渡邊屋

营业中

休息中

去完日本既後遺症，好掛住日本刺身，今日去左位於尖沙咀的「渡邊屋」食Lunch 。餐廳店面不大，裝潢簡潔，以淺木色調為主，搭配柔和燈光，營造出舒適的日式氛圍。吧枱座位可近距離觀看師傅處理食材。影相打卡一流。赤蝦刺身蝦肉新鮮，口感爽彈，帶有自然的甜味。牛油果軟殼蟹卷牛油果嘅creamy質感同軟殼蟹炸得香脆，整體搭配和諧，口感層次豐富，醋飯調味適中，不會過酸。刺身盛盒三文魚｜油甘魚｜真鯛｜甜蝦｜帶子｜海膽魷魚卷｜𩶘魚呢個盛盒真是一個豪華陣容！刺身全部都係厚切，三文魚肥美、油甘魚油香、真鯛清爽、甜蝦甜美、帶子嫩滑、海膽濃郁、魷魚卷嘅彈牙同𩶘魚嘅獨特風味。

早兩日去左渡邊屋慶祝生日，食好一點。先來本鮪壽司盛，裡面有赤身、中拖、大拖、香蔥吞拿魚腩，個人當然最鍾意中拖和大拖，口感細滑。本鮪拖羅海葡萄豪華卷餐牌上無嘅款式，因為佢地幾款時令餐單，而我地揀左佢，一碟六件，份量比我想中多，入口肥美，配上清爽嘅海葡萄，不錯。北海道帶子卷配馬糞海膽帶子厚身爽滑，鮮嫩清甜，配上味道較濃嘅馬糞海膽，味道更豐富。
海膽赤蝦蝦膏迷你丼赤蝦鮮甜，飯粒飽滿濕潤，粒粒都沾滿蛋黃汁，配上海膽與蝦膏，每啖都有綿滑濃稠嘅口感，越食越滿足。神戶和牛他他迷你丼一上枱已相當吸睛，丼飯上有海膽、鵪鶉蛋、魚籽和有大量嘅青蔥、和牛他他口感細膩柔嫩、幾乎入口即化，飯粒吸滿蛋汁、肉汁後微黏帶香。火灸壽司盛合裡面有赤蝦，帶子、三文魚、鰻魚等等，件件都經火灸過，所以香氣十足，赤蝦配上蝦膏真係不得了，三文魚和帶子帶微微焦香，鮮味更出更濃。

跟九龍城對比，尖沙咀店更多位置寬敞很多，近K11附近，很方便本鮪拖羅海葡萄豪華卷外型精緻又討好搭配新鮮海葡萄，帶來微鹹的爆汁口感拖羅本身入口即溶，油香濃郁，魚鮮甜美和海葡萄的脆爽鹹鮮組合，提升了整體層次感北海道帶子卷配馬冀海膽帶子鮮甜細膩，配上海膽後味道更加突出馬糞海膽奶油般的滑順口感海膽赤蝦蝦膏迷你丼鮮甜的海膽與細膩的赤蝦膏真係一試難忘神戶和牛他他迷你丼神戶和牛，肉質細嫩油花分布均勻，入口即化再加上蛋黃一起入口更能提升香滑口感本鮪壽司盛盒大拖羅油潤鮮甜，滿口脂香火灸壽司盛盒款式多樣，有三文魚、油甘魚、帶子、左口魚、赤蝦、鰻魚及原條海鰻不得而不讚賞餐廳火候掌握得恰到好處赤蝦的肉質飽滿，有驚喜

土瓜灣好多人食嘅渡邊屋竟然開咗去尖沙咀，梗係要去試吓，尖沙咀店位置闊落啲，而且仲會多咗湯面類！以後唔使去土瓜灣都可以食到啦！1. 本金槍魚赤身蔥吞拿魚腩丼赤身血酸清爽+魚腩油脂甘香，夾蔥茸山葵雞蛋撈飯，鮮味十足霜燒魚生丼左口魚邊火灸逼出魚油，帶子和三文魚都切得非常厚，醋飯溫度完美平衡炙香～火灸左口魚邊手捲入口即化！魚油滲進溫熱的飯，海苔超脆，口感豐富辣味蔥吞拿魚腩卷辣醬+蔥+山葵+魚腩，辣度喚醒味蕾卻不搶鮮，口感特別，非常推薦

渡邊屋雖然鋪頭細細但乾淨企理 師傅即握壽司有睇頭 🍣 海鹽天婦羅海老壽司 🍤 炸蝦唔油 簡單好食🦐 虎蝦壽司 🦐 蝦肉爽甜 18蚊件性價比唔錯👍 海膽北海道帆立貝手卷 🌊 海膽creamy 帆立貝鮮甜厚切 紫菜要快食免淋😋 火灸左口魚邊手卷 🔥 魚油炙燒後超甘香 入口即溶 醋飯微暖 38蚊抵食💫 自家製鰻魚丼 🍱 鰻魚厚肉 醬汁甜鹹平衡 飯量都幾多🍚 霜燒魚生丼 ❄️ 三文魚+左口魚+帶子 火炙魚油香突出 視覺效果滿分👀 三文魚壽司盛盒 🍣 三文魚夠新鮮 最鍾意魚腩位油脂香👌 整體食材對得住價錢 火灸左口魚邊有驚喜🙇

幾時都話刺身係減肥人士恩物😂On緊diet嘅家姐要同朋友過生日所以就揀咗呢間小店試下～入到去唔多座位 以bar枱形式平時仲可以omakase 今次剩係試佢嘅刺身我地一嚟先嗌咗個刺身拼盤😋師傅就係面前準備全部都好新鮮 特別個海膽好回味見到special menu有呢個生蠔配海葡萄就嗌咗嚟試下嚟到估唔到咁大隻😱調味上加咗醋 酸酸地勁好食！因為望到櫃入面個赤貝好吸引😂所以嗌咗隻試下平時都係刺身拼盤先會食到發覺原來原隻上喺有啲唔同 爽口啲味道又會濃啲Overall食材都好新鮮好滿足！性價比尚可～

就算無去日本都可以留係香港食日本野！今日去左一間位於尖沙咀嘅日本餐廳，點左下面嘅菜式：日本馬糞海膽丼 $298大大份海膽好鮮味😍間八魚刺身 $78刺身盛合 $288刺身都好新鮮，特別推薦真鯛👍軟殼蟹壽司 $38海鹽天婦羅海老壽司 $18軟殼蟹膽天婦羅海老都好香脆可口👍火灸神戶牛手卷 $78灸燒明太子芝味熟蝦壽司 $28灸燒左口魚邊壽司 $18灸燒明太子蟹棒壽司 $15灸燒過嘅都好香👍原條海鰻壽司 $48鰻魚肉都好過份量👍上面套餐奉送前菜，沙律，麵豉湯，白飯，甜品另收加一服務費

今日要試下新開張既高級壽司店🏮渡邊屋。以前食過總店，分店竟然多咗Lunch Set，仲要星期六日都有，價錢不變，感覺好抵食！🪭。Lunch Set 包湯、前菜、沙律、甜品，由$118起。今次叫咗兩款。三文魚子海膽丼Set ($248)呢個組合簡直係完美，鮮上加鮮😍 餐廳嘅三文魚子好新鮮，比坊間一般甜小小，可能因為日本直送關係，粒粒都好飽滿！充分滿足到味蕾嘅刺激感😋 海膽都極新鮮，見住師傅喺成板海膽度新鮮攞出嚟。呢款好Creamy，差唔多係入口即溶。*店員話我聽呢個 set lunch可配蕎麥麵或者烏冬。北海道刺身丼Set ($198)奢華無比既經典組合😂 裡面有章紅、海膽、三文魚子、三文魚、油甘魚。而且每樣魚生都係厚切！港人對三文魚子一向都係情有獨鍾，呢款就可以一次滿足晒你五個願望💙🐟🍚 每款刺身都味道鮮美，尤其係章紅👅🤭 超級推薦🌟🌟🌟 刺身丼真係好吸引但可以且性價比好高！食得又睇得🥰今日嘅甜品係綠茶蕨餅，超級煙靭，啱晒我口味！餐廳坐得舒服，又有專人服侍，服務態度都好好！

身邊總有一個朋友好鐘意食海膽魚生😌今次男友有福啦！🥰🥰唔食生野嘅我都有高質熟食選擇架！呢間餐廳整體感覺不錯👍午市套餐係幾扺食～奉送前菜，沙律，麵豉湯，白飯，甜品日本馬糞海膽丼 $298呢個好抵食！又有飯又有烏冬～重點係海膽份量多！刺身盛合 $288個人試左蝦！推薦的😆好彈牙～ 其他都不錯 柚子檸檬帶子係最fresh~火灸神戶牛手卷 $78大約3成熟的牛 份量唔算多 但油脂重 好濃牛味！軟殼蟹壽司 $38海鹽天婦羅海老壽司 $18灸燒明太子芝味熟蝦壽司 $28灸燒左口魚邊壽司 $18灸燒明太子蟹棒壽司 $15原條海鰻壽司 $48以上熟食壽司每件都好食😋尤其係軟殼蟹同灸燒左口魚😍間八魚刺身 $78加一服務費渡邊屋 (尖沙咀)尖沙咀棉登徑13-15號地舖

朋友帶咗我嚟呢間喺尖沙咀嘅壽司店🍣食午餐🤣$68 松葉蟹肉蟹籽沙律 松葉ガニとカニ子のサラダ Matsuba Crab Meal And Crab Roe Salad：材料包括松葉蟹肉、蟹籽、刨得極幼嘅青瓜絲，撈埋蛋黃醬一齊食，新鮮，清爽🤣$298 特上壽司盛合 特上寿司盛合せ Special Sushi Platter：壽司🍣包括有《三文魚/真鯛/油甘魚/拖羅/左口魚/甜蝦/玉子/海膽/三文魚籽/加洲卷 サーモン、カンパチ、ブリ、トロ、エンガワ、甘えび、玉子、ウニ、イクラ、カリフォルニア巻》🤩，一共12件，全部魚生都新鮮，充滿 umami，尤其係 真鯛、油甘魚、拖羅、左口魚嘅脂肪含量充足非常甘香🤣特上壽司盛合 仲配有 蕎麥麵、沙律、漬牛蒡，簡單好食👍$98 自家製玉子鰻魚丼 うなぎ丼 Homemade Tamago & Eel Bowl：日式玉子甜甜哋，配埋幾厚肉兼肉質軟熟嘅鰻魚，要嚟撈飯食好夾🤣，而鰻魚丼嘅米飯撈咗壽司醋，亦都幾特別🤩；自家製玉子鰻魚丼 包沙律、麵豉湯、漬牛蒡👍午餐仲包甜品，係蕨餅，唔係好甜，幾好味🤣

上個禮拜同朋友去咗尖沙咀渡邊屋食晚飯，呢間舖頭唔算好大，開放式設計，見到食材都好新鮮，師傳即場手握壽司，可以互動🙌🏻而呢次最令我難忘嘅，就係呢道北海道原隻活紫海膽 。見到個碟擺盤，真係要讚下師傅嘅心思。海膽殼內，金黃色嘅海膽肉擺放得整整齊齊，上面鋪滿晶瑩剔透嘅三文魚籽，仲灑上咗一絲絲嘅食用金箔，旁邊襯托住粉嫩嘅小花同成個視覺效果一流，好似一件藝術品咁。海膽嘅綿密同柔軟瞬間佔據味蕾，甜甜哋嘅味道慢慢散開，真係新鮮到不得了。咬落三文魚籽嗰陣，卜卜脆嘅口感為呢道料理增添咗唔少層次，同海膽嘅軟滑形成鮮明對比，每一口都充滿住驚喜。除咗海膽，其他菜式都冇令人失望。中拖羅同大拖羅壽司 ，大拖羅厚切，油花分佈均勻，入口即溶，脂香四溢；中拖羅就相對清爽啲，但都一樣鮮甜，壽司飯嘅醋香同拖羅嘅味道配合得恰到好處。炙燒赤蝦壽司，上面嘅燒蝦膏簡直係靈魂所在，蝦膏炙燒後香氣撲鼻，融化後嘅鹹香滲入蝦肉入面，咬落仲有肉汁爆出嚟，味道香濃到不得了。日本活赤貝刺身，厚身爽脆，充滿住海洋嘅鮮味芥末八爪魚軍艦，嘅芥末味唔會太嗆，八爪魚口感彈牙；蔥粒吞拿魚腩軍艦 蔥香提鮮，魚腩肥美，炙燒左口魚裙邊手卷，手卷外層脆卜卜，裡面嘅左

同朋友慶祝紀念日，特登揀咗我哋最鍾意嘅壽司店🫶🏻平日嚟唔算好多人，有得坐喺bar枱撐枱腳，睇住師傅握壽司🤩聽講餐廳嘅海鮮係每朝五點由日本直運到港，食落真係非常新鮮🙂‍↔️牛油果芝士三文魚卷 ($98)舖頭嘅招牌菜！食落去嘅時候果然冇介紹錯！牛油果同三文魚本身就係一個絕佳嘅配搭，再加上芝士嗰一陣入口即溶嘅感覺，食落去成個卷好Juicy好圓滿嘅感覺！🤤🤤三文魚壽司盛合 ($108)有五款三文魚壽司，包括三文魚、三文魚腩、火炙三文魚、辣味三文魚、三文魚小卷，魚油香非常出，食得出啲三文魚好新鮮，鮮得嚟帶微微甜味！三文魚腩特別驚艷！北海道刺身丼 ($198)入邊有三文魚、吞拿魚、油甘魚、三文魚籽，仲有海膽！超足料！係超豪華組合！每一件魚生都勁厚身勁鮮甜，海膽creamy無苦味！辣味三文魚手卷 ($28)本身都鍾意食辣味三文魚，見到呢度咁啱有，就嗌咗嚟試吓！食落個辣味三文魚感覺就好似唔太辣，不過佢嘅味道適中，最緊要啲飯都用足咗好多醋去搓，食落都好惹味！鰹魚醬油蕎麥麵（冷） ($48)蕎麥麵好彈牙，鰹魚湯汁鹹中帶鮮香，不過入邊冇配料，有啲單調

尖沙咀棉登徑的渡邊屋，是間藏在鬧市的日本壽司專門店，一踏進門就被滿屋的鮮魚香勾住腳步。當晚點的三得利白生啤冰凍得剛好，麥香清爽，配壽司絕妙。特上壽司盛盒裡，魚生切片厚實透亮，入口滿是海洋的清甜，醋飯酸度恰如其分，米粒彈牙。北海道原隻活紫海膽是驚喜，橙黃色的海膽肉綿密柔滑，鮮甜帶點回甘，入口即化的口感讓人一試難忘。松葉蟹肉蟹籽沙律裡，蟹肉纖細清甜，混著爆珠般的蟹籽，配清爽沙律醬很開胃。自家製鰻魚丼的鰻魚烤得焦香，蒲燒醬濃郁不膩，拌著米飯一口下去，幸福感滿溢。軟殼蟹壽司外層酥脆，內裡鮮嫩；灸燒安康魚肝壽司則脂香濃厚，灸烤後的香氣更突出；赤蝦壽司蝦肉彈牙，鮮甜十足。可惜當時吃得太投入，竟忘了給美食拍照，只匆匆拍了幾張餐牌留念。這裡的新鮮食材和用心製作，值得專程再來。

木質裝潢、分別有吧檯，座位圍住吧檯，近距離見到廚師製作料理好正，另一邊就係高身凳，餐廳細心的加咗咕𠱸，坐上去都好舒服。九龍城的渡邊屋經過就未食過，發現在尖沙咀開了分店，在K11附近好就腳，所以就即刻去食。赤蝦海鮮味噌湯先見到赤蝦好大隻，鮮味嘅魚片，令味噌湯更鮮甜，配搭味噌帶出濃郁風味，赤蝦肉質鮮嫩，每一啖湯都飲到廚師嘅心思。北海道帶子卷配馬糞海膽金泊在海膽上閃炩炩，帶子配搭鮮甜嘅馬糞海膽，青瓜片更顯海膽鮮甜味濃。特盛刺身丼這個刺身丼放滿我喜愛嘅海膽、三文魚、吞拿魚、帶子、各款魚生厚切又鮮甜，重有勁正嘅原條海鰻，入口嚐到魚脂香氣溢出，配搭滿滿的米飯，口感軟糯，非常之滿足。牛油果芝士三文魚卷我最鍾意嘅牛油果三文魚卷幾片薄切牛油果鋪喺上面，一啖放入口，感到三文魚嘅鮮、芝士嘅軟、蟹籽、醬汁⋯⋯層次感豐富。

今日同老友去尖沙咀搵食，竟然撞到九龍城之前食過好好食嘅「渡邊屋」壽司專門店，原來喺尖沙咀開咗分店，我哋二話不說，即刻入去開餐。店入面一條長長嘅壽司吧枱，師傅個個都好專注，感覺好正。經理話海鮮由大阪直送，聽到都流口水！即刻叫咗杯三得利白啤，凍冰冰夠晒爽。特上壽司盛盒一定要試，魚生厚切到咬落啖啖肉，入口即溶。北海道原隻活紫海膽真係冇得頂，鮮甜到痹，帶少少海水味，正！松葉蟹肉蟹籽沙律好清新，蟹肉夠多，蟹籽卜卜脆。自家製鰻魚丼個飯淋到入味，鰻魚燒得焦香，汁又唔會太甜。軟殼蟹壽司炸得夠脆，冇油膩感；灸燒安康魚肝壽司夠creamy，灸過之後香氣爆燈。赤蝦壽司啲蝦彈牙到好似會跳，新鮮到冇得輸！總之呢餐食得超滿足，下次一定再嚟，推介畀鍾意新鮮壽司嘅朋友！