影片
以上资料只供参考，请与餐厅确认详情
葵广人气小店。次次经过都总有人排队。试左几款睇下边款最好味？🥰第一名：砂锅花胶鸡汤翅 $83汤底：砂锅上到嚟热辣辣系咁滚住，食好耐都好热。汤底有鸡汤嘅清甜味。味道唔错。材料：花胶即系好大片嘅鱼肚干，大大片好滑有咬口。鸡都几滑，味道较淡。面： 建议唔好选新竹米粉，因为啲米粉索晒啲汤汁之余，自己都会出一啲米粉水，令到个汤有少少米粉水味。不过未算严重。🥰第二名： 醉牛舌 $58门口counter有好多唔同酒味嘅食物，醉牛舌出面好少见就买来试下。花雕酒带有话梅嘅甜味，有酒香得来，又唔系太浓烈。好易入口可以就咁饮。牛舌份量都OK，食落好滑，又唔会有一般中式整牛舌𠮶浸骚味。整体系好味。👌🏼第三名：砂锅桃胶雪梨椰子鸡 $73佢唔系一般椰子鸡汤𠮶种好清甜嘅椰子汤味。反而系原有嘅鸡汤味道比较重，再加咗甜味，但又唔特别食得出雪梨味或者椰子味。椰子切得比较细条，容易咬容易入口。👌🏼第四名：药膳醉鸡刀削面 $67醉鸡：正如上面所述，佢嘅酒系好味嘅，甜甜地刚刚好，鸡件都几滑。汤底：药膳汤底带一点当归和党参嘅味道，都会食到预期中𠮶浸药膳味。但鸡汤味唔算浓郁。正常水平。😐第五名：砂锅姬松茸虫草花螺头花菇鸡 $80预期中嘅味道，就系菇味加淡淡嘅鸡汤味。味道唔算特别浓郁，正正常常冇咩特别。Extra: 👌🏼醉溏心蛋 +$12味道正常，用上面讲到甜甜的酒汁，蛋生熟软硬程度都做得唔错刚刚好，但夹埋又冇话好香好惊喜，试过下次就唔使特别嗌𠮶种。环境: ★★☆☆☆食物：★★★☆☆ 性价比 : ★★★★☆ 推介度： ★★★★☆
继续阅读
## 食评：葵芳的午餐体验星期日我同老婆去葵芳食午餐，呢间餐厅我老婆之前试过觉得不错，但通常都要排队。今次我哋未开店之前已经到，幸好唔使等。### 食物评价**醉鸡刀削面**：醉鸡面先上，汤香味充足，醉鸡肉质结实，非常好味。醉鸡汤加上辣酱，仲有少少麻子，极度惹味。不过，刀削面有啲偏软，唔够咬口。**桃胶椰子雪梨鸡米线**：椰子鸡同米线搭配得一流，味道鲜甜，椰子非常新鲜。不过，鸡肉略嫌不够入味，但汤底非常好饮，桃胶的质感亦唔错。**糖心蛋**：配合醉鸡汁，味道特别，令人惊喜，真系好惹味。### 总结整体来讲，今次的午餐非常满意，食物味道都好。不过，下次可能会试下其他面，因为刀削面有啲差强人意。总体来讲，值得推荐！
继续阅读
已经有好一段长时间冇去帮衬呢间舖头，不过去亲葵广，如果想坐低食餐好嘅第一间一定会谂起呢一间汤鸡。唔知系咪太耐冇去，一见到个汤好有惊喜。今次叫咗花胶鸡汤配刀削面，砂锅上枱仲系热辣辣好滚，鸡油适中唔会过多，汤头好香唔会过分味精，而且好足料，汤入边会见到好多金华火腿同埋鱼翅碎。每次经过都可以去试
继续阅读
经过呢间成日都见到好多人排队今日特登早起趁佢开门冇耐去试点知都已经满座 都要等两张先入到😂我哋叫咗个鸡汤翅粉丝同埋椰子鸡汤粉丝上菜嘅时候仲滚住 热辣辣😆两个汤底都超级浓郁 必点粉丝 因为会朔晒啲汤嘅精华🤤🤤而且比较爽口另外鸡嘅份量都好多 粗略数过都有六至七嚿而且系仲会有鸡髀同鸡翼🤩另外小食我哋叫咗麻辣墨鱼头 超好食！佢唔会死辣个种 会越食越上瘾😆价钱就偏贵 $49一碟 不过佢好食都OK嘅 一定会keep住帮衬但系真系早啲嚟先冇咁多人 我哋食完出去都已经见到人龙
继续阅读
夜晚喺葵广巡咗一圈，最后拣咗呢间舖，排队排咗半个钟左右就有位入。原来系坐细枱，细枱会坐得有啲局促，而枱底有细勾可以勾起啲袋。之后店员见有大枱空出嚟就安排我哋两个人转枱，而下一个只有一人就坐我哋原本坐嘅细枱，店员都识灵活安排。两个人最后总共叫咗3样：砂锅桃胶雪梨椰子鸡，砂锅水煮鸡，鸡汤萝白。佢哋嘅出品同舖名一样系汤同鸡，首先汤底够鸡味，系好味嘅，唔似味精汤，其次啲鸡都算唔错，小食萝白有惊喜，食到好饱，如果迟啲有机会嘅话会二访。
继续阅读