源祖之味古早味蛋糕店 (已結業)

古早味蛋糕近年開到成行成市，係我返工附近嘅Moko都有一間，每次經過都會比店舖鮮艷嘅顏色吸引，鮮艷嘅黃色同藍色好搶眼，亦都有唔少可愛嘅打卡位，當然仲有芳香撲鼻嘅蛋糕香，今日一於買兩個同同事分享做下午茶。芝士愛肉鬆呢款係店內人氣top3，面頭鋪上滿滿既肉鬆，夾埋鹹香嘅芝士，鹹鹹甜甜嘅組合出奇意外有驚喜，蛋糕質感鬆軟輕盈，富有蛋香味，而且原個蛋糕分量十足，適合多人一齊分享。特濃朱古力呢款原來係MOKO限定，其他地方買唔到嘅特濃版朱古力，店員介紹只有MOKO分店選用黑朱古力，令朱古力味更加香濃，咁當然要試吓啦。叮翻熱嚟食，入面既朱古力會有半溶既口感，熱食更加出色呢。

每次喺MOKO商場行街經過呢間店, 都會俾佢哋新鮮出爐嘅蛋糕吸引住🤤！呢間嘅蛋糕已經食過幾次, 我同屋企人都好喜歡💕古早味蛋糕 - 每日新鮮現烤, 有多款口味選擇, 可以選擇全份/半份, 現烤蛋糕出爐時蛋香四溢ꕀ 蛋糕店設有靚靚打卡牆, 買完蛋糕可以順道喺度打卡🤩！🍰#流沙鹹蛋黃一打開個盒, 即刻聞到香噴噴嘅蛋味同鹹蛋黃味, 拎上手好有份量的, 而且非常軟綿綿ꕀ蛋糕非常鬆軟, 充滿蛋香, 夾心有流沙質感, 食到粒粒鹹蛋黄, 更添層次感ꕀ 翻熱食, 鹹蛋黃味更突出, 鹹蛋黃嘅鹹香襯托古早味蛋糕, 非常好吃😋！🍰#黑松露芝士蛋糕面印上可愛嘅源祖之味logo, 內外都散發住黑松露香氣, 入口鬆軟綿密, 甜而不膩ꕀ 烘焗一下, 黑松露味香氣撲鼻, 芝士有流心效果, 芝士味更香濃🧀, 蛋香加上黑松露香味, 令人一口接一口！

今日去旺角MOKO新世紀廣場行街街，見到呢間賣古早味蛋糕裝修好得意，吸引咗過去影相打卡，見到佢啲古早味蛋糕口味幾特別幾吸引。我去到嘅時候，剛剛係芝士愛肉鬆同埋黑松露芝士蛋糕出爐，香噴噴，啱晒鍾意食鹹蛋糕同芝士嘅我，於是買兩個返屋企試吓。芝士愛肉鬆蛋糕肉鬆鋪滿咗蛋糕面，睇見都開心，果然係人氣no.3 口味。蛋糕切落去嗰陣時已經感覺到佢嘅鬆軟，一口咬下去，蛋糕鬆軟，口感綿密，充滿蛋香加上肉鬆嘅鹹香同埋芝士嘅奶香味，有幸福的感覺，非常好吃。黑松露芝士蛋糕呢個蛋糕我哋隔咗一日先食，食之前叮熱咗，黑松露味香氣撲鼻，食落去蛋糕依然鬆軟。返熱之後芝士微溶，令芝味更香濃，然後蛋香加上黑松露香味，令人一啖接一啖咁食，芝士勁多，好邪惡。總括而言蛋糕很不錯，家人都食得好滿意，下次一定會再來買其他口味試。

古早味蛋糕近年相當熱門，不同品牌成行成市，新鮮出爐香噴噴的蛋糕，往往吸引不少顧客排隊購買，而太太就是其中之一✏️位置: 9/10✏️環境: 9/10✏️衛生: 9/10✏️服務: 8/10✏️食物: 8/10源祖之味這個品牌分店有不少，遍及九龍及新界，新世紀廣場的分店店面很大，每次經過也會被其吸引，這一次又再買了兩個蛋糕回家食呢🌟香濃拉絲芝士口味 - $88（全份）每次想點的人氣No.1蛋糕，有著香濃的芝士味，焗熱食時有流心的效果，啖啖香滑的口感，加上蛋糕厚實，很滿足及飽肚🌟流沙鹹蛋黃口味 - $88（全份）另要款的鹹蛋黃味，同樣焗過後香氣滿溢，融化在蛋糕中，相當濃厚及邪惡，喜歡鹹蛋黃的您一定要試試🍽源祖之味古早味蛋糕店 (旺角) 📬地址：旺角太子道西193號MOKO新世紀廣場MTR層M47-M48號舖

聽朋友嘅推介，所以今次就決定咗去一間古早味蛋糕專門店買返啲蛋糕喺屋企慢慢食！朋友就推介咗我去一間名為源祖之味古早味蛋糕店。上網睇返先發現原來佢都有幾多分店，今次我就去咗位於旺角嘅分店買。就咁睇個環境，其實我覺得真係好啱用嚟打卡，因為店舖嘅格調真係太可愛啦。唔單止有精美裝修，仲有好可愛嘅貓公仔，之後就講蛋糕啦。綠茶朱古力呢款古早味蛋糕好有驚喜，切開嚟睇個紋理好靚。就咁睇都已經見到個蛋糕整得好有心思。蛋糕嘅回彈感好強，㩒一下好快就會彈返原本嘅形狀，食落口感好鬆軟。綠茶味亦都好濃，再加埋當中有啲朱古力顆粒。呢個配搭真係比想像中更加吸引。香濃拉絲芝士我自己就第一次食古早味蛋糕會食拉絲芝士，而最後亦都冇令我失望。切開嚟睇就已經睇到芝士嘅份量有幾咁多，芝士唔係完全凝固，所以亦都證明咗拉絲芝士個效果係出到嚟。食落佢個芝士味真係好濃，我自己建議食之前可以再加熱佢，咁樣可以令到芝士更加溶，拉絲嘅效果更加明顯。如果大家鍾意古早味蛋糕嘅，都可以考慮吓喺度買！

呢間古早蛋糕店與一般設計簡單的店舖好唔同‼️有好多打咭位❤️ 而且店舖顏色繽紛除咗古早蛋糕外，仲有即叫即整嘅窩夫🧇不過要等嘅時間耐少少，唯有下次再嚟品嚐窩夫蛋糕口味有好多🍫濃朱古力味、海苔肉鬆、黑松露芝士、流沙鹹蛋黃、蜂蜜柚子～～全部都好想食本身打算買1個咋，但有好多隻味都好吸引，所以最後買左2️⃣個「黑松露芝士」原來呢個口味係店鋪限定‼️唔係每間店舖都有，熱愛黑松露的一定好鍾意呢個口味未食已經傳出陣陣的黑松露香❤️同蛋糕完全無違和感⭐️仲配埋超邪惡嘅芝士，勁好食男朋友嘅侄女都搶住要食‼️蛋糕非常動L，口感綿密鬆軟，食完好有實在感💛「海苔肉鬆」肉鬆鋪滿蛋糕表層，毫不吝嗇蛋糕唔係好甜，但好有蛋香從而帶出肉鬆嘅甜香，味道好balance‼️食完呢2隻口味後，對其他口味都有啲期待

《 #62飲飲食食 》 💁🏻‍♀️ 食完鹹野就想食甜野，今晚試下旺角moko的源祖之味，買完拎住已經一直聞到好香蛋糕味。►🍵抹茶紅豆口味 $88抹茶紅豆係旺角MOKO分店限定的口味，使用日本🇯🇵的抹茶同台灣的紅豆🫘，啲紅豆係師傅每日親自煲製，食落濃濃的抹茶香🍵，紅豆🫘軟硬程度煲得岩岩好。►🍘海苔肉鬆口味 $88選用韓國海苔同泰國肉鬆，海苔肉鬆除左鋪滿係蛋糕表面上之外，蛋糕中間都有，差唔多啖啖都食到肉鬆，酥脆的肉鬆口感豐富，海苔同肉髮味道好夾。♡⋯⋯總結⋯⋯♡ ☻ 4.8/5 幾鐘意佢呢間唔甜得黎又夠鬆軟，好岩我口味，另外因為啲古裝味蛋糕係無添加劑及防腐劑，記得要三日內食晒，食唔晒可以放入雪櫃❄️，小貼示：翻熱返更好味😋

每次經過店鋪外，都總會有些人在排隊或購買蛋糕中，那種香噴噴的蛋糕香味還會不停傳出來，叫人怎忍得住啊！買了兩個蛋糕，芝士愛肉鬆及清新檸香，先說芝士愛肉鬆，蛋糕的面層都鋪滿了厚厚的肉鬆，下得很重手足料，而中間部份就有兩層芝士，凍食可以的，但極度建議稍微叮熱一下才吃，半溶中的芝士實在不能說笑，實在太美味了！而清新檸香，就是檸檬味蛋糕啊，但它不是用檸檬醬等添香，而是用了大量的檸檬皮放蛋糕中，相比有餡的古早蛋糕更鬆軟，小朋友就最喜愛吃！

源祖之味古早味蛋糕店 (旺角)旺角太子道西193號MOKO新世紀廣場MTR層M47-M48號舖今日慕名而來到旺角新世紀廣場，源祖之味古早味蛋糕店🍰勁多人排隊買咗兩盒新鮮出爐嘅蛋糕🍰一盒曲奇味蛋糕🍰，攞返屋企下午茶☕️打開盒蓋，蛋糕🍰香噴噴，曲奇🍪粒粒幼細，蛋糕好鬆軟，混合得好好👍超有口感，食到停唔到口，正😄😄😄另一款鹹蛋黃蛋糕🍰正囉，顏色金燦燦，香甜鬆軟，起沙嘅鹹蛋黃，甘香甜滑，混和嘅甜喊度，好食到不得了，值得推介😋😋😋

💕每一次經過古早味蛋糕店就會比佢好香既蛋味吸引～今日撞正佢新鮮出爐既時間，離遠已經聞到香噴噴既蛋糕味，冇理由唔買😛┈✨芝士愛肉鬆 $88-人氣top3果然有保證!!!蛋糕好鬆軟，蛋味好香，唔會過甜，係好自然既蛋香味～另外蛋糕面放咗滿滿一層既肉鬆，而芝士粒就平均分佈喺蛋糕入面，鹹甜味配搭得好好，肉鬆配芝士簡直冇得輸٩(˃̶͈̀௰˂̶͈́)و✨ 特濃朱古力 $98- 想食鹹口味又想食甜口味既我，忍唔住叫多個朱古力味嚟食(´∀｀) 原來旺角分店嘅朱古力蛋糕變咗做特濃口味，蛋糕採用咗黑朱古力，所以朱古力味比以前既更加香濃，面頭灑咗好多碎朱古力，而蛋糕入邊都放咗黑朱古力，香濃得嚟又唔會苦😋叮熱嚟食仲有啲似食緊心太軟添，建議大家叮熱三十秒再食，口感同味道更正(˶‾᷄ ⁻̫ ‾᷅˵)

今日返工頻頻撲撲實在太攰了，真係要買番啲好美味的糕點來慰勞吓自己，喺新世紀廣場近地鐵樓層，發覺有間好得意打卡的古早味蛋糕專門店。店內環境十分光鮮，焗爐，製作工場同包裝的地方一眼睇晒，，非常潔淨衛生。重點係我比門口的蛋黃哥同貓貓公仔電話亭吸引住，估唔到買蛋糕都可以成為打卡景點，十分可愛。蛋糕款式多，計番閒閒哋有十款，真係五花八門，花多眼亂。我揀咗海苔肉鬆同特濃朱古力古早味蛋糕。蛋糕可以全份、半份、同單件買。除咗蛋糕仲有窩夫、蝴蝶酥，飲品可供選擇。特濃朱古力古早蛋糕朱古力腔的我必試，朱古力味濃但唔會死甜，上層鋪上朱古力碎，在中層也夾著朱古力醬，每一啖都食到朱古力醬同蛋糕。而蛋糕質地好軟綿，值得推介。海苔肉鬆古早蛋糕怕原味太單調，海苔肉鬆係唔錯之選，佢仲攞咗全店人氣No.2。蛋糕一様質地好軟綿，唔會太甜，食到蛋香，肉鬆紫菜仲有少少芝麻所以好香，厚厚的鋪在最上層之餘在中層也夾著肉鬆，食落好豐富，果然實至名歸。

好幾次經過這家古早味蛋糕店都好想試試可是每次都大排長龍終於這次找到機會了新鮮出爐的蛋糕真的好香好吸引從盒子外邊已經飄出濃濃的蛋糕香我分別揀選了海苔肉鬆味以及黑芝麻口味軟熟濕潤的蛋糕源祖之味古早蛋糕採用全天然材料而且即場製作從店內櫥窗就可以看到蛋糕出爐黑芝麻蛋糕中間有著一層芝麻醬芝麻的香味很濃郁而海苔肉鬆蛋糕蛋糕表面佈滿厚厚一層肉鬆咸咸的肉鬆配上甜甜的蛋糕非常豐富的口感MENU上還有很多不同的口味而且還會有一些季節的限定款有機會我一定會再核試試其他的口味哦

一直好想食啲又濕潤又鬆軟嘅古早味蛋糕，家姐就介紹咗我嚟源祖之味古早味蛋糕店。今日去咗旺角MOKO店買2件翻屋企試試～店舖嘅古早味蛋糕口味選擇好豐富，件件都好吸引！店舖採用全天然材料，件件都落足料，每日新鮮製造，絕無任何添加劑～黑芝麻 $88黑芝麻味係旺角店限定口味。蛋糕香噴噴，蛋味濃，質地鬆軟、濕潤。黑芝麻營養豐富，更令蛋糕變得香口。蛋糕中間仲有層黑芝麻醬，甜甜地，芝麻味愈食愈濃。海苔香口肉鬆 $88蛋糕面頭佈滿海苔肉鬆同芝麻，中間仲有芝士，勁足料。海苔肉鬆香口，蛋糕食落鹹鹹甜甜，口感豐富～除咗依兩款味，店舖仲有好多新口味，例如係抹茶紅豆、香芋同香濃朱古力等等，下次要再試！

古早蛋糕開到成行成市，但買唔買到高質素有時真係睇運氣…今次食咗呢間源祖之味，估唔到款式多選擇得來味道都好高質！今次到訪旺角MOKO分店，鮮黃色裝潢超級搶眼。大玻璃窗可以睇住師傅準備蛋糕，亦放咗紙牌話俾你知今日有咩味道揀，除咗古早蛋糕仲有窩夫、蝴蝶酥等小食，大把選擇！舖頭另一邊就有唔少佈景同擺設，藍色電話亭同長木椅放咗貓貓公仔，同黃色背景成強烈對比，可愛得來全部都係打卡位芝士愛肉鬆每一次食古早蛋糕都會揀鹹味，今次亦唔例外芝士肉鬆係店內其中一個受歡迎口味，本身蛋糕底超級鬆軟，保留蛋糕蛋香，加入芝士之後味道有唔同層次鹹香，好味！表面肉鬆份量一啲都唔欺場，最好每一件切到底，咁就可以一啖食到唔同食材嘅味道喇！特濃朱古力另一款揀咗店員推介嘅特濃朱古力，同樣有鬆軟幼滑口感嘅蛋糕，但今次每一啖都係微微甜香朱古力味，濃郁得來唔帶苦澀，面頭仲灑有朱古力碎，為蛋糕增添口感

行過路過傳來一陣陣香味，是我太肚餓嗎？真忍不住跟著味道去睇睇是什麼🤔原來係古租蛋糕專門店！香港這類型的店鋪好多，但講到好味😋就要搵一下先知啦！今次店長推介新口味，藍莓🫐蛋糕，啖啖藍莓🫐起蛋糕中，入口即化，不會太甜，清新口味，不錯👍🏿忍唔住再要一個拉絲芝士蛋糕，今期大熱芝士，配咩都好吸引，再加上蛋糕軟棉棉，又香又軟又好味😋返到屋企再叮熱佢更加美味！蛋撻值得推介，因為佢係少糖健康製造，酥皮，濃濃蛋香味，真的好好食！令人回味！