滾爺火鍋 (金巴利道)

营业中

休息中

這餐廳的椰子雞煲絕對是招牌中的招牌！椰香濃郁的湯底中，雞肉鮮嫩多汁，吃得出每一口的用心烹調🐤🧉🥣魚皮餃外皮香淋，內餡鮮美，搭配特調沙茶醬，嚐起來讓人回味無窮。牛丸和即炸響鈴都值得一試，即炸響鈴好脆，讓口感更豐富，比出面的響鈴更特別🍲🐟🍢打邊爐不外乎飲可樂汽水，但依度選擇都頗多，百香果綠茶清新又開胃，仙草鮮牛乳則口感滑順，喝完讓人好有飽肚感。而且餐桌上有部小電視📺更是為整個用餐體驗增色不少，營造了一個放鬆又熱鬧的氛圍。🌟🧀🌭尖沙咀開始好有聖誕氣氛啦～周圍都係聖誕裝飾🌲🌟⭐️✨

天氣轉涼，真係好想去打邊爐，搵咗幾間，見到滾爺有分店喺尖沙咀，見旺角啲post都唔錯，就諗住去試吓。結果真係好一般，而且價錢都唔平。首先，人手不足，我哋一去到，用QR code落單，等咗成45分鐘，所有調味配料，飲品（只係樽裝嘢飲），個火鍋就唔使講啦～什麼都未到。催促完服務員之後，先慢慢有嘢食，由好肚餓已經等到唔肚餓。到最後食物又唔係美味，仲漏單添，既然啲嘢都唔好食，都冇再催漏單， cancel 算啦😑

秋風起又係打邊爐嘅好季節！上星期同啲friend打完邊之後，心思思今個禮拜又想再食！咁啱出去尖沙咀就食埋晚飯先返屋企啦～行吓行吓就見到呢一間新開嘅火鍋店。🤩一入到嚟呢間火鍋店，就已經覺得四周圍嘅環境好寬敞、又光猛又乾淨。🫧👨🏻‍🍳店員嘅態度好好，安排我哋入咗一個設有電視嘅卡位坐，喺卡位度睇電視呢一個體驗真係第一次。📺未上菜之前，店員為我哋遞上九格調味盤，我最鍾意食沙嗲，一定要試吓個沙嗲醬😍呢個醬花生味好濃郁又香👅即刻令到我好肚餓喇！等緊上菜之前我哋四周圍參觀下，發現呢一間火鍋店一共有三間獨立房，其中兩間居然仲有卡拉OK可以唱🎤下次我要帶埋啲三五知己過嚟唱K唱到凌晨啦🤩前面仲有個打卡位，真係等上菜都唔怕悶📸🦞麻辣龍蝦雞鍋 $498呢個煲有大中小辣三個程度俾你揀，我哋嗌咗小辣，覺得個辣到啱啱好。擺上台嘅時候已經聞到香噴噴😋龍蝦同埋雞都有爆香過先至放落個溫度，煲度煮，講吓個主角龍蝦先，龍蝦肉啖啖肉又厚實，麻辣同埋配料一齊爆香佢令到啲龍蝦肉好入味😍🐣另外嘅主角雞煲，裡面有很多雞球，還有辣椒乾、洋蔥、中芹和芫茜。洋蔥的份量很多，而且煮得很滑嫩、甜美，非常好吃！我們點的是小辣的雞煲，辣度不會太辛辣

今日同朋友收工去左一間之前同事介紹嘅新開邊爐，尋晚涼涼地打個邊爐正到飛起😋 有聽過呢間叫滾爺嘅邊爐係旺角都有分店，但尖沙咀呢間新開緊係黎呢間啦😆訂左枱6點，去到無咩人靜靜地坐卡位傾計一流，店內嘅環境同裝修都好新淨，好舒服，點野食就自己手機QR code落單，我聽朋友講一定要點招牌椰子雞煲，一於就點呢個，尋晚同朋友都唔太肚餓所以我哋無點肉類，淨係食個雞煲同埋點左手工韮菜餃，西洋菜，豆腐，冬瓜片，呢d蔬菜索哂個椰子雞湯真係唔使點豉油都夠哂味。同埋點左個即炸午餐肉，同一般嘅唔同就係佢即炸，超脆，索一索湯食又得，兩種食法，都係好出色👍🏼 到最後講下個湯底，係我食過數一數二好食嘅椰子雞湯，首先佢足料，一個椰青加兩個椰皇係客人面前倒入湯煲，份量十分，食雞前飲湯，我同朋友差唔多飲哂😂😂 所以鍾意食椰子雞煲嘅人一定唔好錯過呢間鋪😆😆

今日放假約左朋友去尖沙咀行街買衫最近轉季好多店舖都做完折扣行到晚飯時間，上網搵餐廳得知係金巴利道新開左間滾爺火鍋之前係旺角店食過椰子雞煲非常正今日轉涼剛好暖下身子餐廳的坐位係要行樓梯係梯間貼左招牌椰子雞煲落到坐位區有一幅花場同吊椅係打卡的位置餐廳以4人或6人卡座為主有一個大電視播放住新聞台的消息好有係屋企食飯開電視感覺今日我當然叫左椰子雞煲，羊肉同鱔片入座後職員會有調味料有蔥油香噴噴👍沙茶醬蔥芫荽小米辣等等椰子雞煲用新鮮椰青，椰王雞肉係文昌雞鮮雞件仲有珍珠馬蹄同椰子片椰青同椰王都係泰國產體積比較大皮比較薄椰青水比較多同較清甜珍珠馬蹄比較細粒可以係短時間內煮熟羊肉係椰子雞湯的湯底下變得沒有令人難接受的騷味有一分格外清甜的感覺估唔到好夾白鱔片已經去骨短短十零秒就食得魚皮彈牙肉質爽口

在尖沙咀韓國街行開叫到新開的滾爺火鍋同朋友就落去試下去到地庫一入門口就有打卡位坐落獨立卡位仲有電視📺睇星期日睇場馬仔😂叫左個火鍋食一坐低店員就拎醬料俾我地我最鍾意食蒜有生蒜同炸蒜☝️生食蒜可以殺菌叫佢做個鴛鴦湯底一個係芫荽皮蛋一個係麻辣個芫荽皮蛋有差不多有2隻在入好足料麻辣湯底配鴨血好惹味呢到仲有雞公子食唔會好重雪味 好新鮮仲有安格斯板眼配住乾冰上好奢華🤭當然要啤啤佢啦😃😃😃好冰爽而家有大支裝 💛

天氣涼涼地，想去打邊爐，行行下見到有間新開嘅店，睇落好似唔錯，今次叫嘅野唔多，佢主打椰子雞，所以叫咗一個椰子雞湯底，一份鴨血，一份竹笙，一份炸支竹，一份鮮蝦雲吞同一份韮菜餃。招牌椰子雞鍋 （半隻雞）$248椰子雞鍋係起我哋面前即整嘅，店員拎咗椰子肉同小馬蹄，半隻文昌雞，兩個椰青同兩個椰皇上枱，再係我地面前倒落個鍋入面煮，店員蓋好鍋蓋之後提正我地滾咗之後熄火焗5分鐘就可以飲湯同食雞先，湯幾好，文昌雞幾好食食落有陣椰子嘅香味。 店員留意到我哋食得七七八八就主動幫我哋加湯打邊爐～服務都唔錯嫩鴨血 $58鴨血份量都幾多，味道都唔錯，口感幾滑竹笙 $48切咗6舊，每舊都唔算細，吸咗啲椰子雞湯，好好味～打邊爐一定要嗌即炸支竹 $28要煮耐少少，如果唔係會好硬😂，食落無油益味，同埋份量唔少，幾抵手包鮮蝦雲吞4粒 $44雲吞幾飽滿，食得出係新鮮蝦，幾好手包韭菜餃4粒 $40韭菜夠香口，正常發揮依間個椰子雞唔錯，下次有機會可能會叫少少肉，今次因為想試原味，所以試到無佢地d肉

呢排天氣涼左好想打邊爐， 滾爺火鍋開左分店係尖沙咀去試下， 懶得諗揀左2人餐， 計返叫餐抵食好多。♡湯底揀左胡椒蘿蔔豬尾湯， 湯底好足料， 胡椒味十足， 而且勁多豬腳，蘿蔔超甜好好食。♡西班牙無激素豬頸肉肉質靚， 口感爽滑， 睇落好似牛肉， 肥瘦適中～♡套裝無丸類， 鮮甜手打鯪魚滑算係魚丸，可以自己控制每粒大細～♡萵筍好嫩， 但如果係蔬菜拼盤會更好～♡山根都係，如果可以選響鈴或者炸魚片更佳～♡推薦美國安格斯板眼，好好食， 雖然貴左少少， 但肉質真係好靚。

到左餐廳行樓梯落一層就到。有打卡位。先嗌湯底❤️藥膳花雕醉雞鍋(半隻雞)侍應話枱下面有抽風機和電磁爐，抽風機可以抽走蒸氣，冇咁大煙。侍應話等湯滾起再焗多5分鐘，雞食落去就更入味😋。雞滲滿藥膳和花雕香，入口酒味十分濃郁～餐廳內有歌聽有電視睇大部份座位都係卡位卡位旁重有部電視，可以自己揀睇邊台，正呀！😻❤️鮮淮山可以按自己喜好決定煮幾耐。煮耐d就粉d，煮的時間短d就爽d。❤️萵筍切成薄片，十分爽脆清甜～❤️讚歧烏冬十分滑溜～😙❤️鯪魚滑釀豆卜有鯪魚又有豆卜，一次過滿足兩個願望！😻❤️手包韭菜餃4粒幾欣賞呢個餃子🥟👍🏻，韭菜餡料多，十分足料，入口好香～❤️嗌左罐可樂飲。打邊爐飲可樂，爽呀！😆

主打港式邊爐既滾爺火鍋🍲係尖沙咀開左新分店哦係尖東/尖沙咀行過去都方便試業期間有88折🎉咁吸引當然要試一下😌估唔到一入門口就有大大個打卡位 📸應該好快會吸引到人黎朝聖店舖內非常整潔而且座位舒適聽到員工同其他客人講野， 原來佢地有包廂， 好似有埋卡拉OK🎤我坐既卡位仲有一部細電視添果然係大家聚會之選介紹下我點既菜式先滋味清湯 $78原來清湯都比足一鍋豆腐·娃娃菜同粟米湯底好清甜 新鮮食材配清湯底係最好既配搭～ 但其實椰子雞煲先係佢地既名物， 大家都可以試下架Choice級美國安格斯牛肩胛 $228🐮牛肩胛上枱既一刻非常ig able充滿仙氣 🧚🏻‍♀️牛肩胛好新鮮 而且口感非常細膩 軟嫰適中彈牙手打墨魚滑 $78🦑估唔到份量咁多 將新鮮墨魚打成滑口感勁Q彈 滿口墨魚香 龍口粉絲$18 同白蘿蔔 $38當然係等個佢吸曬所有食材既鮮味後先食～ 白蘿蔔要預早落鍋煲～ 去到最後先入味(*ˉ︶ˉ*)

原先我地係book旺角店，之後有個員工打黎，話尖沙咀開左新店，有獨立房俾我地。咁我地ok啦。 再過幾日WhatsApp我，話獨立枱full左，話俾圓枱我地。 咁都無所謂啦，志在一班人聚下者。點知難忘的經歷就咁開始…我地一行9人去尖沙咀新店，佢地新店的服務係 *超級唔掂* 昨晚目測有4枱客左右。1. 最終有獨立房俾我地，但係房裡有兩張枱，有一張有客食緊，咁都算係獨立？2. 叫左兩個火鍋湯底(鴛鴦湯底和椰子雞湯底) 超過半個鐘都未到。 之後係黎左鵝腸同炸魚皮。火鍋底仲未見，唔通要生食鵝腸？3. 叫左兩碟牛肉，好耐先黎第一碟。牛小排等左超過一個半鐘都未見，我地問姐姐，佢話整緊。 點知到最後埋單都係無既。如果無，係咪應該通知客人一聲呢？4. 第一輪叫既野食未齊但唔夠食，再叫第二輪， 點知又係叫6樣黎得2樣。 其他都係無影。5. 叫兩支啤酒都要等超過20分鐘6. 只可以俾現金/Payme, 未準備好信用卡機？總結： 等多過食，最離譜係湯底、響鈴、炸魚皮、啤酒呢d都要等咁耐，再加上服務態度認真麻麻。原本一大班人開開心心食餐邊爐，竟然會有咁難忘的經歷。真係多謝哂！