深記海南粉

营业中

休息中

呢間海南雞 同 胡椒豬雜真係出色，住係朗屏同元朗廣場附近應該都會知呢間店都係經朋友帶先知呢間咁出色，佢係地道平民價小店，所以衛生同服務質素都好難要求得高，如果豬雜/雞部位有咩唔食或者海南雞有啲咩特別部位要求店員落單前會盡量滿足但唔係有求必應，算係一間好良心嘅食店！海南雞湯米線$52海南雞真係好有特色，雞肉很滑而且份量都好多湯底都好濃郁，唔剩係得上湯咁簡單，海南雞配埋米線食落好順滑，而且雞皮唔會話太厚好油需係好爽個隻，記得配埋佢黃辣椒勁好食！豬雜湯米線$50湯底有啲似胡椒豬肚湯只係配上豬雜，豬心比較多，唔食嘅朋友記得落單請要講聲，估唔到豬雜湯配米線係咁夾！

一間開業多年的小店，講究的不是什麼裝修綽頭，而是一種簡單的美味。一碟深記海南雞飯配上一碗豬雜湯，就係我每次來深記既組合。今日好好彩比左雞脾我，雞皮爽滑雞肉嫩口，加葱油又得，點啲辣汁又得，一啖雞肉一啖雞油飯，真係幾多都唔夠。個雞油飯望上去帶有微微的黃色，飯粒煮得啱啱好，有咬勁之餘充滿油香。絕對唔可以漏左碗豬雜湯，個湯鮮甜搭上啱啱好既胡椒味，飲完一啖又一啖，入面既豬雜仲好足料，差唔多成碗都係，而且洗得好乾淨，一啲苦澀味都無，一碗湯好快就見底。人均都係70蚊左右，真係抵食。

住元朗區既人應該無咩邊個唔識深記海南粉，一間細細間又少位既小店，經過多年屹立不倒，靠的都係用味道同質素嚟留住客人，平時我多數都係為左食海南雞飯，但最近試過佢地既胡椒豬雜湯飯驚為天人，帶有恰到好處胡椒既辛辣就咁飲湯已非常美味，湯亦做到非常清澈又夠味，豬雜煮得夠淋粉腸又無咩苦澀味，加上開胃既酸菜同幼身芽菜都配合得好好，飯依然係用上香口既油飯，最近既首選都係依款海南雞飯依然保持水準，雞算叫做頗為繳滑了，亦有佢地自己既signature味道多年都無太大轉變，不過印像中係有跟一碗湯，但最近兩次都無比到，唔知係漏左定係改左無跟湯，食海南雞飯好多時都係為左嗰一口簡單又夠味既雞湯

最近見天氣未去到好熱，出發去屯門行山，行完下白泥後出返黎元朗揾野食。見到呢間小店好有風味，加上平時海南雞飯見得多，海南粉都係第一次見😛本身係想試海南粉同特色胡椒湯豬雜河，奈何賣哂😅💟海南雞撈生麵$58一上枱未食都覺得d雞應該唔錯，食落真係幾好，唔係好肥d皮好黃個種雞黎。食落有雞味，連埋皮食都唔會話好油膩，肉質食落都ok😊而個麵都有驚喜，有花生、芫荽、黑芝麻同埋配埋既醬料撈埋一齊食，唔會乾真真，食落有好多種口感同味道tim～個味道係夾架！💟爽口豬手胡椒湯生麵$40呢個味道比較撈麵就淡味返d，不過豬手肉質食落都幾好😋爽口既，唔會好硬。而胡椒湯底就略嫌淡味左d，濃返d會更加好。睇返個餐牌爽口豬手胡椒湯係配米線，唔知係咪米線賣哂，所以轉左生麵比我地？❣小店既風味，出面比較少食到呢種味道。食野既時候都見到幾多人買外賣海南雞飯，有機會都想試下個海南雞飯同海南粉。不過地下就唔太乾淨😂有d痴立立咁。

朗屏 深記海南粉呢間海南粉嘅口感非常之滑溜， 外觀似譚仔米線， 但食落去嘅質感更加似河粉。 伴以蔥花 ，酸菜，芽菜，芫茜，花生碎同埋滷肉碎， 食落非常之惹味。 再加埋海南島嘅特產黃燈籠辣椒醬， 鹹中帶辣， 食完好似去咗海南島一轉咁樣。 埋單42蚊碗， 以一餐食得飽嘅午餐嚟講我覺得價錢尚可接受 。 不過老老實實，碗海南粉裏面所用嘅材料都係一啲好廉價嘅食材 ，依個價錢值唔值得就見仁見智啦。

食食食食食，日日都出去食，真係唔知去邊度食好 ╮(￣▽￣"")╭ 好啦，經過呢度好多好多次，但鑒於見到佢嘅門面比較細，同埋如果無位就要坐出去門口，雖然有好多人推介，但我遲遲都未有機會試。 今日，終於要試一試呢間好多人推介嘅海南雞飯。 我自己就唔係咁「好」海南雞飯，於是我就揀咗佢哋嘅原味豬手麵。 我朋友嘅海南雞飯($48)我梗係唔執輸，都偷偷試味，佢哋嘅油飯唔特別重口味(有啲舖頭整得好咸)，啱我心意！咁啱佢仲俾咗雞髀🍗我哋添，開心🥳。 我嘅豬手麵($50)感覺好重骨膠原，有少少胡椒味，啲豬手炆得好淋，正！我一定會再嚟encore。 P.S.: 舖頭細細間，有好多人排隊。要坐入面就要等吓。

好耐都無岀食評，因為收工已經無左堂食😣今日突然間4點收得工，仲有時間可以去食個飯🤤二話不說去食我最愛既海南文昌雞飯❤️文昌雞飯配例湯 $48我仲加左$20要多一碗豬雜湯作為半個海南妹既我～文昌雞可以話由細食到大😎我心目中最好食既雞，沒有之一。係香港，可以令我覺得係好味嘅文昌雞真係唔多，一隻手都數得晒。深記既文昌雞係我食完會不停翻桌兼成隻買返屋企既雞！ 雞既份量一d都唔算，都有十數舊 文昌雞最緊要係食層皮！雞皮爽滑，無乜皮下脂肪（最憎啫喱狀既雞油），肉質鮮嫩有咬口，雞有雞味！再點埋桔汁，更能帶岀鮮甜！海南島式嘅雞飯同新加坡嘅雞飯最大嘅唔同係，佢淨係雞油+飯，無其他香料，米飯帶有淡淡既雞油香，一啖雞肉一啖飯，滋味無窮。至於豬雜湯，非常足料，主要材料有豬肚豬脷粉腸，豬雜洗得乾淨，無騷味，仲煮到很軟淋，湯底都幾重胡椒，仲加咗少少鹹菜是增添層次。加20蚊就有一碗咁足料嘅豬雜湯，我覺得十分性價比高。餐廳另外仲有海南撈粉，都係好好食，不過今次我就食唔落，所以冇嗌到，以前食過幾次，係真係幾唔錯嘅，大家有興趣都不妨試下。

朋友係海南人 見到報道話香港都有海南粉食😃懷住興奮又期待既心情去試下諗住食返海南島既情懷.‼️值得注意‼️深記有2間分店一間元朗廣場附近一間大坡坊得元朗廣場嗰間有海南粉食‼️唔好去錯.餐廳環境比較簡單 大約一百呎 得幾張枱係走貼地平民路線.叫完一碗海南粉店員就上咗碗湯清清地 似係胡椒豬肚湯既淡味版.海南撈粉 $40朋友話同佢以前喺海南島食既唔同佢嗰邊既醬汁唔係咁同埋材料係爆香哂可能係地區唔同 做法唔同🤔而作為第一次食海南粉既我就覺得都幾好食個粉好滑 雖然有啲痴埋一舊但都算唔錯 可以一試🤣

素聞去海南島 海南粉絕對必吃 得知深記海南粉正宗 加上近日有網友介紹😂特地入元朗一試 呢間街坊小店 客人甚多$65 海南雞粉餐 試晒 海南雞 海南粉海南雞可能用上海南特產文昌雞 肉質嫩滑雞皮爽脆 雞味甚濃 味道相當唔錯 👍海南粉用上精米薯粉發酵而成 味帶酸 彈而滑 加上大量配料 (芫茜/荀/酸菜/芝麻/芽菜/肉絲 醬油 麻油 ...)稍作拌勻再食 層次豐富 每啖味道都唔一樣食得辣 可加海南名物 黃色燈籠椒醬 更加惹味連凍飲埋單 $69 呢餐算係抵食好食 😋

最近先知原來呢間深記海南粉好出名睇落唔係太起眼因為冇咩特別裝修位置喺元朗廣場麥當勞對面聽人講話係正宗海南雞於是就試吓果然真係好好食我唔識分係唔係正宗但啲雞真係好入味海南粉嘅口感好豐富有好多配菜(正😆)堂食環境感覺一般我每次都係外賣✿凍奶茶沖得好好飲跟海南雞飯個湯都好正

垃圾海南雞飯，價錢50蚊包例湯。成盒飯竟然得雞骨同雞皮，得雞翼尖同埋雞骨位？個雞鎚同中翼比你地食左呀？依d下欄位係比人食嫁？我叫海南雞飯，唔係海南骨飯呀。燒味店28蚊切雞都好過依間。你地做飲食有冇良心嫁？收工已經攰，諗住食飽肚就算，唔求你質素高。仲要谷氣又肚餓。如果有人想叫外賣，你真係諗清諗楚，幫襯依間垃圾姐係縱容佢既經營手法。佢地會不停將賣唔去既廚餘打包比下一個客人，受傷人越來越多。

心思思好想食海南粉，係香港第一次食到係海南粉既粉，熟悉既口感同味道。海南粉最重要既滷汁，做得好出色。係食得最似既一碗海南粉。朋友食一客海南雞飯，油飯色澤幾好，味道缺左啲雞味。朋友就係好評，食到舔舔脷～仲有佢地既凍咖啡，同海南既一樣😋😋不過衛生就麻麻，好多蚊，快快脆脆食完就走，影響不大。

我家里人是海南文昌的 这家的海南腌粉真的太正宗了！在香港居然可以吃到实在有点儿喜出望外。如果再有那种汤粉就更好了。海南鸡也非常正宗 不是香港的那种加了姜黄的鸡 真正的海南鸡就是这种淡黄色的脆皮 下面的泡菜也非常爽口，鸡饭也好好。唯一不足就是粘料 要是有豉油沙姜葱香菜蒜辣椒和酸橘子的那种就更正宗了！感谢老板做出这么正宗的海南小吃啊！我专门从港岛过来吃的 觉得不虚此行 希望小店的生意红火 可以让更多的人认识海南的小吃！

住喺元朗嘅朋友話俾我聽元朗有一間食海南雞係好出名叫深記好日都唔嚟元朗嘅我咁啱今日嚟到元朗約咗朋友但係未夠鐘一條友唔知食乜好咁啱醒起朋友講過一於去搵食坐低餐牌都唔使睇即刻叫咗個海南雞飯好快就上枱碗飯好大碗又有油香好入味反而海南雞嘅數量就少咗少少但係都好好食煮得好腍雞肉亦都好滑身食得出唔係Hea煮時間控制得啱啱好唔會太老，又唔會太生薑蓉亦都好出色薑同葱同油嘅比例啱啱好唔會油多過薑淨係薑蓉都已經可以撈飯但係如果加埋一碗湯就好啦

呢間老字號海南雞，已在元朗屹立多年，有不少街坊都常幫襯，包括我自己在內。海南雞飯套餐$45，有湯，有油雞。湯重胡椒味，雞白白的，夠滑，但嚴佢骨比較多。油雞粒粒分明，好香口。加杯凍飲要$4。店內座位少，比較窄。如果坐外面，望落環境有少少污糟。個人感覺評分：食物味道 - 7/10食物賣相 - 5.5/10餐廳環境 - 3.5/10店員服務 - 5/10性價比 - 8/10可以一試。夠飽肚，而且$50內吃到海南雞也不錯的選擇。