滋味園小廚 (已結業)

由大埔街市步行前往吉之島的中途站,順道來一個早餐.幾位阿姐不單有禮,而且是有求必應,反正這一類港式茶餐廳大家大同小異,亦不想冒險,簡簡單單的要了火腿通,雙蛋及凍檸檬茶.火腿通是熱辣辣的一碗上,個人而言很怕通粉過早淥得軟淋淋,粉質出曬,連少許咬口也沒有,但此店算是掌握得不俗,湯底雖有味精,不太重,可接受之中.蛋是即叫即煎,軟燸而有蛋香,蛋黃剛剛熟,很滿意.難得的是近年什麼都加價的情況下,凍檸檬竟然不另加錢,實在有點意外,又加了不少分.坐一會,看一會報紙,又要起行了.

足料抵食, 口水雞好味!!選擇多, 價錢平, 值得一試~

上星期到大埔探親戚，一行五人落銜揾食，姨丈話有間新菜館開張，不如試吓。當時係晚上七点，望入去唔係好多人，正猶豫之際，有一個熱情的女伙記招呼我地入去，坐下發現裝修一般，店員介紹了幾個招牌菜，本來諗住食飽肚算數，但係越食越好味，同埋見到隔籬嗰枱帶來海鮮加工，聞到香噴噴的豉椒炒蟹、垂涎欲滴的炒蟶子及好似手掌大的豉汁蒸扇貝，引到我哋流哂口水，宜得即刻去街市買海鮮回來加工。但係頭先食完的招牌菜已經十分滿足，事頭婆同我地講下次嚟可預先打電話代訂海鮮喎！平心而論，嗰晚食嘅招牌菜實非一般貨式，值得向各位介紹。1. 有鷄而冇口水的「口水鷄」--肉嫩有鷄味，調味恰到好處2. 爽口彈牙炸墨魚丸，食得到墨魚鮮味，但小心燙咀3. 雪裹藏龍--睇名唔知食乜野，原來係嫩滑嘅旦白蓋上兩只手指咁粗的虾仁，味道值得一讚4. 馬拉盞炒通菜水準一般，沒有驚喜。

19/6(一)之前黎試過下午茶,今次同屋企人黎試下d小菜叫左3個dinner set分別有口水雞,梅菜蒸\"挽\"魚同xx豆腐個set包一個送一碗飯一碗湯,都係$35,不設加一d小菜味道不錯,碟頭夠大,加埋價錢咁平,好抵食

有次同女友响大埔探完friend, 我地見個肚餓餓地, 諗住係大埔食完晚飯先至返屋企. 行行吓見到一處有間特別光猛既茶餐廳,就走入去試試.個老闆娘推介我地食酥炸墨魚丸同埋口水雞. 仲有....一定要試吓個熱咖啡.....於是我地叫咗兩個套餐. 跟飯跟中湯.嘩!!唔知係我肚餓或是啲嘢食真係好好味,啲墨魚丸熱辣辣&超級彈牙, 勁好味.隻口水雞有少少辣,好滑杯咖啡好香濃, 都ok大家去開大埔都可以試吓呢茶餐廳.價錢都萛okay, 我地埋單九十蚊

前排同幾個朋友到大埔踏完單車後諗住食越南菜, 點知入到舖頭先知轉咗做小廚. 見到間舖人少少, 本應想走的. 不過朋友話坐低咗咪試下囉. 點知原來D食物都幾好味喎.我地四個人叫咗四個客飯套餐, 套餐$36個包括: 一個餸, 一碗飯同例湯. D餸有好多款選擇, 最後我地簡咗四川口水雞, 豉椒炒蜆, 勝瓜雲耳鮮魷同埋京都肉排. 四川口水雞: 好好味而且好麻辣豉椒炒蜆: D蜆好新鮮又好味鮮魷同京都肉排都ok, 碟碟餸都好大碟, 真抵食. 問咗樓面亞姐知道間舖頭開咗一個月左右, 招牌菜有炸墨丸同豬展骨. 好下次一定會來試下的.

剪完頭髮之後,暫時唔可以番屋企,唯有去食個tea,呢到前身係越南餐廳,最近變左茶餐廳,行左好多間茶餐廳下午茶都無薯條,得呢到有而且又少人,就入左黎叫左雞扒薯條+凍奶茶$18都係普通茶餐廳quality,勝在下午茶時段少人可以hea下