滾得棧

营业中

休息中

大家都記得我推薦過油麻地滾得棧嗎？有留意都見過佢油麻地店結業嘅消息，放心佢只係搬咗去尖沙咀，喺雲來軒嘅舊址，附近有個巨大嘅廣告牌，你一定知道喺邊。上星期佢試業，一晚同咗兩班朋友食，大家都非常滿意。最欣賞嘅當然係佢嘅牛肉，仲有龍蝦同象拔蚌刺身，仲有超大舊嘅花膠嘅花膠雞湯底。今晚仲食咗幾個菜式不錯，例如午餐肉，多種唔同嘅手打丸，仲有貴妃蚌。大家千祈唔好錯過仲有好好食嘅辣雞煲，胡椒豬肚湯底，好多唔同嘅火鍋料都非常精彩。要快啲再約朋友過嚟打邊爐。