引出雞的鮮味及使雞肉口感更嫩滑，好味道!(順帶一提，與小女子母親大人烹調的不相伯仲) 一般水準--1)青瓜鱔絲﹕口感較油膩，鱔徒具甜味而不見鮮，青瓜反而較好吃。2)蛋黃南瓜﹕每件南瓜均被蛋黃完全包裹著，顯見師傅功架。惜鹹蛋黃太多致口感較重較膩，掩蓋了南瓜的香甜，未能使兩者完美搭配，達不到北京孔乙己那美點雙輝的效果。

上星期六晦晚去食呢間野，Book 左位都要等半個鐘，如果唔係真係想試下，都唔會等咁耐。其實辣就唔係辣，係食到個口好麻，其實係自己想挑戰極限，叫七樣野有四樣係麻辣。本人叫左以下幾款食物，真係唔錯，質數幾好，大家可以參考一下：1. 擔擔麵2. 口水雞3. 水煮魚云4. 酸辣涼粉5. 小籠飽6. 野菌湯窩7. XX雲吞埋單$574，其實都幾貴，唔可以話抵食，但又唔係差，都尚算有水準，而服務都OK好，係等位麻煩。

真正的水煮魚是有生菜的嗎? 我實在未試過食有生菜墊底, 魚中滲有生菜味, 一d都唔辣既水煮魚。孜然羊肉, 香料蓋過羊肉味, 土豆絲正宗似乎唔需要有落醬油, 同埋, 唔係應該係冷盤黎咩?...一路食, 一路有蚊仔周圍飛。

除了滿江紅之外，香港已經冇幾多較正宗的四川菜. 有時見到其他鋪頭d所謂四川菜，真係想死！我最喜歡那裡的水煮，不錯.

首先想回應一吓, 去茶樓飲茶都係餐牌都未睇完就問你要咩茶啦, 我唔覺得有咩唔妥. 我去果日係星期六夜晚, 人超多, 要撘枱, 不過登記時該位小姐已聲明要撘枱, 問過我們同意, 所以我覺得無乜問題.我和朋友兩個女仔叫左, 口水雞, 涼伴涼粉(好以係咁叫法), 紅油抄手, 同炒飯. 口水雞係最辣(餐牌上有兩隻辣椒), 好油, 不過我諗地道菜係咁.涼粉係凍食0既, 少少辣, 好好味, 值得一試.紅油抄手即水餃加辣椒油, 無咩特別. 個炒飯雖然好簡單, 但飯粒唔會"痴"埋一舊, 好好味. 最好的地方係食果刻好辣, 但係之後唔會覺得好口渴. 應該用味精唔多.我個人覺得服務態度唔差, 價錢亦很合理. 人地話應該食得晒我覺得正常, 我同朋友兩個人都叫左4樣野啦, 都一樣清晒. 人地只可以大概以平時一般人食量評估你們二人大概食量, 當然唔一定準確. 我認為咁樣話人太唔公平, 況且呃你果一碟半碟佢地都唔係賺你好多0者.