深宵食堂 (已結業)

放工食野，叫左少少野食！簡單寫下食後感芝士年糕 ($38) 芝士年糕平時放題通常都會叫，但都比較油膩，呢度既係燒唔係炸，無咁熱氣。年糕面脆脆，加上濃濃既流心芝士內餡，好味道推介 一口牛 ($68) 一口牛份量唔算多，只得兩串。不過牛肉粒肉質嫩，調味適中，燒得好香，兩串簡直唔夠喉 芝士蟹肉玉子燒 ($78) 店員用茄汁寫上"深宵"二字，賣相好吸引 ,蛋好滑，加上流心芝士，一碟好快已被蛋控既我掃光光 軟殻蟹沙律 ($68) 上菜時候有點驚訝，軟殻蟹份量頗多，炸得好香口，配上清新既沙律菜，食完串燒再食都不覺得油膩

一早約左家姐攞手信 實行掉低老公ss 二人的浪漫。佢剛剛先在日本旅行完 就話掛住日本野食 正一日本忠實粉絲。湊巧前幾日聽同事提起厚福街有間深宵食堂 openrice見佢好多笑哈哈 早幾日已經訂左枱。深宵食堂 環境好配合佢的稱號 因為六點半去到 燈光已經係昏昏暗暗的 簡潔企理 原來仲有室外座位 正喎。可惜我感冒纏身 今日天氣又凍返 我都是坐室內吧。室內仲有吧台 卡位 餐廳內播著耳熟能詳的流行歌曲 感覺輕鬆。之前睇左好多食評 一心諗住食燒物 燒物款式好多好吸引 可惜我喉嚨痛又感冒 家姐話都是戒下口好點。 點了四樣食物。手打烏冬配料有 紫菜 粟米粒 日本魚片 烏冬好彈牙 豬肉半肥瘦 好嫩滑 配埋豬骨濃湯 好香 又夠熱辣辣 正！ 深宵薄餅 一上枱 木魚絲已經向我揮手 好香。睇落已經覺得好足料 入面有紅蘿蔔 煙肉 芝士 仲有綠色的的蔬菜 好像係椰菜。口感好豐富 有蔬菜的爽口 煙肉脆脆地 再配上軟綿綿的薄餅 甜甜的燒汁 delicious!!!原隻燒巨菌 （唔聽話的我 點都要叫一樣燒物）特大啡蘑菇 燒起來原來都好清甜 簡簡單單配上海鹽木魚絲 味道不錯 不過可能菇菇太巨 有

想好好慰勞一下自己工作努力，這天約了朋友吃餐好的， 揀了深宵食堂, 雖然不是地鋪, 但有個廣告牌，好眼力的話不算難找到，我們只花了一點兒時間去搵，哈哈。餐廳內播著MV，燈光稍暗，是一般西日風格，聚會的好地方。可能我們來的時間尚早，客人不多，但過了不久就滿了，還看到有人要等位，可見得這裡是頗受歡迎的，之後人多了有點嘈吵，如果想靜D可以出去露台坐(如果天氣暖一點的話)。首先吃番茄蚧肉沙津($58), 食串燒/炸物，無論如何也有點熱氣，所有要吃點新鮮蔬菜，一來減少熱氣, 二來可以減少食太多肉，這個沙津不錯，可惜我地食左少少先影相，影得不好。芝士焗虎蝦配黑松露帶子($128), 一上菜就香氣四溢，黑松露的香加上芝士香，碟一放下我就立即夾帶子來吃，整隻帶子在口中，感到好滿足，好好味但價錢也不便宜><。芝麻雞翼($48)，看上去以為炸得好乾，但吃上去又幾多汁，不錯。煙肉蠔卷($38),這個十分好吃，煙肉的咸味包住蠔肉的鮮味，很好吃，一串3件，我食得太慢所以只吃了一件，另外兩件就被人吃了，執輸左。 豚肉露筍卷($28), 我好鍾意食露筍, 外面甜甜的汁令這卷加分，不過朋友就唔鍾意食甜

呢幾日天氣突然凍左好多,即刻想食燒物黎暖暖胃!聽聞呢度串燒好吸引,所以約朋友黎左呢度.入到黎, 有個電視播住K歌,,好RELAX.見到係有分室內同室外,,見到室外個FEEL應該幾正,但係天氣太凍,,今次先坐室內先.不得不讚芝麻雞翼,熱燙燙是基本,最重要係夠汁,不會乾身!同埋上枱時已經香味濃郁!廣島蠔又係推介!大大隻,肥美!!D炸粉唔會好肥,,食兩件都仲得~貪得意想試下個煙肉荔枝卷,,第一次試呢款,係有驚喜!咸後有甜~而且texture好大衝擊感..必試~呢個芝士蟹肉玉子,,無得輸..職員俾我地影完相, 就幫我地切埋~係熱溶芝士黎架!...一定要襯熱食~深宵薄餅都幾特別,,第一次食薄餅係有個脆脆底,類似係炸脆條條咁..增添咬口,,,呢碟好快清哂!全部都好有驚喜!軟殼蟹沙律..雖然味道比較平凡.但食完炸物,總有清新既調劑品~~

常要加班的好友素來難約，這天正好找到一家營業至夜深的餐廳，等到好友9:00下班再吃晚餐也可以慢慢聊天呢 <3天公不造美，與好友相約當天正好下著傾盤大雨，無法坐到露天的室外雅座，整家店的坐位也少了一半.，要是天氣好的話露天位置感覺更開揚更適合暢所欲言！室內以黑色為裝潢主色，燈籠造形的燈罩很有風味。煙肉荔枝卷邊沿烤得微焦的煙肉卷著白玉般晶瑩的荔枝肉，一口一顆感覺飽滿的荔枝在口中爆開，Juicy之餘又與煙肉的咸香相映成趣！芝心蝦多士有別於普通蝦多士，這裡的蝦多士兩邊沾上滿滿的脆芝麻(真的無空隙)，多士中間是半融芝士。小小一件，有芝味、麻香還有蝦膠鮮味，口感味道同樣豐富！豚肉露筍卷微泛油光的豚肉卷著露筍，單看賣相已經流口水！豚肉切得薄薄的再略為煎香，剩下的油脂不會太多，配上鮮嫩清爽的露筍，有肉有菜平衡又美味！芝士白汁焗烤菇本以為是小小一碟焗雜菌但上桌的竟是巨型原隻磨菇，磨菇上是煙肉加烤芝士再灑上蟹子。磨菇雖然烤過外表看似乾身，但輕輕切開後內裡仍然軟身還極多汁，菇味香濃沒有被芝士味蓋過，食材處理得很好的一道菜！芝麻雞翼吃燒物怎少得外皮炸得焦脆的雞翼？熱熱的咬下，肉汁都被鎖在雞翼內，肉質嫩

之前呢男朋友想食串燒，咁我就上網搵左一間係尖沙咀厚福道叫做：深宵食堂既餐廳…然後我就偷偷地賣關子帶佢去呢間餐廳。我地去到呢間深宵食堂環境好寧靜， 傾計好舒服而且有一定的人流享受緊晚餐。我同男友都覺得個氣氛好浪漫，男朋友仲好開心好驚喜。 我地急不及待叫野食，細心既男友發現餐廳每張枱既枱面都放住兩包“蔥蒜或酒後必備既香口珠“，為客人設想的確係一間好貼心既餐廳！ 大家吾洗怕餐後會有口氣..事不宜遲介紹下: 芝麻雞翼，四隻大大隻芝麻雞翼好吸引。呢度既芝麻雞翼真係好多芝麻係外層，同一般的炸雞翼吾同。外層炸得香口而且重芝麻味，但入面肉質鮮嫩。中意食雞翼既朋友一定要試一試呢個芝麻雞翼，有你意想不到既味道！ 之後要介紹既係：豚肉露筍卷。呢道菜入面有嫩綠既露筍，再用豚肉包住喺出面。 金黃色的豚肉卷，配清新既蘆筍。出乎意料既夾！因為 一d都吾油膩，仲好fresh。細細卷又易入口！ 之後就介紹一個黑松露牛油帆立貝(用鐵板上)四粒帆立貝粒粒都係好大粒，而且每一粒上面都有吾少分量的黑松露。用鐵板上夠熱，面頭仲有一塊大牛油係中間。香噴噴既黑松露味就係趁牛油仲熱沾滿每粒帆立貝。

好凍好凍，今日只有三度，咁就要食好野對個胃好啲啦。黎左深宵食堂食晚飯，剛睇完深夜食堂嘅電影，或多或少都係為左咁而黎。芝士蚧肉玉子叫了招牌野嘅玉子卷，店員有禮貌地問要不要拍照，哈哈，相機食先嘅年代，影完相就幫我地分成六件。內裡有芝士和蚧肉，質感很水很淋，跟想像中差距甚遠，芝味香濃但可惜有軟骨，食的時候兩次刺到口，失望了 燒雞腎香味什强呢，雞腎咬落喔喔脆，好食。露筍豚肉卷露筍多汁，豚肉嘅油脂包住露筍，甘香而不膩，正。煙肉荔枝卷荔枝香甜，煙肉咸香，軟綿綿嘅荔枝碰上硬身嘅煙肉，口感同味道上形成強烈嘅對比，咬落爆汁，又咸又甜，好正 燒白鱔肥美白鱔人人愛，燒得皮脆肉滑，好味好味。飲下野，吹下水，不亦樂乎～整體食物水準不錯，店員亦有禮貌，最搞笑係店內大電視播左一晚Eason的MV，作為Eason fans的友人聽得很高興，不過作為一間日式食店好像有點奇怪呢～

今日下晝同埋個同事經開尖沙咀做野，同事就介紹左個餐廳，佢平時係呢間餐廳食開串燒做宵夜既！佢唔知有冇得食午時，我地就走去厚福街睇睇！我地到左藍馬大廈5樓，名叫深宵食堂！估唔到都有做午市！所以無慮即決我諗唔到商廈都有露台！仲供應左座位比客人選擇！今次我地坐室內！環境不錯！我地就叫左份燒冬菇！一份四件！每隻有3.5寸咁闊！菇唔會燒到乾爭爭！味道香濃之後叫左個芝士翠肉瓜，2樣看似普通的食材，但放在一起的時候！卻變得不普通，芝士溶溶地在翠肉瓜上，翠肉瓜香甜清爽！芝士表層燒到點點焦！賣相更吸引再黎左份芝士焗虎蝦配黑松露帶子！虎蝦彈牙爽口，屬新鮮貨色，另外黑松露甘香，帶子大大粒！但有少少乾！亦叫左一份燒羊架，細心地已切成細份，唔使用手食！醬汁供應了芥末沙津醬和薄荷醬！羊架一點都唔(蘇), 怕(蘇)而唔食羊既朋友絕對可以一試！最後叫了日式雞炒手烏冬打！醬汁非常惹味香濃！放了大量椰菜和菇類，盡吸醬汁精華烏冬有口感彈牙！用餐後，餐廳提供除口氣清涼香口珠！認真窩心！侍應服務良好，不段為客人加茶！值得一讚！

這次跟朋友一起去品嚐日本串燒餐廳環境舒適 還貼心準備了薄荷糖予客人於用餐後服用這份一口鱔肉質嫩滑 可見師傅能控制好火候而且燒汁甜甜 令人更為開胃一口牛為推介之選 肉質軟身 而且調味入味這芝士蟹肉玉子使我甚為期待因為是由我最喜歡的食物所製成切開後半溶芝士慢慢流出 味道鮮甜惟以二人用餐的份量而言 會易飽滯 青蘋果梳打則味道較為甜

這夜和朋友尖沙咀行開街，順便食埋飯先走。一直都好想試下呢間位於「厚福街」的深宵食堂，所以就決定試下。先來一串燒雞軟骨（$28/2串），雞軟骨微微燒香，帶點香脆口感，咸香味足。日式一口雞（$58）配以沙律醬，雞肉鬆脆嫩滑。芝麻雞翼（$48/4隻）外面鋪滿芝麻，吃上來啖啖芝麻香。雞翼肉質嫩滑，調味得宜，絕對是我的首選。有著「深宵」兩字的芝士蟹肉玉子燒（$78）賣相非常吸引，內層是芝士蟹肉，芝士味道雖不太突出，但仍鮮味美味，惟欠奉流心效果。 麻辣牛脷石窩飯（$68）上枱熱辣辣，味道香口。這個麻辣程度實屬小兒科，但頗為惹味，牛脷不韌。日式炒牛手打烏冬（$38）份量不算很多，烏冬質感煙韌彈牙，配以牛肉和野菜多菜小肉的配方，感覺清新健康。 

早就想來深宵食堂一試，但這還經常滿座，不喜歡排隊的我們，就找了個平日較晚的時間去。門口張貼了不少報章雜誌的介紹手打烏冬的是我喜歡的烏冬質地，質地滑得來有咬口，比自家烏冬有過之餘無不及。而這肉的味道也入味，但我不算太喜歡這種半肥瘦肉的關係，還是烏冬比較吸引我。雞翼是我最愛之一，外層炸得香脆，而內層仍能保存肉汁。最重要的是雖然它是炸物，但不會有油膩感，不會一咬就整口油。炸的時候，溫度和時間的掌握都很好。放了一會兒吃，仍然吸引。芝士年糕上碟就幫我們分切了，十分貼心，可以一口咬，不會怕弄得很狼狽。年糕的外層微脆，內層芝士是比較流質的類型，芝直味也十分濃。重頭戲來了，友人很期特的一口牛。雖然這的價錢偏貴，但果然一分錢一分貨。外層燒汁和牛汁微妙的搭配，加上肉質非常鮮嫩，內層肉還有少許嫩粉紅。吃完一口接一口，吃完仍有意猶未盡的感覺。看名字好像比較奢侈的黑松露凡立貝，性價比頗高。凡立貝質地與上面的都一樣嫩滑，而黑松露更能引出凡立貝的鮮味。牛油，燒味，黑松露的搭配令凡立貝更錦上添花。到了小甜點的時間，日本蕃薯仔味道很甜，亦燒得足夠，不會硬硬的。菠蘿一進口就冰冰的，幸好我沒有敏感牙齒😂但冰冰的與先前熱騰騰

朋友睇左上次推介篇深宵食堂，今日經過尖沙咀見到有間係附近，就提議陪佢試下。上次食過都幾好， 所以就諗都無諗應承左。 尖沙咀依間食堂比較寬敞， 分室內同戶外兩部份， 室內燈光昏暗， 走日式格調居酒屋路線， 室外則走自然路線， 適合大伙兒派對聚會。今晚天氣暖番少少，但同朋友都坐係室內。 由於我已經食過一次， 所以今日主要叫些新菜式。小食之選銀雪魚條由細到大就食得多，燒到脆卜卜既就第一次食！ 一杯裝既燒銀雪魚條， 咬入口鬆脆可口， 濃厚既魚香味佈滿口腔，作為餐前小食真係超級開胃！ 海鮮之選先點左個黑松露帶子煎鵝肝， 一碟各有帶子同鵝肝兩件， 由於怕凍左會腥，所以即刻向件鵝肝下手。 鵝肝夠哂大件， 咬落鬆軟甘香， 油而不膩， 咬開見到入面緊緊熟， 可見師父有一定功架。 之後上既八寸蒜蓉大虎蝦， 蝦肉新鮮扎實，一點兒都唔覺梅， 蝦肉好易離殻， 配埋燒香左既香蒜，口感一流！ 主食之選再嚟就係芝士翠肉瓜同蒜片牛柳。 翠肉瓜本身無味， 配上半溶芝士同特製味粉就有另一番風味。 蒜片牛柳配有濃香蒜味，牛柳多汁肉嫩， 一啖瓜一啖肉，平衡下唔會咁易滯。 番炒之選

今天到尖沙咀逛完街，就周圍找地方吃晚餐，看見深宵食堂這間店的名很特別，於是決定去試試。 我和朋友要了不同的菜式，印象深刻的菜有深宵薄餅和芝士年糕。 深宵薄餅是招牌菜，薄餅的餡料十足，裏面有蝦粒、八爪魚粒、洋蔥……上層伴有大量的木魚絲，酸甜的燒餅汁和沙律醬，底層有香脆的炸拉麵做餅底，吃進口中，一脆一軟的口感很惹味，值得品嘗。 芝士年糕(三件)，上碟時已經一開二，外面的年糕軟軟綿綿的，裏面的芝士熱辣辣，芝士味道剛剛好，適合香港人口味，不是超鹹那種，好食到我食完一碟再叫一碟～總括黎講呢間餐廳的食物水平都很不俗，食得我同朋友都好開心

最近一直在TST 工作。在 tst 附近覓食今次放工黎到嘅係呢間以串燒為主打的小店餐廳位處商廈裡面位置就相對隱蔽.，坐得幾舒服。講到食串燒，深宵食堂評價一向 ok芝士蝦球油炸嘅蝦球芝士味濃郁，不過蝦味略嫌不足。幸好同沙律醬好夾，挽回不少分數。芝麻雞翼 無炸漿係外皮咬落乾身香脆，皮內肉質鮮嫩，雞皮又香又薄又脆，一咬落去好雞汁流出來，雞皮金黃，少少焦好味啊！玉子燒，這個玉子燒內是半溶芝士，芝士後中流出。吃到淡淡蛋香味，混合芝士味, 濃烈芝士混合雞蛋的味道一流口感。燒汁白鱔 $78/1串鱔肉嫩滑甘香，外皮燒到脆卜卜少少焦..燒汁好好味

因為日本電影「深夜食堂」，令我成日都想試試呢間深宵食堂。今晚終於試到啦。小食選擇特別多，但我地得兩個人，唔揀得太多。  軟殼蟹沙律 成日都好怕炸物油淋淋，不過呢個軟殻蟹一啲都唔油膩，唔會咬到成咀都係油既感覺，加埋卜卜蟹子，贊。  再配上沙律菜車厘茄 感覺清新不油膩。汁燒帆立貝 跟住上左帆立貝，鐘意佢地個汁，甜甜地，但唔知係咪大粒既關係，好似有小小過熟，un左小小。 但味道鮮甜搭救 一碟有四大粒 抵食。蒜茸大虎蝦 一上枱未食已經聞到香噴噴既蒜茸味，大蝦唔會燒到乾身 恰到好處，鮮甜蝦味濃 蝦頭仲有膏 。  川式茄子 淡味既原隻茄子配上香料，味道即時變得惹味，辣辣甜甜，同平時既川味唔同，茄子肉燒到夠晒軟林林。  芝士蟹肉玉子 賣相已經好吸引，切開裡面充滿芝士，蛋夠厚夠滑，雖然食唔到啖啖蟹肉，但入口可食到蟹肉既味道。 玉子愛好者 必試。好彩我同朋友早去食 一到八點近乎全院滿座 下次要約多點朋友 試多幾款燒物先得。