温野菜 (2000年廣場)

营业中

休息中

食物新鮮，服務員有禮貌，訂咗位，準時入坐。卡位設計，私穏度高。點了鰹魚湯，熊本豚，A5黑毛和牛！野菜五品盛盒！黑松露免治鷄肉！甜品點了雪糕蕨餅！假日用恒生卡結賬飲品都有8折。很滿意的一餐！

喜歡這裡因為食得有私隱，因為坐位都係一個個包箱旳。啱晒喜歡影相嘅我。與尖沙咀店比較，這裡坐得更舒服👍🏻這𥚃的 set 種類很多，隨個人喜好配搭、豬、牛、鷄（當然有和牛、美國牛、黑豚肉，甚至質素亦有平有貴）湯底味道都很多，今次揀咗月見壽喜燒、昆布湯及柚子骨膠原（直得一提很香柚子味，清新開胃）但菜實在太少，所以加了野菜盛合（但真係失望，生菜得3塊，其他的每人一至二條。少得過份）再加了芋絲（一放上枱，5係化？得一住😳）直得一讚係有洞洞的碗，5洗成碗都係湯👍🏻👍🏻另外甜品都很不錯。總括嚟講都係好味嘅😋

一星期前第一次到温野菜午膳！食物也不錯！價錢還合理😝我還即時做了會員，當時有位男士職員他很有善和有禮貌地給我講解！所以今天帶同朋友一起再去。之後當然我的朋友也做了會員，很想讚讚另一位男職員Wallace Wong 👍🏻👍🏻😊他很有禮貌和親切！女子組也很好呢！因不記得上次那位職員的名字！但都要比番個Like你👍🏻😘其實只想講今時今日無論男或女也好，都比較難見到這種有笑容又有禮貌的了！希望你們keep 住！加油！💪🏻💪🏻😘😘

Lunch去銅鑼灣2000年廣場的分店，唔洗等位。其實只係時代廣場隔離，但見d人行曬去食通天搭lift。2000年廣場連lift都少人。上到去幾開心呀，仲有熊本熊! 坐位之間間隔開，privacy好夠! 兩個人點左午餐set A 同B, 用pad自助落單好快，而上菜都係超快。（原本仲擔心店方限左90分鐘會好趕，其實慢慢食一個鐘就夠）Set A係雞肉同豚肉，雞肉好滑呀，點埋個芝麻醬配白飯, 好好食! 定食仲包括飲品同雪糕! （出面好多set lunch都係飲品or甜品，二揀一咋）服務都幾好，主動加水，清走餐具（因為台比較細，而器皿都幾多）。午市抵食，又唔洗等位真的不錯!部長仲響度!（期間限定）午餐份量剛好!好滑的雞肉!

琴日同朋友出左去銅鑼灣行街食野突然間大家都好想打邊爐就去左溫野菜😂雖然有下午茶set但係大家都太肚餓啦🌚所以決定散叫😗叫左藥膳湯底($39)平時都鍾意藥材味既湯底有得揀緊係唔放過😌黎到就放左花椒紅棗金針等愈煲愈入味同埋好暖身•熊本豚肉眼 $48•肉味好濃郁！而且肉身吸收哂藥膳湯既精華非常鮮甜🤗•美國上級牛肋肉 $78•油脂分佈均勻帶有啖啖嚼感而且肉味都濃郁•黑松露免治雞肉 $39•黑松露味超香濃！而且雞肉幼嫰係略厭唔夠咬口平時LCX果間就真係有排等..講真唔值得用咁多時間去排隊所以放假Lunch time經開銅鑼灣食下都ok

星期日飯都未食就同朋友行街買野，行到3點幾終於知肚餓就決定去食溫野菜。除左可以散叫之外仲有套餐叫，不過貪心嘅我地就散叫喇！😂朋友揀左藥膳湯，服務員會係你面前加藥材，包括松子仁、紅棗、杞子等12種，滾左一陣就有淡淡嘅藥材香味，感覺好補身又暖笠笠。😌而我就揀左最鐘意嘅月見壽喜燒湯，甜豉油令我胃口大開。肉類揀左美國上級牛肋肉：肉味較濃同少少肥英國安格斯牛肋肉：肉味相對冇咁濃熊本豚肉眼：薄薄地夠滑身另外仲叫左豆腐魚餅、福袋年糕、金菇同蔬菜。因為唔夠飽所以再追加左黑松露免治雞肉、烏冬同蕎麥麵！比想像中黑松露味道好濃，幾好味道！👍🏻巨峰活乳酸梳打兩個人埋單食左607蚊，lunch黎講係嘅豐富左啲，當慰勞下自己啦😂

溫野菜這個名字給人健康的感覺。我們就是被它的名字吸引，所以決定一試。我們點了兩個湯底： 藥膳湯底和秘傳月見壽喜湯底服務生會把盛有不同藥材的盤子帶到客人面前，然後以調校好的份量放進你的藥膳湯底。藥膳材料包括包括紅棗、龍眼、松子、杞子、花椒等十二種藥材。這個湯鍋的藥材味並不是太濃郁，所以不喜歡藥材湯的人應該能接受。我自己就聽喜歡淡淡的藥材味加上甜甜的，吃了這個他們感覺很滋補，而且身體很溫暖。至於壽喜湯底，感覺比較普通，就如甜豉油湯底一樣。在等待湯底煲滾時，我們叫了一個前菜是明太子青瓜。他其實是把一些明太子醬、沙律醬放在青瓜上。鹹鹹的明太子醬加上青瓜，味道小清新。但如果寫是明太子醬青瓜會更貼切。值得一提的是溫野菜的小心機特製湯碗，它有一層隔湯片，能把多餘的火鍋湯格去，使食物不會變淡。每一個肉類擺放齊整在小木盒，而且有一個小木牌說明是那種肉類。這種presentation使人覺得很整潔。肉類方面我們選擇了熊本豚肉眼: 肉味濃郁丹麥雞胸肉: 肉質鮮嫩、纖維重，富口感佐賀黑毛A5和牛西冷肉質柔軟、油花豐富、漂亮霜降、入口即溶佐賀黑毛A5和牛肉眼脂肪分布均勻，油花豐富，入口即溶

餐廳 主打日本空運牛肉到港。厲害呢~?錯啦！ 價錢更厲害~ 四片A5 級日本和牛，盛惠$148 ！！！可能牛肉經過空運到港，搭車又搭船，解凍之後 失去鮮味，無日本食既咁香牛肉味，不過，口感依然是柔軟可口，肥膏入口即溶，一試難忘呀。 當然，沒有在日本吃到的A5 和牛好吃啦，但係香港黎講，已經好吾錯啦！然而，最值得贊好的是『湯底』，小編點的 鏗魚湯，堅真有鏗魚味 XD，食得出用上等的魚乾熬制成湯底，輕輕的咸魚味，Nice!

一個星期日的brunch去了食日本火鍋，星期日呢到只有供應brunch set，舖入面以熊本熊做主題，被分配到一格格的卡位坐得好舒適，因為brunch set無和牛，所以就單點左一人一個鍋，然後叫左一個雜錦椰菜，兩一碟A5和牛，一碟和牛，一碟豚肉，另外叫左腐竹，芝士狗，豚肉水餃，野食上得快因爲唔多人食，喜壽湯有包一隻蛋，呢個湯配上蛋汁食和牛一流，完全唔洗點任何芝麻醬/柚子醬，一分錢一分貨價錢當然都比較貴，兩個人平均＄350，如果想食靚嘅和牛可以選擇呢間，平日會有Lunch set抵食啲，不過星期日就靜d同貴d

呢間出哂名要預早好多日前卜位，walkin就要排成個鐘，所以3點幾黎食就最好，唔洗排岩哂我呢D即興既人，仲有lunch set，感覺好似平D，佢既藥膳真係無得輸，令人回味無窮。

若要人不知，除非己莫為。哎，被A姐知道我自己一個人去咗溫野菜嘆和牛，嬲嬲豬，梗係要帶佢食温野菜On-Yasai，補返數!!!有朋友仔可能都知道温野菜On-Yasai喺日本已經有超過300間分店，食Shabu Shabu!! 主打食材由日本福岡、鹿兒島、熊本、北海道等地直送，新鮮都震，所以價錢都偏貴。平時ShabuShabu都係一大鍋，呢度係一人一鍋!!! 有八種湯底揀，大部分都係$29。A姐話要靚靚，嗌咗骨膠原柚子塩湯，一嚟就係就係啫喱狀，不過煲一陣就會溶咗，有淡淡嘅柚子清香。而我就叫咗鰹魚湯，嚟到唔覺好特別，裏面有幾條魚乾，滾起就好香，原來嗰啲魚乾係用咗日本傳統「手火山式」嘅煙燻方法，特別香。餐廳名叫「温野菜」，意思係「溫熱的蔬菜」，就梗係要食菜啦!! 我哋叫咗野菜五品盛盒，一次過試五樣嘢，有生菜，旺菜，水菜，啡金菇同甘筍絲，由日本福岡同青森直送，好鮮甜，好似去咗日本咁。出咗名大食嘅我哋，食菜就梗係唔夠啦!! 不過呢度嘅肉，真係好細碟，每碟大概得嗰四塊，勁快食完，所以我哋叫咗好夠碟。佐賀A5黑毛和牛西冷，肉質較實，油脂較少，雖然貴啲，但我哋鐘意鹿兒島和牛肩脊肉多啲。鹿兒島黑毛和牛肩脊

溫野菜出名一人一鍋，食物質素高，同事力贊。咁啱黑雨地鐵一定擠提，所以同附近番工既朋友一齊去試試。我地都不約而同揀左最多人推薦既藥膳鍋無乜特別M9牛同什菜牛真心幾好味由於我地兩個都係大食怪，最終食左500幾蚊都好似唔係好飽咁。加上呢間日式邊爐既火鍋料冇中式咁多選擇，份量又少，建議大食既朋友起碼預餐飯要俾1000蚊先好去食😂😂😂相反，呢間野啱曬細食又鐘意食靚牛既朋友👍🏻

自從有一次食過温野菜之後，吃貨對此念念不忘。念念不忘，念念不忘，念念不忘。可能哥仔都聽煩了。Blue Monday! 今日即興又去食!「唔該要牛同豬set丫，要壽喜燒湯底丫，要蕨餅丫。」吃貨坐下即嚷著。雖然有好多吸引的選擇，但這些都是吃貨暫時不能轉換的must-have items。午餐有Set揀，吃貨揀左有澳洲M9和牛牛肩和熊本豬腩肉的Set ($158)。除了主要的牛/豬/雞之外，每個Set都配有：-塩辛薯仔(伴魷魚沙律醬)-北海道昆布湯 (自選其他+$10起) – 吃貨選了壽喜燒-野菜盛合-竹筒免治雞肉-白飯/烏冬-自選飲品 (鮮果汁加$12) – 吃貨選了蘋果蘆薈蜜-單球雪糕 (自選其他甜品+$8) – 吃貨選了抺茶蕨餅伴雪糕簡單實在的一句，就是每一樣都好吃。餐前菜是塩辛薯仔(伴魷魚沙律醬)(上圖右方)。薯仔腍又粉，吃著有種焗薯的感覺。啱晒澱粉質之友。魷魚味道鮮甜，沙律醬(其實是蛋黃醬加牛油)應該是自家製，配撘不錯。一口氣吃掉2粒真想立即再食一次。壽喜燒湯底上去平平無奇。但是配牛的話絶頂合拍，連醬油也不用點。湯底配有日本蛋。用筷子將蛋拌勻，把剛涮好的牛肉醮一下蛋再放入口… …嗯

經常聽人講溫野菜好好味，而且大排長龍！所以今次好早就黎食，仲唔洗排隊！整體來說，d肉類和菜都好新鮮，好好味！不過份量真係好細好少！就咁睇，好個好多，其實每份得四塊，好薄好薄！要再加單又加單！呢個係最期待的黑毛和牛！百幾蚊，得幾塊超薄！雖然係肥美，不過唔算大驚喜！普通嗰d款性價比會高很多。最值得一提係湯底！柚子骨膠原好清新，仲有對皮膚好！所以我係咁喝個湯！呢個壽喜燒湯底都好正！

男朋友生日飯，身為牛魔王既佢就話要去溫野菜食和牛😊兩人各點一個午市定食，加多份澳洲牛大滿足！壽喜燒湯底令肉汁更鮮甜呢個係溫野菜最高級既牛比較多肥膏鹿兒島黑毛和牛肉質比較平均，爽口澳洲M9和牛 相比頭先兩款肉比較遜色熊本豚 係我打邊爐以來覺得最好食既豬肉😂