添仔蝦餃

粉嶺聯和墟有好多美色店舖，我覺得添仔蝦餃的店舖很出色，店舖位於聯和墟街市頂層，食物款式非常傳統和新鮮。我曾食過很多店舖的豉油王炒麵，基本上的配料也只是九菜，芽菜，紅蘿白絲。但這間店舖除了用蘿蔔絲，椰菜外，還加入了蝦米。令普通的豉油王炒麵演變成獨特的豉油王炒麵。這味道明天便會消失了，因為添仔蝦餃即將結業。好可惜。。。。。。…查看更多

童年回憶嘆茶早期應該係冬菇亭，接住的是街市熟食中心，這對我比較熟悉，後期嘆茶有各大酒家，熟食中心當然比不上酒家美輪美奐裝修，卻有一份熟悉嘅味道，就是回憶味道，坐下來嘆住一盅兩件總愛說著以前…🥢添仔蝦餃添仔蝦餃皮厚了一點，蝦仁爽口味道還不錯。🥢干蒸牛肉點看都似山竹牛肉就是沒有炸腐竹在底，牛肉鬆軟都有牛味。🥢鮮竹卷餡料是一舊魚同肉膠味道一般。🥢鳳爪排骨飯必食排骨入味可口，重點在飯底粒粒香軟企身所謂蝦仔飯就是這種，滿嘴角都充滿著飯香滋味的滿足。😋👏👏🥢普洱茶葉有茶香👍…查看更多

街坊價平靚正街市點心🫖🥩叉燒腸粉超足料入面好多叉燒肉粒，肉粒仲係半肥瘦唔會乾柴，個腸粉樣好軟滑，亦唔會太厚成口粉咁，呢到半自助形式，甜OR咸吮豉油可以自己任加。🦀蟹子燒賣王雖然冇好似大酒樓咁有大大隻蝦係面頭搶FO，但係呢籠燒賣都好好食，豬肉餡入面係有溝埋D蝦肉粒，個樣又夠薄，面頭有蟹子，啖啖肉。🐡芋頭綿花雞入面既滑雞肉真係好滑好嫩，個芋頭好大舊好粉，D魚肚大大片索晒D湯汁，個腐皮好夠淋。🫔鮮竹卷豬肉餡食到有D馬蹄粒，好爽甜，同成條肉一齊食冇咁油膩感，而且唔會太咸，仲好夠飽🥘排骨砵仔飯呢個價錢黎講D排骨真係好多，又唔會冇雪藏味醃得好好，個砵仔飯D飯好好食，粒粒分明就好似食緊煲仔飯咁好有口感，淋上豉油好惹味。…查看更多

真心.點心質素一般.唔係話樣樣都好味.但就好傳統.好細個去酒樓點心味道.黎食下細個回憶味道都好正.環境方面真係一般.始終街市位.姐姐態度好好.可能做熟客位.疫情期間都2人一枱先睇menu都係抵食.唔貴⭐️⭐️⭐️值得食點心：⭐️⭐️⭐️馬拉糕⭐️超大舊，又夠厚實！食到細個手工整味道.而唔係機械整味道.好值得一食鮮蝦腸⭐️蝦好大大笠 ‼️都係$23超抵食又好味.腐竹糖水 8蚊無野好投訴！因為只係8蚊.腐竹好足料.牛肉球好夠牛.蒸完都見到牛肉量多.唔會死實既麵粉.總結🤣當然有好有一般.無可能每樣麵好味.但黎食下懷念下舊時舊或酒樓味道就好值得推薦.其他一般就唔特別介紹😂…查看更多

行過粉嶺想醫肚，行到熟食中心。見到呢檔有盅頭飯食就試下。叫左個最標準既鳳爪排骨飯，飯底夠香，鳳爪入味，排骨入口唔會肥，都係賣23蚊，想食d正氣野，又要經濟，呢度係唔錯既選擇。…查看更多

午餐時走去聯和墟熟食中心3樓嘅添仔食lunch，發覺員工們經常用手觸摸口罩，尤其是處理外賣嘅肥哥哥，如果佢中招，全部食客都賴嘢，其他伙記都唔好得幾多，執完堂食客人嘅餐具之後又去傳菜俾客😖😖😖…查看更多

聯和墟熟食中心，係我去過咁多個之中，枱凳擺得比較疏落，所以無咁大壓迫感。聽講話政府為咗減少行政成本，已經唔再起熟食中心了。喺呢個大地產商同領展霸權橫行嘅年代，我哋仲有幾多平民食堂可以揀呢？遲啲街外清一色中高價餐廳，屋企又太細唔方便煮嘢食，諗起都驚驚哋。添仔蝦餃嘅點心當然比連鎖酒樓經濟，一盅兩件$50落樓。蝦餃算有彈性同蝦味，以價錢計無得投訴。仲有一啲特色腸粉，如蘿蔔絲酥餅腸，係少見嘅選擇。蒸飯啱啲細食人士，雞肉偏淡，如果再多啲味道會更好。…查看更多

星期日的早上，約了相識十多年的好朋友，她們與我居住一街之隔。逛逛一會兒，到了聯和墟新街市三樓的熟食中心，一上電梯轉右，見到熱氣騰騰，一籠籠的點心。我們被這陣煙霧和香氣吸引坐下。這裏的環境雖不是十分理想，但周圍的氣氛和熱鬧的人聲，好像回到兒時與爺爺飲茶的情景。我們點了這裏最著名的蝦餃，這裏的蝦餃與一般的酒樓水準相約，但價錢當然平了三份一。而這裏的义燒腸，簡直是我至愛，义燒裏充滿肉汁，而腸粉的皮非常煙韌可口，配上豉油醬汁，簡直是中國傳統人間美食。還有它的鳳爪，若配一碗白飯就perfect! 我們三人，吃了六點點心，只是 $122 埋單，以這個介錢，是超值!…查看更多

之前聽人講話聯和墟添仔蝦餃好出名，嘻嘻！但我住粉嶺都唔知呢度d蝦餃出名，今日有機會嚟試下啦！去到差唔多中午12點，正正係食飯時候，其實呢個市政大樓上面嘅食肆，都係做普羅大眾生意，好多公公婆婆上嚟搵食，佢地多數係食盅頭飯！因為d點心都唔算好平，中價啦！但勝在茶錢平又唔洗加一，好過去大茶樓。不過，呢個時候d人多數叫飯，所以叫點心嘅我哋，就等呀、等呀、等......等咗十幾分鐘，終於有第一碟嘢食到！蘿蔔絲春卷我仲以為呢d地方做春卷會係以前茶樓果種，無諗過佢係網卷。雖然唔係傳統春卷皮，但都有驚喜，入面全部都係蘿蔔絲，係有少少油咗d，但個味啱啱好，少少鹹調返蘿蔔個甜味。蔥花蝦米腸腸粉即叫即做，皮厚薄適中，加埋蔥花同蝦米點綴，清淡中又食得蔥花同蝦米嘅香。唔錯！係差咗個豉油，唔係粥舖果種甜豉油，只係放喺枱面果樽生抽。招牌蝦餃皇今日個主角出場嘞！好大粒嘅蝦餃，皮夠薄夠晶瑩剔透，睇到入面全部都係蝦，咬落去d蝦爽口彈牙，有少少筍絲，好似唔係好夠蝦味，不過25蚊4大粒都真係抵食嘅!薑蔥牛柏葉呢個有返傳統點心既味道!潮洲粉果我麻麻地呢個粉果，因為個皮好厚，佢有d似係7仔買果隻，但又唔夠7個果隻咁夠味。黑椒大腸我每次見到呢個點心都一定要食，好多人怕大腸污糟，有朋友同我講試過食到"果種味"！好彩~我未試過。但呢個名為黑椒大腸係無乜黑椒味，只係似平時食鳳爪果種味，不過不失。…查看更多

有識途老馬帶路, 帶我嚟呢度食好西, 我起初以為係平平無奇嘅, 飲茶食點心又有幾特別, 原來係我有眼不識泰山喔, 原來食過就知好正。雜燴炒河! 係呀係什會炒好呀! 我大大話話都有十幾年冇食過呢種雜燴炒河, 因為呢種炒可粉係用豬雜和魷魚炒嘅, 喺80年代係好普通嘅嘢食, But 家下唔係好多餐廳或者酒樓有做, 呢碟河粉炒得勁夠鑊氣! 個芡汁又煮得好好味, 啲豬什又香口又夠味道又爽口, 真係好好食。我哋仲叫埋小小點心嚟食, 我覺得點心冇話乜嘢特別之處, 唯獨是蝦餃真係最好食, 蝦餃啲蝦係爽口彈牙嘅, 蝦餃皮又煙靭 very good。…查看更多

2017.05.03 😊曾聽長輩說 飲茶是一鋪癮🍵當你習慣了每天上茶樓 就會界不掉想必大家也不只是為了一杯茶 一件點心吧唔多唔少是為了人情😉小時候每逢假日跟會跟上爸媽上酒樓飲茶而爺爺則會到街市上的茶檔我都覺得好污糟但長大後 會喜歡這裡的感覺拉著另一半往這種舊式茶檔食返一盅兩味尋找小時候的回憶洗茶杯 準備開餐茗茶2蚊位牆上貼著菜單還記得添仔的舊鋪是在food court的角落處我都跑了3轉 每次都失望而歸 看似關門了原來佢搬到正正在入口處旁邊 哈哈發雞盲行第3轉終於睇到了😅小店以樸實為主 牆上貼著點心菜單價錢都是街坊價 茗茶每位2蚊 十分經濟招牌蝦餃皇 $24黎得添仔 當然唔少得試佢的王牌#蝦餃🦐果然無令我失望 望落去皮好似有啲厚但原來食落係岩岩好 唔會有過厚的口感而且亦蝦肉很足料 相當彈牙棉花雞 $19老實說 這裡的棉花雞的確有啲喜出望外我好耐無食過一間茶樓有咁足料👏魚肚厚實彈牙 吸收曬雞的肉汁精華 正裡面包裹著爽口的蘿蔔絲蘿蔔絲春卷 $16懷舊春花炸腸 $18原本我一心黎食蘿蔔絲春卷腸🥕點知同行話想食炸腸 咁就分開兩度點心嗌啦這裡的春卷跟平時很不一樣 是包裹著蘿蔔絲是度心思菜 外面炸到微微金黃夾著溫熱的蘿蔔絲 外脆內爽 必試推介😋而小店的腸粉都會長長的一條整整齊齊的排成一行 好可愛炸兩是腸粉包裹著油炸鬼而成外層的腸粉很滑 唯炸兩有點過老下次都係嗌返我最愛的蘿蔔絲春卷腸吧我會再返黎嫁 等我呀~😂添仔蝦餃 💌粉嶺聯和墟街市2樓food court 12及19號鋪…查看更多

20160916--是日與家人到聯和墟熟食中心，選擇了吃添仔蝦餃，印象中以前也到此用餐。二人點了:蝦餃($23)--皮有點厚，蝦肉爽口，但沒有鮮味，以前也吃過添仔蝦餃，每次腦海總想不出值得別人推介的原因，名過其實。燒賣($17)--傳統的豬肉燒賣，用上八成以上的瘦肉，味道普通不過。鳳爪排骨飯--用舊式的蒸盤，有點懷舊味道，排骨鮮味，有2隻鳳爪，米飯蒸得乾身，好吃的。四寶雞扎($19)--包起上來大大件，雞肉、魚肚，用上芋頭做材料，吃得飽肚。在熟食中心用餐，已放棄了座位的舒適，食物談不上好吃，價錢說不上便宜，吃蝦餃還是到有保證的酒樓出品較好。…查看更多

比較遲出，因太提不起勁聽聞此處蝦餃不錯，專程走來一試時間較遲，差不多落場時間，幸好蝦餃尚有，新鮮出爐可能期望有點高，賣相可以，但一夾下，粉皮黏度甚高，黏著筷子，從相中可見。很易皮破內涵可以，但咬口不足，只有蝦。好的蝦餃需有少量竹筍提升口感、鮮甜以及清爽感覺街市檔賣19,20蚊，只能說不值失望下，再試一試腸粉，只得牛肉腸。仿效高檔酒家賣相，單拖出場不過，粉皮還是不濟，完全不是好腸粉應有的滑，皮又不薄失望的經歷。…查看更多

但看看下面晶瑩的蝦餃~其實在北區也有出色的飲茶好地方呢~~大蝦餃用上爽口蝦子~而且蝦餃的皮才是海倫的最愛!!最怕那種糊糊爛爛的蝦餃皮...而這個就乾爽有彈性喔!!而海倫另一最愛就是鵪鶉蛋燒賣~鵪鶉蛋是真的很香呢~而燒賣裏的豬肉也不算肥~合起來就是好吃~~而這個砵仔飯,應該算是鎮店之寶吧?其實不管是甚麼配料,那飯就是甘香鬆軟~所以多飽都要點一個!!而海倫一向都不吃扣肉的~但這肉真的吃起來一點都不肥膩!不過不失,沒驚喜也沒失望~這是沒甚麼大驚喜的煎蘿蔔糕~海倫對蘿蔔糕的唯一要求是:不要太多粉...真的從未見過那麼長的腸粉呢!!!不過腸粉皮也真的很滑很好吃~值得一試喔!!而作為甜品的馬拉糕則不過不失~因為海倫心目中最好吃的馬拉糕在樂富呢!!有機會再跟大家介紹囉~…查看更多

近年可以與廣記在聯和墟熟食中心平起平坐的，大概就只有添仔蝦餃，而且自從移至新舖位，情況就更明顯，兩店分佔扶手電梯兩旁，以往同一舖位，上幾手都是支撐不住而結業，唯獨是添仔竟然能越做越旺，奇怪！看看點心紙，的確比前幾手多選擇，今次點了蝦腸及棉花雞。蝦腸是一條過出品，蝦仁尚算爽口彈牙，但腸粉皮未夠米香，而且黏度極高，不太喜歡。棉花雞份量足，豬皮及雞件大大件，吸了雞汁後就更惹味，下次可以考慮另加一盅蒸白飯。…查看更多