添好運點心專門店

营业中

休息中

之前在旺角店連等位的機會也沒有, 得知中環開了分店, 特意在放大假的日子到訪。因為已過了2點午飯時間, 故不是太多人輪侯, 但也位無虛席, 約等了15分鐘才有位。幸好我們3位被安排坐在長枱末端, 沒有太擠迫的感覺, 反觀坐在枱中間的食客, 都覺得他們吃得不太自在點心很快送上, 每碟都熱辣辣, 讚!酥皮焗叉燒包-皮脆包軟, 餡多冇肥肉, 但略嫌醬汁偏甜杞子桂花糕-陣陣桂花香味, 感覺清新免治牛肉腸-皮滑但不夠薄,牛肉餡混有芫茜香, 唯覺豉油不夠味鮮蝦燒賣-賣相與店內照片不符, 食唔到有蝦, 無乜特別蝦餃-皮唔算薄但勝在唔黏牙, 蝦夠爽口彈牙, 好過好多酒樓既出品咸水角-炸到漲卜卜, 皮脆煙韌, 餡料豐富, 我最喜歡這個鳳爪排骨飯-本來點了糯米雞, 但因售罄無緣享用, 以這個補上, 隻鳳爪幾入味, 其他一般般以這價錢來計食到如此水準的點心, 尚算低食, 感覺師傅用心製作, 值得支持! 唯一要彈的是要與其他人共用一壺普洱茶(我唔鍾意飲普洱), 還要收每位$3茶錢, 扣分

香港是個創造奇積的地方，單是飲食業，就有講不完的傳奇故事，加上近年電子媒体的推動，更做就了不少憑双手努力創出彩虹的故事，這篇食評的主角就是其中一個例子。添好運的老細麥桂培本是六星級四季酒店龍景軒的點心部主管，數年前毅然放棄星級職位，在旺角開設點心專門店添好運，瞬即一炮而紅，更連續兩年摘了米芝蓮的一星，不但為自己打出一遍天，更做就了點心專門店的熱潮。短短數年，已開了三間店，從旺角至深水埗，最近更渡港而至港島中區机鐵站，在 CBD 插旗。為了做好机鐵站新店，麥桂培特別請來澳門永利酒店永利軒點心總廚林仕培入股中環分店，兩位叫阿培的星級師傅，共同努力，造就了題目所指的雙「培」落力，「好運」南來的美事。這天週末，早上才 11:00 ，專程到此店一試，店外已大排長龍，使往常靜靜的地庫商場變得一片熱鬧。等侯的人客雖多，但店子流轉很快，登記的阿姐又十分專業，一眼關七，登記時已交點心紙讓客人看，待入座前就落單，坐下不久即叫即做的點心己可上枱，從登記至入座至點心上枱不夠 25 分鐘，加上商場夠開揚舒適，完全沒有「久侯苦等」的感覺，值得一讚店內環境亦算乾淨企理，坐位主要是數張長枱，食客是搭枱式的坐，店子的一

奄尖老公平時最唔鍾意要等又坐得唔舒服嘅食店，今次佢話好想試吓，就同媽媽一齊去，星期日兩點到中環IFC新店，諗住實好多人有排等，要等20個冧把，等咗30分鐘左右就有，等待中已選好食物，坐低就有得食。茶水，調味料同鄰桌共用，叫咗蝦餃，排骨蒸飯，古法糯米雞，蝦腸，蘿蔔糕，同粉果。蝦餃餡OK，但係一夾皮就爛，唔合格，香港仔周記好好多。蒸飯幾好味，但我都係比較鍾意周記香D乾身D。糯米雞好好食，勁多料，媽媽話以前D糯米雞真係咁多料，好入味。腸粉好滑，蝦好爽。蘿蔔糕好足料，好多蘿蔔絲，調味足。粉果最後先嚟，但係等值得，好惹味！整體嚟講都唔錯，價錢合理，只係座得唔舒服，食完就走。

彈丸之地的香港, 其實處處充滿傳奇~就好像米芝蓮一出後, 這家小小的、平平無其的點心專門店就彈出, 連我美國朋友都拿著地址叫我帶他去試食~而我們先前去的旺角總店, 只可以用'插針都插唔入'來形容。 話說某日下午5時空檔期間我們到達點心店, 非常好運的不用等5分鐘已有位置坐, 但5張枱拍埋成一行, 10個位置, 中間的人行出行入都要搬開桌椅, 真是'無啖安樂茶飯食'啊~而且地方狹窄, 只容納得下2個樓面阿姐, 見到她們真係做到得閒死唔得閒病, 而收銀阿姐就似足粵語長片裡的包租婆, 成副好'興'好惡既樣 無可否認, 酥皮焗叉燒包真的做得很出色, 雖然我個人不愛吃叉燒酥, 都覺得師傅做得好味, 且其餘點心都是水準之上, 價錢又算便宜, 但一想到吃餐飯都要咁辛苦, 好似軍訓咁, 就真係沒心情再來第二次~幸好, 老闆新開的IFC地庫分店, 餐桌位置明顯有所改善, 於是某個星期六的中午, 明知一定人山人海, 也要帶外國朋友來一嚐平靚正的香港點心~雖然我們要等超過30個號碼, 但來這裡的食客, 似乎真是只來吃點心, 食完就走, 連歎杯茶、吹吓水的時間都省略, 所以不用20分鐘, 就翻枱一次, 真是

是日早餐唔夠，於是去左添好運買dim sum 試，自己一直想試添好運，但行唔開果頭，後來中環開左，以為有機會去試，始終冇時間行過去，今次終於有機會啦我要左一籠蝦餃一籠燒賣，外賣的，但d呀姐做野唔得lol，眼見得自己果d已經得左，但呀姐又唔do others 果d，不斷do買好多果d(最後等左20分鐘先有上到去食，蝦餃皮厚度適中，d蝦好大隻，好鮮味，雖然等左好耐，但仲熱既燒賣同樣d蝦好靚，唔會好大粒，d肉爽的果然米芝蓮冇俾錯，質素好!不過服務要改善。會再試既

This is another branch of a Michelin one star Dim Sum restaurant/fast food in Mongkok.Every dish's price is in teens. Hard to find such bargain in Central. Except that you need to wait/ or shop a while before you have a seat.Many dishes are in good quality. (Can refer to the photos in other Chinese reveiws.) The best if you go in party of 3 because most dishes have 3 pieces. There is English translation for every item. All dim sum are freshly cooked at the time of ordering.1. Baked barbequ

只吃過旺角店...這次就嚐一下中環店如何這裡好處是...不像旺角那邊等位等極久一直欣賞添好運...是愛它的原創性...獨特性可惜...這次要讓我失望了沒有如以往般推出特色蒸餃...少了賣點那就簡單一點...選平常也會選的晶瑩鮮蝦餃 $22黃沙豬潤腸 $20雜菜蝦春卷 $18美味鮑汁鳳爪 $25煎釀虎皮尖椒 $14煎臘味蘿蔔糕 $14酥皮焗叉燒包 $18蝦餃比很多店來得要好...不錯這店的豬潤腸粉一向是我的最愛...中環店卻未如旺角店般出色少了鮮甜味...味道雜了一點蝦春卷...用料足...飽滿度夠鮑汁鳳爪只有普通鮑汁味道...缺乏鳳爪應有的原味虎皮尖椒相信大眾是滿意的...魚肉鮮尖椒嫩蘿蔔糕向來質素好...配那個黑黑的辣椒醬很棒中環店也是差了幾分...蘿蔔多但頗鬆散...煎得略油最為人鍾愛的酥皮焗叉燒包...當然是必點項目以往這包每次都點...但早早已吃膩...吸引力不再更有感大量製作下技術退步了...沒開店時那麼精彩可是...這次中環店扳回一城讓我重新愛上它...外皮鬆化香脆...內裡盡是肉汁...確是鎮店之寶整體感覺不能原地踏步...保持原有水準之餘...更要進步多花心思創新...

摘了星的添好運, 對我來說是一個我一定不會去食野的地方, 一來怕熱(特別是mk那一間,又會有工作人員的朋友打尖), 二來, 又成日俾人調來調去, 吃飯都想食得安安樂樂, 三來, 怕等成幾個鐘, 似乎為了食那幾個點心所花的時間太多了, 不太值得. 所以一直都沒有食過. 不過現在好了, 中環有添好運, 看其他食評的食家也不是等很久便有位, 所以今晚放工就一於來排下隊, 會一會出名的添好運吧!!是夜來到時, 已有10多人在店外等位, 前面約要等15張枱, 我見個wait list 等位的大多是2-3位的, 嘻嘻. 咁即係話有好多人拿了籌但走左喇~~ yeah!!! 應該唔使等好耐wor~~ 因為沒有到過其他分店, 所以不能比較. 但眼見大部分人都是斯文人, 沒有出現打尖情況, 只是拿籌時混亂了一點. 環觀四周環境, 只見店內的空間都用得幾盡, 中間有幾張12-14人的橫枱, 人流被2人2人地面對面入坐, 隔離就是陌生人, 大家手臂踫手臂, 好不親密哦~~ 店的近邊位則是一些幾人枱, 有2人的, 有4人的, 在等的時間, 真希望有幸能坐2人枱呀!!!!!! 可能上天真是給我的誠意打動了, 我

聞名添好運已久。今天看到Openrice.com裏介紹了香港站新開的分店，決定一試。是日星期天，太太，女兒（9歲）和我下午5時抵達。店前無人排隊，裏面也沒滿，尚有2、3個空桌。 但接下來卻是我在香港這麽多年裏遇到最差服務態度的遭遇！我們前面2位顧客被安排擠進一個長桌中間的位子。聽到顧客不滿的投訴時，待應說“我地鞋甘ka！”。接下來把我們安排到一個4人桌（2張二人桌並合），看到女兒後即刻拿了張小圓凳，叫我們3個擠在一角，轉口說這張桌子要分開，只讓我們用一半！那太離譜了，餐廳是點心店，不是占一角就可以用食的快餐店！3人如何能夠在這麽小的一角用餐呢？表示不滿後再把我們搬到中間長桌的位子，女兒和太太坐我對面，我身旁爲其他顧客。當待應上我身旁顧客的點心時，那小小的空間根本不夠用，要把食物端放在女兒前面，“吃過”她一半的空間！這時真是忍無可忍，只好起身放棄。沒走之前還向收銀處部長反映，但結果還是要棄走！在香港繁忙時間吃飯，每人都要“搭台”， 是一件平常事。但我從來沒遇過在非繁忙時間和大把空桌之下還要忍受這種待遇。不管餐廳的名氣多大，食物多好吃，這種服務態度絕對不能接受！而這分店還是在中環香港站，不

今日終於去左試添好運，之前有諗過去試MK個間，但每次都好多人排隊所以每次都放棄XD～今次去中環以間都係好多人，都係需要排隊排十張臺左右～其實都好快姐～十分鐘左右就OK入去前D呀姐已經比左紙比我地點野食～非常有效率，入到去一陣D野就上～今次叫左糯米雞很普通的一隻糯米雞，但都算幾大隻～入面的料不差＠＠～D肉真係食得的，也不見到好多肥膏，算抵食]燒賣以個真喺普通到唔普通。。。我以前飲茶食個D都好過佢佢D肉唔算好鮮，而且口感也不怎麼好因為D料例如個D東菇ETC切得比較大粒]蝦餃唔知有D咩特別，就好普通個D蝦餃，不值得一提腐皮蝦卷都算香脆，但入面D蝦唔夠鮮所以不怎好吃叉燒包以個係咁多樣野黎講最好食嘅，外面D皮好香脆有淡淡的甜味。但入面不值得一提。。。因為好多間入面都做得好過佢好多OVERALL，唔係真係其他人講到咁好，如果你要我再黎排多一次黎食，我係唔會黎GE～因為太多更好的選擇

十月二十六日 (星期三)此地經過港鐵公司一輪的努力,總算做得有點起色著名食店如板長,天下立食紛紛在此開業其中較觸目之一當然少不了米芝蓮掛帥的添好運還記得它未摘星前,我們已曾拜訪旺角本店現在做得更加有聲有色,添好運之名相信無人不曉旺角和深水埗店更先後摘星今回落戶香港站,港島區市民有食神了午市時間,老公仔打聽到是水泄不通的我遠在金鐘,從沒奢望可以在午膳時間可以吃到!就趁是晚做完運動,來此拜會來到時約八時,點九點關門的但仍要等位,頓時有點徬徨幸好不消十五分鐘,數枱食客離場我們更有幸佔了個獨立二人桌剛做完運動,真的很餓毫不留情的點了多款點心很肚餓,飯先到最好不過只知牛肉味豐腴,入口彈牙飯粒亦做得晶瑩(從來都討厭軟飯)加上甜度得宜的豉油作配既能飽肚,亦可滿足~酥皮焗义燒包是這裡旳名物差不多每位食客的預設款式一枱一碟,絕不誇張即叫即有,不要誤會,只是貨如輪轉,不斷焗製還是供不應求的亦因如此,不斷有新鮮熱辣的酥皮义燒包出爐入口,只覺脆皮既鬆化又熱烘烘的叉燒餡料甜度適中,與酥皮是頗匹配的外表已十分精緻,摺皮分明,蝦肉清晰易見全蝦肉餡料,不油不膩嬌小的身型,一啖一口蝦肉鮮嫩爽滑,入口彈牙,真是美不勝收實

放工立即去食新開的添好運點心專門店, 因為早的關係不用排好長隊。排排坐之後立即填紙仔, 點了酥皮焗叉燒包、腸粉、蝦餃、蘿蔔膏、牛肉、燒賣、桂花膏酥皮焗叉燒包:名不虛傳，　是我吃過最好食的叉燒包，　外脆內軟　叉燒用新鮮的叉燒，加上多汁，　酥皮脆吾易散，　細細個好吸引。蝦餃：正常水準, 跟酒樓差不多, 相中應有4隻, 偷食了先影, SORRY!! 蝦餃皮薄, 肉嫩, 好食!! YUMMY牛肉、燒賣: 　跟蝦餃一樣， 一個字＂正＂　腸粉:吾太滑，　一般，　但價錢便宜搭救蘿蔔膏：　普通，　冇料，　得味精味桂花膏：　與執左既ＲＩＴＺ　ＣＡＲＬＴＯＮ酒樓的桂花膏可以一較高下，　同樣晶瑩剔透，　有桂花香，　又有杞子肉；　質地吾太林，　又靚，　繼叉燒包後，　桂花膏是第２最愛

我第二次幫襯中環 <添好運點心專門店>！好奇怪！我兩次幫襯，都可以同搭枱或隔離枱三唔識七嘅女食客傾一餐！ 睇嚟我嘅人緣都 OK！ 就算自己食，起碼無咁悶！食完講 Bye-bye! 今次，放工嚟飲糖水！ 當時只有大約 10 枱客，唔使等位真好！甜品款式確實不多！試試聽起來較為健康嘅一款！南瓜杏汁西米露 $16等上大約 10 分鐘，真係即叫即做！一上枱仍然熱到出哂煙！ 幾辣口！南瓜味幾清甜！杏仁磨碎，食到些少杏仁碎，亦散發一陣杏仁味！不錯！ 西米發得夠大粒，不過好腍！ 整體一般！質感未及預期滑！可能被杏仁碎拖垮！看來添好運嘅甜品要添美味才好食！

I have always wanted to try THW, but the one at MK has a long queue and I don’t fancy going to the other branch in SSP.Thankfully one has opened in Central.The location is brilliant because it is located on the lower level of the Airport express.People who have just arrived or leaving HK can dine there for Michelin class dimsum.Not only that, you are sheltered from the sun, heat, heavy rain or cold encountered at the long queues in MK.I was slightly disappointed because they did not have crispy

相信大家都知道添好運老闆培哥曾經在中環四季酒店龍景軒當點心部主管, 後來自立門戶, 在旺角區開創了添好運點心專門店, 不足一年便摘下米芝蓮一星, 之後再下一城, 在深水埗區開設分店, 開業半年同樣獲米芝蓮選為一星食肆; 現在來到了香港的金融核心區中環, 開設了第三間店, 而且就在四季酒店旁邊, 不知培哥可有衣帛還鄉的感覺.是日和友人相約午餐, 12:10PM 到達餐廳, 門口已經擠滿了人, 拿了號碼牌, 大概要等20張檯, 等了剛剛三十分鍾, 可以入座了; 幸好在等位期間已經選好了點心, 入座同時把點心紙交到廚房, 不消片刻便能開飯了.先上是鹹水角, 外皮真的很煙韌, 但有點超過了... 餡料做得十分不俗, 能吃到濃濃的臘味香味, 假如外皮能改進一點點, 會是超好吃的.坊間少有在賣的沙爹牛肉餃子, 一上檯便暗嘆了一聲, 和想像的是兩回事, 一心以為會吃到煎餃子, 但原來是個人不太喜歡的炸餃子... 既來之, 則安之, 照吃可也; 炸皮是炸得超過了, 火喉可以再掌握得更好一些, 餡料有點像山竹牛肉, 沙爹味十分微弱, 頗為失望...蝦餃是我喜歡的一口份量, 外型漂亮, 摺皮清楚分明, 有