港澳義順牛奶公司 (已結業)

那日經開呢度時，餓餓地，3點幾發覺自己仲未食午餐，見到對面有間義順，就拿拿聲走去食個下午茶***超難食***，而且價錢並不便宜。食完呢次，我以後都唔會再幫親任何一間義順叫了個餐，餐旦公仔面，公仔面超難食。>___<我最愛飲既木瓜奶亦有點怪味，相信一系雪了好幾天，一系拒地就連皮乍汁，joe噠了好一杯木瓜奶

上個禮拜去完油麻地停車場個政府部門,搞完晒後,向住旺角方向行,成十二點,連早餐都未食,拿拿林走入呢間舖度。第一次黎,最初以為淨係食甜品?原來有午餐,要左個牛肉通,跟餐有煎蛋同午餐肉一片,只係杯奶茶超多奶。不過味就幾好,牛肉夠腍,通粉幾滑下,湯又好好味喎!好似27蚊咁上下,最頂唔順係對家個位阿伯,五十幾歲,扮到自己好似情聖咁!以為周圍d女仔會望佢!好心啦!專心食個午餐算把啦!搞到幾乎嘔番出黎!

一心同友人去食雙皮奶, 點知一入去沒人理都算, order野食時, D侍應好似嫌你叫得少gum, 黑起塊面加粗聲粗氣,都算啦.埋單HKD55, 比HKD105 (一張HKD100, 一個HKD2, 一個HKD1 加四個HKD0.5), 個CASHIER話唔收硬幣仲話我gum比係犯法!? 真係激到我死!!!原來老字號加有名就可以打橫來...

* 此食肆的第十四個笑**尋既(15-12-2007 Sat)同女友人CK食完唔係咁滿意o既飯後,到呢間我一直想試o既義順食甜品,開頭經過鵝記,佢話朋友試過好似係彈o既,於是我都決定唔改,走o黎呢間,o黎到時,原來佢一心諗住自己唔食陪我,點知到門口見寫住每人最低消費$10.00,於是佢都叫啦,真係唔好意思啊.我問佢有咩推介,佢答薑汁燉奶,聽聞木瓜鮮奶都好味.不過我都係同佢一樣,要o左熱薑汁燉奶先.單睇賣相,好似水注注咁,咁我食落,嘩!!!!!!好滑呀!從未食過真係滑到入口係跣而且即熔o既o野食o架,原來真係有食物做到呢種感覺.真係好正,但好似唔夠奶味,呢o度就要扣半分.不過食完唔覺漏,因為佢唔係杰’達達’o個隻.尋晚食咁多餐都冇餐滿意o既,好彩最後記得要o黎呢間,將我由谷底拉返上o黎.會有下次且試吓新o野.

平時食開銅鑼灣果間..諗住行旺角近近地搵呢間食..唔知係唔係星期6既關係..真係好迫好迫..迫到我同友人要同兩個大大大肥女人坐4人台............迫到有1/3個人出左位.....好彩之後ZIP倒個細兩人位坐先無咁迫..講番食咩..叫左一個彊汁燉奶, 朱古力燉奶同炸雞奕平時食開雙皮奶所以試o下朱古力彊汁奶: 友人話好味, 我所以都試o下(蚊蚊不喜歡彊味食物) 食落又唔係好「辣」喎, 仲幾清,受不了濃味彊的人可以一試朱古力燉奶: 後悔..做知叫雙皮奶..真的..可以半凝固的普通朱古力奶tim(我鐘意朱古力奶就覺得d味還ok,友人不喜歡太甜的就驚訝我竟然咁甜都可以吃完) 證明真的有點兒甜得滯炸雞奕:還ok,適合我地不喜歡太炸的食物既人~都ok既,當佢普通茶餐廳既炸雞奕~不過,不太考慮會再去呢間..除非到了冬天~_~..還是會去番其他既分店...

第一次吃凍的雙皮奶...天氣熱, 好涼好潤!紅豆雙皮奶：沒想到凍的雙皮奶都能這麼滑..奶味不算濃，香滑搭救。甜度調較得剛剛好，好清，只有滋潤沒有漏。鋪面的不是紅豆沙而是紅豆蓉；蓉加上大大粒起沙的紅豆，不過甜，跟雙皮奶好配呀！一定再encore!!!

為左消化過份飽既午餐，由旺角步行至尖沙咀，途經此地雖然飽到就死但都想一試。本來決定同男友分一碗雙皮奶，點知菜單寫明「如沒惠顧收十元服務費」，唯有死死氣氣一人叫一碗雙皮奶。阿姐頭都不回就極丟低d食物。雙皮奶($20)好甜好滑，感覺比澳洲牛奶好味。果然係有名氣既店。阿媽們在店內高聲談笑，噪音頗大，令人不敢久留，唯有急急埋單。始終係食馳名食品既地方，唔係可以俾人hea的。

經過黎義順食甜品.叫左碗雙皮奶.奶味仍然好夠.不過唔夠熱.同埋覺得貴. $20一碗.作為飯後甜品都算唔錯既.

同小牛出街,心血來潮想食宵夜...好耐無去過義順了,點左個雙皮奶,凍既,感覺上好以無以前咁好既?都仲好有奶味,但感覺上比以前稀左少少,個"皮"又無咁有層次...20蚊一碗...普普通通而已...(同以前對比,好似差左...)

以前去義順只可以食雙皮奶,點知尋日去食o既時候居然可以食到朱古力味o既燉奶。我覺得整得好滑、朱古力味蓋過奶味。滑滑地好似布丁,又唔太甜,正!下次要試咖啡味。

早排去左旅行後冇心機寫食評，其實期間都食咗唔少嘢值得講下，等我而家慢慢補番之前嘅食評啦！前排約朋友一起去油蔴地新開嘅電腦商場買電腦附件，行完出來向尖沙咀行去，經過義順朋友想食甜品，我已很久沒吃甜品了，所以入去再試吓啦，我見菜牌上有很多新款燉奶，有蜜瓜燉奶、朱古力燉奶、咖啡燉奶等等。朋友要朱古力燉奶，我覺得咖啡味燉奶比較特別、好像同時喝咖啡一般，我從少就不喜歡太甜的甜品，這款咖啡燉奶味道不太甜，很適合我的口味，下次來會試它口味! 現今連傳統的甜品店如義順也需要求變才可開拓新客源及生存下去，不過最受惠就是我們這些食客了。店面經過翻新後不算豪華，但尚算乾淨舒適，所以食完後都坐一陣才結帳。價錢方面大多數糖水店如名店源記都只索價十多元一客燉奶，義順收二十蚊一碗好像稍貴了點，

o係澳洲牛奶公司迫完過嚟食燉奶, 都係覺得義順坐得舒服好多, 又多甜品揀, 上次試o左朱古力味, 今次試咖啡味啦, 好正, 唔太甜, 下次再試其它味先得.

跟同事看完'翻生侏羅館'...好boring!!!找些東西刺激一下...薑汁奶..ok 好味..20元一碗...同事一致認為唔夠薑汁...anyway...坐了40mins 都沒有趕我們離開...抵啦!

今日係冇咩心情之下...去左食甜品...近近地...走左入義順試下...朱古力燉奶...得凍食...好軟好滑...好似飲緊朱古力奶咁...簡單ｄ泥講...俾幾倍價＄泥食佢...不如過格離７仔買包朱奶飲...經濟實惠～又可以試到味～雙皮奶...即係燉奶加層皮...面頭一塊味道如超濃縮牛奶既凝結塊...千萬不要同下邊ｄ燉奶分開食...因為塊野好甜...下邊...唔知點解會１攤２攤水咁...正常現象定係凝結不足...？我唔知...ａnｙwａy...味道還是不錯的...奶味好香...

下午小食..薑汁燉鮮奶$20- 薑汁份量剛好,入口有少許辣,舌頭剛好感受到微馨.燉奶沒有過甜,好滑好滑.....一路食一路"片",吃到底部還是熱熱的. 正!!!雙皮奶$18.50- 喜歡甜一點的可選這個.雙皮奶比燉奶較稀身,一樣地滑,只是口感有些不同.面頭的"雙皮"更是精華所在,吃下有種介乎芝士與乳酪的味道.個人較喜歡前者的薑味~