影片
呢间餐厅川菜整得都几好食的，今日拉埋朋友过来食第二次啦，而且每道菜都可以拣自己可以接受辣的程度，前菜就拣咗尖椒皮蛋和鸡丝粉皮，小辣都几开胃的，酸菜有机桂花鱼，桂花鱼新鲜弹牙够嫩滑好食，微辣啱啱好，个汤好浓好鲜，里面仲会搭配埋薯粉先，最后食两碗四川担担面就够饱了，担担面系香辣的，面弹牙爽口，加埋里面配料食落好夹。
继续阅读
今日朋友带我黎呢间位于mid levels 既呢间满庭芳川菜，虽然话系半山，但其实都算易揾，去到金钟山顶缆车站 上一阵斜路就会揾到。呢间餐厅一入到去都系好似酒楼咁既格局，但装修系几古典，有啲贵气。坐低既时候会问你饮咩茶，除左一般既普洱 香片之外 仲多左菊花、乌龙呢类，呢度茶类既选择算系比较多。点菜既时候，餐厅职员都问左一句食唔食得辣。可以因应食辣程度同番职员讲，唔洗食得太辣，要辛苦顶硬上。呢点我觉得几贴心，好似我虽然钟意食川菜，但其实唔算食得太辣。未开始食既时候职员摆低左茶同一细碟凉伴土豆丝，味道都算唔错，简简单单，唔会有多余既调味。饮啖茶，食少少等上菜非常适合。第一道菜好多人都唔陌生，就系蒜泥白肉。一片搭住一片既猪肉，上面摆住份量唔细既蒜泥 ，应该会令爱蒜人士食指大动。而碗入面更加有青瓜，夹埋一齐食可以中和番比较油腻既口感。值得一提系佢个酱汁，浓得黎带有少少酒香，配埋白饭食一流 。而呢道菜只系好轻微既辣度，唔食辣既人士都可以食到。当口入面仲系浓既酱汁味同埋蒜香，今晚既主角就到左，就系水煮鱼！见到上面铺满哂大大小小既辣椒就知道系足本制作同埋够哂正宗。拨开上面层辣油，就见到当中除左有鱼，仲有莴笋同薯粉，秀珍菇同鸡脾菇，吸左麻辣味之后真系好正好刺激！作为成个菜既主角，呢个鱼非常新鲜。肉质好，鲜味之余大细都系刚刚好。起左骨唔洗要好小心咁样慢慢食，亦唔会一夹就散。讲到个辣度，我自己会俾呢个辣度为少至中辣程度。食得辣既朋友会享受 ，食少少辣既朋友都可以挑战下。下一个菜式系有机杂菜粉丝煲，份量都相当十足。当食完咁刺激咁有冲击性既水鱼，唔辣既菜绝对起到平衡既作用！汤头除左清之外仲吸收左菜同埋其他菇类既鲜味，我觉得佢个汤同嫩鸡煨面好似，所以好正。入面仲有粉丝，吸收哂成个煲入面所有食材既鲜味。食辣同唔食辣既朋友我都推荐呢一个。因为唔够饱，所以我地另外再点左一个四川坦坦面。份量适中，辣就唔系好辣，对比起水煮鱼，完全唔算系d乜。面条有自家制既感觉，上面有花生碎，简单直接，调味亦算正宗。埋单2个人600左右，呢间川菜绝对见得大场面。如果倾生意同招呼朋友绝对系一流。
继续阅读
闷热夏天，突然想反差地食辣，于是去咗屋企附近嘅川菜餐馆—满庭芳国宴。午市有点心、小菜及套餐。我同男朋友拣咗2人餐：点心2款、小菜或前菜2款，葱油拌面及担担面各一碗及奉送汤及甜点。茶十分出色: 人参乌龙滑口及尾调带甘，饮落清甜解渴。前菜一轻一重: 蒜味青瓜及蔴辣猪耳。青瓜爽口，猪耳香辣惹味。点心：虾饺有水准，虾肉鲜嫩弹牙，澄粉皮厚度适中。叉烧包软身不太厚，叉烧肉半肥瘦。主菜：宫保鸡丁及香辣牛腩。宫保鸡丁尤其出色，有姜粒蒜头香葱切得细致，鸡粒嫩滑，腰果及干辣椒份量适中，酱亦香带辣而不过火。香辣牛腩有点似五香肉做法，份量十足，牛腩炆得腍，更有牛筋及薯仔，均炆得刚好不溶烂。汤：什有惊喜，是日汤水为椰子鸡猪肉汤，味道清香不肥腻，也没有味精，喝完不口干。担担面：面条幼细爽滑不太粉，令汤汁挂面。汤汁平衡，花生酱比例刚好。葱油拌面: 味道较淡，要多落葱油酱油才食出精髄。最后甜点为椰汁芋头西米露，香甜清喉。最后要一赞服务态度好，质素一流，同客食饭及喜庆适合不过。同集团三楼素菜餐厅30日试业，可以一试。
继续阅读
今日住半山既朋友带我去佢平时食开既中菜馆，入面装潢相当传统，从墙身、椅子同地板都系木制。另外屏风更只系传统中菜馆先见得到。见到装潢心谂：死啦，应该好贵。点知转头望一望餐牌：哗！$260二人套餐。套餐包括点心，小食同小菜。尖椒皮蛋既卖相好似孔雀开屏，皮蛋上面放满青辣椒，辣劲相富凌厉。点心拣左晶莹虾饺皇，皮薄而且柔软，入面既虾亦弹牙。小菜拣左宫保鸡丁同麻婆豆腐，两者佐饭一流。宫保鸡丁既鸡肉份量算多，辣辣地之余亦有微酸，花生仍然脆口。至于麻婆豆腐属于小辣，豆腐吸收晒辣汁一绝。平时中菜套餐只会送饭，但满庭芳可以俾客人选择担担面或葱油拌面，面条都系幼身弹牙，两者同样出色，尤其系葱油拌面，焦脆、葱香集于一身。最后仲有汤同甜品，甜品系南瓜西米露。虽然位置较僻，但套餐咁多食物都系$300内，认真抵食。
继续阅读
由于要搬屋嘅关系要走到上嚟半山拎家私 所以谂住同全家人一齐揾一间环境幽静嘅中菜厅休息一下 于是揾到呢一间满庭芳国宴 其实净系个名都已经气势磅礡 😂发现原来系主打川菜点心嘅一间中菜厅😍落单之后餐厅立刻递上一份前菜 麻油芽菜萝卜丝🥗有好香嘅芝麻味 加上爽口嘅芽菜萝卜丝 有一种好清新嘅感觉青椒糖心皮蛋 ($58)🥚 (🌶️🌶️) 青椒糖心皮蛋同一般嘅皮蛋好唔同 最特别之处就系用上糖心嘅方式制造皮蛋 同以往嘅不同 皮蛋黄唔系固体嘅 而系流心嘅蛋黄而上面就洒上 特制麻辣青椒 同皮蛋嘅味道好夹Xo酱炒萝卜糕($42)🥕🍮 (🌶️🌶️) 性价比极高最为惊喜嘅一道菜式 外观好靓萝卜糕用上脆炸花盆上碟 由于萝卜糕系配上辣酱同xo酱一齐炒 所以味道方面非常出色水煮有机鱼 小 ($368)🍲🐟 (🌶️🌶️🌶️🌶️🌶️) 呢度在系标榜住有机鱼的水煮鱼 水煮鱼嘅上方审满住花椒同埋辣椒等等嘅配料 系水煮鱼嘅正宗做法 个辣味做得非常出色 又麻又香用上特别嘅有机鱼 鱼肉方面就非常嫩滑 却又不会一夹就散 保持住鱼肉嘅弹性芋蓉天鹅酥($48)🦢一家大细友小朋友嘅话就记住嗌呢一个点心 因为外观真系满分 一只又一只嘅小天鹅😙系酥脆嘅外层入面就系 美味嘅芋蓉 相映成趣 唔错唔错😋四川担担面($48)🍜呢餐饭简直系麻得过瘾 但就差咁少少主食 所以我哋就另外嗌多咗碗四川担担面 满足今日嘅麻辣兴致 四川担担面嘅辣同埋水煮鱼嘅辣 系唔同 担担面就偏向酸辣 即使一啲唔太食得辣嘅人都可以选择😋总括而言 形容 呢间餐厅 可以用有辣有唔辣任君选择 不论辣嘅点心 同 唔辣嘅菜式都做得 好出色
继续阅读