滿庭芳 國宴 (已結業)

今日住半山既朋友帶我去佢平時食開既中菜館，入面裝潢相當傳統，從牆身、椅子同地板都係木製。另外屏風更只係傳統中菜館先見得到。見到裝潢心諗：死啦，應該好貴。點知轉頭望一望餐牌：嘩！$260二人套餐。套餐包括點心，小食同小菜。尖椒皮蛋既賣相好似孔雀開屏，皮蛋上面放滿青辣椒，辣勁相富凌厲。點心揀左晶瑩蝦餃皇，皮薄而且柔軟，入面既蝦亦彈牙。小菜揀左宮保雞丁同麻婆豆腐，兩者佐飯一流。宮保雞丁既雞肉份量算多，辣辣地之餘亦有微酸，花生仍然脆口。至於麻婆豆腐屬於小辣，豆腐吸收曬辣汁一絕。平時中菜套餐只會送飯，但滿庭芳可以俾客人選擇擔擔麵或蔥油拌麵，麵條都係幼身彈牙，兩者同樣出色，尤其係蔥油拌麵，焦脆、蔥香集於一身。最後仲有湯同甜品，甜品係南瓜西米露。雖然位置較僻，但套餐咁多食物都係$300內，認真抵食。…查看更多

今日在半山食午餐（食川菜），男朋友話星期日食好點，所以來到這間高質中菜。環境好雅緻又寬闊明亮，中式的風格好獨特，有花瓶、毛筆字畫、山水畫等，好有型又優雅的感覺！舒適又好坐，服務也極好，先送上熱茶及前菜，枱上有餐牌可以自己點畫，更有服務姐姐問川菜的辣度，好貼心！我們點了2個涼菜，2個點心及一個主菜，等待菜餚時就先品嚐前菜：蒜蓉涼拌青瓜（好多的蒜蓉既香濃又好滋味，青瓜爽脆清涼，好適合夏天品嚐）尖椒皮蛋：皮蛋黃好香又有流心感覺，好滑好咸香；配上中間的尖椒碎辣辣又開胃，男朋友大讚的！雞絲粉皮：好靚的賣相！粉皮軟身又煙韌，好喜歡粉皮不會太硬身，雞絲口感正又健康嫩滑，上面的青瓜絲切得幼細又爽口，配上香濃的芝麻醬，好出色又美味！剁椒蒸大魚頭：碎剁椒好香辣又剛剛蒸好熱辣辣的溫度，蒸魚頭份量好足，魚肉香滑又滿滿滑溜魚膠，好多骨膠原！醬汁好香濃又辣感剛好！豬潤豬肉丸：好大又厚身的豬潤，彈牙又軟硬剛好，這個製作得好出色，再配上下面大大粒肉丸，肉丸口感軟腍又以人手手打，中間有蝦肉碎，好爽口好正呀！水煮牛肉：好大鍋又好傳統的餐具！我們選擇以減辣減咸及減麻度，這個香辣好適合我們不太好辣者，客人可調整辣度；牛肉大片好香軟但又有口感的，放在紅辣油中更為出色香口，配有芹菜、芽菜、花生等，下面更有主食炸麵條，吸了紅油汁的麵好吸味好野味！這個質素好滿意喔！…查看更多