清真牛肉館 (龍崗道) (已結業)

上兩個星期五晚都在這裏醫肚, 點了:-牛肉餅兩件–一咬爆汁, 好香好濃牛肉味, 皮做得薄, 煎得香, 啖啖肉.咖喱羊腩加一碗飯–好好味, 全都是有肥膏既腩肉, 做得好淋滑好香, 咖喱味很濃亦很辣, 食到渾身是汗.麻油雞- 雞肉嫩滑, 沙彊味重, 是一道不能錯過既冷盤.汽水一罐.埋單一百二十八, 物有所值.最後一提大家最好唔上樓上坐, 因上樓上前要經過一條很斜既梯, 一不小心就會跌倒, 穿裙女士們更一定走光, 請留意.

公事行經九龍城，清真牛肉餅曾紅得發紫，趁冷靜期無乜人，試試是否真的好味得會飛。3點，人不多，叫了tea set牛肉餅加牛腩湯，搭牛腩湯純屬好奇，但味道又不錯，清而濃的肉湯，清不是指清湯，簡單直接的味道，八角及牛的味，反應在深啡的湯上，面頭薄薄的一層油，用來保溫乎？牛腩，勉強叫炆得淋，牛味十足，除此無甚驚喜。牛肉餅，若果要食薄如小籠包的皮，是妄想，因為滿滿的鮮濃肉汁定會將之辣穿，這裡的皮可以話厚但煙奀，不錯，琢碎的牛肉餡，鮮。總算見識過，說真的，好味，價值在其豐富的肉汁，此外並無驚喜，因為兒時食不少比這肉餅更好味的牛肉餅．．．．．．

尋晚收工後, 想吃得簡單而滿足, 當然非BOWL FOOD莫屬.叫了:雞絲麻醬拌面X2: 賣相吸引, 醬多料多, 花生味憹, 但還是覺得吃過”牛絲麻醬拌面”較野味, 肉味憹啲.清炒津白: 一般, 够大碟要試晒所有拌面先

寒氣迫人的星期六重訪幾年都未黎過既清真牛肉館兩點幾唔駛等位坐定先叫牛肉餅*3呢個招牌貨好食得黎真係好難掌握慢慢食d汁就係下面漏走晒一啖咬落去佢又爆汁都唔知點好結果都係彈到周圍都係…真係要自己練習下咖喱雞粉絲湯唔算好辣喎其實送飯幾好齋飲幾啖都ok雞肉就麻麻粉絲亦都應該要多d水煮牛肉麵好大碗好辣食到流晒鼻水兩個人總共要叫汽水三罐食野又多汁又辣又流鼻水真係用好多紙巾好唔環保下次仲應該要借俾搭檯既叔叔佢唔抹嘴之餘仲流鼻水…好驚雖然係非戰之罪但係人迫迫先攪到咁得人驚衛生都係要扣分!!!

我今晚去食....um,都唔錯~~牛肉餅係差唔多每次必叫的食物...即是例牌~haha今次食,我覺得麻油雞好好好...食，d雞夠滑,係冷盤來的~真係唔錯，我覺得驚喜比牛肉餅大...我地今次好夜去，所以地方好大...成間鋪得10人到..不過要小心留意呀，清真無豬食ga~haha小心鬧出笑話來...

星期六晚四人來試,不知點什麼好,點了咖哩羊及牛肉餅,再來一份蔥油餅,我不吃牛,朋友同大食妹話唔覺得好好食,而且有點滯,羊肉好霖,咖喱一般,係個蔥油餅好食d,比朋友娥死!唯有再去添樂園試0下煲仔飯啦!

今日同男友一齊放假，心知呢間食店生意好，peak hour一定冇位，所以揀下午三、四點o黎，唔洗等位嘛。要了一個咖喱羊、蔥油餅和牛肉餅，咖喱羊腩好正，又香又霖，又不會太羶﹗不過遇著當時好多人order外賣，攪到個蒽油餅成三個字之後先o黎，d羊都凍喇﹗牛肉餅當然又係多汁好味啦﹗

另一樣外賣係牛肉餅不過因為隔左成半個鐘先食即使翻叮左先食但味道始終唔同D皮唔再熱同煙韌餡雖然仍然係咁足但已經無冇爆汁既感覺所以都係堂食好味d

今日係度order 左個牛肉餅外賣，隔左大約十分鐘後先開始食，雖然凍左少少，但係一咬入去，餅裏的肉汁幾乎係噴出黎，個餡餅的厚度恰到好處，配合埋不多不少的牛肉餡，整體上好好味！

尋日外賣左個牛肉餅，隔左大約15分鐘後先食，一咬落去，d肉汁多到幾乎真係想噴出黎，餡餅的厚度恰到好處，加上份量不多不少的牛肉，整體上好好食，就算唔係算一整起即刻食，味道都好好，相信堂食會更加正~

約左一班波友出來食飯吹水好唔好彩黎左呢間服務水準咁低的食肆五個人叫了個四人套餐再加多個咖哩羊再叫了兩客薄餅送汁添食物質素就普普通通價錢都ok但d阿姐態度就好有問題我地成班可能坐了太耐d阿姐就開始發癲係咁問我地重有冇野order一陣又成日係我地張收野最後連原本坐係的筷子餐牌同牙簽筒都收埋之後重係我地身邊大大聲咁話果班友麻鬼煩阻住人地食飯嘩使唔使咁呀話哂我地都係客冇我地你地鬼飯開咩成間舖又唔係得我地一張你班大嬸使唔使好似大爺咁呀成個九龍城又唔係得你一間舖要食好野都唔一定要去你地度

同班舊同學出來食飯，友人提議試試呢間清真，咁既然自己未試過，加上已經有同學去等位(星期六特別多人)，當然舉腳贊成。怎料到埗後，明明在電話中告訴我們已入座的朋友，卻無奈地站在店門外，話因為三分鐘前有幾家人入店用饍，於是老闆見只得我朋友一人，於是將朋友趕了出來，話要等我們齊人才讓我們入座....xyz結果我們足足等多二十分鐘至可以等其它人離座後搭枱。所謂服務就當然欠奉啦...問有乜好介紹，居然答了句：「你鐘意食乜，未做乜囉」....xyz。最後我們點了，牛肉餅、葱油餅、冷麵、粉皮同咖喱羊肉同雲吞雞。牛肉餅是最好的了，多汁同夠味。葱油餅同咖喱羊肉只是一般貨色。雲吞雞，湯少但雲吞多...六個人是唔夠飲的。冷麵同粉皮....可能是我食咁耐冷麵同粉皮之中最差的一次，冷麵咁覺好像是意大利粉雪凍食..咁o既服務同價錢....

上次工作原因行過呢度,同事話d牛肉餅好好食就入去試下.但一點菜,老闆話牛肉餅賣哂,結果叫0左牛肉煎餃,另外叫0左咖哩羊肉同半隻滑雞.牛肉煎餃好食,但我諗牛肉餅會更好食,因為d餅更可以鎖住d肉汁...諗起都覺多汁好味...羊肉咖哩好好食,少少羶但咁先好食!而且煮到好入味,正!隻雞都好滑好嫩好新鮮,同事的確冇介紹錯呢~

中秋日在九龍城行街後也要「掃街」，在合成見到有清真牛肉外賣袋，立即想再食牛肉餅，但其實當時己很飽，所以叫了兩個牛肉餅外賣。真係好好味呀，燙口的牛肉湯，一點都不油膩，連對煎包有點抗拒都喜歡。加上餡料鮮味，不會老就更好﹗我們已約了下次再來試試咖哩羊喇﹗

星期五晚同家姐來,六時半左右已經要等位, 幸好好快就已經有位,一坐下即叫牛肉餅,咖喱牛腩和蔥油餅,牛肉餅今次有些不同,皮薄又脆口了,本人覺得今次比較好食.不過一挾起即流汁,見隔離都是這樣,相信是皮薄了的原因.第一次食咖喱牛腩,辣度剛好,牛腩夠淋,蔥油餅等了很久,熱辣辣用來點咖喱汁是一流的.兩人食得飽飽都是$84