添好運點心專門店

营业中

休息中

Poor service at IFC 添好運 2012-04-07 23:06168.70.x.x只可雙數人數入座，單數便不停在等!!! 今時今日不應是這樣的服務態度!!!Our family is of 3 and I arrived only 5 mins later than the other 2, still, the captain did not allow nor allocate a table for us since 7:00 pm and we were No. 8 in the waiting list. Wait and wait, she only allocated 2 persons table, for those odd number reservations, she just asked us to wait and wait. Finally we saw a 4-person table, she insisted to allocate 2 families: ours (3) and one couple. One of our

添好運點心專門店由做過六星級四季酒店龍景軒點心部主管o既麥桂培創立,佢先o係旺角開設點心專門店,創業唔夠一年就獲得米芝蓮評為一星級食肆,之後再o係深水埗開分店,亦都獲得米芝蓮一星級榮譽,成為全球最廉宜o既星級食府添好運點心專門店o既成功,令到市面上有一股點心專門店o既熱潮中環分店位於港鐵香港站,開左唔夠半年,曾於2011年11月獲得 OpenRice 每月好評餐廳十強,中環分店係添好運點心專門店三間舖之中評分最高港鐵香港站有好多間食肆,只有呢間點心專門店成日都排晒長龍我地o個晚去完竹源越南餐廳食完越式套餐後, 8pm 前黎到添好運,拎左籌等大約十分鐘就可以入坐位於甲級寫字樓商場o既中環分店,食物價錢係會貴o的,每樣點心大約貴兩,三蚊 雖然價錢貴過另外兩間位於九龍o既分店,不過相對中環區o既其他食肆,呢間點心專門店o既收費絕對有競爭力呢間點心店免收加一服務費,不過大家要搭枱坐佢地只供應普洱茶,每位茶錢 $3,茶壺放o係枱上,大家自行添飲 豉油、喼汁、辣椒油及辣椒醬多款調味料都係由客人自行添加早前o係網站買左 coupon,一張 coupon 可以用$60 買價值$120 添好運點心專門店

原本寫了一篇很仔細的，不過唔知點解交唔到...所有唔花時間，summarize下d重點。豬潤腸: 皮唔夠薄唔夠滑，豬潤唔香蝦餃: 皮算薄，蝦多但不鮮甜，也不是十分爽口叉燒包: 樣子討好，皮脆，但唔知點解我果碟包入面得少少汁同無咩料...服務: d侍應做到燥晒底，d語氣有d差....中環食府我不是預期這種服務，雖然佢價錢相宜...之前去旺角的店，味道和服務還好一些....以這中環店的質素(特別是服務)，值得米芝蓮推介??

本來之前黎過幾次堂食都無問題, 今次第一次買外賣就中招啦.首先自己填好點心紙排隊俾錢, 個收錢阿姐態度已經好差架啦.之後終於拎得,我無望接左就走.行多兩行覺我個豉汁排骨個盒竟然係打直放,D汁流哂出黎,成個袋勁油.我知你要快,都唔係就咁放哂入個袋到就算丫

本人一向都比較少為食嘢而排隊，但收到女朋友指令要同佢媽咪响潻好運食點心，所以一早去等位，同預期一樣，離遠已經見到好多人(包括本地人同遊客)等緊，門口嘅侍應都好有禮貌。食物選擇方面都算有好多款，我哋叫咗酥皮焗叉燒包、糯米雞、蝦腸、潮州粉果......等點心。最令我滿意嘅可以話係隻糯米雞，好有咬口，好好食。酥皮焗叉燒包亦唔係浪得虛名，果然有料到。以呢個質素，我覺得佢哋嘅價錢係好唔合理地咁平！絕對值得推介

今日放工唔知食乜好, 唸起 IFC 開左添好運咪去試下, 開頭唔知係邊, 要問保安先搵到; 我們一行兩人, 唔使等位, 但有少少唔開心就係個帶位丫姐問我人齊未, 我話齊, 佢仲要望, 要我指明邊個先比位, 大佬咩事先, 食件點心o者!我們叫了酥皮焗叉燒包(my 飛佛), 一貫保持到水準, 正! 鮑汁雞腳略炎唔夠淋, 但D汁都好味; 豬潤腸, 正; 值得一推的是馬拉糕, 真係好鬆, 好熱, 好好味, 一件唔夠喉, 可以的要求糕邊, 真係太監騎馬, 正! 相反當晚的糯米雞就唔多掂, 好似未熱得晒咁, 好硬, 但味道ok.隔離枱有4位藉人事(俗稱鬼佬), 我估應該遊客, 可能佢以為酥皮焗叉燒包係一個個咁點, 所以每人叫左3客, 成枱都係, 場面何其壯觀, 最終要包走, 如果我知我就會提提佢地.下次放假走去試埋ssp個間先.

2011年最後一日，要食盡佢!!!一起身就走去中環IFC...見到門口已經好多人啦! 成日聽人講添好運好好味~所以一直好多去試~我地今次兩個人帶左4個胃...食左...鳳爪排骨飯: d飯好軟身, 而且好大兜~抵食!蝦餃: d蝦肉都幾爽~燒賣: 一般~無咩特別鮑汁蒸鳳爪: 依個係我覺得最好食~因為鳳爪超大隻, 啖啖肉, 有別於酒樓個d~我覺得黎到一定要食!馬拉糕: 好香~好鬆軟~~好好味!酥皮焗叉燒包: 熱辣辣~焗得好好~個酥皮同平時食個d叉燒餐包又係唔同既~我鍾意依一種。牛肉餃: 炸物，我就比較鍾意食平時個d蒸牛肉多d啦~ 叉燒腸: 腸粉都幾滑~~食完之後發現添好運真係勁有水準!!而且開放式廚房令人有一種放心的感覺。(因為覺得廚房入面好乾淨)餐廳環境: 以為係酒樓形式, 點知原來好似D茶餐廳咁~不過雖然環境迫左少少...但食物質素OK我都還可以接受!如果有機會一定再食過~

15/3/2012話說係平日3:30PM, 剛好去了中環MTR, 我又未食lunch, 想起添好運。以為平日呢個時間唔多人, 點知都係等, 我一個人, 等9個號碼, 不過又唔算等太耐。攞位時, "門口"侍應已經比"點心紙", 剔咗先比你入去 (我見有D人叫到佢號碼時, 未剔食物, 侍應都叫佢剔咗先安排位置比佢)我一個人, 自然係搭枱啦, 搭著3個女士。食物：燒賣：一般啦, 因為其中有1嚿D豬肉好肥, 食唔到。蝦腸：睇相都見到D蝦啦, 好大隻, 都叫多咖, 彈牙。粉皮唔會太厚。好食。春卷：其實我真係唔應該叫呢個, 一來我一個人, 係食唔哂的, 二來, 唔特別。一碟6件, 都叫抵食, 內有蝦, 都叫大隻, 不過春卷就油咗D囉。食物都幾好, 上菜好快, 坐位唔可以話好好坐, 不過總好過其他分店, 起碼等位唔洗日曬雨淋。不過有一樣我自己唔多like, 就係明明人人都係比$3茶錢, 但我一個人係唔可以擁有一個茶壺。我地4個一枱(我一個人, 搭其他3個人)分得一個茶壺, 好似有D小家囉。

平日或者假日的下午通常都要等至少30分鐘先可入座，反而晚上有時唔駛等位就可以入座。以中環黃金地段來說，添好運既掛住米芝蓮的名涵，但價錢都係十幾二十蚊一碟，可謂十分超值，因此要等同坐得勁逼都可以接受。點心紙可以一早可以係等位既時候填定，節省時間黃沙豬膶腸 - 皮整得又薄又滑，水準很高酥皮叉燒包 - 得獎之作，當然是必食推介，新鮮焗起外面甜脆，入面的叉燒很足料，但我覺得有點過咸，食左一個已經好飽釀尖椒 - 一向都中意食煎釀三寶，平時食既都係青椒，轉了尖椒多份微辣既味道，較為特別少少煎蛋肉餅飯 - 肉餅不會死實, 反而幾鬆軟,加埋煎蛋, 好味, 不過用膠碗盛著, 好似少了種盅頭飯既風味桂花糕 - 不過不失, 但一夾就散, 普遍

之前已經等過一次，但等太耐就走了，今次終於等了35分鐘。坐下後不久第一個點心就到，因為佢重急過你。波鑼义燒飽，名不虛傳，暖暖的飽，皮脆，义燒唔會太多醬，味道剛剛好。跟住蝦餃，體績較一般酒樓的細，皮薄，不過蝦就無吔鮮味。如果講蝦餃，我都係比較喜歡上環的桃X源，不過當然價錢就貴一陪。再來鳳爪，鹵水汁幾好味，也不會太多醬汁，但稍為瘦一點，不過唔夠熱。又來牛肉腸粉，又係唔夠熱，重差D揾唔到牛肉，鼓油又無吔味，體績也細小。蒜味春卷算是較好的點心，幾香蒜味，皮又夠脆，份量也足。最後甜品係桂花榚，比較甜，但夠香。服務不是很好，也不是很差，但隣座的客人其中一位遲到就成日被伙記問。六個點心加兩位茶 $121 埋單。總結係抵食，例如蝦餃 $22，比中環酒樓平一半，但非特別好食。

11:45am到已有好多人，只用紙登記時一同派點心紙，號碼燈箱未開始啟動，我們以為還未開始叫號入座，誰知隔了一會聽見門口的知客叫號碼才知燈箱是不會運作的，她又不用咪，取登記紙時又沒有提示，如不時站在門口死等是會miss table的，難怪門口時常圍著一大團人啦，安排入座失敗！大概等了20分鐘左右有檯並即時收回點心紙，不到一分鐘便有點心到，名副其實是快餐而且食物不是太熱！蝦餃 – 細細粒，皮薄，味道尚可燒賣 – 多肥肉，瘦肉部份有渣，肥瘦肉不拌勻鮑汁鳳爪 – 難食，鳳爪唔入味，個汁有苦味，何況食唔出係鮑汁黃沙豬潤腸 – 皮唔夠滑，豬潤切到好碎而且好少，唔合格炸春卷 – 炸得香脆不油膩，合格釀尖椒 – 都算大隻，但魚肉有骨，扣分蒸排骨 – 味道不錯，但切得實在太碎太少，好似蒸骨粒，失敗糯米雞 – 隻糯米雞蒸到好淋，個餡差不多都係肉片沒有雞而且醬汁太咸义燒餐飽 – 個皮還可以，但個汁都係偏咸因另一友人遲了入坐，知客見到即時責備，話如果知道我們唔齊人就早知唔比位我們，嘥咗佢地一個位，仲周圍同啲傳點心嘅阿姐講，她們即時比咗鄙視既眼光我們，其實友人只是遲了八分鐘，但都唔需要用依種態度呀！之後我們食

知道添好運在香港站開了分店好幾個月，但直到這日才有機會去試試。這店的座位雖然都是逼和要搭枱，但比起旺角店已算很好坐。點了招牌酥皮焗叉燒餐包，新鮮熱辣，叉燒和汁甜美，好吃。(4.5/5)這日特別想吃叉燒（哈哈），又點了一碟叉燒腸。皮滑、有米醬香，叉燒肉質也好吃，算很不錯。但還是不及渡船角那家腸粉專門店的出品好吃。(4/5)燒賣肉質鮮甜，質感好吃。(4/5)最後再來個馬拉糕做甜品。這個馬拉糕很鬆軟熱辣辣，很濃黑糖香，好好吃。(4.5/5)吃得滿意的簡單晚餐。看來以後我會多點來這分店，尤其在夏天，因為這店等位在室內有冷氣，不用日灑雨淋在馬路邊等位。

今日途經IFC 當然要試吓我一直都好想試o既添好運 加上我驚今晚餐飯唔夠飽 所以嚟打咗底先 我哋嚟到已經幾多人 結果等咗廿五分鐘先入到 入面其實都幾細 大概容納到四十人 而且好窄 未到我哋已經要落定單 一坐底冇耐就有得食 首先係腸粉 d皮好薄 d蝦都幾大隻 不消一會就畀我哋搞掂 之後釀青椒 普普通通 然後最出名的叉燒包 我個人好鍾意食叉燒包 根本上每次去茶樓都會食 坦白說我覺得這裏並不是好出色 可能我太鍾意佢嗰皮 好似波蘿包咁 一點心個叉燒包較出色 而且個包比較細 兩啖就食哂 最後係亦都好出名蘿蔔糕 臘味好香 軟硬適中 果然好味 整體來說也不錯 有時間等位的人值得一試

春節時想吃添好運的蘿蔔糕，到想起要買的時候已經賣光光，一直耿耿於懷。剛巧有點事要往國金商場一趟，回程時去到港鐵站，忽然記起好像有家添好運，一於走下去看看。這當然也是預計之中了，雖然旁邊那幾家食肆也未至於門庭冷落，但這邊的情況確是誇張！好在還未到晚飯時間，拿了籌還不用等太久。沒辦法啦這裡的店鋪都是開放式的，始終給外面的睽睽眾目盯著自己吃東西感覺有點渾身不自在。那麼人人都是搭檯的啦，茗茶每位 $3，茶壺就放在桌上，大家自行添飲。一場來到也不用想那麼多，即來煎臘味蘿蔔糕 ($14)一客三件，糕身鬆軟，不過又未到「削」的地步；蘿蔔絲頗多，厚身而且香甜，臘腸粒和蝦米切得大顆，挺香口的。只是後來舌頭感覺到有一點點下了味精的那種怪怪的感覺。之後來的西洋菜雞肉餃 ($18)也是有三隻，澄麵皮頗為黏和軟，所以其中一隻在企圖夾起來的時候已經穿了，內餡菜多肉少，本來是幾健康的，不過餡料下油較多（但是吃點心從來都不是求健康的啦，算了）。總算圓了吃蘿蔔糕的心願，本來還想試那個什麼桑寄生茶的，但已太飽，兼受店外此時已達至洶湧 的群眾壓力影響，吃完即刻快閃！

We heard about this place and wanted to try their famous Char Siu pork bun. We went there at 3:30 pm for afternoon tea. The place was full and we had to wait 30 minutes for a shared table. Their Michelin star really attracts many customers.The Char Ciu pork bun was crispy and nice. The shrimp dumplings were good. Service was just normal but considering the number of guests it's understandable. Would definately try again.