源祖之味古早味蛋糕店 (已結業)

一直好想食啲又濕潤又鬆軟嘅古早味蛋糕，家姐就介紹咗我嚟源祖之味古早味蛋糕店。今日去咗旺角MOKO店買2件翻屋企試試～店舖嘅古早味蛋糕口味選擇好豐富，件件都好吸引！店舖採用全天然材料，件件都落足料，每日新鮮製造，絕無任何添加劑～黑芝麻 $88黑芝麻味係旺角店限定口味。蛋糕香噴噴，蛋味濃，質地鬆軟、濕潤。黑芝麻營養豐富，更令蛋糕變得香口。蛋糕中間仲有層黑芝麻醬，甜甜地，芝麻味愈食愈濃。海苔香口肉鬆 $88蛋糕面頭佈滿海苔肉鬆同芝麻，中間仲有芝士，勁足料。海苔肉鬆香口，蛋糕食落鹹鹹甜甜，口感豐富～除咗依兩款味，店舖仲有好多新口味，例如係抹茶紅豆、香芋同香濃朱古力等等，下次要再試！