湯。雞

营业中

休息中

呢間餐廳招牌菜用砂鍋來燉湯配粉麵飯，連刀削麵都有，外面餐廳食刀削麵一定要加錢，呢度唔使加錢之餘，仲有好多款選擇。冷盤小食包括粉皮、皮蛋、蘿蔔等等。另外仲有醉乳鴿、醉雞、牛舌、鴨舌、口水雞，等一些麻辣美食。😋砂鍋花膠雞湯飯飲得出冇加味精，有老火湯感覺，花膠只是普通貨色，雞肉口感唔差，湯好飲。呢個價錢都算合理。🐓藥膳醉雞湯米粉醉雞唔夠入味，好淡。藥膳湯足料，見到有唔同種類嘅藥材，味道方面一般，不過藥膳湯配醉雞，呢個配搭有啲奇怪，又凍又熱咁款，如果係藥膳雞湯應該更加好味，比想像中有啲出入。😋麻辣鴨舌爽口，越食越辣，辣到好過癮🌶🌶反而幾欣賞佢啲麻辣味小食👍🏻👍🏻👍🏻👍🏻食到中段，有員工問我哋介唔介意搭枱？ 我未答，只係幾秒嘅時間，呢名員工好快話要諗就唔洗，態度幾冇禮貌，我哋兩人坐四人枱，入座時係員工帶位，而呢張枱中間係無隔離膠板，我地要考慮都係正常。講真疫情差唔多就快兩年，從來都未試過係一間餐廳係無隔離膠板情況下需要搭枱食飯，如果有塊膠板檔一檔，我覺得無所謂，又或者轉細枱食都得。食物味道質素一般，價錢方面比葵廣餐廳略貴，但服務態度認真要改善。