滾得棧

营业中

休息中

呢間火鍋店之前淨係做開晚市火鍋🥘，而家新增咗午市點心，暫時得天后同尖沙咀分店有！餐廳環境闊落舒服，裏面主要都係大圓枱，亦都有卡位，幾適合一大班人嚟聚餐，傾偈都可以傾得舒服啲！呢度嘅點心由星級師傅文龍主理，將傳統嘅美食融合創新嘅製法，製成一道道精美點心，用料幾高質，而且價錢實惠，性價比好高！點心有幾多種類，有好多都係第一次試嘅花款，由傳統嘅蒸點到炸物，甚至係蒸飯🍚都有，好適合帶屋企人嚟飲茶！🏠------------------------------💕◖竹炭流沙包◗ $28一籠有三件，每粒到好飽滿脹卜卜咁，裏面嘅流沙餡幾特別，好香蛋黃味🍳，食到粒粒起沙嘅感覺，推薦！💕◖傳統馬孻糕◗ $28 馬拉糕好鬆軟，頗有回彈力，黃糖嘅香味出晒嚟💕◖蜜味叉燒包◗ $28佢嘅餡料都幾足，唔會剩係得叉燒醬，真係有粒粒嘅叉燒喺裏面，外皮亦都唔會好厚💕◖厚切金粟叉燒腸◗ $38呢個腸粉傳統得嚟又有啲特色，米漿好香好滑，裏面係原片嘅叉燒片🍖，有啲炭燒味，加入咗粟米粒，口感味道都比較有層次！💕◖冬筍活剝鮮蝦餃皇◗ $26 蝦餃外皮好薄好煙韌，裏面有兩大粒蝦肉🍤，鮮甜彈牙💕◖蟹肉帶子露荀餃◗ $38餃

經過尖沙咀棉登徑，見到火鍋店午市原來有點心食，每一籠點心2-3件，人少少都得，而且款式充滿住傳統與創新。最推薦嘅係傳統灌湯餃，灌湯餃既湯汁鮮美，餃子皮薄滑，餃子面仲有素翅，必點之選。另外蟹肉帶子露荀餃搭配非常好，蟹肉同埋帶子非常有鮮味；冬筍活剝鮮蝦餃皇入面既蝦肉好大粒，冬筍既清香和鮮蝦既爽口相互交融；黑松露蒸燒賣亦非常出色，每一啖都食到黑松露既香氣。創新點心類別好值得叫，脆炸墨魚荔枝球外型好似一粒粒嘅荔枝，外皮的脆感，加上彈牙墨魚球，非常獨特；清酒雲吞雞一開蓋就聞到清酒既香氣，雞肉滑嫩，讓人回味無窮；脆皮麥心小煎堆非常香口，豆沙餡料加上朱古力；姬松茸湯浸韭菜餃既湯係精粹，讓人回味無窮。最後食埋甜品，迷你法式焦糖燉蛋同埋桃膠雪耳燉3.6牛乳，焦糖燉蛋又香又甜，桃膠雪耳燉3.6牛乳非常滋潤。

港人鍾情一盅兩件，中式點心是不少人的Comfort Food；人氣火鍋店「滾得棧」近月推出午市手工點心，多款傳統及新派點心每日新鮮製作，性價比極高！🥢黑松露蒸燒賣 ($26)大粒足料，黑松露份量十足！🥢彩絲蒜香牛柏葉 ($28)以薑蔥炒香，口感爽脆！🥢醬皇蒸鳳爪 ($28)醬汁濃香入味，味道不錯！🥢安格斯牛肉球 ($34)牛肉厚實，好食夾大件！🥢傳統灌湯餃 ($58)每日限量供應！上湯與餃子分開上，包裹著豬皮膠，餡料豐盈美味！🥢蟹肉帶子露荀餃 ($38)賣相精緻，蟹肉鮮甜，加入帶子、露荀及蟹籽等，極滿足！🥢厚切金粟叉燒腸 ($38)腸粉厚切，叉燒肥瘦適中，加入粒粒粟米，口感豐富！🥢高湯鮮竹卷 ($28)湯汁濃郁，豐富足料！

之前都聽過尖沙咀滾得棧食打邊爐好出名 朋友講先知原來佢午市係飲茶食點心 仲幾有水準添 今日咁啱去尖沙咀就試吓先🫖✌🏻平時飲茶可能黎黎去去都係蝦餃燒賣呢d 傳統點心 食得多都會想試吓d 新款嘅精緻點心 但係到頭來可能表面公仔造型 但內裡都係同一樣野 而滾得棧就出左一系列突破傳統嘅點心 啱晒我呢d 好奇心重嘅人😍青芥脆蝦小漢堡（兩件）$38你無睇錯我無打錯 真係飲茶有得叫漢堡包架 兩個小漢堡脹卜卜 青芥末辣得黎唔會好搶口 成個味道都好配合 脆蝦堡仲比快餐店嘅好食好多 🍔愛心白汁芝士磨菇雞批 (3件）$42雞批酥脆 芝士喺面焗到半溶🧀略略見到裡面嘅白汁 口大嘅話可以一啖一個就最滋味 因為原來入面係好juicy 有爆餡嘅感覺 唔似平時果d 咁乾身咁滯 食完一個接一個都唔夠喉 🥧迷你清酒雲吞雞 (1份）$38雞湯浸住雲吞同雞肉粒 雲吞皮薄餡靚 湯底清甜可口 唔會有好濃嘅清酒味 小朋友都可以食👧🏻 雞肉粒嫩滑 吸晒d 湯汁 真係無喺其他酒樓見過呢個點心 直頭係將上海雲吞雞嘅精華放晒喺一個蒸籠入面🐣黑松露蒸燒賣（2件）$26燒賣大大粒 雖然本身就同平時食開嘅燒賣一樣 但係將面頭嘅蟹子變咗做黑松露 成

好耐冇同屋企人去飲茶啦！今日帶屋企人去左位於尖沙咀棉登徑的「滾得棧」飲茶。餐廳環境寬敞，好多張大圓枱，唔會好似茶樓咁坐得好逼狹，環境非常舒適。點心由星級師傳文龍主理，傳統點心，創新製作，用料上乘，點心非常高質。脆炸墨蝦荔枝球 外型勁似荔枝，外層用上脆米，炸得非常脆，好香口，中間用上蝦滑和墨魚滑，爽口陣牙。黑松露蒸燒賣燒賣用豬肉和鮮蝦製成，口感不會過實，而且燒賣上加了黑松露，松露香氣於口中散發，味道有層次冬筍活剝鮮蝦餃皇皮夠薄，晶瑩剔透，入面大大粒蝦肉，鮮甜爽脆。彩絲蒜香牛柏葉牛柏葉好入味，口感爽口，充滿蒜香味。蟹肉帶子露筍餃賣相精緻，入面有滿滿的蟹肉帶子，鮮甜美味。安格斯牛肉球牛肉球大大粒，夾雜清甜馬蹄，略帶芫荽，啖啖肉，沾上喼汁吃，味道更提升鮮蝦炸雲吞雲吞炸得脆卜卜，鮮蝦爽口彈牙，沾上雲吞醬一齊吃，味道一流。珍寶鮮蝦腸腸粉皮皮薄Q彈，每一件都有大大隻蝦，珍寶蝦新鮮爽口彈牙，非常足料。愛心白汁芝士磨菇雞批細細件，一口一件，白汁芝士磨菇雞好足料，食落有芝士香之餘，撻皮亦好鬆化，富牛油香。桃膠雪耳燉3.6牛乳啖啖桃膠雪耳，好養顏，甜度適中。迷你法式焦糖燉蛋焦糖燒得又薄又脆，配上滑嘟嘟的燉蛋

慶祝外父生日，而佢鐘意食靚牛肉，所以大家就book咗位於尖沙咀的滾得棧分店打邊爐。10個人大約7點半到達，一到達首先要行一段樓梯先入到餐館，坦白講對老人家或孕婦就唔係咁方便。餐館位置及環境舒適，初初坐低時感覺冷氣好似唔夠，不過當餐廳開足冷氣後就無問題。食物方面，牛頸脊真係夠嫩，就算淥耐咗都無問題。百花油炸鬼好味，幾特別。好幾款的丸及餃子都美味，絕對值得試下。而即食的炸鯪魚球，炸生蠔等亦都唔錯。整體食物新鮮美味。

尖沙咀滾得棧推出午市點心，放假行開尖沙咀便去試一試，環境乾淨又舒服，好多大圓檯，亦有卡位。冬荀活剝鮮蝦餃皇蝦餃大大粒皮薄，蝦肉爽口彈牙。黑松露蒸燒賣燒賣用上豬肉和蝦肉去做，大大隻加上黑松露提升香味。青芥脆蝦小漢堡小漢堡入面有炸蝦同菜，加上青芥末醬食落清新好味。白汁芝士磨菇雞批牛油皮不夠鬆化，餡料飽滿，比較飽肚。蝦膠釀油條爽口彈牙既蝦膠釀在脆卜卜油條上，油條不會太油膩，沾上酸甜醬味道啱啱好。迷你青酒雲吞雞有雲吞同雞肉，湯中有雞味又有青酒既香味。脆炸墨蝦荔枝球外層係脆米，包住蝦滑同墨魚滑，雪白彈身，造型同真荔枝十分相似，打咭一流又好食。竹炭流沙包流沙包不夠鬆軟，撕開後流出滿滿奶黃餡，甜道適中。迷你法式焦糖燉蛋甜點小巧，蛋味香滑，上面焦糖面脆度剛好，味道不會過甜。

有乜驅使👦🏻👧🏻👩🏻👶🏻出尖沙咀飲茶🫖係因為 #滾得棧 尖沙咀分店新設午巿點心 🥟碟碟點心都大大件👩🏻👧🏻👦🏻👶🏻食吓食吓就食咗13碟點心🤭隔離枱姨姨叔叔見到都話我哋好擦得其實唔係我哋大食而係呢間啲點心真係好高質😋款款都想試😆今次我哋order咗🍴冬筍活剝鮮蝦餃皇(2件) x 2碟不愧係蝦餃皇 勁大粒皮薄饀多 鮮蝦大大隻好鮮甜爽脆 🍴黑松露蒸燒賣(2件) x 2碟燒賣上有黑松露 黃皮薄貼 裡面有大大粒鮮蝦 🍴珍寶鮮蝦腸(6件) x 2碟腸粉非常滑口 每一件都有一隻珍寶鮮蝦 令每一啖都好滿足🍴傳統灌湯餃(1份)第一次食灌湯餃係餃同湯分開上但原來咁先係識食之選因為灌湯餃唔會被湯浸到皮稔哂🍴鮮上肉響鈴腸(6件)軟滑腸粉包住脆卜卜嘅響鈴裡面大仲有鮮上肉令每一口都充滿唔同嘅口感🍴傳統馬孺糕(1份)馬孺糕好鬆軟 細細👶🏻自己都食咗大半件😋🍴懷舊芝麻卷(4件)一食就有好香濃芝麻味 好懷舊嘅小食🍴脆炸墨蝦荔枝球(3件)外型似荔枝 其實係脆脆粒內裡係墨魚+鮮蝦肉 好彈牙🍴青芥脆蝦小漢堡(2件)蝦餅炸到皮脆肉香又彈牙 加上芥末醬甜甜辣辣食落好醒胃🍴鮮蝦炸雲吞(4件)劉媽只知係脆卜卜 同裡面有幾粒大蝦 因為

一直都好鍾意食點心做lunch 又唔同款式可以咩都食下🤭 今次嚟到尖沙咀呢間餐廳 佢哋新推出咗點心 啱晒我啦😍高湯鮮竹卷($28)我好鍾意食腐皮 所以一定會叫鮮竹卷🤩 湯非常鮮甜 珍珠腐皮卷夠晒入味啊 腐皮卷包住蝦肉好足料😋🥰炸墨魚餅($108)呢個份量都幾大 炸粉唔會太厚 外面好香脆 墨魚肉就非常彈牙🤤 沾埋泰式辣醬真係超夾😍迷你清酒零吞雞($38)雲吞大大粒 入面塞滿晒餡料🥳🤩 雲吞皮都又薄又滑 而且個清酒湯底非常香 真係要飲晒呀🥰傳統灌湯餃($58)餃子同埋湯係分開上嘅 要食嘅時候先放落去 非常貼心😌 餃子入面有齊晒金華火腿 魚翅等等 配埋呢個湯真係非常滿足🤤脆炸墨蝦荔枝球($42)本身以為有荔枝喺入面 原來係外型好似荔枝😂😂 外皮脆卜卜 入面係墨魚同埋蝦滑 咬落非常爽口彈牙👍🏼👍🏼蟹肉帶子露荀餃($38)呢個配搭幾特別 我哋就叫咗嚟試吓😇外型都幾精緻 食落味道清清地 感覺幾清新😚 竹炭流沙包($28)我就最鍾意流沙包啦 見到真係流晒出嚟啊😍😍 要趁熱食 奶黃甜甜地 麵包又夠鬆軟 超正呀😋

最近發現呢間餐廳喺尖沙嘴開咗新分店，雖然餐廳主打火鍋料理，但午市同下午茶會提供多款傳統又精緻嘅點心，作為點心控又點可以錯過呢😋 店內裝潢優雅，環境闊落，適合同屋企人聚餐～ 以QR code落單，餐單分為7大類別，每個款式旁邊有寫埋烹調方法，蒸、焗、炸、灼～ 先講講傳統點心，燒賣有兩大粒，皮薄內餡軟熟，配上黑松露令到整體味道昇華咗！鮮蝦餃皇外皮晶瑩剔透，蝦鮮甜彈牙，美味無窮👍🏻 芝麻卷每層厚薄一致，食落Q 嫩彈牙，配上香脆芝麻粒增添口感～ 個人私心推介呢度嘅鳳爪，吸飽醬皇汁，鹹香入味，十分開胃，肉質脆彈，肉骨分離，要碗白飯呀唔該☺️ 排骨就正常發揮，好嫩但肥位偏多、叉燒包有三大件，包皮蒸熟後軟滑度啱啱好，餡料唔少，蜜汁甜、鹹、香、又唔膩，性價比高🙈新派點心有成12款，必點option有茘枝球，外皮炸至酥脆可口，粒粒口感夠曬特別，裡面係墨蝦餡料，咬落彈牙，好有驚喜！蟹肉帶子露荀餃同樣出色，層次豐富，多重口味，值得一試😎 雞批有三小件，以白汁芝士磨菇混合而成，餅皮脆身，餡料飽滿，比較飽肚🤣竹炭流沙包外表普通，上枱時熱辣辣，包皮無叉燒包咁鬆軟，但咬開後流出滿滿香甜嘅奶黃餡，而且甜度適中，食完唔覺

同事到訪過「滾得棧」後推薦我去試，稱讚餐廳用料上乘及出品用心「滾得棧」最近於尖沙咀開設分店，除高質火鍋外，仲提供精緻中式點心，趁著假期帶同屋企人去品嚐點心；餐廳裝修雅觀四正又企理-----青芥脆蝦小漢堡迷你版漢堡的骰可愛漢堡面芝麻香口，麵包外脆內軟；醒胃青芥末醬配合鮮味不膩又厚身的脆蝦，配搭得宜-----竹炭流沙包撕開竹炭包，金沙奶黃即時流出竹炭包鬆軟綿密，金沙及奶黃味道濃郁又平衡，口感細滑-----冬筍活剝鮮蝦餃賣相飽滿得體，皮厚度及濕度適中帶點黏糯感；蝦肉滿滿又爽口彈牙-----蟹肉帶子蘆筍餃加上少量蟹籽點綴，夠精緻蟹肉鮮嫩，蝦肉爽鮮，餃皮帶點Q感；整體層次感豐富又調味恰好-----黑松露蒸燒賣燒賣非常大粒黑松露味道剛好；蝦肉鮮味；切肉豬肉餡口感十足，肥瘦比例適中-----傳統灌湯餃限量供應，有別於坊間原湯浸餃，這裡的餃跟湯分開上，配上大紅浙醋包得美觀不易散開餡料有大蝦、竹笙、魚翅及大菜糕等餃皮口感細滑；餡料鮮味豐富，有誠意-----迷你清酒雲吞雞3粒飽滿雲吞鋪面，配以數件雞肉雲吞餡料充足，蝦肉及豬肉比例適中又新鮮；雞肉軟嫩味佳；清酒輕怡芳香-----彩絲蒜香牛柏葉加上紅椒、黃椒、

去開尖沙咀睇展覽順便食野意外發現火鍋店滾得棧竟然推出左午市點心時段😳得尖沙咀同埋天后分店先有 一場去到尖沙咀就決定去飲下茶 試試佢點知好高質 好有驚喜😎餐廳位置方便 環境寬敞舒服 既有大圓枱 亦有卡位佢地既點心全部都係手工製造 真材實料每日新鮮製造 品質有保證👍🏻點心種類多元化 仲有多款創意點心賣相精美 味道好有水準添😋下次可以多D人一齊食以下呢幾款都覺得好出色:💥青芥脆蝦小漢堡 🍔招牌創意點心之一 出面比較少見小漢堡造型精緻可愛 入面有炸蝦同菜 個青芥末令個漢堡包食落清新好味😛💥鮮上肉響鈴腸 招牌創意腸粉腸粉皮薄 入面包住香脆既響鈴而響鈴入面仲釀左蝦肉同豬肉口感好豐富 正👍🏻💥蟹肉帶子露荀餃 賣相吸睛 餃子好足料餡料係蟹肉帶子仲有露荀成個配搭好清新 好有鮮味 😇💥黑松露蒸燒賣 蝦肉燒賣鮮味十足 幾彈牙上面既黑松露令燒賣鮮味更突出☺️💥竹炭流沙包 幾中意竹炭包 口感煙靭個包一拉開就流心添 打卡一流而個奶皇流沙餡好香咸蛋黃味 唔太甜趁熱食好好味😆💥傳統灌湯餃 個湯汁好鮮甜灌湯餃外皮好薄 內裡好足料有帶子同蝦 好味😇💥白灼唐生菜食咁多肉 都想叫番D菜唐生菜新鮮 份量都幾多😆💥馬拉糕新鮮蒸出黎

人氣火鍋店「滾得棧」最近正式登陸尖沙咀，午市有精美新派點心， 晚市有特色火鍋。之前都聽朋友講過，既然新店咁近我，就同朋友仔去試下。餐廳用餐空間寬敞，有7間VIP房，最大可以容納48人，設有大型梳化及獨立廁所等升級設備，最適合同朋友，屋企人一齊去嘆下。🔸脆炸墨蝦荔枝球｜$42最外層是脆米，包住了彈牙的蝦滑和墨魚滑，造型和真的荔枝十分似，好味又可以打咭，必點🔸蝦膠釀油條｜$108把彈牙鮮甜的蝦膠釀在炸到脆卜卜的油條上，油條不會炸到很油膩，口感好豐富🔸鮮上肉嚮鈴腸｜$38自家製的脆炸響鈴包釀了蝦膠肉，最外層是即叫即做的腸粉，腸粉米香十足，入口外脆內彈牙，這也是必點🔸青芥脆蝦小漢堡｜$38小漢堡十分可愛，內餡是炸過厚厚的蝦肉，配上青芥醬和蔬菜，口感清新，味道很夾🔸蟹肉帶子絡荀餃｜$38賣相十分精緻，蟹肉帶子餡料爆晒出來，餃皮晶瑩剔透，加入冬荀後口感層次增加🔸傳統潤湯餃｜$58外皮非常薄，包住帶子、大蝦等，湯汁鮮甜清新。🔸冬筍活剝鮮蝦餃皇｜$26鮮蝦餃皇大大隻，餃皮晶瑩剔透，內餡全是鮮蝦肉，蝦肉爽口彈牙👍🏻🔸黑松蒸燒賣｜$26燒賣用上了豬肉和蝦肉去做，兩者比例剛好，另外還加了黑松露來提升香氣🔸迷

黎尖沙咀滾得棧除咗可以打邊爐外，午市仲有點心食不少傳統點心同新派創意點心都有點心全部真材實料，誠意滿滿❤️店內環境闊落寛敞，設計優雅時尚✾ 彩絲蒜香牛柏葉 $28牛柏葉爽脆唔韌醬汁掛滿牛柏葉，滿滿蒜香✾ 黑松露蒸燒賣（2件）$26蝦肉同豬肉比倒剛剛好，鮮嫩多汁黑松露點綴且食時散發淡淡黑松露香味✾ 冬筍活剝鮮蝦餃皇（2件）$26蝦餃大大粒，晶瑩剔透蝦肉爽彈又大隻且冬筍增添口感✾ 醬皇蒸鳳爪 $28鳳爪軟腍，輕輕一咬就分離而且醬汁濃郁，鳳瓜入味✾ 傳統灌湯餃 $58篤穿脹起餃皮，鮮甜濃郁湯汁隨即流出內餡帶子、鮮蝦提鮮；而火腿亦增添一份鹹香✾ 青芥脆蝦小漢堡（2件）$38小漢堡；鬆軟麵包烘得香口厚身蝦堡炸至金黃香脆，啖啖蝦肉而青芥末醬微辛帶清爽感✾ 竹炭流沙包（3件）$28輕輕拉開，金色流沙慢慢流出軟熟竹炭包配搭奶黃細碎流沙啖啖滿足感✾ 鮮上肉響鈴腸 $38酥脆響鈴包住彈牙鮮肉蝦膠外層一層薄透滑身腸皮包裹住響鈴卷口感層次猶為豐富❤️✾ 脆皮麥心小煎堆（3件）$38小煎堆表面灑滿芝麻帶濃濃芝麻香入口外脆內軟糯，而內餡係麥提莎甜而不膩，糯嘰嘰口感✾ 桃膠雪耳燉3.6牛乳（凍）$3