清真牛肉館 (龍崗道) (已結業)

此間命名為「清真牛肉館」的餐廳，菜色除了其著名的牛肉包外，絲毫不見得有回教風味，菜色五花百門、雜亂無章，與其名有很大的出入，令人大失所望。此外，其地方窄狹，並疑非法開放樓閣招待客人，客人須爬上窄小的梯間進入，環境惡劣。使用其洗手間時，目睹餐廳占用部份後巷，衛生問題十分嚴重。本人不會再光顧此店。

成個幾月前,同男友專登出去食,去到7點幾la,門口已經好鬼多人,我地攞左飛後,咪係度等囉,點知嗌飛0既阿伯,唔知忙得滯定係思覺失調,d冧把一係就倒轉呢嗌一係就skip一兩個,如果冇留意的話,都唔知等到幾時先有得食.入到去真係好迫呀,不過好食就抵番la,我地叫左兩件牛肉餅,一個咖哩羊飯,一個砂窩津白牛肉餅~~~真係幾多汁,但係除左有呢個感覺,我唔覺得有咩咁好食,好普通囉咖哩羊飯~~~呢個反而係最好食囉,呢咖喱味好香,唔係太辣,同埋d羊肉好諗,好鬼好食呀,值得推介砂窩津白~~~勁大窩,有粉絲,鮮魷,其他唔記得,最吸引係d湯,係奶白色,好好味呀,不過最尾都食唔晒不過如果我再去食,都係想食咖喱,而唔係因為牛肉餅囉

听講間野好好味，好好生意好多人等，雖然系星期六，６點幾唔使等好耐就話有位啦．不過３個人仲有一個未到，個伯伯問５分鐘內到未，擺明系怕我地２個人邊等邊食有排搞啦．做生意我地都明既，都同佢地講再等下一輪ｌｏｒ．好在都不過擾攘左半粒鐘就有得入座啦．ｄ座位好逼啊．個袋無得放食得好唔自在ｌｏｒ．叫左牛肉餅，雞羊咖哩，雞肉餃，雞絲拉皮同牛雙拼．ｄ牛肉餅好熱辣辣啊，唔知系未"辣"親無知覺，唔覺得好好味ｌｏｒ，羊咖哩就好腍好入味，牛雙拼不過不失啦，個拉皮，真系唔多掂．．呢間野真系好好生意ｗｏｒ．一輪輪唔停既．．．．不過真系食得唔舒服ｌｏｒ．．．你都唔好expect傾到咩計．　我地食到７點幾就要閃人．　之後去左土瓜灣間paris cafe 吹水hae到成１１點先走人

最近因為在黃家沙叫過牛肉餅, 一路食就一路諗起食牛肉餅點可以唔黎依度試於是尋日終於一嚐聞名己久既清真牛肉館雖然落住大雨, 但估唔到星期六既三點幾去到都依然咁多人, 一入去就俾個阿姐喝問有幾多位, 四個人搭枱坐低後就點左牛肉餅X4 + 咖喱羊/牛腩飯麵各一牛肉餅好快就黎左, 果然如其他食評一樣熱辣多汁, 比之前在黃家沙食既好味好多咖喱羊/牛腩夠淋, 羊腩有少少羊羶味, 好鬼合我口味, 始終羊肉要有少少羶先叫正咖喱同湯麵或者飯其實係分開上既, 所以食咖喱前都食左幾啖d麵先. 感覺d麵淋左d, 但個湯應該係牛肉湯, 都幾夠味, 不過好似我朋友咁講, 食咖喱其實要撈飯先至係皇道一食完就即刻有人收碟抺枱趕你走, 想話避多陣雨都唔得, 不過算數, 反正會過埋隔離合成食糖水, 到時先慢慢坐

想食得開心,就要下午先去呀!唔洗點等位嘛!牛肉餅多汁,如果想外賣,WAITER教你點保持原汁原味,不過都係堂食好味D.

7點去到,等左一陣就有位,入面好爆,仲要好迫,行出行入都有困難,我哋2人同另外2對人搭枱,都覺迫,跟住仲要坐多1對人,迫死!牛肉餅真係得,肉汁滿瀉,每張枱都一人一件,果然名不虛傳,另外就叫左咖哩羊同醉雞,咖哩都幾辣,不過我覺得D羊肉"SO"左D,醉雕就麻麻,肉唔滑,又冇味,酒味唔入味.友人話酸辣湯都好唔錯,我眼見好多人都叫,但係實在坐得好唔舒服,所以下次有機會少人D先試啦!

原本剩系想食牛肉餅,但又好似太過寒酸,所以叫多碗牛腩湯麵.牛肉餅真係好正,熱辣辣,餅皮有少少脆同埋隆隆地.牛肉汁超多超農,一咬即刻爆出尼,勁!強烈推介!! 牛腩湯麵D牛腩超林,切成一舊舊咁,賣相不佳,但食落亦相當好,湯底亦系牛肉味清湯,正!系牛肉餅外另一不錯的選擇.

有晚特登拉朋友陪我去試, 不過就有少少失望. 2個人叫了2 件牛肉餅, 一個咖哩羊腩飯, 同埋一個麻醬雞絲麵. 麵先來, 第一啖覺得好香, 麻醬夠濃, 幾好味, 不過食多幾啖就開始覺得漿住喉嚨, 想飲茶; 咖哩羊腩飯, 咖哩幾辣, 我就覺得幾好, 不過朋友就唔欣賞, 話味太濃?! 至於大家讚好的牛肉餅, 的確係熱辣辣, 仲有好濃好濃的牛肉味, 不過唔知點解我同朋友都唔喜歡它味道太濃, 所以唔會再為牛肉餅而來, 不過我都仲有興趣試羊肉春卷的.呢晚伙計的態度又唔錯喎.

依間野，真係歷史悠久，入到黎，梗係牛肉餅la，指定動作，唔係黎做mud？咁多年，都係咁好味，重係會熱到"辣利"。再黎就梗係架厘羊腩飯，味道重係咁正，羊腩重係咁"林"，係處樣樣重好似時光停頓一樣，咁美好！但外面，九龍城無左飛機聲，香港無左...........突然望住碟飯，有d傷感！

店舖雖小，但牛肉餅真的非常好食！

牛肉包好正~~ ~好多汁~不過貴左小小~我未諗過試其他~因為其他唔似好味~haha^^

住0左10 幾年九龍城, 記憶中只係幫襯過3-4 次, 皆因呢間食館實在非常好生意, 經常都無位座.幫襯清真牛肉館真係唔可以唔食牛肉餅, serve 0個時熱辣辣的, 肉汁又多, 一唔小心咬穿0左+ 食得急, 好易灼傷嘴唇呢! 雖然幾油膩, 不過真係好好食.另外推介蜜餞軟雞, 唔知d 雞肉係隻雞邊個部位, 食落口同雞脾肉一樣好腍好滑, 好好食! 咖喱羊腩都唔錯, 好腍, 但我本身唔太食得辣, 所以唔comment 太多喇.我之所以話老闆有生意頭腦, 係因為:1) 食物好食2) 座位全部都係大檯, 要搭檯; 加上坐0既全部都你無椅背0既凳仔, 坐得唔舒服, 咁就避免有食客食飽仲要慢慢坐唔走, 變相就可以做多幾單生意喇.Overall comment... 值得幫襯0既一間餐廳. =)

7月2日,13:30趁有事到東九龍，便到此人氣食店，當時座無虛席，幸好門口小桌可搭檯，但門口位時冷時熱，極不好受。要了牛肉餅和油豆腐粉絲湯。細油豆腐粉絲湯：好袖珍，但足料，內有：筍絲、鮮冬菇、大白菜、小白菜、牛肉絲、粉絲、炸菜和油豆腐。能喝這各式鮮味配料混在一起的湯，真的很滿足。牛肉餅：看似油膩，但原來是很乾身，肉餅味濃，醬汁豐富，但個人覺得略為咸，蓋過了牛肉的鮮味。服務一般，由入座至清碟，仍未送來清茶，臨離開時忍不住再提醒伯伯，才喝到那香氣撲鼻的香片茶。結賬時，收錢員(事頭婆??)多謝冇句，今時今日小見。

琴晚有事要到九龍城行一轉想起好耐無食過牛肉餅專登行過黎食叫左牛肉餅兩件,咖喱羊腩飯加雞絲拉皮牛肉餅比上次食更加多汁好味熱辣辣個皮好脆口又唔油食完一個好有衝動食第二個雞絲拉皮亦即係粉皮青瓜新鮮爽脆雞絲份量亦唔少加埋香濃既麻醬幾好味同檯搭檯既一家都有叫雞絲麻醬撈麵咖喱羊腩係第一次食點知真係比想像中好一入口好淋一d都唔黐牙瘦既部份都唔un薯仔亦好入味好好食咖喱汁又夠濃香不過一上檯就一大層紅油o係面都俾佢嚇親但原來唔係好辣架咋服務幾好不時多謝前多謝後服務比上次黎更好有進步

入黎呢度唔食牛肉餅？咁入黎做乜，走吧啦～～哈哈～～佢個牛肉餅真係誇啦啦～多汁，新鮮～美味～抵食～～正到秘～佢個咖哩牛腩都幾好食，不過就要幾食得辣先得啦，皆因佢真係好多辣椒粉....幾勁下。。。成日迫我係佢度叫埋野飲＞＿＜”