湯。雞

营业中

休息中

琴日去到叫左個椰子雞配淮山面 好似水甘 椰子味又冇 雞味又冇 但係個湯又有顏色 究竟點做到 濃湯樣冇濃湯味 上到檯個面仲係成餅野 似未熟透 同之前黎食爭好遠 d樓面又西口西面態度惡劣 絕對冇下次

第一次試呢間，太耐冇行葵廣 應該新開？ 今次係外賣自取，等左15-20分鐘左右就有得拎。外賣會分左3兜： 分別係湯，肉同麵/飯都只係收左$1外賣盒🤣 食既係砂鍋花膠雞湯翅，呢個價錢有花膠食算係咁，唔會覺得俾人呃左咁😂啲雞既份量都ok但係啲雞有啲紅，未熟晒！明白嫩啲好食啲，但咁生真係唔敢食，最後自己整返熟先敢食👉🏻希望廚房會留意另外，湯底唔錯呀，清清地冇乜油，好飲！相信餐廳有隔左油先俾客。下次幫襯會再試下其他野，希望疫情快啲完可以堂食食得安心啲！*不過冇影到相*

係香港如果要搵一個點最似台灣夜市既，我一定會揀葵廣！食玩買逛完全聚集係一個商場入面，每一次黎都有好爽既感覺食店又多又似但係胃就得一個，唯有等勞蘇食幫手走馬看花一下！(頭盔：食量有限，每間試既款式唔好，盡做)湯雞，其實同葵廣一般食野幾唔同，坐低食花膠，貴價野，又飽，但店實在吸引，餐牌都好正要試下勞蘇食推介 —— 砂鍋花膠雞湯翅終於揀左依個，配紅薯粉，上枱完全完美，一睇就知足料，又香又吸引砂鍋正，識試梗試湯先，花膠雞湯，少少膠，好鮮甜既味道愈飲愈想飲，完全味精free雞味正，雞肉香滑好味，花膠好大塊，配埋湯好正好好味，完勝溏心醉蛋，只係加$10就有一隻，仲分左兩個半隻上，好好好好好正賣相一流，好大酒香，一食醉左酒濃味美，相當好味紅油花膠魚翅餃，好特別既小食，薄皮，味道好正，紅油都正，麻辣味好爽，相當好既小食如果唔係要再掃葵廣，我一定係依度食飽飽好正好正既餐廳，高質，好味，性價比高，食過最正既花膠餐廳之一點都預返個胃俾佢唔該絶對唔係平民食堂，係超高質#我愛花膠#無味精都好足味就係贏

出面收銀個tb態度勁差本身以為係自己太敏感點知上嚟openrice見到好多人都話呢間嘅staff態度好差睇嚟完全冇改善到再改善唔到遲早冇人嚟食Poor experience!

兩點黎到好彩唔駛等位之後見都要等呀店子係小店座位唔駛好多但都坐得OK既唔算好迫呀點左~沙薑雞椎山麵第一次食淮山麵望落少少似幼麵食落個質感無咁爽但都OK呀我自己幾鍾意呀沙薑雞幾入味雞肉偏滑雖然湯底無揀咩特別湯但唔會好淡~雞煲翅刀削麵刀削麵唔算好煙UN但唔差呀可以一試呀朋友話翅都搵到幾次唔算好少果隻雞湯無得彈呀朋友相當讚

今日12月12日啱啱食完，之前食過幾次都好好味，今日超級難食，仲要個湯無味！有個帶帽既員工態度勁差，另外係門口俾錢時個呀叔黑口黑面好似欠左佢咁，以後唔會再幫襯囉！

砂鍋花膠雞湯翅銀針粉（走翅) $78砂鍋姬松茸蟲草花螺頭花菇雞湯粉絲 $75葵涌廣場出名多嘢食，尤其香口野不過今日想食下啲滋補嘢YY 見到有銀針粉即刻雙眼發光🤩真係唔係好多地方有得食兩個湯底有屋企的味道！好濃郁但無味精花膠同雞都好足料仲有滿滿的骨膠原😻湯飲完仲會拈住個咀仔添💋🤣回頭指數： 😋😋😋😋好想再嚟試吓其他湯#hkfoodie #hkfoodieblogger #hkfoodielife #hkfoodpic #foodporn #hkrestaurant #852foodie #吃貨 #吃貨人生 #香港美食 #推介美食 #打卡 #食好西 #支持小店 #誓要食盡天下美食 #葵芳美食

去葵芳本身打算掃街，但係最近成日去，已經掃到唔知食咩好。記得之前係IG見到有人話呢間啲湯好正，老公又鍾意飲雞湯，於是入去一試。但因為佢喺葵廣三樓，三樓出名烏煙瘴氣，油煙味好勁。本身以為入到店舖會避開啲油煙味，點知中曬伏，嗰陣油煙味勁到返屋企都仲聞到，如果介意嘅人，就自己諗清楚食唔食啦。言歸正傳， 講返啲雞湯先。因為我唔肚餓，所以叫咗個鮑魚花膠雞湯。佢寫明有鮑魚、花膠、魚翅、魚唇、金華火腿。個湯嚟到比想像中大，用砂鍋煲熱返 ，真係熱辣辣，見到幅相都知出緊煙，煙霧瀰漫咁飲咗個湯，好濃雞湯味，成個人暖曬。鮑魚細細粒，都吸到雞湯嘅味道，唔會好韌，容易趙。花膠兩大片 ，唔算十分漿口。魚翅唔算多，得幾粒。不過呢個價錢，有咁嘅質素算唔錯啦。另外叫咗個花膠雞湯銀針粉。呢個係有雞嘅，雞唔算好嫩滑，個雞湯係同一個味。銀針粉都算滑溜。呢個價錢，性價比好高。

休息咗幾個月，呢個weekend終於開始跟返大隊練習，懶惰咗一排，要喺水入面不停游動，始終要啲時間pick up，希望自己可以抽多啲時間練習，盡快回復狀態啦😅 落咗堂之後，同學仔話之前試過 #葵廣 「湯。雞」湯雞 特式雞湯粉麵店 嘅 #砂窩雞湯 都唔錯，提議大家一齊去試吓，順便去行吓街。雖然遠就遠咗啲，不過講到咁正，我都好想去見識吓☺️ 餐廳地方唔太大，不過我哋去到嘅時候已經接近四點，所以服務員好快就安排到座位俾我哋👍🏻 既然 #砂窩雞湯 係餐廳嘅推介，我就跟大隊叫咗個 #砂鍋花膠雞湯銀針粉 補一補🤤 佢哋啲食物都係即叫佢做嘅，我哋大概等咗10-15分鐘，熱辣辣嘅砂窩終於嚟到我哋嘅面前🤤 滾熱辣嘅 #清雞湯 配 #銀汁粉 入口，相當鮮味，加埋又大又厚嘅 #花膠 同 #鮮雞件，食完成身暖笠笠😉 最緊要價錢唔算貴，間中嚟補一補都唔錯喎👍🏻👍🏻

食過兩次，湯底濃味雞亦唔鞋，份量質素同價錢成正比但係有一次晚飯時間大約7點左右，出邊有人排緊隊，我同我朋友都食完都即刻執野準備帶返口罩起身走，有位中年男人應該係老闆過嚟收碗，分開收左兩次。第一次同我地講：「乜你地唔食魚翅阿，嘥哂啦。」語氣係比較似開玩笑第二次嚟收碗隔左都唔夠一分鐘，用唔耐煩語氣：「睇唔出我趕緊你地走阿？出面好多人排緊隊。」但呢個時候我地都帶好哂口罩，對住客嘅態度不致於咁下嘛？希望有待改善

呢間餐廳招牌菜用砂鍋來燉湯配粉麵飯，連刀削麵都有，外面餐廳食刀削麵一定要加錢，呢度唔使加錢之餘，仲有好多款選擇。冷盤小食包括粉皮、皮蛋、蘿蔔等等。另外仲有醉乳鴿、醉雞、牛舌、鴨舌、口水雞，等一些麻辣美食。😋砂鍋花膠雞湯飯飲得出冇加味精，有老火湯感覺，花膠只是普通貨色，雞肉口感唔差，湯好飲。呢個價錢都算合理。🐓藥膳醉雞湯米粉醉雞唔夠入味，好淡。藥膳湯足料，見到有唔同種類嘅藥材，味道方面一般，不過藥膳湯配醉雞，呢個配搭有啲奇怪，又凍又熱咁款，如果係藥膳雞湯應該更加好味，比想像中有啲出入。😋麻辣鴨舌爽口，越食越辣，辣到好過癮🌶🌶反而幾欣賞佢啲麻辣味小食👍🏻👍🏻👍🏻👍🏻食到中段，有員工問我哋介唔介意搭枱？ 我未答，只係幾秒嘅時間，呢名員工好快話要諗就唔洗，態度幾冇禮貌，我哋兩人坐四人枱，入座時係員工帶位，而呢張枱中間係無隔離膠板，我地要考慮都係正常。講真疫情差唔多就快兩年，從來都未試過係一間餐廳係無隔離膠板情況下需要搭枱食飯，如果有塊膠板檔一檔，我覺得無所謂，又或者轉細枱食都得。食物味道質素一般，價錢方面比葵廣餐廳略貴，但服務態度認真要改善。

呢度專食花膠雞同湯麵既 仲有唔同既小食選擇 幾有特色!花膠雞湯翅配淮山麵 藥膳酒浸雞子 湯底用多種材料每日新鮮煲出黎 清甜鮮香 加埋新鮮三黃雞肉質嫩滑 一碗麵有齊靚湯,鮮雞,花膠,滋補美味 不添加味道 健康美味! 淮山麵滑溜易消化~估唔到佢連雞子都有得食幾專門! 龍眼肉藥材一齊浸雞子 好飽滿鮮味!咬開有噴汁!平均消費$130評分8/10葵芳葵富路7-11號葵涌廣場3樓302A號舖

如果係葵廣行完街攰攰地唔想掃街想坐低食嘅話，我會推介呢間主打有湯飲有雞食嘅小店😋可以齋飲湯又可以跟粉麵，仲有好多款有辣有唔辣嘅小食任君選擇。-🍲砂鍋鮑魚花膠雞湯翅 $98每次嚟都係叫呢一個，一煲有齊鮑魚花膠同雞件，跟餐再自己揀粉麵底，我每次都係配新竹米粉😝鮑魚細細隻有啲醬係面好入味，花膠就比較厚身同大塊，我一向麻麻地花膠通常隨心無食曬～雞件不過不失唔會煮到好老，份量都有約5-6件。最值得推介嘅其實係佢個湯底，好濃味但係飲完唔會頸渴，我成日都念念不忘想飲湯果陣就會過嚟食🥺如果冬天飲完成個人暖笠笠仲正🥰-總結：如果你著重配料可能會失望，如果係想飲湯就good fit👍🏻唔算平不過大大碗食得飽，飲埋湯超滿足，同類型餐廳入面呢間係我首選，無限encore🤪

呢日同可愛侄仔去完旺角𝑐𝑎𝑓𝑒,再由旺角長征到葵芳、黎到葵涌廣場10個有9個都係掃街、我哋就決定去呢間食蜆飲湯。📌雞湯浸鑽石蜆蜆係侄仔”大人食物”中既最愛、同我好岩口味呀😋雖然呢間鋪既招牌菜係花膠雞湯、但係呢道菜又有雞湯飲、又有粒粒漲卜卜既大蜆食、個湯加左蜆既鮮甜、更加好飲！而且仲有粉絲係底、一人前單點都夠飽。必點！📌砂鍋花膠雞湯翅作為招牌菜、當然也不遜色、個湯滾住上菜。雖然少了蜆的鮮甜、但更多既係金華火腿加埋雞湯既原味。仲可以自選配白飯或各類粉麵。我就配左米線，平時食湯米線邊會飲埋湯、今次係堅可以飲晒啲湯既米線喎。因為真係無味精、真材食料去煲出黎既雞湯。有下次👍🏻

嚟得葵廣，都不外乎食下章魚燒、手抓餅或者手卷等等。但有一間係食藥膳湯麵嘅小店我一直都好想試，個名仲好得意，叫湯雞😂 今次嚟到，乜都唔買，淨係買佢返去試吓😜呢份藥膳醉雞真係非常唔錯，醉雞份量夠晒多，而且好入味，花雕酒味幾重下，面頭仲有啲蟲草花，食落件件雞都幾滑下，真係唔錯😋 而刀削麵嘅湯底都好足料，真係有藥材係入面，而且都幾濃郁，可惜刀削麵唔夠爽口彈牙，反而比較腍身，唔係我鍾意嘅口感🤭另外，仲嗌多咗個口水雞撈米線，雞件同樣好多，佢嘅口水汁比較辣，同時亦都幾麻，但係亦都係佢個汁會令人越食越想食，非常惹味😝 雖然佢個雞都幾好食，但就無醉雞咁滑。而米線亦都有啲腍，唔夠煙韌，但整體都唔錯嘅！總括而言，呢間餐廳雖然個名夠哂搞笑🤣 但啲嘢食真係好唔錯，特別係佢個醉雞，真係好好味🤤 整體嚟講，佢嘅麵食麻麻哋，但係啲餸就好得！而且呢個價錢，竟然有咁多件雞，性價比都幾高，值得一試👍🏻