滿小館 (已結業)

今日返到嚟位於尖東好時中心嘅滿小館 ，之前就試過佢哋嘅午餐，今次就試埋佢個晚餐。坐低唔少得開壺茶，今晚叫嘅係鐵觀音，清新芳香，茶介每位$14 。距離上次食已經過咗一段時間，最近佢都加咗啲新菜式。首先要講嘅係呢份水煮鱸魚片，$198 。深紅湯低加上鋪滿辣椒，一上枱已經感受到佢嘅辣 ，今次呢份係細嘅水煮鱸魚，唔夠嘅可以叫大份，$368。啱啱去完重慶返嚟，佢嘅味道都可以貼近到當地，麻辣度對於香港本地嚟講係已經足夠。魚片除咗完全吸收咗啲麻辣，仲保留到原本既鮮味，而切片嘅size唔會話太大片等你可以慢慢食，我個人就最鍾意嗰種麻嘅感覺。除咗食魚，佢嗰底仲有啲薯粉，唔會話太硬身，而且完全吸收晒啲麻辣嘅精華，鍾意麻辣嘅你點可以唔連個底都清埋 。第二味叫咗蒜蓉蒸大元貝，$48/隻至少要叫兩隻。元貝size唔細，直徑大約係個$5銀咁上吓 。然後佢係非常厚身，厚到切咗一半上枱會俾你個感覺好似係有兩粒咁，蒜蓉元全滲透貝同粉絲，而隻貝都相當爽口鮮甜 。 炎炎夏日，就緊係要叫佢哋嘅招牌菜，冰鎮5頭南非鮑，$118 。上枱賣相噴晒煙已經相當吸引，睇到都feel到佢嘅冰鎮 ，佢分咗兩隻味，磯煮同清酒，就算只係叫一隻你

上星期和四個朋友約飯局，有朋友話來過這間小館食過，話幾好食，坐得舒服，價錢不太貴，所以選了這店食晚飯我本人欣賞佢哋D出品有新派特別:火焰腩义，冰鎮咕嚕肉和巨無霸蟹鉗懷舊菜有: 杏汁白肺湯，蝦多士 和片皮鴨因我們只得五位，不能選擇太多菜色，點了六餸一湯，加兩支白葡萄酒，飽飽😊不過如想食到，記得訂坐時同店員講定想食什麼先預定，因當晚我隔離枱客人都想食蟹鉗和蝦多士，同店員落單，店員回應說現只有最後三件蝦多士，其他都賣完啦！😅

本身我自己幾鐘意去中式餐館飲下茶☕️、嘆下點心，今次介紹一間食物質素幾高嘅中菜館-滿小館，呢間人氣本身已經幾高，我book位嘅時候就嚟Full，當日去到餐館的確係座無虛席。有幾款菜式我特別鐘意。No 1: 冰鎮甜酸豬爽肉色香味俱全嘅一碟菜式，上到枱時一陣接一陣嘅仙氣係眼前展現，成碟餸搭配左菠蘿、藍莓、洋蔥、士多啤梨🍓，望落顏色好豐富 ，小朋友睇到好開心😁聞到陣酸酸甜甜嘅咕嚕肉再夾雜住菠蘿味🍍食落去時有少少出乎預料之外，冰鎮❄️豬爽肉原以為成舊肉雪過之後會軟淋淋、無咩口感，但食落去原來係會外脆內軟，愈食愈想食😋😋😍😍 呢款菜式可以挑剔嘅位係份量太少，多人一齊分享就會唔夠喉，呢碟咁好味，如果份量再多啲會更加好，可以開心share呀嘛😉No 2: 脆米海皇泡飯對於無飯不歡嘅我嚟講，一定要叫返個好味道嘅飯填飽下肚仔。呢個飯好足料，魚湯🐟搭配白飯，湯入面有足料嘅柱貝粒、冬菇、菜粒🥬，湯好鮮甜一啲都唔會腥，食法又夠特別，可以加入脆米一齊食，食落chokchok聲，小朋友都岩食👍🏻No 3: 留比大家食完之後分享😁（menu入面有好多特色菜式，大家可以去發掘下）呢間餐廳有bb凳，亦提供bb餐具，媽咪們可

見200幾個哈哈笑(讚)應該冇揀錯，點知呢一餐我請嘅生日飯，令我都幾失禮。海皇粒粒飯：冇味，自己加咗鹽至好少少，都有問侍應攞胡椒粉，但辣都唔辣嘅，朋友(生日果位)話放耐咗會走哂d味😅冰鎮豬爽肉，其實係咕嚕肉，不過等佢比d冰凍下佢，凍食好味d。通菜牛肉：好咸柚子蜜疍散：甜甜地，不過朋友話ok啦😅。埋單600幾蚊，唔值、唔推介

公司季度請食飯，由於公司係尖沙咀，所以老闆揀左係尖東既餐廳，貪尖東無尖沙咀既嘈吵，食完近MTR同巴士站，可以輕輕鬆鬆走。今晚黎左依間滿小館，地方好靚就講不上，但係企企理理舒舒服服。因為我地10個人又飲酒，老闆事前已經留左間房，菜應該都係之前就寫好左。烤夫我唔識分好唔好食，因為之前未食過。海哲頭夠味，厚身，爽口。但唔夠凍，要扣d火焰腩叉依個幾特別，再來噴晒火咁，食落有桂花糖香同夠香口。招牌蝦多士隻蝦多士有料到，又大，又脆，又厚，又有蝦味，暫時係食過最好既蝦多士。冰鎮咕嚕肉出黎時會出晒煙，食落皮脆肉嫩。岩打卡，又好食。但碎冰可以小d，因為阻住我影相。片皮鴨隻鴨脹卜卜，真係成隻片晒比你。皮脆鴨香，唔似出面片完得小小。真係好鬼多塊鴨松露炒蝦球蝦夠爽，松露味岩岩好，但d菜有幾條有渣，依度改進下就perfect大班2味蒸頭腩，味夠，食唔到魚鱗。如果加d粉絲應該會更好。大班2味啖啖肉，d肉唔會一夾就散。條魚夠新鮮就唔會難食玉盤唔知咩依個好食，冬瓜入面有d 齋菜 食完覺得好清新好健康。有錢佬炒飯乾身，有咸旦味，夠鑊氣。另外重有個芒果卷都幾特別，但擺唔到咁多相嗱。總括黎講當晚開心既，地方企理，食物得，正

一直想寫個食評，又唔記得左寫今日心血來潮想寫番因為呢間滿小館真係都幾值得推介已經係今年3月嘅事lu同朋友慶祝生日飯，又話想食下中菜喎睇下Openrice，尖沙咀有間都幾新下嘅中菜館，見食評幾好、Like又幾多咁，就試下佢啦！仲記得應該係星期日晚，所以都係Book定枱，我地Book左6點，準時入座餐館應該都係晚市剛開始，環境擺設都幾整齊有個高高大大嘅經理帶我地入座，禮貌幾好個Menu都幾多選擇，睇到眼花潦亂😂😂😂我地就叫左以下幾款野食喇1. 脆皮牛坑腩 ⭐️⭐️⭐️⭐️⭐️外脆內軟，入口鬆化2. 鴛鴦叉燒 ⭐️⭐️⭐️⭐️醬汁做得好入味，不過份量多少少就好啦3. 小炒皇 ⭐️⭐️⭐️⭐️⭐️超級惹味，好有細個食大排檔個種鑊氣嘅滋味4. 金銀蛋浸菜 ⭐️⭐️⭐️如照片所見，就係金銀蛋浸菜個上湯夠濃味嘅，整體就正正常常啦5. 八味金磚 ⭐️⭐️⭐️⭐️⭐️層炸衣炸得好薄、好脆，內裡入口即溶$78好抵食6. 荔荷章魚雞粒炒飯 ⭐️⭐️⭐️⭐️看似普通荷葉飯原來加左荔枝又令到個飯多左種果味感覺好Fresh，完全唔油膩7. 鳳梨桂花糕 ⭐️⭐️⭐️⭐️⭐️好似係咁嘅名因為我地本身食埋個炒飯已經好飽Lu～呢個甜點係經理請我地食架可能聽到我地慶祝朋友食生日飯個桂

朋友聚餐翻book滿小館。都已經好耐冇食。。位置寬敞。空間感仍然好充足。我地點左個*拳頭咁大既 巨無霸蟹鉗，口感滿滿*脆米柚子蜜蝦球，酸酸尾尾好開胃，不過一定要盡快食，如果唔係底下件脆米通都唔會脆*薑蔥桶蠔，聽同枱朋友講質地幾好。冇過火。咬落好juicy*跟住到我最鍾意既水煮魚，好好味。食親都要叫碗飯食。為一可以再好d係個薯粉。。可以再彈牙d就最好喇*清蒸星班仔，因為有人唔食辣但又鍾意食魚，我地為佢叫左條班仔食。呢個我要讚蒸魚師父。蒸到岩岩好離骨。好新鮮好正。*楊枝金露凍，食完飯食埋個甜品就唔使再出去搵間甜品店食。。望落去好似好素乜都冇。原來係沉晒底。食落口都有楊枝金露既感覺整體都好好。雖然食果陣全場滿座，起菜可能比平時慢少少。。但勝在餐廳唔會趕住做2輪而趕人走。可以慢慢食慢慢傾。

服務一般, 可能人手不足..到叫甜品落單都未有人收拾過枱上的一隻碟茶叫了壽眉...沒有香味.. 一大包茶葉泡了三轉就淡如水杏汁豬肺湯...沒有杏汁味..味道與普通耐火湯一樣烤麩...應該沒問題, 但就食到1, 2件有少少宿味柚子叉燒皇....好似食厚切豬扒, 肉是鬆化, 但沒有叉燒獨有的燒香味, 後期加入柚子醬拌勻, 唔好食水煮鱸魚....肉質好滑..夠麻夠辣...粉皮過腍蛋散...失望..在上面淋柚子醬..本身沒有稀釋, 有醬的地方就好甜..沒有的就無味...由於醬太稠密都不能推開到沒有醬的蛋散來吃椰香鮮芒卷...都可以接受...總括: 試過就算...唔會再去...埋單$1245...咁的價錢做出咁的質素...

爸爸比較喜歡中菜，所以今次特登揀左左呢間中菜廳滿小館提早同爸爸慶祝父親節，位於尖東，都算方便，餐廳裝潢都好得體，當日都坐滿食客，點左幾個小菜都好高質，屋企人表示滿意🤤🤤🤤冰鎮甜酸豬爽肉好適合打卡既小菜，一上枱就出晒煙，味道不過不失脆米柚子蜜蝦球脆米通炸到脆卜卜配上甜甜既柚子蜜好惹味，再加埋大大粒炸蝦球，讚👍🏻懷舊鳳尾蝦多士蝦多士唔係度度有得食，滿小館既蝦多士好值得推介，未食過咁好食既蝦多士，唯一缺點係貴，可按人頭落單，下次再黎食一定會再點

尖沙咀滿小館，杏汁燉白肺湯（4至6位用）$428，本身這個湯寫明要預早一日訂，但都多口問一問店員有冇，佢話師傅會有預多一兩煲俾即場客，剛好最後一煲，於是我哋就叫咗，個湯幾好飲，味濃但杏仁味唔太出，而且這個價錢，份量比較少，四個人平均一百蚊多啲一碗，幾貴下，另外店員推介蒜蓉粉絲蒸元貝$48（隻），都幾大隻，燕麥金沙蝦球（例）$168，得六隻蝦，這個有啲貴，有少少油膩同鹹蛋黃味唔夠出，懷舊蝦多士$58（位），這個做得幾好味，但個多士偏油，龍井煙薰太爺雞$368，我自己唔係幾鍾意這個味，但雞肉都算滑，海味什菜煲$138，都幾大煲，個湯也ok，脆米海皇泡飯$168，份量唔算多，但湯味道適中，脆米增添口感，但我自己麻麻脆米，晚肆茶位$14，都ok，服務態度我自己覺得有兩位相對比較年輕嘅服務員服務麻麻，其中一個幫我哋收碟時，將啲汁倒瀉到一枱都係都唔幫我哋抹返，之後有個女服務員收其他碟見到，我話唔關我哋事，佢就叫另一服務員幫我哋抹返，剛好佢叫果個就係倒瀉啲汁果個服務員，除了這樣其他都還可以.#尖東#晚飯#dinner#聚餐

香港係飲食天堂, 茶樓點心必定很受大眾歡迎和喜愛, 飲茶歎吓一盅兩件是不少人假日和節慶喜愛的活動。位於尖東好時中心嘅滿小館,裝修有著傳統中式茶樓嘅特色, 點心款式甚多, 任君選擇。蝦餃燒賣是必然選擇, 滿小館蝦餃皇皮薄餡靚, 大大隻蝦肉新鮮爽脆, 餃面還有金箔, 真係好睇又好味。 蟹籽黑豚肉燒賣同樣賣相吸引, 蟹籽飄香彈牙, 黑豚肉用料上乘。义燒腸粉和牛肉腸粉也很出色, 腸粉皮滑軟糯, 餡料份量十足。北菇棉花雞爆魚肚爽脆大件, 雞件嫩滑。九製陳皮叉燒酥炸得香脆, 還有清香嘅陳皮味道。還有久違嘅懷舊蝦多士和賣相吸引蟹鉗巨無霸蟹肉, 多士炸得香脆, 蝦肉爽口又彈牙, 令人回味。

滿小館位於尖沙咀好時中心, 古雅嘅裝修充滿中國色彩, 地方清潔寬敞。花膠扒套餐價錢和菜式都很吸引,滋味燉湯很夠火候, 雞脚腍滑, 湯水完全冇味精, 美味又滋潤。蠔皇原件花膠扒原件花膠扒很厚身, 份量十足, 炆得很淋滑, 又不會有腥味, 蠔皇調味啱啱好。高湯浸時蔬上湯湯底鮮味, 小棠菜加上蟲草花, 清甜又健康。瑤柱蛋白炒飯飯粒炒得很乾身, 瑤柱絲和蛋白很香口, 夠曬鑊氣。好味又足料, 這個套餐真是物超所值。這裏嘅燒鵝也很出色, 例牌份量很足夠, 燒鵝皮非常香脆, 鵝肉多汁又煙韌, 燒鵝醬汁很惹味, 不肥又不膩。水煮鱸魚片鱸魚片嫩滑可口, 紅綠辣椒加上唐芹洋蔥, 小辣辣度啱啱好,惹味又好食。

朋友從外國回港，一班朋友特登揀咗間中菜廳同佢接風洗塵。提前預訂咗片皮鴨，唔洗擔心到時售罄片皮鴨選擇了二食，朋友們表示用涼瓜炆都好好食另外，仲點咗幾個小菜都唔錯。冰鎮甜酸豬爽肉上菜時伴著煙非常適合大家打卡，味道都唔錯脆米柚子蜜蝦球脆米配上甜甜嘅蜜糖，配埋蝦球一啖放落口，口感豐富鳳尾蝦多士 原隻蝦連多士炸，可以按人數落單脆米海皇泡飯外表平平無奇，但味道鮮甜好食，泡飯配上脆米，口感十足有驚喜！甜品 - 拉絲芝士年糕其實就係平時嘅日式芝士年糕甜品 - 鬆化脆蛋散炸得十分鬆化，配上蜜糖，好食

大概半年有幸經過，食過呢間嘢好好食，早幾日終於約到屋企人一齊去試，入到去坐底望點餐紙，先發覺唔同哂，佢最好食嘅芝士海鮮酥居然無左，金湯松露餃又無左，問咗職員，職員話原來佢哋久唔久會轉餐牌，咁基於上次啲野食都好高評分，今次就試吓佢其他點心啦。蝦餃飽滿，新鮮彈牙，味道剛好唔會咸，呢個果然係推介👍🏻炸兩腸好卜卜脆，好食，外皮無乜味，但內層油炸鬼好脆，好少香港食到真係咁脆嘅炸両👍🏻柚子蜜蛋散都好鬆化，無油膩味，4舊兩人分岩岩好瑤柱蝦菜苗餃，唔知係咪蒸耐咗，表皮好易爛好痴，個餡好似九唔搭八撈埋一齊蒸咁櫻花蝦千酥卷好咸，佢嘅酥皮係幾好食嘅，但係配埋入邊有啲唔夾，好咸，食唔出咩味海鮮卷好脆，但入邊係沙律海鮮，好甜好漏，食到有蝦粒最後茶位依家係每位$14，聽講已經冇咗平日免茶芥lu，總結: 冇晒之前啲特色嘢，唔值得專登去到咁偏遠食，價錢都唔平。

服务一级棒，烧鹅超级好吃，豉油鸡超级嫩，牛柳跟牛排一样好吃。。。。。。。。。。。。。。。。。。。。。。。。。。。。。。