湊湊火鍋‧茶憩 (MOKO新世紀廣場)

营业中

休息中

新世紀廣場MOKO最近新開左間「湊湊火鍋•茶憩」，主打台式火鍋。餐廳裝修幽暗富格調，帶有神秘感餐牌設計精美，色彩豐富，圖文並茂，非常清晰，猶如一本雜誌餐廳設有醬料及水果專區，10多款火鍋醬料及醬油任君選擇紅顏花膠雞鍋鍋內主要配料有雞肉、花膠、野米、鮑魚、花菇等等，好足料！湯底質感頗濃稠，滿滿的膠質，感覺厚實日本和牛前胸油脂分佈均勻的日本和牛前胸，灼至大約七成熟，入口頗香軟，帶有濃郁嘅牛肉味，都幾高質素精選羔羊肉冬天梗係要食羊肉暖暖身，精選羔羊肉脂肪豐富，薄切一大塊，口感腍滑，羊肉味好香濃，有羊羶香但唔會太羶，正海鮮棒棒糖賣相造型好特別的海鮮棒棒糖，口感彈牙，味道有少少似墨魚丸同魚蛋～丸類拼盤拼盤分別有：精製台式貢丸、蝦丸、魚丸。全部都係新鮮手打而成，用料十足，口感特別彈牙！魚肉同蝦肉嘅味道都好突出，好鮮味時蔬拼盤蔬菜拼盤可以選擇大或小，呢個係大size的，陣容鼎盛，份量十足！時蔬嘅種類非常豐富，有白蘿蔔、甜粟米、皇帝菜、紫薯、紅蘿蔔、油麥菜、冬瓜、菠菜、大白菜等等，全部蔬菜都好新鮮碧綠又爽脆，健康又好味梅子茶凍 及 益力多沙冰最尾每位都會免費獲贈益力多沙冰及梅子茶凍。沙冰酸酸甜甜，味道

好台式火鍋今日同男朋友去到旺角新世紀廣場，食呢間台式火鍋，係k11食過一次。裝修靚，店員在台式，個個都普通話～都sweet簡介下餐廳野食，有圍裙俾我地，咁食個陣就安心唔驚彈到件衫。因為我地喜歡食鴨血，店員話勵志鍋夾鴨血，辣度可以接受，小小麻辣香，湯底的鴨血同豆腐更加可以免費任加呀～火鍋料我們點了把美國肥牛、飛魚籽墨魚滑、牛板腱、巴沙魚同蝦丸。整體來說食物都很有新鮮，男朋友特別喜歡飛魚籽墨魚滑同巴沙魚，墨魚滑彈牙，仲有魚籽，咬落帶鮮。巴沙魚佢就話完全冇骨，啖啖魚肉。我喜歡蝦丸，非一般加工丸，食得出手工打，加上有真蝦蓉，所以好食。餐廳有埋台式茶飲可以order，叫左杯大紅袍奶茶飲，中段時間仲有沙冰飲，可以解一解膩，好貼心。服務黎講呢間餐廳嘅員工都好有禮貌同友善，鐘意佢地既服務！

第一次嚟到食火鍋 真係比我預期中好好多以為係一般嘅台式打邊爐？門面嘅裝修好靚 見到佢個大紅袍珍珠奶茶覺得好吸引我帶埋仔仔去食 我問佢有冇兒童餐具 除了一份兒童餐之外 還有一份兒童餐免費提供 有好可愛的奶黃包 ！另外仲有一啲脆脆嘅甜番薯 ，真係好貼心叫咗個麻辣火鍋湯底 你都叫咗個蔬菜拼盤 仲有一份牛肉 兩個人食 都真係食唔晒 啲蔬菜要打包走。個湯底真係好好味好足料，好大份，豆腐和鴨血可以任添，但基本上係鍋裏面嘅份量都好夠。另外仲帶咗一杯大杯嘅冬瓜檸檬，真係好大杯！解辣一流。自助吧除了可以自己去配搭調味料，還有可以隨便添飯，飯係珍珠飯，好有咬口好有彈性。另外仲有中華沙律、西瓜哈密隨意添加。仲有多個surprise，佢送咗一個益力多冰沙，仲有一個梅子茶凍，兩個都係配搭打邊爐的確很不錯👍🏻。兩個人食咗500多元，再多一個驚喜，就係可以送你每人一份豆腐鴨血可以帶走。這份細心，從未感受過。等你可以回家再回味一下，又或者給其他家人分享。

這次是第二次去湊湊旺角店，這次去感覺店員服務水準更上一層樓，店員無論加單追單都很及時跟進，加上服務員態度熱誠。食物新鮮；海鮮籃，豆干鴨血，牛肉都是上好的。煱底有特色多選擇👍。惟一提醒是要早點訂位，這店日日爆滿！

我家大少突然話出街打邊爐，平時我哋係自己買海鮮喺屋企打，所以我就諗到呢間台式邊爐。佢哋要去到scan QR code攞枱，但我諗如果老人家黎而又無智能電話會點算登記完話二人枱下張到我喎當時係5:40分！咁等左好耐，等嘅時候櫃台有食物同茶供應我見入面有兩張二人枱係吉嘅，問職員點解二人枱話下張到我都未有？個講國語嘅職員回答：你前面有兩張三人枱等緊，要比左佢哋先我同另一個職員講，佢好有禮貌話會幫我睇吓，之後唔駛一分鐘就有枱，禮貌職員帶我地入去時同我講唔好意思，佢都唔明點解出面同事唔比二人枱我地當時已經6:40！叫左鴛鴦鍋一辣一唔辣黑豚豬，鴨腸，墨魚滑，油炸鬼，蛋餃，菜.... 鴨血同豆腐係無限refill仲有水果任食喎佢哋會比一杯細沙冰話解辣解油，真係幫到手最後又有茶味有粒鮮梅jelly 做甜品兩個人食到好飽我哋發現呢度打邊爐唔會好口渴，我第一次唔駛叫汽水而只係飲茶証明佢唔係味精王

爸爸生日，之前喺出面試過飲佢啲台式飲品，今次決定嚟試吓呢個台式火鍋。湊湊叫三個湯底可以坐包廂，咁我就今次嗌咗三個湯底，分別係龍蝦湯底、麻辣湯底、花膠雞湯底。最好食反而係一個好似西湯嘅龍蝦湯底，味道好甜，花膠雞湯底好稠，入面有幾粒鮑魚仔，麻辣湯底就冇乜特別，但係可以無限添加豆腐同埋鴨血。依杯係新出嘅草莓冰，味道係屬於甜嘅，入面有淡淡的茶味，唔錯。依杯類似酸梅湯，咸咸甜甜。湊湊既珍珠奶茶好好飲，茶底好香。鴨腸、豬豚肉好味，好爽。蛋餃要好快撈返上嚟，唔係會散晒。新鮮好味。牛肉一般。大既蔬菜籃，其實都唔使嗌咁大個，好多肉類嘅底都有好多菜。依個係牛嘅大動脈，都幾好食。湊湊會送一個sorbet俾你解辣。另外叫咗個魷魚鬚，有啲硬，可能炸得太耐。我覺得台式飲品幾好飲，黎試吓新野係OK，埋單$1500。

看見菜牌介紹食妝鍋已很想試，加了幾次水仲有花膠味，試此鍋預左多搞湯底，以免黏底。點選肥牛，我個人覺得普通。值得一試大紅袍珍珠奶茶，甜度岩哂我，真是微微甜。香梅紅茶真是好好味，酸酸甜，不錯。

天氣突然轉涼，又挑起我打邊爐的心癮。最近行街發現旺角Moko新世紀商場開了一間台式火鍋，叫湊湊火鍋.茶憩，就一於放工後立刻起行。湊湊火鍋.茶憩位於旺角Moko新世紀商場，地點絕對方便，搭東鐵又得，行去地鐵太子站/旺角站又得，到巴士總站搭巴士又得。店舖設計好高雅，好像高級台灣火鍋店的設計，枱與枱之間闊落，每幾張枱就有屏風間格，感覺好有私隱。坐下不久店員便送上熱茶，在用餐途中也不時送上免費小食及為鍋底添加麻辣鴨血豆腐，服務實在太貼心。餐點選擇好多元化，鍋底方面無論選擇什麼鍋底（台式麻辣鍋、紅顏花膠雞鍋、番茄牛膝骨鍋、珍鮮菌菇鍋、老四川風味麻辣鍋、還是燕麥龍蝦鍋），鍋料都是非常豐富。配料有不同的肉類、海鮮類、丸類、蔬菜類等選擇，飲品除了一般飲品外，還有珍珠奶茶等的台式飲品，真係睇見都流口水。大紅袍珍珠奶茶(大杯)、觀音珍珠奶茶(大杯)珍珠奶茶方面算是好正宗，奶茶不過甜，珍珠煙韌得來帶軟淋。大紅袍奶茶的茶味比較濃烈，而鐵觀音奶茶的茶相對淡一些，奶香味比較多。而一邊嘆著台式邊爐、一邊飲著珍珠奶茶，絕對覺得自己去了台灣一趟。麻辣鍋拼燕麥龍蝦鍋台式火鍋的靈魂在於鍋底，今次選擇了台式麻辣鍋及燕麥龍蝦鍋

知道MOKO有間台式火鍋開左冇幾耐，一路都想黎試下!呢晚終於有機會啦!!! 一入座店員都布提到用餐時間有兩個鐘,同埋店員仲有好好咁簡介下D乾、濕紙巾、牙簽既位置! 同埋放底埋圍裙俾我地,咁食個陣就安心唔驚彈到件衫!!!! 我地睇左餐牌好耐諗緊揀咩湯底~~~店員好細心提我地落好左個湯底再慢慢揀食咩,因為個湯底都要D 時間去準備!我地最後揀左紅顏花膠雞鍋! 呢個湯真係不得了!上個陣杰杰地,店員叫我地飲番兩碗先加湯! 湯底有好多雞粒、鮑魚仔、菇、當然唔少得就係有花膠啦!!! 我地飲左兩碗,真係好正好重雞味!唔係出面D味精湯底!我地制止住自己唔好再飲第3碗,因為再飲唔駛食!!! 因為個湯比較杰既關係,我地又唔係即刻加湯,店員都好好係隔離幫我地搞住個湯底等佢唔好痴底! 我地就慢慢嘆個湯! 服務真係超好!!! 跟住到醬料方面, 餐廳入面有個自助醬料區，牆上都貼左唔同野食可以混唔同既醬再夾既野食既味道!醬料有超多選擇!!! 見到都想混多幾款再拎番去!!! 店員見到我混左兩款之後主動幫我拎埋番位等我再繼續拎其他野食,真係細心到我都有D唔好意思~~~拎醬料既位置仲有生果可以拎~分別有蕃茄仔、西瓜同哈蜜瓜

八月尾到訪當時剛開不久的湊湊台式火鍋，6點多到達等位，門口有同事派小杯免費的台式奶茶試試和香芋丸食，而且還有茶可以免費飲，服務不錯的。門口放置的水池不時冒煙，似仙境般，打卡影相幾靚。四人座位比較狹窄，如果係比較健碩，應該坐不下的。有自助醬料區和小食區，小食是中華沙律和小蕃茄，另外還有白飯提供。火鍋點了花膠雞湯和台式麻辣湯。花膠雞湯味道濃郁痴口，可先喝湯，後火鍋。台式麻辣湯有住添鴨血和豆腐，湯底麻辣味十足，美中不足的是鴨血和豆腐比較實，而且煮久不太入味，可惜可惜。牛肉片油花比較少，但入口亦不錯，肉質不會柴。玫瑰花豬頸肉賣相靚，豬頸肉片味道正常，不過不失。綜合蔬菜盤份量都多，而且種類多。湊湊火鍋提供台式火鍋，但其實是國內店，裝修服務同形式和台式很接近，而且有些菜式賣相都似，可惜口味味道有點失望。

早前同朋友食飯，基於他最愛打邊爐🍲，每次約食飯都只會打邊爐。而今次去台式火鍋店—湊湊火鍋．茶憩 。1️⃣超多湯底可以選，我地求其選了兩款不辣的。📍紅顏花膠雞鍋🐓 (單鍋: $198；鴛鴦鍋: $138)：好痴底！食到花膠，不過冇花膠味道，好似煲緊膠水。📍珍鮮菌菇鍋🍄 (單鍋: $198；鴛鴦鍋: $138)：又係冇乜味，好似飄浮幾粒菇嘅清湯。/2️⃣入面可以叫品牌主打的台式手搖茶飲茶憩既飲品，分別叫左2款。📍招牌人氣大紅袍珍珠奶茶（$24/小），幾好飲，香濃茶味🍵📍鐵觀音珍珠奶茶（$20/小），朋友飲，唔知咩味。📍翡翠檸檬茶（$26/大），普通凍檸茶🍹，下次可以揀其他。/3️⃣好多不同火鍋配料，我哋叫了：📍丸類拼盤（$108），個人認為最好食😋，新鮮手打！📍特級牛板腱（$118），普通肥牛。📍蟶子（$68）📍蔬菜拼盤（$68/小）📍半生烏冬（$28）。4️⃣餐廳還有多款台式食品可供選擇，例如：📍排骨酥（$68），調味濃郁，酥脆可口，外脆內嫩，不錯！5️⃣📍自助醬料區（$19/位），極度多醬料可選，仲有西瓜🍉，小番茄🍅等⋯⋯

一行三人都係火鍋控，一直想試呢間，但奈何交通受阻，遲遲未入到口... 今日終於有機...三個人叫了鴛鴦鍋，花膠鍋拼招牌台式鍋，再點左雙拼棒棒糖（其實係丸黎）仲有肥牛、萵筍等等... 出邊自助漿料區不錯， 10幾款調味料，仲有幾款水果，仲有白飯任裝... 值得嘉許嘅係，豆腐同鴨血無限添加，隔15分鐘就問你一次，真係好落力想加比你🤣總括來講，呢間鋪頭會再回頭，地點又就腳，服務都好好，嘢食非常新鮮！臨走嘅時候佢仲包左一盒嘅鴨血同豆腐送俾我，不過當晚因為走嗰時好狼狽，所以最後都冇拎到😆

本身都無諗住特登買黎飲，但經過時有位職員派試飲，試飲既係茉香奶綠，點知一飲，嘩，所有野都好完美地平衡。奶，茶，茉香，互相和平共處地發揮一試完，就馬上忍唔住買左兩杯珍奶黎飲一杯大紅袍珍奶 & 珍珠奶綠，熱，微糖，分別係 $30 & $25 前者都非常好飲，散發住一陣朱古力醇香既味，奶味重，好香濃既味。珍珠係偏細粒既，質地軟軟地，少少煙韌。員工既態度都好好，有笑容，做飲品速度都好快，有效率。下次有機會要入座試埋佢既火鍋先得！

下午朋友請食飯，到旺角moko試食呢間新火鍋湊湊火鍋，餐廳環境比較中式，有很多盆栽擺設物，詩情畫意的裝修忘記自己在吃火鍋，Book咗房，房間景觀開揚，侍應細心介紹食品及湯底，五個人叫了一個三種湯底大鍋，超大個喎，分別有台式麻辣湯、膠原蛋白湯、菌菇湯，我們先飲一啖湯，麻辣湯有藥材味好好飲，膠原蛋白湯好濃，過菌菇湯就比較清甜，我們點了和牛雪花分布均勻入口即溶，還有豚肉及羊肉片，侍應推介我們點聖子，果然冇介紹錯非常新鮮，接着是海鮮棒棒糖，即刻蝦滑魚滑，賣相將棒棒糖，還有什菇拼盤，火鍋店還提供大紅袍珍珠奶茶，茶底非常濃勁大杯好抵飲，中途侍應還提供烏梅茶味啫喱冰，作用是讓客人青青味蕾再品嚐美食，非常細心。雖然價錢比深圳貴，但食物質素比深圳還要高，環境及衛生也比較好，絕對值得再試。

大家都以為佢來自台灣 但湊湊火鍋其實係大陸集團開。所以只可以叫 台式火鍋 不過見香港新開店 都想試下係唔係真係好好食 去到超多人排隊 最少排2個鐘 入到去先知 原來要包廂先可以叫任性鍋不過唔緊要啦 麻辣同雞湯都好食麻辣唔辣咁制 因為佢餐牌都寫左係溫柔辣...岩晒食唔到辣既人既其他食物都唔錯-丸類 比較硬身 -鴨血入味 幾好食 無限refill-牛肉 正常水平-蝦滑 好食 仲送冰沙同果凍👍🏻 不過可惜無響鈴叫 同竹笙都賣晒 只好下次再食整體黎講 唔算太貴 但排隊實在太耐 唔需要排隊會再幫襯