清真牛肉館 (龍崗道) (已結業)

今日女友難得放假，過嚟揾小弟食lunch。女友好掛住呢度嘅牛肉餅，就去食吓...午飯時間，人多到滿瀉。嗱嗱聲先叫兩件牛肉餅...餅面煎得微焦，汁及肉餡仍然夠多，依然係獨步武林...再例牌叫咖喱牛腩配葱油餅。以往佢哋牛腩嘅水準時好時壞。今日食到嘅就係靚嘢嘞，夠軟熟入味，配合淰淰嘅薯仔及香濃嘅咖喱汁，無得彈....叫多個油豆腐粉絲湯，普普通通，冇乜特別...今日食到嘅(特別係牛腩)確實超水準...下次唔知有冇咁好彩呢?

剛聽到要來這兒，還在想不知是怎麼樣的清真菜，原來是上海菜館。畢竟中國到處都有回教徒，甚麼菜式都有機會。點了咖哩羊飯，再與友人分一碟牛肉餅（$18兩塊）。始終是上海菜館，咖哩汁不辣，但太一般。羊肉夠羶味，也蠻嫩。牛肉餅看似不便宜，但多汁有肉香，值得一試。

8月15号夜晚,放工後應好友C小姐建議專程去試牛肉餅,由於自己本身唔係太熟路所以成8點先到不過由於當時太多人及有人等緊位,所以决定先到許留山食糖水先之後再去,現場眼見多數都係塔抬及比較迫,所以最終係外買出咗對面公園到食,兩個人兩個牛肉餅,個牛肉汁係多但係外皮唔夠乾同脆牛肉餡係一般,朋友果個總要係煎憹咗添.18蚊兩個以價輪貨,感覺唔係太值,除非C小姐要求再去否則應該都未必有下次.

牛肉餅除左多汁, 我真係唔覺得有咩咁特別.第一碟好明顯係番煎的, 第二碟就熱辣辣喇.要睇下你好唔好彩.葱油餅本身好夠味, 但佢同咖喱都唔夾, 唔明點解要兩樣一齊叫. 咖喱都係送白飯, 或者naan bread好d. 個咖喱牛腩好食得黎但無乜特別. 仲叫左個牛肉三拼, 牛筋+牛展+牛肚. 唔係幾掂. 又油又凍. 牛展食落有d皮蛋味. 另外, 勸你唔好坐收銀個女人附近. 因為佢專鍾意聽人講野. 萬一你對佢地既食物有小小意見, 佢會作出"解釋", 但d語氣呢, 就好似大大聲鬧番你轉頭咁! 總結係: 唔會再去.

行過見倒好多人等位...諗住走,點知佢即刻話有位,唔駛等~但係一入到去真係好迫好迫...迫到我想走,一坐底又話一陣比餐牌我, 等o左好耐...成台其他人都嗌曬野食我地都未有餐牌!!個個掛住傾計叫極都唔認人,跟住好大聲叫番話比餐牌我o個個人,佢就即刻問我"食咩呀?"我心諗...我餐牌都未有呀...但我依然好有禮貌咁問番佢"你又話比餐牌我o既?"到d 野食黎...大家食野都撞黎撞去,要等隔黎o個個食完一啖, 我先可以烏底頭食一啖!d牛肉餅好難咬開...除o左多汁都冇乜特別~咖哩羊...okay 啦而佢d 麵實在太難食喇!!!!!!!!!一夾就斷,個湯底又冇味!!!!!!最後野都未食曬就走人!

唻過兩次，都覺得好好食！第一次唻食牛肉餅，超好味，D汁仲整到一檯都係，幾尷尬幾唔好意思，好彩整唔到女朋友仔條裙，否則好食極都補唔返，大家小心小心！第二次唻直情餐前餐後夾攻牛肉餅，今次學識慢慢食，仲冇浪費D汁添。食過好味既有酸辣湯、咖哩羊腩、麻油雞等，但三絲粉皮既三絲同埋湯餃就相比之下遜色左少少...咁好食梗要繼續！（但D位真係幾迫...）

呢間既牛肉餅真係好好味，食過一定要再去食…皮薄…又夠多肉汁…仲要即叫即做…正呀…如果怕人多…不防tea time去…無咁多人…而且一樣都有牛肉餅食…仲有小食tim…

最少買2個...不過都食得曬..個咪唔特別...不過係超多汁同好脆..我食到d汁搞到個menu污糟曬

去了兩次清真館,發覺了一樣東西,牛肉餅就像薯條一般,要吃剛弄好的,再煮的也不行!同叫一味牛肉餅,感覺不一!有一次是很熱很熱,剛弄好,牛肉有鮮味、肉汁沸騰,水準之作!有一次是反煎牛肉餅,差天共地!!!

今日係星期三, 大約6:30到, 唔使等位, 都叫做full的叫左兩個正到暈既牛肉餅($18)一碟curry牛腩飯($31), 一碟有兩份既蔥油餅($18)curry牛腩飯越食越辣, 都叫左兩罐coke($16)但佢果隻辣唔係食到咳果隻我唔鍾意食辣既都接受到兩個人$83蚊埋單, 其實兩個人叫半碟, 即一份既蔥油餅就夠了~~btw, 我勁鍾意食牛的但最尾差唔多食完, 都想走架喇個阿姐好主動咁走過黎咁我叫佢pack野, 其實係有一家四口入緊黎個感覺都幾趕客走的XD阿姐話已經有半年冇開個閣樓俾人了

周末要找地方吃午飯, 想起一直也未有機會來這裡, 便拉朋友一道來試試.十二時多, 店子已幾乎坐滿, 還好兩個人搭檯不用等位. 還未坐得安穩, 阿姐已在旁邊問, 要不要牛肉餅. 見我們有些迷惘, 她便解釋牛肉餅製作需時, 怕客人等太久, 所以甫坐下便會替客人落單. 我們就先點了一客, 再慢慢看餐牌.記得有不少人推介咖哩羊腩, 就來一個. 羊腩有適量的肥膏, 吃下去不但更軟腍, 也夠膻勁, 嗜羊的友人吃得津津有味. 咖哩汁雖不算很特別, 但也頗香辣. 本點了一客蔥油餅伴咖哩來吃, 蔥油餅本身味道不賴, 但我們吃了一塊之後, 不約而同覺得蔥油餅跟咖哩汁有點格格不入, 於是追加一客白飯來撈咖哩汁, 非常滿足.至於姍姍來遲的牛肉餅, 熱辣辣, 餅皮薄, 汁液豐富, 但不覺很肥膩. 再多人讚都只是一個牛肉餅, 無謂有不合理的期望, 我自己是覺得滿意的.對店裡其他菜式也有興趣, 有機會再來. 價錢不算便宜, 希望能夠維持到水準啦.

所指既技巧，不單是製作上既技巧，更是食既技巧。外帶清真牛肉餅2 件。一開，大鑊...其中一個個邊見到有個小窟窿，但因為放個角度o岩o岩好（再加上舟車烤頓攞得好）所以無漏汁；另外一個，未攞起已經見到裏面既汁o係度「浪o下浪o下」（極皮薄餡靚），心知「不妙」。先拿一號餅。儘管拼命啜都難逃肉汁浸透一整張麥記（出名吸油）既紙巾。再拿二號餅。儘管比之前更搏命啜，都仍難逃肉汁浸透一整張麥記紙巾既厄運。註：呢種清真牛肉餅，無論製法抑或食法，都係得呢度...甚至係得香港先有。

我見人人都話好味, 所以前天去左吃，約六時到達，同朋友三人同行，一坐下叫左個牛肉餅三件，一個麻油雞、一個酸辣湯麵，一個麻醬三絲冷麵。朋友一咬下去, 就說很失望，牛肉餅不新鮮, 不是即做的，似反煎保熱那種，沒有想像中咁好味。酸辣湯麵，分量很大碗~ 夠三人吃，麵質麻麻地, 湯味道冇上海菜館咁好味, 材料不夠。麻油雞好味，凍食的，分量不多，肉質滑，不過件件都很少肉。麻醬三絲冷麵好味，凍食的，分量很大碗~夠三人吃，醬汁少了一點，再多的會好D,麵質很煙UN~ 環境: 光猛整齊乾淨價錢: 便宜

個咖哩羊腩好味到不得了，本來已叫了一個擔擔面和蔥油餅配咖喱，但男朋友真的一點都不放過，再叫一個白飯，清碟﹗我o地仲見到林文龍同郭藹盈o黎食添﹗

專誠去外買兩個牛肉餅試一試，收錢女士有禮多謝$19 ，等5分鐘完成。返回車上打開膠盒，見熱辣辣牛肉餅盒底有張油紙墊底，值得一讚，細心為客安全衛生。牛肉餅外觀滿分，食落皮薄餡多、肉汁多、新鮮，的確有特色，好味道，值得推介。