影片
营业时间
今日营业
09:00 - 21:30
星期一至日
09:00 - 21:30
以上资料只供参考，请与餐厅确认详情
呢间海南鸡 同 胡椒猪杂真系出色，住系朗屏同元朗广场附近应该都会知呢间店都系经朋友带先知呢间咁出色，佢系地道平民价小店，所以卫生同服务质素都好难要求得高，如果猪杂/鸡部位有咩唔食或者海南鸡有啲咩特别部位要求店员落单前会尽量满足但唔系有求必应，算系一间好良心嘅食店！海南鸡汤米线$52海南鸡真系好有特色，鸡肉很滑而且份量都好多汤底都好浓郁，唔剩系得上汤咁简单，海南鸡配埋米线食落好顺滑，而且鸡皮唔会话太厚好油需系好爽个只，记得配埋佢黄辣椒劲好食！猪杂汤米线$50汤底有啲似胡椒猪肚汤只系配上猪杂，猪心比较多，唔食嘅朋友记得落单请要讲声，估唔到猪杂汤配米线系咁夹！
继续阅读
一间开业多年的小店，讲究的不是什么装修绰头，而是一种简单的美味。一碟深记海南鸡饭配上一碗猪杂汤，就系我每次来深记既组合。今日好好彩比左鸡脾我，鸡皮爽滑鸡肉嫩口，加葱油又得，点啲辣汁又得，一啖鸡肉一啖鸡油饭，真系几多都唔够。个鸡油饭望上去带有微微的黄色，饭粒煮得啱啱好，有咬劲之余充满油香。绝对唔可以漏左碗猪杂汤，个汤鲜甜搭上啱啱好既胡椒味，饮完一啖又一啖，入面既猪杂仲好足料，差唔多成碗都系，而且洗得好干净，一啲苦涩味都无，一碗汤好快就见底。人均都系70蚊左右，真系抵食。
继续阅读
住元朗区既人应该无咩边个唔识深记海南粉，一间细细间又少位既小店，经过多年屹立不倒，靠的都系用味道同质素嚟留住客人，平时我多数都系为左食海南鸡饭，但最近试过佢地既胡椒猪杂汤饭惊为天人，带有恰到好处胡椒既辛辣就咁饮汤已非常美味，汤亦做到非常清澈又够味，猪杂煮得够淋粉肠又无咩苦涩味，加上开胃既酸菜同幼身芽菜都配合得好好，饭依然系用上香口既油饭，最近既首选都系依款海南鸡饭依然保持水准，鸡算叫做颇为缴滑了，亦有佢地自己既signature味道多年都无太大转变，不过印像中系有跟一碗汤，但最近两次都无比到，唔知系漏左定系改左无跟汤，食海南鸡饭好多时都系为左𠮶一口简单又够味既鸡汤
继续阅读
最近见天气未去到好热，出发去屯门行山，行完下白泥后出返黎元朗揾野食。见到呢间小店好有风味，加上平时海南鸡饭见得多，海南粉都系第一次见😛本身系想试海南粉同特色胡椒汤猪杂河，奈何卖哂😅💟海南鸡捞生面$58一上枱未食都觉得d鸡应该唔错，食落真系几好，唔系好肥d皮好黄个种鸡黎。食落有鸡味，连埋皮食都唔会话好油腻，肉质食落都ok😊而个面都有惊喜，有花生、芫荽、黑芝麻同埋配埋既酱料捞埋一齐食，唔会干真真，食落有好多种口感同味道tim～个味道系夹架！💟爽口猪手胡椒汤生面$40呢个味道比较捞面就淡味返d，不过猪手肉质食落都几好😋爽口既，唔会好硬。而胡椒汤底就略嫌淡味左d，浓返d会更加好。睇返个餐牌爽口猪手胡椒汤系配米线，唔知系咪米线卖哂，所以转左生面比我地？❣小店既风味，出面比较少食到呢种味道。食野既时候都见到几多人买外卖海南鸡饭，有机会都想试下个海南鸡饭同海南粉。不过地下就唔太干净😂有d痴立立咁。
继续阅读
朗屏 深记海南粉呢间海南粉嘅口感非常之滑溜， 外观似谭仔米线， 但食落去嘅质感更加似河粉。 伴以葱花 ，酸菜，芽菜，芫茜，花生碎同埋卤肉碎， 食落非常之惹味。 再加埋海南岛嘅特产黄灯笼辣椒酱， 咸中带辣， 食完好似去咗海南岛一转咁样。 埋单42蚊碗， 以一餐食得饱嘅午餐嚟讲我觉得价钱尚可接受 。 不过老老实实，碗海南粉里面所用嘅材料都系一啲好廉价嘅食材 ，依个价钱值唔值得就见仁见智啦。
继续阅读